भजनसंग्रह 99
99
परमेश्वर सर्वोच्च राजा
1 #
प्रस्थान 25:22
परमप्रभु राजा हुनुहुन्छ,
मानिसहरू काँप्दछन्,
उहाँ पखेटा भएका जीवमाथि बसालेको सिंहासनमा विराजमान हुनुहुन्छ
र पृथ्वी हल्लँदछ।
2परमप्रभु सियोनमा महान् हुनुहुन्छ,
सबै जातिहरूमाथि उहाँ सर्वोच्च हुनुहुन्छ।
3सबैले उहाँको महान् र गौरवपूर्ण नामको प्रशंसा गर्दछन्।
उहाँ पवित्र हुनुहुन्छ!
4सामर्थी राजा, जे ठीक छ, त्यो तपाईंले प्रेम गर्नुहुन्छ,
तपाईंले इस्राएलमा न्याय कायम गर्नुभएको छ,
धार्मिकता र न्याय ल्याउनुभएको छ।
5परमप्रभु हाम्रा परमेश्वरको प्रशंसा गर;
उहाँको सिंहासनको सामु दण्डवत् गर।
उहाँ पवित्र हुनुहुन्छ!
6मोशा र हारून उहाँका पूजाहारीहरू थिए,
उहाँलाई प्रार्थना गर्ने एक जना शमूएल थिए,
तिनीहरूले परमप्रभुलाई पुकारे
र उहाँले तिनीहरूलाई जवाफ दिनुभयो।
7 #
प्रस्थान 33:9
उहाँले बादलको खाँबोबाट तिनीहरूसँग बोल्नुभयो,
उहाँले दिनुभएका नियम र आज्ञाहरू तिनीहरूले पालन गरे।
8हे परमप्रभु, हाम्रा परमेश्वर, तपाईंले आफ्ना प्रजालाई जवाफ दिनुभयो,
तपाईंले तिनीहरूलाई तिनीहरूका पापको दण्ड दिनुभए तापनि
म क्षमा दिने परमेश्वर हुँ भनी तपाईंले तिनीहरूलाई देखाउनुभयो।
9परमप्रभु हाम्रा परमेश्वरको प्रशंसा गर
र उहाँको पवित्र पहाडमा उपासना गर!
परमप्रभु हाम्रा परमेश्वर, पवित्र हुनुहुन्छ।
Currently Selected:
भजनसंग्रह 99: सरल नेपाली
Highlight
Share
Copy
Want to have your highlights saved across all your devices? Sign up or sign in
Simple Nepali Holy Bible © Nepal Bible Society, 2008.
