Hawˇseˬ 13
13
Iˇsaˬleˬlaˆ-ahˇ yaˇ kʼaˬ daˇ-eu aˇ saˬ saˬ-eu poˆ
1Eˇpaˬleˬ tsawˇ jeuˬ dawˬ ngehˬ ngeh,
Iˇsaˬleˬlaˆ tsawˇ jeuˬ nui deuˬ,
guˆ-awˇ taˬ huiˬ taˬ mahˇ-euˬ meh.
Ehˇ kʼawꞈ ni Baˬlaˇ miˬ yehˇ-ahˇ,
uˬ duˬ tahˬ-euˬ baˬ da baˇ neh.
Aˬ yawꞈ maꞈ ya shiˇ gaˇ keuˆ meh.
2Tahˬ pahˬ aˬ ma mawˇ kawˇ tehˆ-awˇ,
uˬ duˬ tahˬ dui dui-eu laꞈ kʼoeˇ,
iˬ baˇ mˇ-eu maˬ naˬ leˇ-a.
Tsawˇ haˬ zaˬ neh shaˇ noeˬ doˆ-awˇ,
tsawˇ haˬ-euˬ aˬ laꞈ neh jahˇ-awˇ,
pyuˇ neh lawˬ-euˬ mawˇ kawˇ deuˬ-ahˇ,
“Lawˇ-awˬ shehˇ-awˬ” lehˇ ehˇ-eu meh.
Mawˇ neˇ mawˇ gaw-ahˇ duˇ leˇ-eu,
tahˬ pahˬ aˬ ma mawˇ kawˇ deuˬ-ahˇ,
aˬ joˆ-ehˇ mehˬ cuˇ cuˇ nehˬ nmˇ.
3Uˬ shawˬ tmˬ-eu juˬ kʼoeˬ hawˇ-eu,
uˬ shawˬ buiˇ-iˇ-eu ceuˬ loꞈ-ehˇ,
tsawˇ haˬ kʼoeˇ deuˬ byoˆ jiˇ tehꞈ-a.
Cehˇ diˬ-euˬ gaˇ ga-eu lehˇ meuꞈ,
jaˬ lehˇ bi baw byoˆ-eu loꞈ-ehˇ,
uˬ kʼoeˬ bawˬ law-ahˇ doˆ laˇ-eu,
miˬ dzaˬ tsawˬ bu uˬ kʼoeˬ loꞈ-ehˇ,
aˬ yawꞈ maꞈ byoˆ-iˇ jiˇ tehꞈ-a.
4Sahˬpaˬ Miˬyehˇ ehˇ-eu dawˬ-aˬ,
“Sahˬpaˬ Miˬyehˇ pyeuꞈ-eu ngaˇ-aˬ,
Iˇjiˇtuˆ miˇ kʼahˬ laꞈ kʼoeˇ neh,
naw maꞈ-ahˇ sheuˬ doˆ nehˬ laꞈ-euˬ,
naw maꞈ-euˬ Miˬyehˇ pyeuꞈ-eu ma.
Naw maꞈ-euˬ Miˬyehˇ ngaˇ tehꞈ ma.
Ka kʼoꞈ nehˬ-euˬ gʼaˬ ngaˇ tehꞈ ma.
5Kʼaˇ shuiꞈ deh-ahˇ gui dui dui gaˇ,
naw maꞈ-ahˇ ngaˇ bo saˆ-euˬ ma.
6Ehˇ kʼawꞈ, miˇ muiˬ-ahˇ le uˇ-awˇ,
ya dzaˬ ya dawˇ dehˆ laˇ ngeh nah,
naw maꞈ nui ma huiˬ laˇ jiˇ-awˇ,
ngaˬ-ahˇ ngehˇ byoˆ nehˬ laꞈ-euˬ meh.
7Kʼoeˇ baˬ da neh naw maꞈ-ahˇ ngaˇ,
aˇ laˬ jaˬ shiˇ loꞈ-ehˇ kawꞈ-awˇ,
naw maꞈ iˇ-eu gaˇ pehˇ gaˇ laˆ,
kʼaˬ zuiˬ loꞈ-ehˇ loꞈ-awˇ dawꞈ ma.
8Zaˬ bi nyehꞈ-euˬ kʼaˬ hmˇ loꞈ-ehˇ,
naw maꞈ-euˬ kʼahˬ ngawˬ paˆ dzeh ma.
Haiˬ-eu aˇ laˬ jaˬ shiˇ loꞈ-ehˇ,
naw maꞈ-ahˇ ngaˇ kawꞈ sehꞈ dzaˬ ma.
Bawˇ tsahˬ jeˬ zaˬ yaw haiˬ loꞈ-ehˇ,
naw maꞈ-ahˇ ngaˇ cehˬ paˆ dzeh ma.
9“Iˇsaˬleˬlaˆ tsawˇ haˬ deuˬ-oˇ,
naw maꞈ-ahˇ ngaˇ laˆ cawˆ nehˬ ma.
Aˬ suˇ gʼaˬ caw ba nehˬ laꞈ nmˇ.
10Sahˬpaˬ hawˇ-eu aˬ yuiꞈ aˬ tsu,
bi laꞈ lehˇ naw maꞈ shaˇ-eu meh.
Ehˇ kʼawꞈ, naw maꞈ-euˬ tsawˇ jeuˬ-ahˇ,
yawꞈ maꞈ ka kʼoꞈ nehˬ nya nmˇ loˇ.
11Ngaˇ nui ma pehˇ laˇ-euˬ laꞈ kʼoeˇ,
naw maꞈ-ahˇ sahˬ paˬ biꞈ nehˬ-awˇ,
ngaˇ nui ma daˆ dui dui laˇ ngeh,
sahˬpaˬ kʼoeˇ deuˬ yuˇ kʼoꞈ-euˬ ma. %
12“Iˇsaˬleˬlaˆ mˇ-euˬ iˬ baˇ,
dawˬ tawˆ luꞈ boꞈ ahˇ jiˇ taˬ-awˇ,
maˬ byoˆ-iˇ ni jeˬ hmˬ-euˬ ma.
13Dehꞈ doˆ le yamˬ keuˆ laˇ-euˬ kʼawꞈ,
uˬ maˆ laꞈ nyiˇ maˬ doˆ le-euˬ,
aˬ li zaˬ nahˬ tiˬ gʼaˬ loꞈ-ehˇ
Iˇsaˬleˬlaˆ dehꞈ ziˇ oꞈ kʼawꞈ,
aˬ dzawˬ aˇ gah gah-eu miˇ neh,
dehꞈ ziˇ kʼoeˇ-ahˇ maˬ za nya-a.
14Shiˇ-eu jeˬ-euˬ miˇ kʼahˬ laꞈ kʼoeˇ,
aˬ yawꞈ maꞈ-ahˇ ngaˇ maˬ ka kʼoꞈ.
Shiˇ-eu baoˬ-euˬ uˬ moˆ shaˬ gaˇ,
aˬ yawꞈ maꞈ-ahˇ ngaˇ maˬ ka kʼoꞈ,
Shiˇ-eu jeˬ-oˇ nawˬ-euˬ shaˆ shiˇ,
yawꞈ maꞈ kʼoeˇ taˆ bi keuˆ le-awˬ.
Shiˇ-eu miˇ kʼahˬ-euˬ yaw cawˆ jeˬ,
aˬ yawꞈ maꞈ-ahˇ tahˬ daˆ nehˬ-awˬ.
Tsawˇ haˬ heu deuˬ-euˬ kʼoeˇ taˆ ngaˇ,
gʼawˬ shaˬ gaˬ-eu maˬ paˇ ahˇ ma.
15Yaˇ moꞈ mehˇ laˇ luꞈ-eu loꞈ-ehˇ,
Iˇsaˬleˬlaˆ mehˇ laˇ luꞈ kʼawꞈ,
kʼaˇ shuiꞈ deh ga paw neh oe-euˬ,
nahˇ ma doˆ kʼehˬ jaˬ lehˇ yaw lahˇ,
aˬ yawꞈ maꞈ-euˬ lawˇ gawˆ hawˇ-eu,
lah duˬ deuˬ bi gui-iˇ jiˇ-awˇ,
kʼaˇ poeˬ kʼaˇ lawˬ-eu jeˬ dawˬ tawˆ,
bi piˬ bi byoˆ-iˇ jiˇ tehꞈ-a.
16Ngaˬ-ahˇ puiˬ-euˬ jeˬ baˬ da neh,
Saˬmaˬliˆ meuˬ-ahˇ ya kʼehˬ meh.
Meuˬ laꞈ kʼoeˇ jawˇ-eu tsawˇ haˬ deuˬ,
guiˇ deuˆ luꞈ ngeh bi deuˆ sehꞈ-awˇ,
zaˬ nahˬ yaw nyiˇ deuˬ-ahˇ keuˆ ni,
miˇ tsa dawˬ duˆ ka sehꞈ nehˬ-awˇ,
aˬ nyiˇ pi-eu aˬ ma deuˬ-ahˇ,
uˬ maˆ ceuꞈ paˆ nehˬ yaꞈ tehꞈ-a.”
Currently Selected:
Hawˇseˬ 13: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Hawˇseˬ 13
13
Iˇsaˬleˬlaˆ-ahˇ yaˇ kʼaˬ daˇ-eu aˇ saˬ saˬ-eu poˆ
1Eˇpaˬleˬ tsawˇ jeuˬ dawˬ ngehˬ ngeh,
Iˇsaˬleˬlaˆ tsawˇ jeuˬ nui deuˬ,
guˆ-awˇ taˬ huiˬ taˬ mahˇ-euˬ meh.
Ehˇ kʼawꞈ ni Baˬlaˇ miˬ yehˇ-ahˇ,
uˬ duˬ tahˬ-euˬ baˬ da baˇ neh.
Aˬ yawꞈ maꞈ ya shiˇ gaˇ keuˆ meh.
2Tahˬ pahˬ aˬ ma mawˇ kawˇ tehˆ-awˇ,
uˬ duˬ tahˬ dui dui-eu laꞈ kʼoeˇ,
iˬ baˇ mˇ-eu maˬ naˬ leˇ-a.
Tsawˇ haˬ zaˬ neh shaˇ noeˬ doˆ-awˇ,
tsawˇ haˬ-euˬ aˬ laꞈ neh jahˇ-awˇ,
pyuˇ neh lawˬ-euˬ mawˇ kawˇ deuˬ-ahˇ,
“Lawˇ-awˬ shehˇ-awˬ” lehˇ ehˇ-eu meh.
Mawˇ neˇ mawˇ gaw-ahˇ duˇ leˇ-eu,
tahˬ pahˬ aˬ ma mawˇ kawˇ deuˬ-ahˇ,
aˬ joˆ-ehˇ mehˬ cuˇ cuˇ nehˬ nmˇ.
3Uˬ shawˬ tmˬ-eu juˬ kʼoeˬ hawˇ-eu,
uˬ shawˬ buiˇ-iˇ-eu ceuˬ loꞈ-ehˇ,
tsawˇ haˬ kʼoeˇ deuˬ byoˆ jiˇ tehꞈ-a.
Cehˇ diˬ-euˬ gaˇ ga-eu lehˇ meuꞈ,
jaˬ lehˇ bi baw byoˆ-eu loꞈ-ehˇ,
uˬ kʼoeˬ bawˬ law-ahˇ doˆ laˇ-eu,
miˬ dzaˬ tsawˬ bu uˬ kʼoeˬ loꞈ-ehˇ,
aˬ yawꞈ maꞈ byoˆ-iˇ jiˇ tehꞈ-a.
4Sahˬpaˬ Miˬyehˇ ehˇ-eu dawˬ-aˬ,
“Sahˬpaˬ Miˬyehˇ pyeuꞈ-eu ngaˇ-aˬ,
Iˇjiˇtuˆ miˇ kʼahˬ laꞈ kʼoeˇ neh,
naw maꞈ-ahˇ sheuˬ doˆ nehˬ laꞈ-euˬ,
naw maꞈ-euˬ Miˬyehˇ pyeuꞈ-eu ma.
Naw maꞈ-euˬ Miˬyehˇ ngaˇ tehꞈ ma.
Ka kʼoꞈ nehˬ-euˬ gʼaˬ ngaˇ tehꞈ ma.
5Kʼaˇ shuiꞈ deh-ahˇ gui dui dui gaˇ,
naw maꞈ-ahˇ ngaˇ bo saˆ-euˬ ma.
6Ehˇ kʼawꞈ, miˇ muiˬ-ahˇ le uˇ-awˇ,
ya dzaˬ ya dawˇ dehˆ laˇ ngeh nah,
naw maꞈ nui ma huiˬ laˇ jiˇ-awˇ,
ngaˬ-ahˇ ngehˇ byoˆ nehˬ laꞈ-euˬ meh.
7Kʼoeˇ baˬ da neh naw maꞈ-ahˇ ngaˇ,
aˇ laˬ jaˬ shiˇ loꞈ-ehˇ kawꞈ-awˇ,
naw maꞈ iˇ-eu gaˇ pehˇ gaˇ laˆ,
kʼaˬ zuiˬ loꞈ-ehˇ loꞈ-awˇ dawꞈ ma.
8Zaˬ bi nyehꞈ-euˬ kʼaˬ hmˇ loꞈ-ehˇ,
naw maꞈ-euˬ kʼahˬ ngawˬ paˆ dzeh ma.
Haiˬ-eu aˇ laˬ jaˬ shiˇ loꞈ-ehˇ,
naw maꞈ-ahˇ ngaˇ kawꞈ sehꞈ dzaˬ ma.
Bawˇ tsahˬ jeˬ zaˬ yaw haiˬ loꞈ-ehˇ,
naw maꞈ-ahˇ ngaˇ cehˬ paˆ dzeh ma.
9“Iˇsaˬleˬlaˆ tsawˇ haˬ deuˬ-oˇ,
naw maꞈ-ahˇ ngaˇ laˆ cawˆ nehˬ ma.
Aˬ suˇ gʼaˬ caw ba nehˬ laꞈ nmˇ.
10Sahˬpaˬ hawˇ-eu aˬ yuiꞈ aˬ tsu,
bi laꞈ lehˇ naw maꞈ shaˇ-eu meh.
Ehˇ kʼawꞈ, naw maꞈ-euˬ tsawˇ jeuˬ-ahˇ,
yawꞈ maꞈ ka kʼoꞈ nehˬ nya nmˇ loˇ.
11Ngaˇ nui ma pehˇ laˇ-euˬ laꞈ kʼoeˇ,
naw maꞈ-ahˇ sahˬ paˬ biꞈ nehˬ-awˇ,
ngaˇ nui ma daˆ dui dui laˇ ngeh,
sahˬpaˬ kʼoeˇ deuˬ yuˇ kʼoꞈ-euˬ ma. %
12“Iˇsaˬleˬlaˆ mˇ-euˬ iˬ baˇ,
dawˬ tawˆ luꞈ boꞈ ahˇ jiˇ taˬ-awˇ,
maˬ byoˆ-iˇ ni jeˬ hmˬ-euˬ ma.
13Dehꞈ doˆ le yamˬ keuˆ laˇ-euˬ kʼawꞈ,
uˬ maˆ laꞈ nyiˇ maˬ doˆ le-euˬ,
aˬ li zaˬ nahˬ tiˬ gʼaˬ loꞈ-ehˇ
Iˇsaˬleˬlaˆ dehꞈ ziˇ oꞈ kʼawꞈ,
aˬ dzawˬ aˇ gah gah-eu miˇ neh,
dehꞈ ziˇ kʼoeˇ-ahˇ maˬ za nya-a.
14Shiˇ-eu jeˬ-euˬ miˇ kʼahˬ laꞈ kʼoeˇ,
aˬ yawꞈ maꞈ-ahˇ ngaˇ maˬ ka kʼoꞈ.
Shiˇ-eu baoˬ-euˬ uˬ moˆ shaˬ gaˇ,
aˬ yawꞈ maꞈ-ahˇ ngaˇ maˬ ka kʼoꞈ,
Shiˇ-eu jeˬ-oˇ nawˬ-euˬ shaˆ shiˇ,
yawꞈ maꞈ kʼoeˇ taˆ bi keuˆ le-awˬ.
Shiˇ-eu miˇ kʼahˬ-euˬ yaw cawˆ jeˬ,
aˬ yawꞈ maꞈ-ahˇ tahˬ daˆ nehˬ-awˬ.
Tsawˇ haˬ heu deuˬ-euˬ kʼoeˇ taˆ ngaˇ,
gʼawˬ shaˬ gaˬ-eu maˬ paˇ ahˇ ma.
15Yaˇ moꞈ mehˇ laˇ luꞈ-eu loꞈ-ehˇ,
Iˇsaˬleˬlaˆ mehˇ laˇ luꞈ kʼawꞈ,
kʼaˇ shuiꞈ deh ga paw neh oe-euˬ,
nahˇ ma doˆ kʼehˬ jaˬ lehˇ yaw lahˇ,
aˬ yawꞈ maꞈ-euˬ lawˇ gawˆ hawˇ-eu,
lah duˬ deuˬ bi gui-iˇ jiˇ-awˇ,
kʼaˇ poeˬ kʼaˇ lawˬ-eu jeˬ dawˬ tawˆ,
bi piˬ bi byoˆ-iˇ jiˇ tehꞈ-a.
16Ngaˬ-ahˇ puiˬ-euˬ jeˬ baˬ da neh,
Saˬmaˬliˆ meuˬ-ahˇ ya kʼehˬ meh.
Meuˬ laꞈ kʼoeˇ jawˇ-eu tsawˇ haˬ deuˬ,
guiˇ deuˆ luꞈ ngeh bi deuˆ sehꞈ-awˇ,
zaˬ nahˬ yaw nyiˇ deuˬ-ahˇ keuˆ ni,
miˇ tsa dawˬ duˆ ka sehꞈ nehˬ-awˇ,
aˬ nyiˇ pi-eu aˬ ma deuˬ-ahˇ,
uˬ maˆ ceuꞈ paˆ nehˬ yaꞈ tehꞈ-a.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.