भजनसंग्रह 115
115
एकमात्र साँचो परमेश्वर
1तपाईंलाई मात्र, हे परमप्रभु, तपाईं एक्लैलाई,
हामीलाई होइन, महिमा होस्,
तपाईंको अन्नत प्रेम र विश्वासयोग्यताको कारण!
2किन जातिहरूले हामीलाई सोध्छन्,
“तिम्रा परमेश्वर कहाँ हुनुहुन्छ?”
3हाम्रा परमेश्वर स्वर्गमा हुनुहुन्छ,
उहाँले जे चाहनुहुन्छ, त्यही गर्नुहुन्छ।
4 #
भजनसंग्रह 135:15-18; प्रकाश 9:20 तिनीहरूका देवताहरू मानिसका हातले
सुन र चाँदीबाट बनाएका हुन्।
5तिनीहरूका मुख छन्, तर बोल्न सक्दैनन्,
आँखा छन् तर देख्न सक्दैनन्।
6तिनीहरूका कान छन् तर सुन्न सक्दैनन्;
नाक छन् तर सुन्न सक्दैनन्, 7तिनीहरूका हात छन् तर छाम्न सक्दैनन्;
खुट्टा छन् तर हिँड्न सक्दैनन्।
तिनीहरूले अलिकति आवाज पनि निकाल्न सक्दैनन्।
8ज-जसले ती मूर्तिहरू बनाए
र तिनमा भरोसा राख्छन्,
तिनीहरू ती मूर्तिहरूजस्तै हुनेछन्।
9हे इस्राएलका प्रजा, परमप्रभुमाथि भरोसा राख,
उहाँले तिमीहरूलाई सहायता र रक्षा गर्नुहुन्छ।
10परमेश्वरका पूजाहारीहरू हो, तिमीहरू परमप्रभुमा भरोसा राख,
उहाँले तिमीहरूलाई सहायता र रक्षा गर्नुहुन्छ।
11उहाँलाई पुज्नेहरू सबै परमप्रभुमा भरोसा राख,
उहाँले तिमीहरूलाई सहायता र रक्षा गर्नुहुन्छ।
12परमप्रभुले हामीलाई याद गर्नुहुन्छ र आशिष् दिनुहुन्छ।
उहाँले इस्राएलका प्रजा र परमेश्वरका
सबै पूजाहारीहरूलाई आशिष् दिनुहुन्छ।
13 #
प्रकाश 11:18; 19:5 उहाँलाई आदर गर्ने साना-ठूला सबैलाई
उहाँले आशिष् दिनुहुन्छ।
14परमप्रभुले सन्तानहरू देऊन्;
तिमी र तिम्रा छोरा-नातिहरूलाई पनि।
15स्वर्ग र पृथ्वी बनाउनुहुने परमप्रभुले
तिमीहरूलाई आशिष् देऊन्!
16स्वर्ग परमप्रभुको मात्र हो,
तर पृथ्वीचाहिँ उहाँले मानिसलाई दिनुभयो।
17मरेकाहरू, जो मृत्यु-लोकमा पुगेका छन्,
तिनीहरूले परमप्रभुको प्रशंसा गर्दैनन्।
18तर हामी जिउँदाहरूले
अहिले र सदाकालको लागि
उहाँलाई धन्यवाद चढाउनेछौं।
परमप्रभुको प्रशंसा गर!
Currently Selected:
भजनसंग्रह 115: सरल नेपाली
Highlight
Share
Copy
Want to have your highlights saved across all your devices? Sign up or sign in
Simple Nepali Holy Bible © Nepal Bible Society, 2008.
