MATIUS 24
24
Pinoboros di Yesus o Karaagan di Walai'd Sasambayangan dot Agayo
(Mar. 13.1-2, Luk. 21.5-6)
1Om di nopoddi tuminongkiad i Yesus di Walai'd Sasambayangan dot Agayo, om rikot no dot id dau i tumatanud dau, om tuduko' no diyolo' i Walai'd Sasambayangan dot Agayo. 2Om boros ka di Yesus dot id diyolo', “Okito ngai' daa dokoyu ilo'. Nga' ilaai no dokoyu dot aiso' nondo o tongoiso' piya di watu do pinamaal diti dot oolu' do mogitimpak-timpak do hilo'd pinouludan mantad tu' oinsanan nopondo do habaon,” ka dau.
Kosusaan om Koinggoritan
(Mar. 13.3-13, Luk. 21.7-19)
3Om ongoi noddi i Yesus do hiri'd Nulu-Nulu do Saitun. Om di nopo di poirikau iyau om rikot no i tumatanud dau do minongoi boro-boros dau dot iyolo-yolo'. Om boros kaddi diyolo' dot id dau, “Sunudai daa iyahai ondung soira' dot ongosiliu ngai' iti. Om nunu o pogintutunan do korikatan nu om kopupuson diti pomogunan?” ka diyolo'.
4Om boros ka di Yesus do suminimbar, “Antaan-taan no kopio dokoyu om a' kou i' apalid. 5Tu' ogumu' nondo o tulun do rumikot do mamakai'd ngaran ku om momoros dot, ‘Iyoho' no i Raja' do Gampamasi!’ ka. Om ogumu' tomod nondo o tulun dot aakalan diyolo'. 6Om korongou kou nondo do tuni do mogisasaap om habar do mogisasangod; nga' kada' kou kooris. Tu' a' no milo'd a' osiliu ngai' o miagal diri, nga' okon po mando ko' kopupuson kopio'd pomogunan iri. 7Mogisasaap nondo o bansa'd tulun, om mogisasangod o pomogunan. Om pointongkop nopondo o mononglous om gumuyu' o tana'. 8Nga' iri ngai' nopoddi om koimpuunon nogi' do miagal noddi tondu' do monohoruol nogi' do tontok dit oruhai nod osusu.
9Om#Mat. 10.22 ngoyon kou nogindo tangkapo' om inggoriton kou om patayon kou. Om oinsanan nopondo o hiti'd pomogunan dot araatan dokoyu tu' tumatanud kou i' doho'. 10Om tontok nopondoddi om ogumu' nondo o tulun do tumanus o kotumbayaan, om ogumu' o tulun do popohudsu do tulun do suwai om mogitotogod. 11Ogumu' nondo o nabi di goudut do rumikot, om magakal nondo iyolo' dot ogumu' o tulun. 12Om tumongkop nopondo kopio o karaaton gisom dot ogumu' nondo o tulun dit a' no milo dot osianan. 13Nga'#Mat. 10.22 iri nopondo tulun dit ogirot do gisom do kopupuson om posion indo. 14Om popinsunudon nondo dot id pointongkop do pomogunan i Habar dot Osonong do pasal do Pomorintaan do Kinorohingan, om kongorongou ngai' indo o tulun diri. Om osiliu pondo o miagal diri om orikot nogi' o kopupuson diti pomogunan,” ka dau.
I Karaaton di Mamaraag
(Mar. 13.14-23, Luk. 21.20-24)
15Om#Dan. 9.27, 11.31, 12.11 boros ka kawagu di Yesus, “Kokito kou nondo di ‘karaaton di mamaraag’, do miagal di pinoboros di Nabi Daniol, do poingkakat do hiri'd kinoiyonon dit olidang. (Kopoilaan dot id tulun di mambasa': Ilaan no kopio o komoyon diti.) 16Tontok nopondoddi, om mositi' no do mogidu' do hilo'd konuluhanan i tulun do hilo'd Yudia. 17Om#Luk. 17.31 iri nopo tulun do hiri'd sakai di taap do walai dau, om a' no minog do lumintuhun do mongoi panganu do nunu nopo do mantad hiri'd suang di walai dau. 18Om iri tulun di hiri'd dumo nga' kada' no guli' do mongoi'd rasuk dau. 19Nga' araat no kopio o tadau'ddi dot id tongoondu' di monontian, om i tongoondu' di maso do posusu do tanak dau! 20Sumambayang kou no om a' i' koontok do dongrumasam om tadau'd Sabat o tadau di kopoggiduan dokoyu! 21Om#Dan. 12.1, Pin. 7.14 tontok nopondo di piro-piro o tadau di korolosi kopio'ddi, om haro nondo o kosusaan dit agayo kopio dit a' po insan kosiliu do mantad di wonsoyo' i' iti pomogunan om gisom do dinondo. Om a' no osiliu kawagu o miagal diri. 22Om ondung a' daa'd Kinorohingan poinnibaon o maso'ddi om aiso' no daa o tiso' piya'd tulun dot apasi. Nga' poinnibaon id Kinorohingan o maso'ddi, dot i tulun di songonuon dau o kopoinnibaan.
23Tontok nopondoddi, om ondung haro o tulun do momoros dot id dokoyu dot, ‘Ontong pogi', nga' nokorikot no moti'd hiti i Raja' do Gampamasi!’ ka, ko', ‘Nokorikot no iyau'd hilo’ ka, om kada' kou nogi' ponongkuyaai di tulun diri. 24Tu' mimbulai motindo o piro-piro o gampamasi di goudut om piro-piro o nabi di goudut. Om mingwonsoi nondo iyolo' do piro-piro o koimayaan, om i kosuayan kopio do maan do pagakal do tulun, om milo-milo nopo om pagakal nogi' do tulun piya di nasanganu nod Kinorohingan. 25Iyo nopoddi, om umbangan-banganan no kopio dokoyu! Nokosunud mantad ku no dokoyu iti do tontok dit a' po osiliu o miagal diri.
26Ondung#Luk. 17.23-24 haro o tulun do momoros dot id dokoyu dot, ‘Ontong pogi', nga' hilo' no moti' iyau'd tana' do kowotuan!’ ka, om kada' kou nogi' ongoi'd hilo'. Om ondung momoros iyolo' dot, ‘Ontong pogi', nga' poillisok moti' iyau dot id bilik diti!’ ka, om kada' kou nogi' ponongkuyaai'ddi. 27Tu' korikatan nopod Tanak do Tulun om iyo noddi kodumaat do kumalab do hilo'd koulayon om kababang do hilo'd kotonobon.
28Om#Luk. 17.37 honggo nopo o haro o rata' om hiri no o timungan do tombolog di mangangakan do rata',” ka di Yesus.
Korikatan di Tanak do Tulun
(Mar. 13.24-27, Luk. 21.25-28)
29Om#Yos. 13.10, 34.4, Ykl. 32.7, Yol. 2.10,31, 3.15, Pin. 6.12-13 boros ka kawagu di Yesus, “Om a' pondo alaid do mantad di haro o kosusaan do maso'ddi, om tumuong nondo ilo tadau, om a' mogulinau ilo tulan. Om rumatu' nondo ilo rombituon do mantad hilo'd tawan, om angagangau ngai' nopondo i monguasa' do hilo'd tawan. 30Om#Dan. 7.13, Sak. 12.10-14, Pin. 1.7 osiliu pondo o miagal diri, om haro nondo o pogintutunan di Tanak do Tulun dot okito do hilo'd tawan. Om tontok nopondoddi om mihad ngai' nopondo o bansa'd tulun do hiti'd pomogunan. Om okito nondo diyolo' i Tanak do Tulun do rumikot do poinsakai'd haun do mikuwo'd kuasa' om kagayaan dau dit agayo kopio. 31Om pounion nondo i torumpit dit agayo, om suhuon nondo di Tanak do Tulun i moloikat dau do mongoi ponimung di tulun di songonuon dau do mantad id apat o linsuk diti pomogunan, om mantad id tisan do tawan om korikot dot id tisan ponong id sampaping,” ka dau.
Ponudukan dot Aanu do Mantad id Guas dot Ara
(Mar. 13.28-31, Luk. 21.29-33)
32Om boros ka kawagu di Yesus, “Pinsingilaan no dokoyu o ponudukan dot aanu do mantad id guas dot ara. Tu' tumomou nopo om mongomulok i raan do kayu'ddi om tumimpuun do momutolid, om oilaan no dokoyu dot oruhai nod orikot i maso dot alasu'. 33Om iyo nogiddi, tu' okito nopo dokoyu dot ongosiliu o miagal diri, om oilaan no dokoyu dot oruhai no kopio dot orikot o maso'ddi.#24.33 Oruhai no kopio dot orikot o maso'ddi; ko': osomok no iyau, oruhai no iyau do korikot. 34Ilaai no dokoyu! Dot a' po angapatai ngai' iti tulun do songimpasi do dinondo, om ongosiliu no o miagal diri. 35Tumanus i' o tawan om pomogunan, nga' boros ku nopo om hino kasai' i' do gisom do poingompus,” ka dau.
Aiso' i' o Tulun do Koilo do Tadau ko' Jam Diri
(Mar. 13.32-37, Luk. 17.26-30,34-36)
36Om boros ka kawagu di Yesus, “Aiso' i' o koilo ondung soira' o tadau om jam diri, om iri piya i moloikat di hilo'd surga nga' a' i' koilo, om iri Tanak do Kinorohingan nga' a' i' koilo#24.36 Haro i' o piro-piro solinan dot aiso' o pointulis do boros do: Tanak do Kinorohingan nga' a' i' koilo. suwai ko' iri no i Tapa' o koilo. 37Rumikot#Kwn. 6.5-8 nopondo i Tanak do Tulun, om kowoyo-woyoo' nopo do korikatan dau om iyo do kowoyo-woyoo' di poimpasi po i Nuu di gulu po. 38Tontok di piro-piro po o tadau do mantad do korikatan di sakob dot agayo, om mangakan-ngakan nopo om monginum-nginum om mogikakawin i tulun. Om iyo nopo kasai'ddi do gisom do norikot i tadau di suminuang i Nuu di kapal do rahat. 39Om#Kwn. 7.6-24 korikatai poddi iyolo' di sakob om kopurimanai nogi' daa'ddi diyolo' i nosiliu'ddi. Om iyo noddi o kowoyo-woyoo' do rumikot o Tanak do Tulun do koimbagu. 40Tontok nopondoddi, om haro nopondo o duwo o tulun do morobuat do hiri'd tumo, om ngoyon nondo o songulun om tongkiadan nopo i tiso'. 41Om haro nopo o duwo o tondu' do tumutu do gandum, om ngoyon nondo o songulun om tongkiadan nopo i tiso'. 42Iyo nopoddi, om antaan-taan no dokoyu, tu' a' i' dokoyu oilaan ondung soira' i Tuhan dokoyu do rumikot. 43Ilaai#Luk. 12.39-40 no dokoyu iti! Ondung oilaan daa di sanganu di walai o jam do korikatan di tulun di mongoi panakau do dongotuong, om a' i' daa iyau modop, om a' indo i tulun do manakau kasalakoi di walai dau. 44Iyo nopoddi, om iyokoyu nga' apatut nogi' do posodia' kasai' nopo. Tu' rumikot indo i Tanak do Tulun do tontok do maso dit a' i' daa dokoyu soro-sorohon,” ka dau.
Susuhuon dit Otorodok om Susuhuon dit A' Otorodok
(Luk. 12.41-48)
45Om boros ka kawagu di Yesus, “Iyo nopoddi, om isai ma o susuhuon dit otorodok om it oilo? Iri no i tulun di siniliu di tuan dau do boyoon di susuhuon do suwai, om oonuan i' dau iyolo' do takanon do tontok di maso do natantu' mantad. 46Olumaag no kopio i susuhuon di maso do momonsoi di karaja' dau dot orikatan di tuan dau. 47Ponongkuyaai kou no, do silihon nondo di tuan i susuhuon dau'ddi do mongilo-ilo ngai' di dapu' dau. 48Nga' ondung araat i susuhuon diri, om momusorou nondo iyau dot, 49‘Alaid po bo do gumuli' i tuan ku'ddi!’ ka, om pimbobogon nondo dau i susuhuon do suwai, om mongoi sugku' di magagauk do mangakan-ngakan om moginum. 50Om korikot nondo i tuan dau do tontok di tadau om jam dit a' i' daa dau soro-sorohon. 51Om oi-oiyon nopondo di tuan o pomohukum#24.51 Oi-oiyon nopondo di tuan o pomohukum; ko': uyungon do posoliwan. di susuhuon dau, om pataamon dau i susuhuon dau'ddi dot id kinoiyonon di tulun di minsorupai-rupai no toomod. Om mingihad pondo iyolo' om oinggorit do hiri,” ka dau.
Currently Selected:
MATIUS 24: BDK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2007, Pertubuhan Bible Malaysia Copyright © 2007, Bible Society of Malaysia
MATIUS 24
24
Pinoboros di Yesus o Karaagan di Walai'd Sasambayangan dot Agayo
(Mar. 13.1-2, Luk. 21.5-6)
1Om di nopoddi tuminongkiad i Yesus di Walai'd Sasambayangan dot Agayo, om rikot no dot id dau i tumatanud dau, om tuduko' no diyolo' i Walai'd Sasambayangan dot Agayo. 2Om boros ka di Yesus dot id diyolo', “Okito ngai' daa dokoyu ilo'. Nga' ilaai no dokoyu dot aiso' nondo o tongoiso' piya di watu do pinamaal diti dot oolu' do mogitimpak-timpak do hilo'd pinouludan mantad tu' oinsanan nopondo do habaon,” ka dau.
Kosusaan om Koinggoritan
(Mar. 13.3-13, Luk. 21.7-19)
3Om ongoi noddi i Yesus do hiri'd Nulu-Nulu do Saitun. Om di nopo di poirikau iyau om rikot no i tumatanud dau do minongoi boro-boros dau dot iyolo-yolo'. Om boros kaddi diyolo' dot id dau, “Sunudai daa iyahai ondung soira' dot ongosiliu ngai' iti. Om nunu o pogintutunan do korikatan nu om kopupuson diti pomogunan?” ka diyolo'.
4Om boros ka di Yesus do suminimbar, “Antaan-taan no kopio dokoyu om a' kou i' apalid. 5Tu' ogumu' nondo o tulun do rumikot do mamakai'd ngaran ku om momoros dot, ‘Iyoho' no i Raja' do Gampamasi!’ ka. Om ogumu' tomod nondo o tulun dot aakalan diyolo'. 6Om korongou kou nondo do tuni do mogisasaap om habar do mogisasangod; nga' kada' kou kooris. Tu' a' no milo'd a' osiliu ngai' o miagal diri, nga' okon po mando ko' kopupuson kopio'd pomogunan iri. 7Mogisasaap nondo o bansa'd tulun, om mogisasangod o pomogunan. Om pointongkop nopondo o mononglous om gumuyu' o tana'. 8Nga' iri ngai' nopoddi om koimpuunon nogi' do miagal noddi tondu' do monohoruol nogi' do tontok dit oruhai nod osusu.
9Om#Mat. 10.22 ngoyon kou nogindo tangkapo' om inggoriton kou om patayon kou. Om oinsanan nopondo o hiti'd pomogunan dot araatan dokoyu tu' tumatanud kou i' doho'. 10Om tontok nopondoddi om ogumu' nondo o tulun do tumanus o kotumbayaan, om ogumu' o tulun do popohudsu do tulun do suwai om mogitotogod. 11Ogumu' nondo o nabi di goudut do rumikot, om magakal nondo iyolo' dot ogumu' o tulun. 12Om tumongkop nopondo kopio o karaaton gisom dot ogumu' nondo o tulun dit a' no milo dot osianan. 13Nga'#Mat. 10.22 iri nopondo tulun dit ogirot do gisom do kopupuson om posion indo. 14Om popinsunudon nondo dot id pointongkop do pomogunan i Habar dot Osonong do pasal do Pomorintaan do Kinorohingan, om kongorongou ngai' indo o tulun diri. Om osiliu pondo o miagal diri om orikot nogi' o kopupuson diti pomogunan,” ka dau.
I Karaaton di Mamaraag
(Mar. 13.14-23, Luk. 21.20-24)
15Om#Dan. 9.27, 11.31, 12.11 boros ka kawagu di Yesus, “Kokito kou nondo di ‘karaaton di mamaraag’, do miagal di pinoboros di Nabi Daniol, do poingkakat do hiri'd kinoiyonon dit olidang. (Kopoilaan dot id tulun di mambasa': Ilaan no kopio o komoyon diti.) 16Tontok nopondoddi, om mositi' no do mogidu' do hilo'd konuluhanan i tulun do hilo'd Yudia. 17Om#Luk. 17.31 iri nopo tulun do hiri'd sakai di taap do walai dau, om a' no minog do lumintuhun do mongoi panganu do nunu nopo do mantad hiri'd suang di walai dau. 18Om iri tulun di hiri'd dumo nga' kada' no guli' do mongoi'd rasuk dau. 19Nga' araat no kopio o tadau'ddi dot id tongoondu' di monontian, om i tongoondu' di maso do posusu do tanak dau! 20Sumambayang kou no om a' i' koontok do dongrumasam om tadau'd Sabat o tadau di kopoggiduan dokoyu! 21Om#Dan. 12.1, Pin. 7.14 tontok nopondo di piro-piro o tadau di korolosi kopio'ddi, om haro nondo o kosusaan dit agayo kopio dit a' po insan kosiliu do mantad di wonsoyo' i' iti pomogunan om gisom do dinondo. Om a' no osiliu kawagu o miagal diri. 22Om ondung a' daa'd Kinorohingan poinnibaon o maso'ddi om aiso' no daa o tiso' piya'd tulun dot apasi. Nga' poinnibaon id Kinorohingan o maso'ddi, dot i tulun di songonuon dau o kopoinnibaan.
23Tontok nopondoddi, om ondung haro o tulun do momoros dot id dokoyu dot, ‘Ontong pogi', nga' nokorikot no moti'd hiti i Raja' do Gampamasi!’ ka, ko', ‘Nokorikot no iyau'd hilo’ ka, om kada' kou nogi' ponongkuyaai di tulun diri. 24Tu' mimbulai motindo o piro-piro o gampamasi di goudut om piro-piro o nabi di goudut. Om mingwonsoi nondo iyolo' do piro-piro o koimayaan, om i kosuayan kopio do maan do pagakal do tulun, om milo-milo nopo om pagakal nogi' do tulun piya di nasanganu nod Kinorohingan. 25Iyo nopoddi, om umbangan-banganan no kopio dokoyu! Nokosunud mantad ku no dokoyu iti do tontok dit a' po osiliu o miagal diri.
26Ondung#Luk. 17.23-24 haro o tulun do momoros dot id dokoyu dot, ‘Ontong pogi', nga' hilo' no moti' iyau'd tana' do kowotuan!’ ka, om kada' kou nogi' ongoi'd hilo'. Om ondung momoros iyolo' dot, ‘Ontong pogi', nga' poillisok moti' iyau dot id bilik diti!’ ka, om kada' kou nogi' ponongkuyaai'ddi. 27Tu' korikatan nopod Tanak do Tulun om iyo noddi kodumaat do kumalab do hilo'd koulayon om kababang do hilo'd kotonobon.
28Om#Luk. 17.37 honggo nopo o haro o rata' om hiri no o timungan do tombolog di mangangakan do rata',” ka di Yesus.
Korikatan di Tanak do Tulun
(Mar. 13.24-27, Luk. 21.25-28)
29Om#Yos. 13.10, 34.4, Ykl. 32.7, Yol. 2.10,31, 3.15, Pin. 6.12-13 boros ka kawagu di Yesus, “Om a' pondo alaid do mantad di haro o kosusaan do maso'ddi, om tumuong nondo ilo tadau, om a' mogulinau ilo tulan. Om rumatu' nondo ilo rombituon do mantad hilo'd tawan, om angagangau ngai' nopondo i monguasa' do hilo'd tawan. 30Om#Dan. 7.13, Sak. 12.10-14, Pin. 1.7 osiliu pondo o miagal diri, om haro nondo o pogintutunan di Tanak do Tulun dot okito do hilo'd tawan. Om tontok nopondoddi om mihad ngai' nopondo o bansa'd tulun do hiti'd pomogunan. Om okito nondo diyolo' i Tanak do Tulun do rumikot do poinsakai'd haun do mikuwo'd kuasa' om kagayaan dau dit agayo kopio. 31Om pounion nondo i torumpit dit agayo, om suhuon nondo di Tanak do Tulun i moloikat dau do mongoi ponimung di tulun di songonuon dau do mantad id apat o linsuk diti pomogunan, om mantad id tisan do tawan om korikot dot id tisan ponong id sampaping,” ka dau.
Ponudukan dot Aanu do Mantad id Guas dot Ara
(Mar. 13.28-31, Luk. 21.29-33)
32Om boros ka kawagu di Yesus, “Pinsingilaan no dokoyu o ponudukan dot aanu do mantad id guas dot ara. Tu' tumomou nopo om mongomulok i raan do kayu'ddi om tumimpuun do momutolid, om oilaan no dokoyu dot oruhai nod orikot i maso dot alasu'. 33Om iyo nogiddi, tu' okito nopo dokoyu dot ongosiliu o miagal diri, om oilaan no dokoyu dot oruhai no kopio dot orikot o maso'ddi.#24.33 Oruhai no kopio dot orikot o maso'ddi; ko': osomok no iyau, oruhai no iyau do korikot. 34Ilaai no dokoyu! Dot a' po angapatai ngai' iti tulun do songimpasi do dinondo, om ongosiliu no o miagal diri. 35Tumanus i' o tawan om pomogunan, nga' boros ku nopo om hino kasai' i' do gisom do poingompus,” ka dau.
Aiso' i' o Tulun do Koilo do Tadau ko' Jam Diri
(Mar. 13.32-37, Luk. 17.26-30,34-36)
36Om boros ka kawagu di Yesus, “Aiso' i' o koilo ondung soira' o tadau om jam diri, om iri piya i moloikat di hilo'd surga nga' a' i' koilo, om iri Tanak do Kinorohingan nga' a' i' koilo#24.36 Haro i' o piro-piro solinan dot aiso' o pointulis do boros do: Tanak do Kinorohingan nga' a' i' koilo. suwai ko' iri no i Tapa' o koilo. 37Rumikot#Kwn. 6.5-8 nopondo i Tanak do Tulun, om kowoyo-woyoo' nopo do korikatan dau om iyo do kowoyo-woyoo' di poimpasi po i Nuu di gulu po. 38Tontok di piro-piro po o tadau do mantad do korikatan di sakob dot agayo, om mangakan-ngakan nopo om monginum-nginum om mogikakawin i tulun. Om iyo nopo kasai'ddi do gisom do norikot i tadau di suminuang i Nuu di kapal do rahat. 39Om#Kwn. 7.6-24 korikatai poddi iyolo' di sakob om kopurimanai nogi' daa'ddi diyolo' i nosiliu'ddi. Om iyo noddi o kowoyo-woyoo' do rumikot o Tanak do Tulun do koimbagu. 40Tontok nopondoddi, om haro nopondo o duwo o tulun do morobuat do hiri'd tumo, om ngoyon nondo o songulun om tongkiadan nopo i tiso'. 41Om haro nopo o duwo o tondu' do tumutu do gandum, om ngoyon nondo o songulun om tongkiadan nopo i tiso'. 42Iyo nopoddi, om antaan-taan no dokoyu, tu' a' i' dokoyu oilaan ondung soira' i Tuhan dokoyu do rumikot. 43Ilaai#Luk. 12.39-40 no dokoyu iti! Ondung oilaan daa di sanganu di walai o jam do korikatan di tulun di mongoi panakau do dongotuong, om a' i' daa iyau modop, om a' indo i tulun do manakau kasalakoi di walai dau. 44Iyo nopoddi, om iyokoyu nga' apatut nogi' do posodia' kasai' nopo. Tu' rumikot indo i Tanak do Tulun do tontok do maso dit a' i' daa dokoyu soro-sorohon,” ka dau.
Susuhuon dit Otorodok om Susuhuon dit A' Otorodok
(Luk. 12.41-48)
45Om boros ka kawagu di Yesus, “Iyo nopoddi, om isai ma o susuhuon dit otorodok om it oilo? Iri no i tulun di siniliu di tuan dau do boyoon di susuhuon do suwai, om oonuan i' dau iyolo' do takanon do tontok di maso do natantu' mantad. 46Olumaag no kopio i susuhuon di maso do momonsoi di karaja' dau dot orikatan di tuan dau. 47Ponongkuyaai kou no, do silihon nondo di tuan i susuhuon dau'ddi do mongilo-ilo ngai' di dapu' dau. 48Nga' ondung araat i susuhuon diri, om momusorou nondo iyau dot, 49‘Alaid po bo do gumuli' i tuan ku'ddi!’ ka, om pimbobogon nondo dau i susuhuon do suwai, om mongoi sugku' di magagauk do mangakan-ngakan om moginum. 50Om korikot nondo i tuan dau do tontok di tadau om jam dit a' i' daa dau soro-sorohon. 51Om oi-oiyon nopondo di tuan o pomohukum#24.51 Oi-oiyon nopondo di tuan o pomohukum; ko': uyungon do posoliwan. di susuhuon dau, om pataamon dau i susuhuon dau'ddi dot id kinoiyonon di tulun di minsorupai-rupai no toomod. Om mingihad pondo iyolo' om oinggorit do hiri,” ka dau.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2007, Pertubuhan Bible Malaysia Copyright © 2007, Bible Society of Malaysia