Matthew 6
6
Pasal Meri Utai
1 #
Mat 23.5. “Anang ngereja pengawa agama di mua orang mayuh, minta diri dipeda sida, laban enti kita ngereja nya, kita nadai bulih upah ari Apai kita ti di serega.
2“Nya alai, lebuh kita meri sedekah#6.2 sedekah; Sekeda salin: utai ngagai orang ke suntuk, anang mandangka diri ngereja nya baka ti dikereja orang ke pura-pura ngapa#6.2 pura-pura ngapa; Tauka: hipokrit dalam balai gempuru tauka ba sebelah jalai raya, minta diri dipuji mensia. Enggau bendar Aku madah ngagai kita, sida udah nerima upah sida. 3Tang lebuh kita meri sedekah ngagai orang ke suntuk, anang nejuka jari kiba kita nemu utai ti dikereja jari kanan kita, 4#Kol 3.23-24. ngambika pengawa nya dikereja kita belalai, lalu Apai kita ti meda utai ti dikereja kita belalai, deka ngupah kita.
Pasal Besampi
(Luke 11.2-4)
5 #
Mrk 11.25; Luk 18.10-14. “Lalu lebuh kita besampi, anang baka orang ke pura-pura ngapa,#6.5 pura-pura ngapa; Tauka: hipokrit laban sida rindu bediri lalu besampi dalam balai gempuru, enggau ba sukut jalai raya, minta diri dipeda orang. Enggau bendar Aku madah ngagai kita, sida udah nerima upah sida. 6Tang lebuh kita besampi, tama ke bilik, tikupka pintu, lalu besampi ngagai Apai kita ti enda dipeda. Lalu Apai kita ti meda utai ti dikereja kita belalai, deka ngupah kita.
7 #
1 Raj 18.25-29; [2]
Sir 7.14. Lebuh kita besampi, anang besebutka mayuh macham leka jaku ti nadai reti baka orang bansa bukai, ke ngumbai sampi sida didinga#6.7 didinga; Sekeda salin nambahka leka jaku: Allah Taala; lalu sekeda salin nyebut: didinga petara sida laban sampi sida panjai.#6.7 Tauka: laban sida lama besampi. 8#Mat 6.32; Luk 12.30. Anang baka nya, laban Apai kita nemu utai ti dipeguna kita sebedau kita minta ari Iya. 9#Luk 11.2-4. Nya alai, baka tu ku chara kita patut besampi:
‘Apai kami ti di serega:
Kudus meh nama Nuan.
10Datai meh Perintah Nuan.
Nyadi meh peneka Nuan
di dunya enggau di serega.
11Beri ngagai kami sehari tu pemakai umbas dipakai kami.#6.11 umbas dipakai kami; Tauka: umbas ke sehari tu, Tauka: umbas ke pagila.
12Ampun kami penyalah kami,
baka kami ke ngampun orang ke salah enggau kami.
13Lalu anang mai kami ngagai penguji,
tang lepaska kami ari penyai.#6.13 lepaska kami ari penyai; Sekeda salin bisi nambahka: Laban Nuan bempu perintah, kuasa enggau mulia datai ke belama-lama iya. Amin.
14 #
Mat 18.35; Mrk 11.25-26; Eps 4.32; Kol 3.13; [2]
Sir 28.1-5. “Laban enti kita ngampun orang ke salah enggau kita, Apai kita ti di serega deka mega ngampun penyalah kita. 15Tang enti kita enggai ngampun orang ke salah enggau kita, Apai kita pen enggai mega ngampun penyalah kita.
Pasal Bepasa
16“Lalu lebuh kita bepasa, anang ngayanka mua ti tusah, baka orang ke pura-pura ngapa,#6.16 pura-pura ngapa; Tauka: hipokrit laban sida ngurik mua diri ngambika orang nemu sida bepasa. Enggau bendar Aku madah ngagai kita, sida udah nerima upah sida. 17#[2] Jdt 10.3. Tang lebuh kita bepasa, empungas mua kita, lalu sugu buk kita, 18#Mat 6.4-6. ngambika orang enda nemu kita bepasa, tang semina dipeda Apai kita ti enda dipeda, lalu Apai kita ti meda utai ti dikereja kita belalai, deka ngupah kita.
Pengaya Di Serega
(Luke 12.33-34)
19 #
Luk 12.33-34; Mrk 10.21; 1 Tim 6.17-19; Jas 5.1-3. “Anang nyimpan pengaya ke diri empu di dunya, alai indu gegat enggau tegar deka ngerusak, lalu perumpak tama lalu ngenchuri, 20#[2] Sir 29.1. tang simpan pengaya ke diri empu di serega, alai indu gegat, enggau tegar enda ngerusak, lalu perumpak enda tama lalu ngenchuri. 21Laban dia alai pengaya kita, dia meh alai ati kita.
Penampak Tubuh
(Matthew 20.15; Mark 7.22; Luke 11.34-36)
22“Mata nyadika lampu tubuh. Nya alai, enti mata kita menyana, semua tubuh kita penuh laban penampak, 23tang enti mata kita enda menyana, semua tubuh kita penuh laban pemetang. Nya alai, enti penampak ti dalam kita nya pemetang, naka meh pemalat pemetang nya!
Allah Taala Enggau Reta tengkira
(Luke 16.13; 12.22-31)
24“Nadai orang ulih betuaika dua iku tuan, laban iya deka begedika siku, lalu rinduka siku, tauka angkunka siku, lalu mechat siku. Kita enda ulih betuaika Allah Taala enggau duit.#6.24 duit; Gerika: mammon
25 #
Luk 12.22-31; 10.41; 12.11; Plp 4.6; 1 Pet 5.7. “Nya alai Aku madah ngagai kita: anang irauka pasal pengidup kita, tauka utai ti deka diempa tauka diirup kita, tauka pasal tubuh enggau gari kita. Ukai enda pengidup beguna agi ari pemakai, lalu tubuh beguna agi ari gari? 26#Mat 10.29. Peda kita burung. Sida nadai betanamka utai, nadai ngetau, tauka besimpanka utai dalam setor, tang taja pia, Apai kita ti di serega nupi sida! Kati kita enda berega agi ari burung? 27#Mas 39.5. Kati kita ulih nginsur umur diri panjai agi #6.27 umur diri panjai agi; Tauka: ngasuh diri tinggi agi ngena pengirau kita?
28“Lalu nama kebuah kita irauka gari? Peda kita penumbuh bungai babas. Sida enda gawa, tauka ngaga gari ke diri empu, 29#1 Raj 10.4-7; 2 Ban 9.3-6. tang taja pia, Aku madah ngagai kita, indah Raja Solomon enggau semua pengaya iya, deh nadai gari ngemanah siti ari bungai nya. 30#Mat 8.26; 14.31; 16.8. Tang enti Allah Taala ngari rumput ti di babas, ti idup sehari tu lalu dibuai pagila ngagai api, enda ke Iya deka ngari kita? Naka meh pengemit pengarap kita.
31“Nya alai, anang irau lalu nyebut: ‘Nama utai ti deka diempa kitai? tauka, ‘Nama utai ti deka diirup kitai?’ tauka ‘Nama gari ti deka dikena kitai?’ 32Laban nya utai ti ngirauka ati orang kapir, lalu Apai kita ti di serega nemu kita begunaka semua utai nya. 33#Mat 19.28; Mrk 10.29-30; Luk 18.29-30. Tang giga dulu Perintah Allah Taala enggau pengelurus Iya, lalu semua utai nya deka mega diberi ngagai kita.
34Nya alai, anang irauka pasal pagila, laban pagila chukup pengirau ke diri empu. Penusah ke sehari tu chukup ke sehari tu.
Currently Selected:
Matthew 6: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia