Yawˇlaˆ 2
2
Sahˬpaˬ Miˬyehˇ-euˬ aˇ nah keuˆ le luꞈ meh.
1Miˬyehˇ-euˬ Ziˇoˬ gawˬ jawˬ-ahˇ,
muiˬ-eu shawˇ-eu gawˬ jawˬ kʼoeˇ-ahˇ,
daˇ heh baw-awˇ laˆ luiˬ nehˬ-awˬ.
Yuˇdaˆ tsawˇ haˬ yaw dzuˬ dzuˬ-awˬ.
Sahˬpaˬ Miˬyehˇ-euˬ aˇ nah kʼoeˇ,
yaw kawˇ ma-ehˇ keuˆ le luꞈ meh.
2Aˇ nah kʼoeˇ nah zahˇ dui dui-awˇ,
juˬ kʼoeˬ tmˬ-awˇ naˆ dui dui meh.
Gawˬ jawˬ kʼaˬ naˆ naˆ-eu loꞈ-ehˇ,
nyehˇ bahˇ baˬ maꞈ laˇ gʼeh laꞈ meh.
Kʼoeˇ naˆ naˆ-ehˇ gʼeh-eu gaˇ kawˆ,
aˇ hu keuˆ le-euˬ maˬ jaˆ-ehˇ,
aˬ kaˇ maˬ paˇ keuˆ le haw-aˇ.
3Miˬ dzaˬ puiˆ dzaˬ jiˇ-euˬ loꞈ-ehˇ,
aˇ bawˇ kʼaˇ ngeuˇ-eu dzaˬ jiˇ-awˇ,
aˬ yawꞈ maꞈ iˇ luꞈ-eu mehˬ hu,
Eˬdeˬ yaˇ kmˇ loꞈ-ehˇ muiˬ kʼawꞈ,
aˬ yawꞈ maꞈ iˇ dzeuˇ-euˬ naˇ kʼah,
kʼaˇ shuiꞈ deh yaˇ pyeuꞈ jiˇ-eu meh.
Tiˬ jeˬ-iˬ maˬ dzeuˇ-iˇ nya-a.
4Nyehˇ bahˇ kʼoeˇ deuˬ mahˬ-ahˇ duˇ-awˇ,
guiˇ deuˆ-eu mahˬ cehˆ gaˇ duˇ meh.
5Gawˬ jawˬ-ahˇ tsawˬ tsawˬ-ehˇ cah ngeh,
mahˬ laˆ lawˬ-euˬ teˇ saˇ loꞈ-ehˇ,
shoe loe shuiˇ luiˇ-ehˇ mahˇ laˇ-awˇ,
jaˆ gaˆ miˬ dzaˬ puiˆ-eu loꞈ-ehˇ,
toeˆ toeˆ tawˆ tawˆ-ehˇ mahˇ-eu meh.
Guiˇ deuˆ-eu lehˬ hmˬ dah taˬ-euˬ,
guiˇ maꞈ maꞈ ma tiˬ maꞈ loꞈ-ehˇ,
aˬ yawꞈ maꞈ yawꞈ cehˆ taˬ-euˬ meh.
6Aˬ yawꞈ maꞈ dawˬ peh oe peh ngeh,
yawˬ gʼaˬ na luꞈ guˆ dui dui-awˇ,
baˬ ba-ahˇ shiˬ maˬ paˇ dahˬ meh.
7Guiˇ huˬ loꞈ-ehˇ coeˬ ahˇ leꞈ-awˇ,
yehˇ loꞈ-ehˇ meuˬ lahˇ daˆ doˆ-awˇ,
kʼoeˇ paw heu paw maˬ iˇ ba ni,
mehˬ hu dawˇ coe ni iˇ-eu meh.
8Tiˬ mawˇ tiˇ mawˇ maˬ tahˬ tuˆ ni,
yawˬ iˇ gaˇ ma yawˬ ha baw-awˇ,
guiˇ daˬ daˬ-euˬ coeˬ paˆ doˆ-awˇ,
tiˬ jeˬ-iˬ maˬ laˆ naˬ nya-a.
9Meuˬ-ahˇ aˬ yawꞈ maꞈ yoeˇ tehˬ-awˇ,
meuˬ lahˇ kʼoeˇ taˆ cehˆ tsehˆ gʼeh-awˇ,
nymˇ kʼaˇ jaˆ gaˇ daˆ keuˆ leˇ-awˇ,
smˇ kʼoeˬ tahˇ joe oe-eu loꞈ-ehˇ,
laˇ gʼoˆ zaˬ-ahˇ uˇ-iˇ-eu meh.
10Aˬ yawꞈ maꞈ mehˬ hu paw le ngeh,
miˇ tsaˬ tahˬ kʼawˇ miˇ luˆ luˆ-awˇ,
mˬ nyeh nyeh-ehˇ pyeuꞈ laˇ-eu meh.
Nahˇ ma ba la zahˇ-iˇ jiˇ-awˇ,
aˬ guiˇ yaw shehꞈ maˬ paˇ bya meh.
11Sahˬpaˬ Miˬyehˇ-euˬ guiˇ maꞈ-ahˇ
Sahˬpaˬ Miˬyehˇ dawˬ biꞈ nehˬ ngeh,
mˬ jeˬ tsawˬ tehˆ tehˆ gaˇ duˇ meh.
Yawꞈ-euˬ ehˇ dawˬ geuꞈ-eu guiˇ maꞈ,
myaˬ dui dui-awˇ baoˬ huiˬ-eu meh.
Sahˬpaˬ Miˬyehˇ-euˬ aˇ nah-aˬ,
guˆ dui dui laˇ paˬ-ehˇ gʼeh-awˇ,
tiˬ gʼaˬ-iˬ maˬ dzeuˇ-iˇ nya-a.
Iˬ baˇ noeˬ poˆ-awˬ lehˇ kuˇ-eu
12Nymˬ-mˇ SahˬpaˬMiˬyehˇ ehˇ-eu, “Naw maꞈ nui ma laꞈ kʼoeˇ keuˆ ni,
naw maꞈ-euˬ iˬ baˇ noeˬ poˆ-awˇ,
maˬ dzaˬ-eu zahˇ jahˇ-eu laꞈ kʼoeˇ,
nui noeˬ shaˬ-awˇ ngoeˇ-eu laꞈkʼoeˇ,
ngaˇ jawˇ gaˇ paˇ gʼoꞈ kʼoꞈ laˇ-awˬ.
13Mehˬtsoeˬ gʼeu paˆ gaˇ ngaˇ maˬ haw.
Naw maꞈ noeˬ shaˬ-eu mawˇ laˇ ni,
nui ma tsawˬ paˆ-euˬ byaˬ laˇ-awˬ.”
Sahˬpaˬ Miˬyehˇ pyeuꞈ-eu Miˬyehˇ
jawˇ paw naw maꞈ gʼoꞈ kʼoꞈ laˇ-awˬ.
Aˬ yawꞈ gʼawˬ shaˬ gaˬ-eu byah-awˇ,
nui ma oˇ oꞈ coeˇ-eu uˬ taꞈ,
saˇ jaˇ dzaˬ taˬ-euˬ maˬ puiˬ-ehˇ,
aˬ myah luꞈ iˬ baˇ pyehˬ nehˬ-awˇ,
maˬ kʼehˬ maˬ kʼaˆ ni byehˇ-eu meh.
14Naw maꞈ Miˬyehˇ Sahˬpaˬ Miˬyehˇ
nui ma noeˬ paˇ leˇ-eu baw-awˇ,
naw maꞈ-ahˇ guiˬ lahˬ biꞈ nehˬ-awˇ,
dzaˬ la gʼo cehˇ bi za le naˇ,
aˬ gaꞈ dzaˇ uiˇ hawˇ-eu cehˇ deuˬ,
aˬ yawꞈ-ahˇ naw maꞈ damˬ nya meh.
15Ziˇoˬ gawˬ jawˬ uˬ du jawˇ-awˇ,
daˇ heh teˇ saˇ baw gaˬ nehˬ-awˬ.
Maˬ dzaˬ-eu zahˇ jahˇ-awˇ lah-awˇ,
miˇ kʼahˬ zaˬ uiˬ laˇ ni kuˇ-awˬ.
16Tsawˇ haˬ dawˬ tawˆ luꞈ kuˇ uiˬ-awˇ,
muiˬ-eu shawˇ-eu baꞈ dzah dzah-awˬ.
Tsawˇ mawˬ, zaˬ guˬ dawˬ tawˆ hawˇ-eu,
aˬ coeˇ dawˇ zaˬ deuˬ kʼawꞈ kuˇ-awˬ.
Sheuˬdahˬdzaˬ-euˬ tiˬ dehˬ pyeuꞈ-eu,
miˬ zaˬ yo zaˬ yaw shuiꞈ deuˬ kʼawꞈ,
tiˬ gʼaˬ-iˬ taˬ bi jawˇ tehˬ yaꞈ.
17Uˬ duˬ tahˬ nymˇ lahˇ kʼehˬ hawˇ-eu,
lawˇ duˬ-euˬ yaw kaˬ-ahˇ jawˇ-awˇ,
Sahˬpaˬ Miˬyehˇ-euˬ gaˇ mˇ-eu,
piˇ ma kʼoeˇ deuˬ ngoeˇ-eu laꞈ kʼoeˇ
heu loꞈ-ehˇ guiˬ lahˬ shaˇ nehˬ-awˬ.
“Sahˬpaˬ Miˬyehˇ nawˬ-ahˇ shaˇ ma.
Nawˬ-euˬ tsawˇ haˬ-ahˇ taˬ byehˇ laꞈ.
Aˬ cawˬ tsawˇ jeuˬ deuˬ nga maꞈ-ahˇ,
‘Aˬ lehˬ, naw maꞈ-euˬ Miˬyehˇ’ lehˇ,
cehꞈ lehꞈ ka-awˇ ja bu laˇ gaˇ,
taˬ bi daˬ nehˬ laꞈ” lehˇ shaˇ-awˬ.
Miˬyehˇ neh miˇ tsaˬ bi muiˬ poˆ laˇ-euˬ
18Kʼoeˇ naˇ, aˬ yawꞈ-euˬ miˇ kʼahˬ-ahˇ,
Sahˬpaˬ Miˬyehˇ nui ma jaˆ-awˇ,
aˬ yawꞈ-euˬ tsawˇ haˬ deuˬ-ahˇ kʼawꞈ,
gʼawˬ shaˬ paˇ gaˬ poˆ nehˬ-euˬ meh.
19Aˬ yawꞈ maꞈ-ahˇ aˬ yawꞈ ehˇ-eu,
“Cehˇ, aˬ gaꞈ dzaˇ uiˇ, saˬ loˬ tsiˇ,
heu deuˬ naw maꞈ-ahˇ ngaˇ biꞈ-awˇ,
nui kʼahˇ tiˬ shiˇ bi dzaˬ dehˆ ma.
Aˬ cawˬ tsawˇ jeuˬ deuˬ naw maꞈ-ahˇ,
yehˬ bawˬ-ehˇ maˬ paˇ bi gʼeh ma.
20Kʼoeˇ taˆ paw neh zaꞈ ka le-euˬ,
nyehˇ bahˇ baˬ maꞈ ngaˇ teh byoˆ-awˇ,
kʼaˇ shuiꞈ deh paw teh byaˆ nehˬ ma.
Mehˬ huˬ huˬ-eu aˇ maꞈ deuˬ-ahˇ,
Shiˇ-eu laˆ shaˆ-ahˇ teh puꞈ-awˇ,
mehˬ nahˬ nahˬ-eu aˇ maꞈ deuˬ-ahˇ,
Gʼahˇ ceh laˆ shaˆ-ahˇ teh puꞈ ma.
Aˬ yawꞈ maꞈ shiˇ gahˬ taˬ-euˬ kʼoeˇ
yaw buꞈ yoˆ yoˆ-ehˇ jaˆ tehꞈ-a.
Naw maꞈ-ahˇ jahˇ doeˇ-euˬ aˇ poeˬ,
aˬ yawꞈ maꞈ-ahˇ ngaˇ laˆ cawˆ ma.
21“Deh yaˇ deuˬ-oˇ, naw maꞈ taˬ guˆ.
Laˬ kʼaˬ cehˇ-awˇ nui saˇ za-awˬ.
Naw maꞈ gʼaˇ duˬ zahˬ leˇ paˬ-ehˇ,
Sahˬpaˬ Miˬyehˇ mˇ nehˬ-euˬ meh.
22Jeˬ zaˬ deuˬ-oˇ naw maꞈ taˬ guˆ.
Gaˆ kʼahˬ nyoeˇ jawꞈ ni jaˆ luꞈ-awˇ,
aˇ bawˇ aˇ siˬ sahˇ dui dui-awˇ,
siˬ guˬ aˇ siˬ hawˇ-eu aˬ gaꞈ,
maˬ dzaˬ jiˇ coeˇ ni jaˆ luꞈ meh.
23“Ziˇoˬ zaˬ-oˇ, laˬ kʼaˬ cehˇ-awˬ.
Naw maꞈ jah-eu Miˬyehˇ pyeuꞈ-eu,
Sahˬpaˬ Miˬyehˇ laꞈ kʼoeˇ cehˇ-awˬ.
Aˬ yawꞈ tsaˬ-eu dawˇ-eu miˇ neh,
naꞈ ngeh loˬ-eu uˬ yehˇ kʼoeˇ bahˬ.
Tiˬ byah tiˬ loꞈ biꞈ laꞈ-euˬ meh.
Naꞈ ngeh mya ngeh loˬ-eu uˬ yehˇ,
dzeuˇ laˇ ngeh biꞈ laꞈ-euˬ loꞈ-ehˇ,
yamˬ law tsaˬ ni biꞈ laꞈ-euˬ meh.
24Cehˇ diˬ doˆ-euˬ pu cu cu-awˇ,
aˬ gaꞈ dzaˇ uiˇ saˬ loˬ tsiˇ deuˬ,
tsiˇ lehˬ doˆ-eu duˬ kʼawꞈ laꞈ kʼoeˇ,
maˬ deˇ leˇ ni yoeˇ kʼaˇ luꞈ meh.
25Nyehˇ bahˇ baˬ maꞈ doˆ le ngeh kʼoꞈ,
kʼaˇ dzaˬ cawˆ-euˬ jeˬ dawˬ tawˆ luꞈ,
naw maꞈ-ahˇ ngaˇ tsoeˬ kʼoꞈ nehˬ ma.
Nyehˇ bahˇ guiˇ maꞈ naw maꞈ jawˇ gaˇ
pyehˬ leꞈ-euˬ yaw sahˇ gʼaˬ ngaˇ ma.
26Dzaˬ ngeh maˬ jiˇ dawˇ ngeh maˬ shuꞈ,
guiˬ lahˬ yaw dzahˇ za-euˬ miˇ neh,
zahˬ leˇ paˬ-ehˇ gʼeh-eu guiˬ lahˬ,
biꞈ nehˬ laꞈ-euˬ Miˬyehˇ pyeuꞈ-eu,
naw maꞈ-euˬ Sahˬpaˬ Miˬyehˇ-ahˇ,
naw maꞈ ya ja ceuˬ gaˇ keuˆ meh.
Aˬ cawˬ ja bu ja doeˇ-eu jeˬ,
ngaˬ-euˬ tsawˇhaˬ heu deuˬ kʼoeˇtaˆ,
tiˬjawˇ-iˬ maˬpaˇ keuˆle meh.
27Kʼoeˇ ngeh jawˇ Iˇsaˬleˬlaˆ-oˇ,
naw maꞈ-euˬ gʼahˇceh ngaˇjawˇ-awˇ,
Sahˬpaˬ Miˬyehˇ pyeuꞈ-eu ngaˇ-aˬ,
naw maꞈ-euˬ Miˬyehˇ pyeuꞈ-awˇ,
miˬyehˇ nui gʼaˬ maˬ jawˇ-a lehˇ,
naw maꞈ-ahˇ siˬ duˬ leˇ tehꞈ-a.
Aˬ cawˬ ja bu ja doeˇ-eu jeˬ,
ngaˬ-euˬ tsawˇ haˬ heu deuˬ kʼoeˇ taˆ,
tiˬ jawˇ-iˬ maˬ paˇ keuˆ le meh.
Sahˬpaˬ Miˬyehˇ-euˬ aˇ nah
28“Aˬ kaˇ keuˆ laˇ-eu aˇ yamˬ-ahˇ,
yawˬ gʼaˬ yawˬ na luꞈ-euˬ kʼoeˇ taˆ,
ngaˬ-euˬ yaw sahˇ shehˆ daˆ nehˬ-awˇ,
naw maꞈ-euˬ aˬ buˇ aˬ li deuˬ,
ngaˬ-euˬ gʼaˇ duˬ ngehˬ dah tehꞈ-a.
Tsawˇ mawˬ deuˬ yuꞈ maˆ maˆ mawˇ-awˇ,
zaˬ guˬ deuˬ kʼawꞈ yaw sahˇ laꞈ kʼoeˇ,
siˬ-eu mawˇ-eu jeˬ za tehꞈ-a.
29Aˇ yamˬ kʼoeˇ yamˬ keuˆ laˇ ngeh jawˇ,
kʼaˬ dzeˇ zaˬ zaˬ kʼaˆ-ahˇ maˬ ehˇ,
zaˬ miˬ zaˬ zaˬ kʼaˆ-ahˇ maˬ ehˇ,
ngaˬ-euˬ yaw sahˇ shehˆ daˆ nehˬ ma.
30“Mˬ taˆ hawˇ-eu miˇ tsaˬ kʼoeˇ taˆ,
kʼaˆ jeˬ-ehˇ gʼeh-eu jeˬ mehˬ-awˇ,
shiˬ sehꞈ yoeˇ-awˇ miˬ dzaˬ doꞈ-eu,
uˬ kʼoeˬ uꞈ uꞈ-ehˇ jaˆ tehꞈ-a.
31Guˆ dui dui laˇ paˬ-ehˇ gʼeh-eu,
Sahˬpaˬ Miˬyehˇ-euˬ Aˇ nah kʼoeˇ,
keuˆ le-eu lehˇ gʼeh-eu mehˬ hu,
nahˇ ma zahˇ tsui ni pyeuꞈ-iˇ-awˇ,
ba la shiˬ neˇ neˇ-iˇ tehꞈ-a.
32Sahˬpaˬ Miˬyehˇ-euˬ tsawˇ myahˇ-ahˇ,
kuˇ-eu tsawˇ haˬ yawˬ gʼaˬ na luꞈ,
ka kʼoꞈ-eu jeˬ-ahˇ za tehꞈ-a.
Sahˬpaˬ Miˬyehˇ ehˇ taˬ-euˬ-aˬ.
‘Yeˬluˇsaˬlehˬ meuˬ-ahˇ jawˇ-eu,
tiˬ paˆ na deuˬ ya dzeuˇ-iˇ-awˇ,
ngaˬ neh tseˇ doˆ taˬ-euˬ kʼoeˇdeuˬ,
buˬ-iˇ law-iˇ dzeuˇ-iˇ tehꞈ-a.’ ”
Currently Selected:
Yawˇlaˆ 2: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Yawˇlaˆ 2
2
Sahˬpaˬ Miˬyehˇ-euˬ aˇ nah keuˆ le luꞈ meh.
1Miˬyehˇ-euˬ Ziˇoˬ gawˬ jawˬ-ahˇ,
muiˬ-eu shawˇ-eu gawˬ jawˬ kʼoeˇ-ahˇ,
daˇ heh baw-awˇ laˆ luiˬ nehˬ-awˬ.
Yuˇdaˆ tsawˇ haˬ yaw dzuˬ dzuˬ-awˬ.
Sahˬpaˬ Miˬyehˇ-euˬ aˇ nah kʼoeˇ,
yaw kawˇ ma-ehˇ keuˆ le luꞈ meh.
2Aˇ nah kʼoeˇ nah zahˇ dui dui-awˇ,
juˬ kʼoeˬ tmˬ-awˇ naˆ dui dui meh.
Gawˬ jawˬ kʼaˬ naˆ naˆ-eu loꞈ-ehˇ,
nyehˇ bahˇ baˬ maꞈ laˇ gʼeh laꞈ meh.
Kʼoeˇ naˆ naˆ-ehˇ gʼeh-eu gaˇ kawˆ,
aˇ hu keuˆ le-euˬ maˬ jaˆ-ehˇ,
aˬ kaˇ maˬ paˇ keuˆ le haw-aˇ.
3Miˬ dzaˬ puiˆ dzaˬ jiˇ-euˬ loꞈ-ehˇ,
aˇ bawˇ kʼaˇ ngeuˇ-eu dzaˬ jiˇ-awˇ,
aˬ yawꞈ maꞈ iˇ luꞈ-eu mehˬ hu,
Eˬdeˬ yaˇ kmˇ loꞈ-ehˇ muiˬ kʼawꞈ,
aˬ yawꞈ maꞈ iˇ dzeuˇ-euˬ naˇ kʼah,
kʼaˇ shuiꞈ deh yaˇ pyeuꞈ jiˇ-eu meh.
Tiˬ jeˬ-iˬ maˬ dzeuˇ-iˇ nya-a.
4Nyehˇ bahˇ kʼoeˇ deuˬ mahˬ-ahˇ duˇ-awˇ,
guiˇ deuˆ-eu mahˬ cehˆ gaˇ duˇ meh.
5Gawˬ jawˬ-ahˇ tsawˬ tsawˬ-ehˇ cah ngeh,
mahˬ laˆ lawˬ-euˬ teˇ saˇ loꞈ-ehˇ,
shoe loe shuiˇ luiˇ-ehˇ mahˇ laˇ-awˇ,
jaˆ gaˆ miˬ dzaˬ puiˆ-eu loꞈ-ehˇ,
toeˆ toeˆ tawˆ tawˆ-ehˇ mahˇ-eu meh.
Guiˇ deuˆ-eu lehˬ hmˬ dah taˬ-euˬ,
guiˇ maꞈ maꞈ ma tiˬ maꞈ loꞈ-ehˇ,
aˬ yawꞈ maꞈ yawꞈ cehˆ taˬ-euˬ meh.
6Aˬ yawꞈ maꞈ dawˬ peh oe peh ngeh,
yawˬ gʼaˬ na luꞈ guˆ dui dui-awˇ,
baˬ ba-ahˇ shiˬ maˬ paˇ dahˬ meh.
7Guiˇ huˬ loꞈ-ehˇ coeˬ ahˇ leꞈ-awˇ,
yehˇ loꞈ-ehˇ meuˬ lahˇ daˆ doˆ-awˇ,
kʼoeˇ paw heu paw maˬ iˇ ba ni,
mehˬ hu dawˇ coe ni iˇ-eu meh.
8Tiˬ mawˇ tiˇ mawˇ maˬ tahˬ tuˆ ni,
yawˬ iˇ gaˇ ma yawˬ ha baw-awˇ,
guiˇ daˬ daˬ-euˬ coeˬ paˆ doˆ-awˇ,
tiˬ jeˬ-iˬ maˬ laˆ naˬ nya-a.
9Meuˬ-ahˇ aˬ yawꞈ maꞈ yoeˇ tehˬ-awˇ,
meuˬ lahˇ kʼoeˇ taˆ cehˆ tsehˆ gʼeh-awˇ,
nymˇ kʼaˇ jaˆ gaˇ daˆ keuˆ leˇ-awˇ,
smˇ kʼoeˬ tahˇ joe oe-eu loꞈ-ehˇ,
laˇ gʼoˆ zaˬ-ahˇ uˇ-iˇ-eu meh.
10Aˬ yawꞈ maꞈ mehˬ hu paw le ngeh,
miˇ tsaˬ tahˬ kʼawˇ miˇ luˆ luˆ-awˇ,
mˬ nyeh nyeh-ehˇ pyeuꞈ laˇ-eu meh.
Nahˇ ma ba la zahˇ-iˇ jiˇ-awˇ,
aˬ guiˇ yaw shehꞈ maˬ paˇ bya meh.
11Sahˬpaˬ Miˬyehˇ-euˬ guiˇ maꞈ-ahˇ
Sahˬpaˬ Miˬyehˇ dawˬ biꞈ nehˬ ngeh,
mˬ jeˬ tsawˬ tehˆ tehˆ gaˇ duˇ meh.
Yawꞈ-euˬ ehˇ dawˬ geuꞈ-eu guiˇ maꞈ,
myaˬ dui dui-awˇ baoˬ huiˬ-eu meh.
Sahˬpaˬ Miˬyehˇ-euˬ aˇ nah-aˬ,
guˆ dui dui laˇ paˬ-ehˇ gʼeh-awˇ,
tiˬ gʼaˬ-iˬ maˬ dzeuˇ-iˇ nya-a.
Iˬ baˇ noeˬ poˆ-awˬ lehˇ kuˇ-eu
12Nymˬ-mˇ SahˬpaˬMiˬyehˇ ehˇ-eu, “Naw maꞈ nui ma laꞈ kʼoeˇ keuˆ ni,
naw maꞈ-euˬ iˬ baˇ noeˬ poˆ-awˇ,
maˬ dzaˬ-eu zahˇ jahˇ-eu laꞈ kʼoeˇ,
nui noeˬ shaˬ-awˇ ngoeˇ-eu laꞈkʼoeˇ,
ngaˇ jawˇ gaˇ paˇ gʼoꞈ kʼoꞈ laˇ-awˬ.
13Mehˬtsoeˬ gʼeu paˆ gaˇ ngaˇ maˬ haw.
Naw maꞈ noeˬ shaˬ-eu mawˇ laˇ ni,
nui ma tsawˬ paˆ-euˬ byaˬ laˇ-awˬ.”
Sahˬpaˬ Miˬyehˇ pyeuꞈ-eu Miˬyehˇ
jawˇ paw naw maꞈ gʼoꞈ kʼoꞈ laˇ-awˬ.
Aˬ yawꞈ gʼawˬ shaˬ gaˬ-eu byah-awˇ,
nui ma oˇ oꞈ coeˇ-eu uˬ taꞈ,
saˇ jaˇ dzaˬ taˬ-euˬ maˬ puiˬ-ehˇ,
aˬ myah luꞈ iˬ baˇ pyehˬ nehˬ-awˇ,
maˬ kʼehˬ maˬ kʼaˆ ni byehˇ-eu meh.
14Naw maꞈ Miˬyehˇ Sahˬpaˬ Miˬyehˇ
nui ma noeˬ paˇ leˇ-eu baw-awˇ,
naw maꞈ-ahˇ guiˬ lahˬ biꞈ nehˬ-awˇ,
dzaˬ la gʼo cehˇ bi za le naˇ,
aˬ gaꞈ dzaˇ uiˇ hawˇ-eu cehˇ deuˬ,
aˬ yawꞈ-ahˇ naw maꞈ damˬ nya meh.
15Ziˇoˬ gawˬ jawˬ uˬ du jawˇ-awˇ,
daˇ heh teˇ saˇ baw gaˬ nehˬ-awˬ.
Maˬ dzaˬ-eu zahˇ jahˇ-awˇ lah-awˇ,
miˇ kʼahˬ zaˬ uiˬ laˇ ni kuˇ-awˬ.
16Tsawˇ haˬ dawˬ tawˆ luꞈ kuˇ uiˬ-awˇ,
muiˬ-eu shawˇ-eu baꞈ dzah dzah-awˬ.
Tsawˇ mawˬ, zaˬ guˬ dawˬ tawˆ hawˇ-eu,
aˬ coeˇ dawˇ zaˬ deuˬ kʼawꞈ kuˇ-awˬ.
Sheuˬdahˬdzaˬ-euˬ tiˬ dehˬ pyeuꞈ-eu,
miˬ zaˬ yo zaˬ yaw shuiꞈ deuˬ kʼawꞈ,
tiˬ gʼaˬ-iˬ taˬ bi jawˇ tehˬ yaꞈ.
17Uˬ duˬ tahˬ nymˇ lahˇ kʼehˬ hawˇ-eu,
lawˇ duˬ-euˬ yaw kaˬ-ahˇ jawˇ-awˇ,
Sahˬpaˬ Miˬyehˇ-euˬ gaˇ mˇ-eu,
piˇ ma kʼoeˇ deuˬ ngoeˇ-eu laꞈ kʼoeˇ
heu loꞈ-ehˇ guiˬ lahˬ shaˇ nehˬ-awˬ.
“Sahˬpaˬ Miˬyehˇ nawˬ-ahˇ shaˇ ma.
Nawˬ-euˬ tsawˇ haˬ-ahˇ taˬ byehˇ laꞈ.
Aˬ cawˬ tsawˇ jeuˬ deuˬ nga maꞈ-ahˇ,
‘Aˬ lehˬ, naw maꞈ-euˬ Miˬyehˇ’ lehˇ,
cehꞈ lehꞈ ka-awˇ ja bu laˇ gaˇ,
taˬ bi daˬ nehˬ laꞈ” lehˇ shaˇ-awˬ.
Miˬyehˇ neh miˇ tsaˬ bi muiˬ poˆ laˇ-euˬ
18Kʼoeˇ naˇ, aˬ yawꞈ-euˬ miˇ kʼahˬ-ahˇ,
Sahˬpaˬ Miˬyehˇ nui ma jaˆ-awˇ,
aˬ yawꞈ-euˬ tsawˇ haˬ deuˬ-ahˇ kʼawꞈ,
gʼawˬ shaˬ paˇ gaˬ poˆ nehˬ-euˬ meh.
19Aˬ yawꞈ maꞈ-ahˇ aˬ yawꞈ ehˇ-eu,
“Cehˇ, aˬ gaꞈ dzaˇ uiˇ, saˬ loˬ tsiˇ,
heu deuˬ naw maꞈ-ahˇ ngaˇ biꞈ-awˇ,
nui kʼahˇ tiˬ shiˇ bi dzaˬ dehˆ ma.
Aˬ cawˬ tsawˇ jeuˬ deuˬ naw maꞈ-ahˇ,
yehˬ bawˬ-ehˇ maˬ paˇ bi gʼeh ma.
20Kʼoeˇ taˆ paw neh zaꞈ ka le-euˬ,
nyehˇ bahˇ baˬ maꞈ ngaˇ teh byoˆ-awˇ,
kʼaˇ shuiꞈ deh paw teh byaˆ nehˬ ma.
Mehˬ huˬ huˬ-eu aˇ maꞈ deuˬ-ahˇ,
Shiˇ-eu laˆ shaˆ-ahˇ teh puꞈ-awˇ,
mehˬ nahˬ nahˬ-eu aˇ maꞈ deuˬ-ahˇ,
Gʼahˇ ceh laˆ shaˆ-ahˇ teh puꞈ ma.
Aˬ yawꞈ maꞈ shiˇ gahˬ taˬ-euˬ kʼoeˇ
yaw buꞈ yoˆ yoˆ-ehˇ jaˆ tehꞈ-a.
Naw maꞈ-ahˇ jahˇ doeˇ-euˬ aˇ poeˬ,
aˬ yawꞈ maꞈ-ahˇ ngaˇ laˆ cawˆ ma.
21“Deh yaˇ deuˬ-oˇ, naw maꞈ taˬ guˆ.
Laˬ kʼaˬ cehˇ-awˇ nui saˇ za-awˬ.
Naw maꞈ gʼaˇ duˬ zahˬ leˇ paˬ-ehˇ,
Sahˬpaˬ Miˬyehˇ mˇ nehˬ-euˬ meh.
22Jeˬ zaˬ deuˬ-oˇ naw maꞈ taˬ guˆ.
Gaˆ kʼahˬ nyoeˇ jawꞈ ni jaˆ luꞈ-awˇ,
aˇ bawˇ aˇ siˬ sahˇ dui dui-awˇ,
siˬ guˬ aˇ siˬ hawˇ-eu aˬ gaꞈ,
maˬ dzaˬ jiˇ coeˇ ni jaˆ luꞈ meh.
23“Ziˇoˬ zaˬ-oˇ, laˬ kʼaˬ cehˇ-awˬ.
Naw maꞈ jah-eu Miˬyehˇ pyeuꞈ-eu,
Sahˬpaˬ Miˬyehˇ laꞈ kʼoeˇ cehˇ-awˬ.
Aˬ yawꞈ tsaˬ-eu dawˇ-eu miˇ neh,
naꞈ ngeh loˬ-eu uˬ yehˇ kʼoeˇ bahˬ.
Tiˬ byah tiˬ loꞈ biꞈ laꞈ-euˬ meh.
Naꞈ ngeh mya ngeh loˬ-eu uˬ yehˇ,
dzeuˇ laˇ ngeh biꞈ laꞈ-euˬ loꞈ-ehˇ,
yamˬ law tsaˬ ni biꞈ laꞈ-euˬ meh.
24Cehˇ diˬ doˆ-euˬ pu cu cu-awˇ,
aˬ gaꞈ dzaˇ uiˇ saˬ loˬ tsiˇ deuˬ,
tsiˇ lehˬ doˆ-eu duˬ kʼawꞈ laꞈ kʼoeˇ,
maˬ deˇ leˇ ni yoeˇ kʼaˇ luꞈ meh.
25Nyehˇ bahˇ baˬ maꞈ doˆ le ngeh kʼoꞈ,
kʼaˇ dzaˬ cawˆ-euˬ jeˬ dawˬ tawˆ luꞈ,
naw maꞈ-ahˇ ngaˇ tsoeˬ kʼoꞈ nehˬ ma.
Nyehˇ bahˇ guiˇ maꞈ naw maꞈ jawˇ gaˇ
pyehˬ leꞈ-euˬ yaw sahˇ gʼaˬ ngaˇ ma.
26Dzaˬ ngeh maˬ jiˇ dawˇ ngeh maˬ shuꞈ,
guiˬ lahˬ yaw dzahˇ za-euˬ miˇ neh,
zahˬ leˇ paˬ-ehˇ gʼeh-eu guiˬ lahˬ,
biꞈ nehˬ laꞈ-euˬ Miˬyehˇ pyeuꞈ-eu,
naw maꞈ-euˬ Sahˬpaˬ Miˬyehˇ-ahˇ,
naw maꞈ ya ja ceuˬ gaˇ keuˆ meh.
Aˬ cawˬ ja bu ja doeˇ-eu jeˬ,
ngaˬ-euˬ tsawˇhaˬ heu deuˬ kʼoeˇtaˆ,
tiˬjawˇ-iˬ maˬpaˇ keuˆle meh.
27Kʼoeˇ ngeh jawˇ Iˇsaˬleˬlaˆ-oˇ,
naw maꞈ-euˬ gʼahˇceh ngaˇjawˇ-awˇ,
Sahˬpaˬ Miˬyehˇ pyeuꞈ-eu ngaˇ-aˬ,
naw maꞈ-euˬ Miˬyehˇ pyeuꞈ-awˇ,
miˬyehˇ nui gʼaˬ maˬ jawˇ-a lehˇ,
naw maꞈ-ahˇ siˬ duˬ leˇ tehꞈ-a.
Aˬ cawˬ ja bu ja doeˇ-eu jeˬ,
ngaˬ-euˬ tsawˇ haˬ heu deuˬ kʼoeˇ taˆ,
tiˬ jawˇ-iˬ maˬ paˇ keuˆ le meh.
Sahˬpaˬ Miˬyehˇ-euˬ aˇ nah
28“Aˬ kaˇ keuˆ laˇ-eu aˇ yamˬ-ahˇ,
yawˬ gʼaˬ yawˬ na luꞈ-euˬ kʼoeˇ taˆ,
ngaˬ-euˬ yaw sahˇ shehˆ daˆ nehˬ-awˇ,
naw maꞈ-euˬ aˬ buˇ aˬ li deuˬ,
ngaˬ-euˬ gʼaˇ duˬ ngehˬ dah tehꞈ-a.
Tsawˇ mawˬ deuˬ yuꞈ maˆ maˆ mawˇ-awˇ,
zaˬ guˬ deuˬ kʼawꞈ yaw sahˇ laꞈ kʼoeˇ,
siˬ-eu mawˇ-eu jeˬ za tehꞈ-a.
29Aˇ yamˬ kʼoeˇ yamˬ keuˆ laˇ ngeh jawˇ,
kʼaˬ dzeˇ zaˬ zaˬ kʼaˆ-ahˇ maˬ ehˇ,
zaˬ miˬ zaˬ zaˬ kʼaˆ-ahˇ maˬ ehˇ,
ngaˬ-euˬ yaw sahˇ shehˆ daˆ nehˬ ma.
30“Mˬ taˆ hawˇ-eu miˇ tsaˬ kʼoeˇ taˆ,
kʼaˆ jeˬ-ehˇ gʼeh-eu jeˬ mehˬ-awˇ,
shiˬ sehꞈ yoeˇ-awˇ miˬ dzaˬ doꞈ-eu,
uˬ kʼoeˬ uꞈ uꞈ-ehˇ jaˆ tehꞈ-a.
31Guˆ dui dui laˇ paˬ-ehˇ gʼeh-eu,
Sahˬpaˬ Miˬyehˇ-euˬ Aˇ nah kʼoeˇ,
keuˆ le-eu lehˇ gʼeh-eu mehˬ hu,
nahˇ ma zahˇ tsui ni pyeuꞈ-iˇ-awˇ,
ba la shiˬ neˇ neˇ-iˇ tehꞈ-a.
32Sahˬpaˬ Miˬyehˇ-euˬ tsawˇ myahˇ-ahˇ,
kuˇ-eu tsawˇ haˬ yawˬ gʼaˬ na luꞈ,
ka kʼoꞈ-eu jeˬ-ahˇ za tehꞈ-a.
Sahˬpaˬ Miˬyehˇ ehˇ taˬ-euˬ-aˬ.
‘Yeˬluˇsaˬlehˬ meuˬ-ahˇ jawˇ-eu,
tiˬ paˆ na deuˬ ya dzeuˇ-iˇ-awˇ,
ngaˬ neh tseˇ doˆ taˬ-euˬ kʼoeˇdeuˬ,
buˬ-iˇ law-iˇ dzeuˇ-iˇ tehꞈ-a.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.