Hawˇseˬ 9
9
Iˇsaˬleˬlaˆ tsawˇ haˬ kʼehˬ-eu kʼaˆ-eu jeˬ-ahˇ ya daˬ meh lehˇ Hawˇseˬ ehˇ-eu
1Iˇsaˬleˬlaˆ tsawˇ haˬ deuˬ-oˇ,
lawˇ ciꞈ zaˬ deuˬ byawˬ-eu loꞈ-ehˇ,
bawˬ-iˬ gʼeh-eu jeˬ byehˇ dzeh jiˇ-awˬ.
Naw maꞈ Miˬyehˇ-ahˇ byehˇ dzeh-awˇ,
aˬ yawꞈ-ahˇ saˇ jaˇ maˬ ziꞈ-ehˇ,
meh maˬ laˇ geuꞈ dzaˬ-eu loꞈ-ehˇ,
miˇ kʼahˬ doe ni naw maꞈ gʼawˇ mawˇ,
Baˬlaˇ miˬyehˇ-ahˇ ahˬ dzaˬ-awˇ,
yawꞈ biꞈ laꞈ-euˬ lehˇ noeˬ-eu,
cehˇ-ahˇ naw maꞈ nui kʼahˇ jaˆ meh.
2Ehˇ kʼawꞈ, gʼawˬ myahˇ ni maˬ gʼeh-ehˇ,
naw maꞈ dzaˬ-eu dawˇ-eu gʼaˇ duˬ,
cehˇ, saˬ loˬ tsiˇ, aˬ gaꞈ dzaˇ uiˇ,
maˬ paˇ jaˆ-ehˇ pyeuꞈ-iˇ tehꞈ-a.
3Sahˬpaˬ Miˬyehˇ-euˬ miˇ kʼahˬ-ahˇ,
Iˇsaˬleˬlaˆ maˬ paˇ jawˇ ni,
Iˇjiˇtuˆ-ahˇ gʼoꞈ-iˇ tehꞈ-a.
Aˬshuˇliˆ miˇ kʼahˬ-ahˇ jawˇ-awˇ,
maˬ shawˇ-eu dzaˇ ya dzaˬ tehꞈ-a.#9.3 Moˇseˬ-euˬ zahˇ dawˬ kʼoꞈ dawˬ laꞈ kʼoeˇ, maˬ shawˇ-eu dzaˇ maˬ ya dzaˬ-a lehˇ ehˇ taˬ-euˬ meh (Uˬduˬ 11).
4Aˬ cawˬ miˇ kʼahˬ kʼoeˇ deuˬ laꞈ kʼoeˇ,
yawꞈ maꞈ-euˬ Sahˬpaˬ Miˬyehˇ-ahˇ,
lawˇ-eu shehˇ-eu maˬ mˇ nya-a.
Yawꞈ maꞈ dzaˬ-eu dzaˇ kʼoeˇ deuˬ-aˬ,
tsawˇ shiˇ hawˬ byawˇ lawˇ gaˇ duˇ-awˇ,
kʼaˇ dzaˬ kʼaˇ dawˇ-eu tsawˇ haˬ deuˬ,
maˬ shawˇ-eu tsawˇ haˬ pyeuꞈ-eu meh.
Aˬ yawꞈ maꞈ dzaˬ-eu dzaˇ kʼoeˇ deuˬ,
uˬ maˆ bi dehˆ laˇ-eu tehꞈ meh.
Sahˬpaˬ Miˬyehˇ-euˬ nymˇ laꞈ kʼoeˇ,
lawˇ gaˇ shehˇ gaˇ maˬ geuꞈ nya-a.
5Sahˬpaˬ Miˬyehˇ-ahˇ taˬ huiˬ-eu,
bawˬ-iˬ gʼeh-eu aˇ yamˬ tsaˬ laˇ naˇ,
aˬ yawꞈ maꞈ aˬ joˆ-ehˇ jahˇ nmˇ.
6Luˬ-iˇ seˇ-iˇ-eu keuˆ le-awˇ,
aˬ yawꞈ maꞈ ya cehˆ byaˆ jiˇ ngeh,
Iˇjiˇtuˆ neh bi nyehꞈ uiˬ-awˇ,
Mehˇpiˇ meuˬ-ahˇ baꞈ pahˬ tehꞈ-a.
Aˬ yawꞈ maꞈ-euˬ pyuˇ pahˬ hawˇ-eu,
aˬ yawꞈ maꞈ-euˬ nymˇ dzahˇ zaˇ-ahˇ,
aˬ gah baw duˆ uˆ byoˆ tehꞈ-a.
7Oꞈ-eu geuˇ-eu loꞈ-ehˇ kʼehˬ-eu,
kʼehˬ nah kʼaˆ nah keuˆ le luꞈ meh.
Aˇ nah aˇ yamˬ kʼoeˇ keuˆ le ngeh,
Iˇsaˬleˬlaˆ siˬ le tehꞈ-a.
“Bawˇlawˇpeh#9.7 ‘Bawˇlawˇpeh’ lehˇ ehˇ-eu-aˬ, Miˬyehˇ gʼaˇ duˬ bi ngehˬ dah-eu tsawˇ haˬ-ahˇ ehˇ-eu meh. heu gʼaˬ tsawˇ uˬ nga.”
“Shaˆ ma heu gʼaˬ aˬ dzawˬ nga” lehˇ,
naw maꞈ dawˬ doeˇ ngehˬ daˆ-euˬ meh.
Naw maꞈ iˬ baˇ myaˬ-eu miˇ neh,
naw maꞈ ngaˬ-ahˇ bye dui dui meh.
8Iˇsaˬleˬlaˆ-ahˇ mehˬ nehˬ-eu,
Bawˇlawˇpeh#9.8 ‘Bawˇlawˇpeh’ lehˇ ehˇ-eu dawˬ tsuiꞈ 8.7-ahˇ haw-awˬ. bi geuꞈ-eu gʼaˇ duˬ,
Miˬyehˇ ngaˬ-ahˇ pyehˬ leꞈ-euˬ meh.
Ehˇ kʼawꞈ, ngaˇ kʼaˇ iˇ kʼaˇ laˇ gaˇ,
aˇ jiˇ lahˇ ju kʼmˇ-eu loꞈ-ehˇ,
naw maꞈ ngaˬ-ahˇ kʼmˇ luꞈ-eu meh.
Miˬyehˇ-euˬ miˇ kʼahˬ-ahˇ jawˇ-eu.
Miˬyehˇ-euˬ tsawˇ haˬ heu deuˬ-aˬ,
Bawˇlawˇpeh-ahˇ muiˇ-eu deuˬ meh.
9Giˇbyaˬ meuˬ-ahˇ dehꞈ ngeh loꞈ-ehˇ
aˬ yawꞈ maꞈ kʼaˇ mˇ kʼaˇ shaˇ-eu,
ehˇ kʼaˇ maˬ za ni haiˬ-eu meh.
Iˬ baˇ kʼoeˇ deuˬ-ahˇ maˬ ngehˇ ni,
Miˬyehˇ kʼehˬ nehˬ kʼaˆ nehˬ tehꞈ-a.
Iˇsaˬleˬlaˆ-euˬ iˬ baˇ aˇ poeˬ
10Sahˬpaˬ Miˬyehˇ ehˇ-eu dawˬ-aˬ,
“Iˇsaˬleˬlaˆ tsawˇ haˬ deuˬ-ahˇ,
yaw beh poˆ ngaˇ mawˇ dahˬ beh ngeh,
kʼaˇ shuiꞈ deh ga gʼahˇ ceh dehꞈ-eu,
aˬ gaꞈ baw duˆ-ahˇ duˇ-eu meh.
Naw maꞈ-euˬ aˬ poeˬ aˬ piˬ deuˬ,
yaw beh poˆ ngaˇ mawˇ dahˬ beh ngeh,
awꞈ beh beh laˇ-awˇ siˬ luꞈ-eu,
siˬ guˬ aˇ siˬ-ahˇ duˇ-eu meh.
Ehˇ kʼawꞈ, Peˬoˇlaˬ gawˬ jawˬ-ahˇ laˇ ngeh,
Baˬlaˇ-ahˇ uˬ duˬ tahˬ paˇ-awˇ,
yawꞈ maꞈ gaˬ-eu miˬyehˇ loꞈ-ehˇ,
jawꞈ dui dui gaˇ ya mawˇ-euˬ ma.
11Iˇsaˬleˬlaˆ yaw shehꞈ kʼahˬ sehˇ,
aˇ jiˇ loꞈ-ehˇ zaw byoˆ gʼeh-awˇ,
zaˬ ciˬ zaˬ cu maˬ paˇ baw ni,
maˬ baw aˬ ma pyeuꞈ jiˇ tehꞈ-a.
12Zaˬ paˇ cu huiˬ law hawˇ kʼawꞈ ni,
yaw dehꞈ tiˬ gʼaˬ-iˬ maˬ bi jawˇ.
Aˬ yawꞈ maꞈ-ahˇ ngaˇ byehˇ dzeh ngeh,
yaw kʼaˆ-ehˇ ya noeˬ shaˬ tehꞈ-a.”
13Iˇsaˬleˬlaˆ-euˬ zaˬ deuˬ-ahˇ,
shaˬ teh teh-awˇ sehꞈ-eu loꞈ-ehˇ,
bi teh sehꞈ gaˇ ngaˇ mawˇ-euˬ ma.
14Sahˬpaˬ Miˬyehˇ nawˇ mawꞈ-eu jeˬ,
aˬ yawꞈ maꞈ-ahˇ nawˇ biꞈ nehˬ-awˬ.
Maˬ baw aˬ ma bi pyeuꞈ jiˇ-awˇ,
aˬ coeˇ gui jiˇ ni jahˇ nehˬ-awˬ.
Iˇsaˬleˬlaˆ-ahˇ Sahˬpaˬ Miˬyehˇ yaˇ kʼaˬ daˇ-eu
15Sahˬpaˬ Miˬyehˇ ehˇ-eu dawˬ-aˬ,
“Aˬ yawꞈ maꞈ yaw haiˬ mˇ-eu jeˬ,
Giˇlaˇgaˬlaˇ-ahˇ dahˬ beh-awˇ,
aˬ yawꞈ maꞈ-ahˇ ngaˇ bye-eu jeˬ,
Giˇlaˇgaˬlaˇ-ahˇ beh-euˬ ma.
Aˬ yawꞈ maꞈ haiˬ-eu baˬ da neh,
miˇ kʼahˬ laꞈ nyiˇ teh dzeh nehˬ-awˇ,
aˬ yawꞈ maꞈ-ahˇ maˬ paˇ gaˬ ma.
Aˬ yawꞈ maꞈ-euˬ sahˬ paˬ sahˬ ma,
dawˬ tawˆ luꞈ ngaˬ-ahˇ puiˬ-euˬ meh.
16Iˇsaˬleˬlaˆ tsawˇ haˬ deuˬ-aˬ,
aˇ bawˇ duˬ ciˇ gui-iˇ jiˇ-awˇ,
aˇ siˬ maˬ siˬ le-eu loꞈ-ehˇ,
zaˬ maˬ jawˇ ni pyeuꞈ-iˇ tehꞈ-a.
Tiˬ gʼaˬ na paˇ jawˇ le-euˬ kʼawꞈ,
aˬ yawꞈ maꞈ gaˬ-eu zaˬ kʼoeˇ-ahˇ,
maˬ bi dzeuˇ-iˇ ni ngaˇ sehꞈ ma.”
Iˇsaˬleˬlaˆ gaˇ kawˆ Hawˇseˬ ehˇ-eu,
17Ngaˬ-euˬ Miˬyehˇ-euˬ tsawˇ haˬ deuˬ,
aˬ yawꞈ ehˇ dawˬ leuˇ-eu miˇ neh,
byehˇ dzeh nehˬ gaˇ ya daˬ tehꞈ-a.
Aˬ cawˬ miˇ kʼahˬ doe ni cah-awˇ,
jawˇ duˬ maˬ dah ni shaˬ tehꞈ-a.
Currently Selected:
Hawˇseˬ 9: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Hawˇseˬ 9
9
Iˇsaˬleˬlaˆ tsawˇ haˬ kʼehˬ-eu kʼaˆ-eu jeˬ-ahˇ ya daˬ meh lehˇ Hawˇseˬ ehˇ-eu
1Iˇsaˬleˬlaˆ tsawˇ haˬ deuˬ-oˇ,
lawˇ ciꞈ zaˬ deuˬ byawˬ-eu loꞈ-ehˇ,
bawˬ-iˬ gʼeh-eu jeˬ byehˇ dzeh jiˇ-awˬ.
Naw maꞈ Miˬyehˇ-ahˇ byehˇ dzeh-awˇ,
aˬ yawꞈ-ahˇ saˇ jaˇ maˬ ziꞈ-ehˇ,
meh maˬ laˇ geuꞈ dzaˬ-eu loꞈ-ehˇ,
miˇ kʼahˬ doe ni naw maꞈ gʼawˇ mawˇ,
Baˬlaˇ miˬyehˇ-ahˇ ahˬ dzaˬ-awˇ,
yawꞈ biꞈ laꞈ-euˬ lehˇ noeˬ-eu,
cehˇ-ahˇ naw maꞈ nui kʼahˇ jaˆ meh.
2Ehˇ kʼawꞈ, gʼawˬ myahˇ ni maˬ gʼeh-ehˇ,
naw maꞈ dzaˬ-eu dawˇ-eu gʼaˇ duˬ,
cehˇ, saˬ loˬ tsiˇ, aˬ gaꞈ dzaˇ uiˇ,
maˬ paˇ jaˆ-ehˇ pyeuꞈ-iˇ tehꞈ-a.
3Sahˬpaˬ Miˬyehˇ-euˬ miˇ kʼahˬ-ahˇ,
Iˇsaˬleˬlaˆ maˬ paˇ jawˇ ni,
Iˇjiˇtuˆ-ahˇ gʼoꞈ-iˇ tehꞈ-a.
Aˬshuˇliˆ miˇ kʼahˬ-ahˇ jawˇ-awˇ,
maˬ shawˇ-eu dzaˇ ya dzaˬ tehꞈ-a.#9.3 Moˇseˬ-euˬ zahˇ dawˬ kʼoꞈ dawˬ laꞈ kʼoeˇ, maˬ shawˇ-eu dzaˇ maˬ ya dzaˬ-a lehˇ ehˇ taˬ-euˬ meh (Uˬduˬ 11).
4Aˬ cawˬ miˇ kʼahˬ kʼoeˇ deuˬ laꞈ kʼoeˇ,
yawꞈ maꞈ-euˬ Sahˬpaˬ Miˬyehˇ-ahˇ,
lawˇ-eu shehˇ-eu maˬ mˇ nya-a.
Yawꞈ maꞈ dzaˬ-eu dzaˇ kʼoeˇ deuˬ-aˬ,
tsawˇ shiˇ hawˬ byawˇ lawˇ gaˇ duˇ-awˇ,
kʼaˇ dzaˬ kʼaˇ dawˇ-eu tsawˇ haˬ deuˬ,
maˬ shawˇ-eu tsawˇ haˬ pyeuꞈ-eu meh.
Aˬ yawꞈ maꞈ dzaˬ-eu dzaˇ kʼoeˇ deuˬ,
uˬ maˆ bi dehˆ laˇ-eu tehꞈ meh.
Sahˬpaˬ Miˬyehˇ-euˬ nymˇ laꞈ kʼoeˇ,
lawˇ gaˇ shehˇ gaˇ maˬ geuꞈ nya-a.
5Sahˬpaˬ Miˬyehˇ-ahˇ taˬ huiˬ-eu,
bawˬ-iˬ gʼeh-eu aˇ yamˬ tsaˬ laˇ naˇ,
aˬ yawꞈ maꞈ aˬ joˆ-ehˇ jahˇ nmˇ.
6Luˬ-iˇ seˇ-iˇ-eu keuˆ le-awˇ,
aˬ yawꞈ maꞈ ya cehˆ byaˆ jiˇ ngeh,
Iˇjiˇtuˆ neh bi nyehꞈ uiˬ-awˇ,
Mehˇpiˇ meuˬ-ahˇ baꞈ pahˬ tehꞈ-a.
Aˬ yawꞈ maꞈ-euˬ pyuˇ pahˬ hawˇ-eu,
aˬ yawꞈ maꞈ-euˬ nymˇ dzahˇ zaˇ-ahˇ,
aˬ gah baw duˆ uˆ byoˆ tehꞈ-a.
7Oꞈ-eu geuˇ-eu loꞈ-ehˇ kʼehˬ-eu,
kʼehˬ nah kʼaˆ nah keuˆ le luꞈ meh.
Aˇ nah aˇ yamˬ kʼoeˇ keuˆ le ngeh,
Iˇsaˬleˬlaˆ siˬ le tehꞈ-a.
“Bawˇlawˇpeh#9.7 ‘Bawˇlawˇpeh’ lehˇ ehˇ-eu-aˬ, Miˬyehˇ gʼaˇ duˬ bi ngehˬ dah-eu tsawˇ haˬ-ahˇ ehˇ-eu meh. heu gʼaˬ tsawˇ uˬ nga.”
“Shaˆ ma heu gʼaˬ aˬ dzawˬ nga” lehˇ,
naw maꞈ dawˬ doeˇ ngehˬ daˆ-euˬ meh.
Naw maꞈ iˬ baˇ myaˬ-eu miˇ neh,
naw maꞈ ngaˬ-ahˇ bye dui dui meh.
8Iˇsaˬleˬlaˆ-ahˇ mehˬ nehˬ-eu,
Bawˇlawˇpeh#9.8 ‘Bawˇlawˇpeh’ lehˇ ehˇ-eu dawˬ tsuiꞈ 8.7-ahˇ haw-awˬ. bi geuꞈ-eu gʼaˇ duˬ,
Miˬyehˇ ngaˬ-ahˇ pyehˬ leꞈ-euˬ meh.
Ehˇ kʼawꞈ, ngaˇ kʼaˇ iˇ kʼaˇ laˇ gaˇ,
aˇ jiˇ lahˇ ju kʼmˇ-eu loꞈ-ehˇ,
naw maꞈ ngaˬ-ahˇ kʼmˇ luꞈ-eu meh.
Miˬyehˇ-euˬ miˇ kʼahˬ-ahˇ jawˇ-eu.
Miˬyehˇ-euˬ tsawˇ haˬ heu deuˬ-aˬ,
Bawˇlawˇpeh-ahˇ muiˇ-eu deuˬ meh.
9Giˇbyaˬ meuˬ-ahˇ dehꞈ ngeh loꞈ-ehˇ
aˬ yawꞈ maꞈ kʼaˇ mˇ kʼaˇ shaˇ-eu,
ehˇ kʼaˇ maˬ za ni haiˬ-eu meh.
Iˬ baˇ kʼoeˇ deuˬ-ahˇ maˬ ngehˇ ni,
Miˬyehˇ kʼehˬ nehˬ kʼaˆ nehˬ tehꞈ-a.
Iˇsaˬleˬlaˆ-euˬ iˬ baˇ aˇ poeˬ
10Sahˬpaˬ Miˬyehˇ ehˇ-eu dawˬ-aˬ,
“Iˇsaˬleˬlaˆ tsawˇ haˬ deuˬ-ahˇ,
yaw beh poˆ ngaˇ mawˇ dahˬ beh ngeh,
kʼaˇ shuiꞈ deh ga gʼahˇ ceh dehꞈ-eu,
aˬ gaꞈ baw duˆ-ahˇ duˇ-eu meh.
Naw maꞈ-euˬ aˬ poeˬ aˬ piˬ deuˬ,
yaw beh poˆ ngaˇ mawˇ dahˬ beh ngeh,
awꞈ beh beh laˇ-awˇ siˬ luꞈ-eu,
siˬ guˬ aˇ siˬ-ahˇ duˇ-eu meh.
Ehˇ kʼawꞈ, Peˬoˇlaˬ gawˬ jawˬ-ahˇ laˇ ngeh,
Baˬlaˇ-ahˇ uˬ duˬ tahˬ paˇ-awˇ,
yawꞈ maꞈ gaˬ-eu miˬyehˇ loꞈ-ehˇ,
jawꞈ dui dui gaˇ ya mawˇ-euˬ ma.
11Iˇsaˬleˬlaˆ yaw shehꞈ kʼahˬ sehˇ,
aˇ jiˇ loꞈ-ehˇ zaw byoˆ gʼeh-awˇ,
zaˬ ciˬ zaˬ cu maˬ paˇ baw ni,
maˬ baw aˬ ma pyeuꞈ jiˇ tehꞈ-a.
12Zaˬ paˇ cu huiˬ law hawˇ kʼawꞈ ni,
yaw dehꞈ tiˬ gʼaˬ-iˬ maˬ bi jawˇ.
Aˬ yawꞈ maꞈ-ahˇ ngaˇ byehˇ dzeh ngeh,
yaw kʼaˆ-ehˇ ya noeˬ shaˬ tehꞈ-a.”
13Iˇsaˬleˬlaˆ-euˬ zaˬ deuˬ-ahˇ,
shaˬ teh teh-awˇ sehꞈ-eu loꞈ-ehˇ,
bi teh sehꞈ gaˇ ngaˇ mawˇ-euˬ ma.
14Sahˬpaˬ Miˬyehˇ nawˇ mawꞈ-eu jeˬ,
aˬ yawꞈ maꞈ-ahˇ nawˇ biꞈ nehˬ-awˬ.
Maˬ baw aˬ ma bi pyeuꞈ jiˇ-awˇ,
aˬ coeˇ gui jiˇ ni jahˇ nehˬ-awˬ.
Iˇsaˬleˬlaˆ-ahˇ Sahˬpaˬ Miˬyehˇ yaˇ kʼaˬ daˇ-eu
15Sahˬpaˬ Miˬyehˇ ehˇ-eu dawˬ-aˬ,
“Aˬ yawꞈ maꞈ yaw haiˬ mˇ-eu jeˬ,
Giˇlaˇgaˬlaˇ-ahˇ dahˬ beh-awˇ,
aˬ yawꞈ maꞈ-ahˇ ngaˇ bye-eu jeˬ,
Giˇlaˇgaˬlaˇ-ahˇ beh-euˬ ma.
Aˬ yawꞈ maꞈ haiˬ-eu baˬ da neh,
miˇ kʼahˬ laꞈ nyiˇ teh dzeh nehˬ-awˇ,
aˬ yawꞈ maꞈ-ahˇ maˬ paˇ gaˬ ma.
Aˬ yawꞈ maꞈ-euˬ sahˬ paˬ sahˬ ma,
dawˬ tawˆ luꞈ ngaˬ-ahˇ puiˬ-euˬ meh.
16Iˇsaˬleˬlaˆ tsawˇ haˬ deuˬ-aˬ,
aˇ bawˇ duˬ ciˇ gui-iˇ jiˇ-awˇ,
aˇ siˬ maˬ siˬ le-eu loꞈ-ehˇ,
zaˬ maˬ jawˇ ni pyeuꞈ-iˇ tehꞈ-a.
Tiˬ gʼaˬ na paˇ jawˇ le-euˬ kʼawꞈ,
aˬ yawꞈ maꞈ gaˬ-eu zaˬ kʼoeˇ-ahˇ,
maˬ bi dzeuˇ-iˇ ni ngaˇ sehꞈ ma.”
Iˇsaˬleˬlaˆ gaˇ kawˆ Hawˇseˬ ehˇ-eu,
17Ngaˬ-euˬ Miˬyehˇ-euˬ tsawˇ haˬ deuˬ,
aˬ yawꞈ ehˇ dawˬ leuˇ-eu miˇ neh,
byehˇ dzeh nehˬ gaˇ ya daˬ tehꞈ-a.
Aˬ cawˬ miˇ kʼahˬ doe ni cah-awˇ,
jawˇ duˬ maˬ dah ni shaˬ tehꞈ-a.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.