Hawˇseˬ 11
11
1Sahˬpaˬ Miˬyehˇ ehˇ-eu dawˬ-aˬ,
“Iˇsaˬleˬlaˆ yaw nyiˇ gʼeh ngeh,
aˬ yawꞈ-ahˇ ngaˇ gaˬ dui dui-awˇ,
ngaˬ-euˬ aˬ li tiˬ gʼaˬ loꞈ-ehˇ,
Iˇjiˇtuˆ miˇ kʼahˬ laꞈ kʼoeˇ neh,
ngaˬ neh sheuˬ kʼoꞈ doˆ laꞈ-euˬ ma.
2Ehˇ kʼawꞈ, ngehˬ kuˇ ngehˬ iˇ iˇ-awˇ,
ngaˬ-ahˇ gaˇ mahˇ kaˬ-iˇ-euˬ meh.
Baˬlaˇ miˬyehˇ-ahˇ lawˇ nehˬ-awˇ,
tahˬ pahˬ aˬ ma mawˇ kawˇ deuˬ-ahˇ,
tsiˇ yaw saw doꞈ damˬ nehˬ-euˬ meh.
3Iˇsaˬleˬlaˆ cah nya laˇ ni,
cah dzawˇ dzawˇ nehˬ-euˬ gʼaˬ ngaˇ ma.
Ngaˬ neh ciˬ huiˬ ciˬ mahˇ-euˬ kʼawꞈ,
aˬ yawꞈ maꞈ-ahˇ ngaˇ haw meh lehˇ,
tiˬ pawꞈ-iˬ maˬ noeˬ doˆ leˇ-a.
4Nui gaˬ shaˬ coeˇ byah-eu laꞈ kʼoeˇ,
aˬ yawꞈ maꞈ-ahˇ ngaˇ tsahˇ-euˬ ma.
Aˬ yawꞈ maꞈ-ahˇ ciˬ cuˇ cuˇ-awˇ,
baˬ ba tiˬ gaˇ ciˬ tawꞈ-euˬ ma.
Ngaˬ-euˬ gʼawˇ mawˇ awˆ kʼoꞈ nehˬ-awˇ,
aˬ yawꞈ maꞈ-ahˇ bi dzaˬ-euˬ ma.
5“Iˇjiˇtuˆ miˇ kʼahˬ paw iˇ-awˇ,
aˬ yawꞈ maꞈ gʼoꞈ jawˇ-iˇ tehꞈ-a.
Aˬshuˇliˆ dzoeˬ dzaˬ-eu uˬ moˆ,
aˬ yawꞈ maꞈ gʼoꞈ jawˇ leˇ tehꞈ-a.
Aˬ jeˬ miˇ neh ehˇ naˇ,
ngaˇ jawˇ gaˇ maˬ gʼoꞈ laˇ mawꞈ-a.
6Aˬ yawꞈ maꞈ-euˬ meuˬ deuˬ kʼoeˇ taˆ,
guiˇ deuˆ mi cehˇ deuˬ oe keuˆ-awˇ,
meuˬ lahˇ laˇ gʼoˆ pyaˆ jiˇ tehꞈ-a.
Yawˬ ha nui noeˬ geuꞈ-eu miˇ neh,
laˆ cawˆ nehˬ gaˇ ya daˬ tehꞈ-a.
7Ngaˬ-ahˇ byehˇ-awˇ cehˆ-eu gʼaˇ duˬ,
ngaˬ-euˬ tsawˇ haˬ zeuˆ pyawˇ-euˬ meh.
Kʼaˆ baꞈ kah dui dui-eu miˇ neh,
aˬ yawꞈ maꞈ guˇ guˇ-ehˇ ngoeˇ kʼawꞈ,
baꞈ ka nehˬ-eu gʼaˬ maˬ jawˇ-aˇ.
8“Iˇsaˬleˬlaˆ-oˇ, nawˬ-ahˇ ngaˇ,
aˬ joˆ-ehˇ gʼeh-awˇ byehˇ coeˇ nmˇ.
Aˬdaˬmaˬ-ahˇ kʼehˬ-euˬ loꞈ-ehˇ,
nawˬ-ahˇ ngaˇ aˬ joˆ-ehˇ kʼehˬ nmˇ.
Zeˬbymˬ-ahˇ jahˇ nehˬ-euˬ loꞈ-ehˇ,
nawˬ-ahˇ ngaˇ aˬ joˆ-ehˇ jahˇ nmˇ.
Nawˬ-ahˇ gaˬ dui dui-eu miˇ neh,
kʼoeˇ loꞈ-ehˇ jahˇ nehˬ-eu gʼaˇ duˬ,
ngaˬ-euˬ nui ma maˬ gʼaˬ leˇ nya.
9Ngaˬ-euˬ nui pehˇ huiˬ-eu baˬ da,
nawˬ-ahˇ ngaˇ maˬ paˇ kʼehˬ nehˬ ma.
Iˇsaˬleˬlaˆ-oˇ, nawˬ-ahˇ ngaˇ,
tiˬ jawˇ-iˬ maˬ paˇ laˆ cawˆ ma.
Aˬ jeˬ miˇ neh ehˇ naˇ,
ngaˇ Miˬyehˇ ma. Tsawˇ haˬ maˬ ngeuˇ.
Muiˬ-eu shawˇ-eu gʼaˬ pyeuꞈ-eu ngaˇ,
naw maꞈ nehˬ-ehˇ jawˇ-eu gʼaˬ ma.
Nui naꞈ nui pehˇ ahˇ-eu laꞈ kʼoeˇ,
naw maꞈ jawˇ gaˇ maˬ paˇ oe ma.
10“Aˇ laˬ jaˬ shiˇ lmˬ-eu loꞈ-ehˇ,
muiˇ-eu deuˬ-ahˇ ngaˇ lmˬ nehˬ ngeh,
ngaˬ-euˬ tsawˇ haˬ deuˬ ngaˇ jawˇ gaˇ,
nahˇ ma ga kʼehˬ paw pyawˬ-ahˇ neh,
guˆ guˆ-ehˇ cehˆ gʼoꞈ laꞈ tehꞈ-a.
11Iˇjiˇtuˆ miˇ kahˬ paw dzeˇ neh,
aˇ jiˇ loꞈ-ehˇ zaw kʼoꞈ laꞈ-awˇ,
Aˬshuˇliˆ miˇ kʼahˬ paw dzeˇ neh,
kʼaˬ kʼoeˬ loꞈ-ehˇ gʼoꞈ le tehꞈ-a.
Aˬ yawꞈ maꞈ-ahˇ iˇ kahˇ keuˆ ni,
ngaˇ sheuˬ kʼoꞈ keuˆ nehˬ jiˇ ma” lehˇ,
Sahˬpaˬ Miˬyehˇ ehˇ taˬ-euˬ meh.
Iˇsaˬleˬlaˆ hawˇ-eu Yuˇdaˆ yaw lehˬ yaw ca
12Sahˬpaˬ Miˬyehˇ ehˇ-eu dawˬ-aˬ,
“Iˇsaˬleˬlaˆ tsawˇ haˬ ngaˬ-ahˇ,
jaˬ myawꞈ mehˇ shuiˇ sheu lahˇ-euˬ meh.
Saˇ jaˇ ziꞈ-awˇ muiˬ-eu shawˇ-eu,
ngaˇ loꞈ-ehˇ gʼeh-eu Miˬyehˇ-ahˇ,
Yuˇdaˆ tsawˇ haˬ iˬ nah keuˆ ni,
maˬ tsehˆ leˇ ni puiˬ luꞈ-eu meh.”
Currently Selected:
Hawˇseˬ 11: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Hawˇseˬ 11
11
1Sahˬpaˬ Miˬyehˇ ehˇ-eu dawˬ-aˬ,
“Iˇsaˬleˬlaˆ yaw nyiˇ gʼeh ngeh,
aˬ yawꞈ-ahˇ ngaˇ gaˬ dui dui-awˇ,
ngaˬ-euˬ aˬ li tiˬ gʼaˬ loꞈ-ehˇ,
Iˇjiˇtuˆ miˇ kʼahˬ laꞈ kʼoeˇ neh,
ngaˬ neh sheuˬ kʼoꞈ doˆ laꞈ-euˬ ma.
2Ehˇ kʼawꞈ, ngehˬ kuˇ ngehˬ iˇ iˇ-awˇ,
ngaˬ-ahˇ gaˇ mahˇ kaˬ-iˇ-euˬ meh.
Baˬlaˇ miˬyehˇ-ahˇ lawˇ nehˬ-awˇ,
tahˬ pahˬ aˬ ma mawˇ kawˇ deuˬ-ahˇ,
tsiˇ yaw saw doꞈ damˬ nehˬ-euˬ meh.
3Iˇsaˬleˬlaˆ cah nya laˇ ni,
cah dzawˇ dzawˇ nehˬ-euˬ gʼaˬ ngaˇ ma.
Ngaˬ neh ciˬ huiˬ ciˬ mahˇ-euˬ kʼawꞈ,
aˬ yawꞈ maꞈ-ahˇ ngaˇ haw meh lehˇ,
tiˬ pawꞈ-iˬ maˬ noeˬ doˆ leˇ-a.
4Nui gaˬ shaˬ coeˇ byah-eu laꞈ kʼoeˇ,
aˬ yawꞈ maꞈ-ahˇ ngaˇ tsahˇ-euˬ ma.
Aˬ yawꞈ maꞈ-ahˇ ciˬ cuˇ cuˇ-awˇ,
baˬ ba tiˬ gaˇ ciˬ tawꞈ-euˬ ma.
Ngaˬ-euˬ gʼawˇ mawˇ awˆ kʼoꞈ nehˬ-awˇ,
aˬ yawꞈ maꞈ-ahˇ bi dzaˬ-euˬ ma.
5“Iˇjiˇtuˆ miˇ kʼahˬ paw iˇ-awˇ,
aˬ yawꞈ maꞈ gʼoꞈ jawˇ-iˇ tehꞈ-a.
Aˬshuˇliˆ dzoeˬ dzaˬ-eu uˬ moˆ,
aˬ yawꞈ maꞈ gʼoꞈ jawˇ leˇ tehꞈ-a.
Aˬ jeˬ miˇ neh ehˇ naˇ,
ngaˇ jawˇ gaˇ maˬ gʼoꞈ laˇ mawꞈ-a.
6Aˬ yawꞈ maꞈ-euˬ meuˬ deuˬ kʼoeˇ taˆ,
guiˇ deuˆ mi cehˇ deuˬ oe keuˆ-awˇ,
meuˬ lahˇ laˇ gʼoˆ pyaˆ jiˇ tehꞈ-a.
Yawˬ ha nui noeˬ geuꞈ-eu miˇ neh,
laˆ cawˆ nehˬ gaˇ ya daˬ tehꞈ-a.
7Ngaˬ-ahˇ byehˇ-awˇ cehˆ-eu gʼaˇ duˬ,
ngaˬ-euˬ tsawˇ haˬ zeuˆ pyawˇ-euˬ meh.
Kʼaˆ baꞈ kah dui dui-eu miˇ neh,
aˬ yawꞈ maꞈ guˇ guˇ-ehˇ ngoeˇ kʼawꞈ,
baꞈ ka nehˬ-eu gʼaˬ maˬ jawˇ-aˇ.
8“Iˇsaˬleˬlaˆ-oˇ, nawˬ-ahˇ ngaˇ,
aˬ joˆ-ehˇ gʼeh-awˇ byehˇ coeˇ nmˇ.
Aˬdaˬmaˬ-ahˇ kʼehˬ-euˬ loꞈ-ehˇ,
nawˬ-ahˇ ngaˇ aˬ joˆ-ehˇ kʼehˬ nmˇ.
Zeˬbymˬ-ahˇ jahˇ nehˬ-euˬ loꞈ-ehˇ,
nawˬ-ahˇ ngaˇ aˬ joˆ-ehˇ jahˇ nmˇ.
Nawˬ-ahˇ gaˬ dui dui-eu miˇ neh,
kʼoeˇ loꞈ-ehˇ jahˇ nehˬ-eu gʼaˇ duˬ,
ngaˬ-euˬ nui ma maˬ gʼaˬ leˇ nya.
9Ngaˬ-euˬ nui pehˇ huiˬ-eu baˬ da,
nawˬ-ahˇ ngaˇ maˬ paˇ kʼehˬ nehˬ ma.
Iˇsaˬleˬlaˆ-oˇ, nawˬ-ahˇ ngaˇ,
tiˬ jawˇ-iˬ maˬ paˇ laˆ cawˆ ma.
Aˬ jeˬ miˇ neh ehˇ naˇ,
ngaˇ Miˬyehˇ ma. Tsawˇ haˬ maˬ ngeuˇ.
Muiˬ-eu shawˇ-eu gʼaˬ pyeuꞈ-eu ngaˇ,
naw maꞈ nehˬ-ehˇ jawˇ-eu gʼaˬ ma.
Nui naꞈ nui pehˇ ahˇ-eu laꞈ kʼoeˇ,
naw maꞈ jawˇ gaˇ maˬ paˇ oe ma.
10“Aˇ laˬ jaˬ shiˇ lmˬ-eu loꞈ-ehˇ,
muiˇ-eu deuˬ-ahˇ ngaˇ lmˬ nehˬ ngeh,
ngaˬ-euˬ tsawˇ haˬ deuˬ ngaˇ jawˇ gaˇ,
nahˇ ma ga kʼehˬ paw pyawˬ-ahˇ neh,
guˆ guˆ-ehˇ cehˆ gʼoꞈ laꞈ tehꞈ-a.
11Iˇjiˇtuˆ miˇ kahˬ paw dzeˇ neh,
aˇ jiˇ loꞈ-ehˇ zaw kʼoꞈ laꞈ-awˇ,
Aˬshuˇliˆ miˇ kʼahˬ paw dzeˇ neh,
kʼaˬ kʼoeˬ loꞈ-ehˇ gʼoꞈ le tehꞈ-a.
Aˬ yawꞈ maꞈ-ahˇ iˇ kahˇ keuˆ ni,
ngaˇ sheuˬ kʼoꞈ keuˆ nehˬ jiˇ ma” lehˇ,
Sahˬpaˬ Miˬyehˇ ehˇ taˬ-euˬ meh.
Iˇsaˬleˬlaˆ hawˇ-eu Yuˇdaˆ yaw lehˬ yaw ca
12Sahˬpaˬ Miˬyehˇ ehˇ-eu dawˬ-aˬ,
“Iˇsaˬleˬlaˆ tsawˇ haˬ ngaˬ-ahˇ,
jaˬ myawꞈ mehˇ shuiˇ sheu lahˇ-euˬ meh.
Saˇ jaˇ ziꞈ-awˇ muiˬ-eu shawˇ-eu,
ngaˇ loꞈ-ehˇ gʼeh-eu Miˬyehˇ-ahˇ,
Yuˇdaˆ tsawˇ haˬ iˬ nah keuˆ ni,
maˬ tsehˆ leˇ ni puiˬ luꞈ-eu meh.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.