Masmur 78
78
Allah Taala Enggau Bala Nembiak Iya#78.0 TAJUK DALAM HEBREW: Puisi Asap
1Pendingka ajar aku, kita ke nembiak aku,
lalu peratika utai ti disebut aku.
2 #
Mat 13.35. Aku deka bejaku ngena jaku sempama
lalu nerangka utai ti nyelai ti nyadi dulu kelia,
3utai ti udah didinga sereta ditemu kitai,
utai ti udah dipadahka aki ini kitai ngagai kitai.
4Kitai enda tau ngelalaika utai nya ari bala anak kitai.
Kitai deka madahka utai nya ngagai serak ti nangkanka kitai
pasal kuasa TUHAN, enggau pasal pemesai pengawa Iya
enggau utai ti badas ti udah dikereja Iya.
5Iya meri adat ngagai orang Israel
enggau pesan ngagai peturun Jakop.
Iya meri atur ngagai bala aki ini kitai
ngasuh sida ngajar Adat Iya ngagai bala anak sida,
6ngambika serak ke nangkanka sida ulih belajarka adat nya
lalu madahka adat nya ngagai bala anak sida ke nangkanka sida.
7Nya meh jalai sida deka manggaika pengarap sida ba Allah Taala
lalu seruran ingatka utai ti udah dikereja Iya,
sereta seruran ngasika pesan Iya.
8Sida enda baka aki ini sida
ke seruran angkat ngelaban sereta enda ngasi,
ti nadai kala manggaika pengarap sida tegap ba Allah Taala
lalu enda tetap ati ngagai Iya.
9Orang Epraim, ke besenyataka panah enggau laja,
rari lebuh beperang.
10Sida enda ngingatka sempekat sida enggau Allah Taala.
Sida enggai ngasika Adat Iya.
11Sida enda ingatka utai ti udah dikereja Iya,
iya nya kereja ajih ti udah dipeda sida kereja Iya.
12 #
P-sut 7.8—12.32. Lebuh bala aki ini sida ngemata, Allah Taala ngereja kereja ajih
ba emperan Zoan, di menua Ejip.
13 #
P-sut 14.21-22. Iya melah tasik, lalu mai sida bejalai nengah tasik nya.
Iya ngasuh ai bediri baka dinding.
14 #
P-sut 13.21-22. Lebuh siang hari, Iya nguluka sida ngena mua hari
lalu lebuh malam hari Iya nguluka sida ngena penampak daun api.
15Iya melah batu di menua puang
lalu meri sida mayuh ai.
16 # [2]
P-dlm 16.1—19.22. #P-sut 17.1-7; P-pau 20.2-13. Iya ngasuh ai pansut ari batu
lalu ngasuh ai nya rarat baka sungai.
17Tang sida majak bedosa ngelaban Allah Taala,
lalu di menua puang nya sida angkat ngelaban Iya ti Pemadu Tinggi.
18 #
P-sut 16.2-15; P-pau 11.4-23, 31-35. Sida endang sengaja nguji Allah Taala
lebuh sida minta pemakai ti dikedekaka sida.
19Sida bejaku ngelaban Allah Taala, lalu ku sida,
“Kati Allah Taala ulih meri pemakai di menua puang tu?
20Iya amat udah malu batu,
lalu ai rarat ari batu nya baka ai bah.
Tang kati Iya ulih mega meri kitai roti
lalu meri dagin ngagai bala nembiak Iya?”
21Nya alai TUHAN ringat lebuh Iya ninga sida.
Iya nyerang bala nembiak Iya ngena api,
lalu Iya majak ringat ngagai sida,
22laban sida enda arapka Iya
lalu enda arapka Iya deka ngidupka sida.
23Tang Iya bejaku ngagai langit di atas
ngasuh pintu langit tebuka.
24 # [2]
P-dlm 16.20-29; [1]
Jhn 6.31. Iya meri sida gandum ari serega,
lebuh Iya meri sida mana nyadika pemakai sida.
25Nya alai sida makai pemakai melikat,
lalu Allah Taala meri sida sepemayuh ti dikedekaka sida.
26Iya mega ngasuh ribut timur muput,
lalu ngena kuasa Iya, Iya nyungkak ribut muput ari selatan.
27Lalu ngagai bala nembiak Iya, Iya nganjung burung
ngemayuh igi pasir ti ba tebing tasik.
28Burung nya labuh ba tengah-tengah kem
ngelingi semua langkau kain.
29Nya alai orang mayuh makai, lalu kenyang magang.
Allah Taala meri sida utai ti dikedekaka sida.
30Tang sebedau sida puas ati makai utai nya,
lebuh pemakai nya agi dalam nyawa sida,
31Allah Taala lalu ringat ngagai sida
lalu munuh bala lelaki sida ke kering,
orang ke pemadu kering di menua Israel.
32Tang taja pia, orang mayuh majak bedosa.
Taja pen Iya ngereja kereja ajih, sida mengkang enggai manggaika pengarap sida ba Iya.
33Nya alai Iya ngabiska umur sida baka kesuh seput
lalu ngapuska nyawa sida ngena penusah ti datai enggau ngenyit.
34Genap kali Iya munuh sekeda bala sida,
sida ti bukai nguingka diri ngagai Iya.
Sida nesal ati, lalu bebendar besampi ngagai Iya.
35Sida ingatka Allah Taala endang penyaga sida,
ingatka Iya ti Pemadu Bekuasa udah datai nulung sida.
36Tang jaku sida bula semua.
Utai ti disebut sida ukai datai ari ati.
37 #
SKR 8.21. Sida enda taluk ngagai Iya.
Sida enda tetap ati ngagai sempekat sida enggau Iya.
38Tang Allah Taala kasihka nembiak Iya.
Iya ngampun dosa sida
lalu enda ngerusak sida.
Iya suah nagang Diri ringat
lalu nagang Diri ngeransi.
39Iya ingatka sida endang semina mensia aja,
baka ribut ti mansa lalu nadai datai agi.
40Sida suah amat angkat ngelaban Iya di menua puang.
Sida suah ngasuh ati Iya tusah!
41Sida enda nemu badu nguji Allah Taala
lalu ngenusahka ati Allah Taala ke disembah orang Israel ti kudus.
42Sida enda ingatka pemesai kuasa Iya
enggau hari Iya ngelepaska sida ari bala munsuh sida
43sereta ngereja pengawa ti besai enggau kereja ajih
ba emperan Zoan di menua Ejip.
44 #
P-sut 7.17-21. Iya ngasuh sungai bebali nyadi darah,
lalu orang Ejip nadai ai irup.
45 #
P-sut 8.20-24;
P-sut 8.1-6. Iya ngasuh lalat datai kena merinsaka sida,
enggau engkatak kena ngerusak menua sida.
46 #
P-sut 10.12-15. Iya ngasuh buntak makai utai ti ditanam sida
lalu ngerusak umai sida.
47 #
P-sut 9.22-25. Iya ngerusak batang anggur sida ngena ujan batu
enggau kayu ara sida ngena ambun ti meku.
48Iya munuh jelu sapi sida ngena ujan batu
enggau jelu tupi sida ngena kilat.#78.48 ujan batu…kilat; Tauka: penyakit ti balat
49Iya ngasuh sida balat tusah
lebuh Iya mubuhka pengeringat enggau ransi Iya,
ti datai mai pemati.
50Iya enda nagang diri ringat
tauka ngalau nyawa sida,
tang munuh sida ngena penyakit ti balat.
51 #
P-sut 12.29. Iya munuh anak tuai
ari semua ruang bilik orang Ejip.
52 #
P-sut 13.17-22. Udah nya, Iya lalu nguluka bala nembiak Iya, baka pengibun bedus
lalu ngiring sida nengah menua puang.
53 #
P-sut 14.26-28. Iya nguluka sida enggau likun, lalu sida enda takut.
Tang tasik ngelamun bala munsuh sida.
54 #
P-sut 15.17; Jos 3.14-17. Iya mai sida ngagai menua Iya ti kudus,
ngagai bukit ti udah dialahka Iya Empu.
55 #
Jos 11.16-23. Iya muru orang ke nguan menua nya, lebuh bala nembiak Iya nyerang.
Iya magi menua sida ngagai raban bansa orang Israel
lalu meri rumah orang nya ngagai bala nembiak Iya.
56 #
P-ulu 2.11-15. Tang sida angkat ngelaban Allah Taala ti Pemadu Bekuasa
lalu nguji Iya.
Sida enda ngasika adat Iya,
57tang ngelaban sereta enda taluk baka aki ini sida,
enda tau dikarapka, baka laja ti bingkuk.
58Sida nyungkak TUHAN ringat ngena endur alai orang kapir nyembah petara sida,
lalu nyungkak Iya pedis ati ngena engkeramba sida.
59Allah Taala ringat lebuh Iya meda utai nya,
nya alai Iya nulak semua nembiak Iya.
60 #
Jos 18.1; Jer 7.12-14; 26.6. Iya ninggalka langkau kain Iya di Siloh,#78.60 Siloh; Endur alai orang Israel besembah sebedau maya Raja David
rumah ti udah alai Iya diau begulai enggau kitai.
61 #
1 Sam 4.4-22. TUHAN nejuka bala munsuh kitai ngerampas Peti Lampang Batu Adat,
ti nyadika tanda kuasa enggau mulia Iya.
62Iya ringat ngagai bala nembiak Iya Empu
lalu nejuka sida dibunuh munsuh.
63Orang ke bujang mati beperang,
lalu sida ke dara nadai orang enggau jadi.
64Bala imam mati dibunuh ngena pedang,
lalu balu sida enda tau ngulit.
65Udah nya TUHAN angkat baka ke dani tinduk,
baka orang ke baru gerai mabuk.
66Iya muru bala munsuh Iya lalu sida rari
lalu Iya ngemaluka sida belama iya.
67Tang Iya nulak peturun Josep.
Iya enda milih raban bansa Epraim,
68tang milih raban bansa Judah
enggau Bukit Sion, ti balat dikerinduka Iya.
69Dia Iya ngaga Rumah Sembiang Iya
baka rumah Iya ti di serega.
Iya ngaga Rumah Sembiang nya tegap baka dunya empu,
kukuh belama iya.
70 #
1 Sam 16.11-12; 2 Sam 7.8; 1 Ban 17.7. TUHAN milih nembiak Iya David.
Iya ngambi David ari padang rumput,
71alai David ke ngibun raban bedus iya,
lalu ngasuh iya nyadi raja menua Israel,
nyadi pengibun ke bala nembiak Allah Taala.
72David ngibun sida enggau pengabis pengangkun ati iya
lalu nguluka sida enggau pengelandik.
Currently Selected:
Masmur 78: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
Masmur 78
78
Allah Taala Enggau Bala Nembiak Iya#78.0 TAJUK DALAM HEBREW: Puisi Asap
1Pendingka ajar aku, kita ke nembiak aku,
lalu peratika utai ti disebut aku.
2 #
Mat 13.35. Aku deka bejaku ngena jaku sempama
lalu nerangka utai ti nyelai ti nyadi dulu kelia,
3utai ti udah didinga sereta ditemu kitai,
utai ti udah dipadahka aki ini kitai ngagai kitai.
4Kitai enda tau ngelalaika utai nya ari bala anak kitai.
Kitai deka madahka utai nya ngagai serak ti nangkanka kitai
pasal kuasa TUHAN, enggau pasal pemesai pengawa Iya
enggau utai ti badas ti udah dikereja Iya.
5Iya meri adat ngagai orang Israel
enggau pesan ngagai peturun Jakop.
Iya meri atur ngagai bala aki ini kitai
ngasuh sida ngajar Adat Iya ngagai bala anak sida,
6ngambika serak ke nangkanka sida ulih belajarka adat nya
lalu madahka adat nya ngagai bala anak sida ke nangkanka sida.
7Nya meh jalai sida deka manggaika pengarap sida ba Allah Taala
lalu seruran ingatka utai ti udah dikereja Iya,
sereta seruran ngasika pesan Iya.
8Sida enda baka aki ini sida
ke seruran angkat ngelaban sereta enda ngasi,
ti nadai kala manggaika pengarap sida tegap ba Allah Taala
lalu enda tetap ati ngagai Iya.
9Orang Epraim, ke besenyataka panah enggau laja,
rari lebuh beperang.
10Sida enda ngingatka sempekat sida enggau Allah Taala.
Sida enggai ngasika Adat Iya.
11Sida enda ingatka utai ti udah dikereja Iya,
iya nya kereja ajih ti udah dipeda sida kereja Iya.
12 #
P-sut 7.8—12.32. Lebuh bala aki ini sida ngemata, Allah Taala ngereja kereja ajih
ba emperan Zoan, di menua Ejip.
13 #
P-sut 14.21-22. Iya melah tasik, lalu mai sida bejalai nengah tasik nya.
Iya ngasuh ai bediri baka dinding.
14 #
P-sut 13.21-22. Lebuh siang hari, Iya nguluka sida ngena mua hari
lalu lebuh malam hari Iya nguluka sida ngena penampak daun api.
15Iya melah batu di menua puang
lalu meri sida mayuh ai.
16 # [2]
P-dlm 16.1—19.22. #P-sut 17.1-7; P-pau 20.2-13. Iya ngasuh ai pansut ari batu
lalu ngasuh ai nya rarat baka sungai.
17Tang sida majak bedosa ngelaban Allah Taala,
lalu di menua puang nya sida angkat ngelaban Iya ti Pemadu Tinggi.
18 #
P-sut 16.2-15; P-pau 11.4-23, 31-35. Sida endang sengaja nguji Allah Taala
lebuh sida minta pemakai ti dikedekaka sida.
19Sida bejaku ngelaban Allah Taala, lalu ku sida,
“Kati Allah Taala ulih meri pemakai di menua puang tu?
20Iya amat udah malu batu,
lalu ai rarat ari batu nya baka ai bah.
Tang kati Iya ulih mega meri kitai roti
lalu meri dagin ngagai bala nembiak Iya?”
21Nya alai TUHAN ringat lebuh Iya ninga sida.
Iya nyerang bala nembiak Iya ngena api,
lalu Iya majak ringat ngagai sida,
22laban sida enda arapka Iya
lalu enda arapka Iya deka ngidupka sida.
23Tang Iya bejaku ngagai langit di atas
ngasuh pintu langit tebuka.
24 # [2]
P-dlm 16.20-29; [1]
Jhn 6.31. Iya meri sida gandum ari serega,
lebuh Iya meri sida mana nyadika pemakai sida.
25Nya alai sida makai pemakai melikat,
lalu Allah Taala meri sida sepemayuh ti dikedekaka sida.
26Iya mega ngasuh ribut timur muput,
lalu ngena kuasa Iya, Iya nyungkak ribut muput ari selatan.
27Lalu ngagai bala nembiak Iya, Iya nganjung burung
ngemayuh igi pasir ti ba tebing tasik.
28Burung nya labuh ba tengah-tengah kem
ngelingi semua langkau kain.
29Nya alai orang mayuh makai, lalu kenyang magang.
Allah Taala meri sida utai ti dikedekaka sida.
30Tang sebedau sida puas ati makai utai nya,
lebuh pemakai nya agi dalam nyawa sida,
31Allah Taala lalu ringat ngagai sida
lalu munuh bala lelaki sida ke kering,
orang ke pemadu kering di menua Israel.
32Tang taja pia, orang mayuh majak bedosa.
Taja pen Iya ngereja kereja ajih, sida mengkang enggai manggaika pengarap sida ba Iya.
33Nya alai Iya ngabiska umur sida baka kesuh seput
lalu ngapuska nyawa sida ngena penusah ti datai enggau ngenyit.
34Genap kali Iya munuh sekeda bala sida,
sida ti bukai nguingka diri ngagai Iya.
Sida nesal ati, lalu bebendar besampi ngagai Iya.
35Sida ingatka Allah Taala endang penyaga sida,
ingatka Iya ti Pemadu Bekuasa udah datai nulung sida.
36Tang jaku sida bula semua.
Utai ti disebut sida ukai datai ari ati.
37 #
SKR 8.21. Sida enda taluk ngagai Iya.
Sida enda tetap ati ngagai sempekat sida enggau Iya.
38Tang Allah Taala kasihka nembiak Iya.
Iya ngampun dosa sida
lalu enda ngerusak sida.
Iya suah nagang Diri ringat
lalu nagang Diri ngeransi.
39Iya ingatka sida endang semina mensia aja,
baka ribut ti mansa lalu nadai datai agi.
40Sida suah amat angkat ngelaban Iya di menua puang.
Sida suah ngasuh ati Iya tusah!
41Sida enda nemu badu nguji Allah Taala
lalu ngenusahka ati Allah Taala ke disembah orang Israel ti kudus.
42Sida enda ingatka pemesai kuasa Iya
enggau hari Iya ngelepaska sida ari bala munsuh sida
43sereta ngereja pengawa ti besai enggau kereja ajih
ba emperan Zoan di menua Ejip.
44 #
P-sut 7.17-21. Iya ngasuh sungai bebali nyadi darah,
lalu orang Ejip nadai ai irup.
45 #
P-sut 8.20-24;
P-sut 8.1-6. Iya ngasuh lalat datai kena merinsaka sida,
enggau engkatak kena ngerusak menua sida.
46 #
P-sut 10.12-15. Iya ngasuh buntak makai utai ti ditanam sida
lalu ngerusak umai sida.
47 #
P-sut 9.22-25. Iya ngerusak batang anggur sida ngena ujan batu
enggau kayu ara sida ngena ambun ti meku.
48Iya munuh jelu sapi sida ngena ujan batu
enggau jelu tupi sida ngena kilat.#78.48 ujan batu…kilat; Tauka: penyakit ti balat
49Iya ngasuh sida balat tusah
lebuh Iya mubuhka pengeringat enggau ransi Iya,
ti datai mai pemati.
50Iya enda nagang diri ringat
tauka ngalau nyawa sida,
tang munuh sida ngena penyakit ti balat.
51 #
P-sut 12.29. Iya munuh anak tuai
ari semua ruang bilik orang Ejip.
52 #
P-sut 13.17-22. Udah nya, Iya lalu nguluka bala nembiak Iya, baka pengibun bedus
lalu ngiring sida nengah menua puang.
53 #
P-sut 14.26-28. Iya nguluka sida enggau likun, lalu sida enda takut.
Tang tasik ngelamun bala munsuh sida.
54 #
P-sut 15.17; Jos 3.14-17. Iya mai sida ngagai menua Iya ti kudus,
ngagai bukit ti udah dialahka Iya Empu.
55 #
Jos 11.16-23. Iya muru orang ke nguan menua nya, lebuh bala nembiak Iya nyerang.
Iya magi menua sida ngagai raban bansa orang Israel
lalu meri rumah orang nya ngagai bala nembiak Iya.
56 #
P-ulu 2.11-15. Tang sida angkat ngelaban Allah Taala ti Pemadu Bekuasa
lalu nguji Iya.
Sida enda ngasika adat Iya,
57tang ngelaban sereta enda taluk baka aki ini sida,
enda tau dikarapka, baka laja ti bingkuk.
58Sida nyungkak TUHAN ringat ngena endur alai orang kapir nyembah petara sida,
lalu nyungkak Iya pedis ati ngena engkeramba sida.
59Allah Taala ringat lebuh Iya meda utai nya,
nya alai Iya nulak semua nembiak Iya.
60 #
Jos 18.1; Jer 7.12-14; 26.6. Iya ninggalka langkau kain Iya di Siloh,#78.60 Siloh; Endur alai orang Israel besembah sebedau maya Raja David
rumah ti udah alai Iya diau begulai enggau kitai.
61 #
1 Sam 4.4-22. TUHAN nejuka bala munsuh kitai ngerampas Peti Lampang Batu Adat,
ti nyadika tanda kuasa enggau mulia Iya.
62Iya ringat ngagai bala nembiak Iya Empu
lalu nejuka sida dibunuh munsuh.
63Orang ke bujang mati beperang,
lalu sida ke dara nadai orang enggau jadi.
64Bala imam mati dibunuh ngena pedang,
lalu balu sida enda tau ngulit.
65Udah nya TUHAN angkat baka ke dani tinduk,
baka orang ke baru gerai mabuk.
66Iya muru bala munsuh Iya lalu sida rari
lalu Iya ngemaluka sida belama iya.
67Tang Iya nulak peturun Josep.
Iya enda milih raban bansa Epraim,
68tang milih raban bansa Judah
enggau Bukit Sion, ti balat dikerinduka Iya.
69Dia Iya ngaga Rumah Sembiang Iya
baka rumah Iya ti di serega.
Iya ngaga Rumah Sembiang nya tegap baka dunya empu,
kukuh belama iya.
70 #
1 Sam 16.11-12; 2 Sam 7.8; 1 Ban 17.7. TUHAN milih nembiak Iya David.
Iya ngambi David ari padang rumput,
71alai David ke ngibun raban bedus iya,
lalu ngasuh iya nyadi raja menua Israel,
nyadi pengibun ke bala nembiak Allah Taala.
72David ngibun sida enggau pengabis pengangkun ati iya
lalu nguluka sida enggau pengelandik.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia