Adat Lewi 19
19
Adat Pasal Pengudus Enggau Atur Ti Lurus
1Lalu ku TUHAN bejaku ngagai Moses 2#Lew 11.44-45; 1 Pet 1.16. “Sebut ngagai semua orang Israel: Kita enda tau enda kudus, laban Aku ti TUHAN Allah Taala kita, kudus. 3#P-sut 20.12; U-dat 5.16; P-sut 29.8; U-dat 5.12. Genap iku kita enda tau enda bebasaka apai indai kita, lalu enda tau enda ngintu Hari Sabat, munyi ti udah dipesanka Aku ngagai kita. Aku tu TUHAN Allah Taala kita.
4 #
Lew 26.1; P-sut 20.23; 34.17; U-dat 17.15. Anang nyembah engkeramba tauka ngaga anak patung: Aku tu TUHAN Allah Taala kita.
5“Lebuh kita nyayat jelu nyadika piring pemaik, titihka adat ti udah diberi Aku ngagai kita, nya baru Aku deka nerima piring nya. 6Dagin nya enda tau enda diempa sama hari jelu nya disayat, tauka hari siti. Dagin ti beteda ngagai hari ti ketiga, enda tau enda ditunu, 7laban dagin nya enda tuchi, lalu enti orang makai dagin nya, Aku enggai nerima piring nya. 8Barang sapa makai dagin nya deka kena tinggang penyalah, laban iya udah ngamahka utai ti kudus ti enggi TUHAN, lalu iya deka dibuai ari raban nembiak TUHAN.
9 #
Lew 27.15; U-dat 24.19-22. “Lebuh kita ngetau umai kita, anang ngetau gandum ti ba tisi umai, lalu anang pulai baru ngagai umai nya lalu ngetau semeli. 10Anang pulai baru ngagai kebun anggur kita lalu ngumpul buah ti enda kena ketau kita, tauka ngumpul buah anggur ti labuh. Tinggalka utai nya dia ngambika bisi digumpul orang ke seranta enggau orang kampar. Aku tu TUHAN Allah Taala kita.
11 #
P-sut 20.15; U-dat 5.19;
P-sut 20.16; U-dat 5.20. “Anang ngenchuri tauka nipu, tauka bula. 12#P-sut 20.7; U-dat 5.11; Mat 5.33. Anang ngaga semaya dalam nama Aku, enti kita nadai ati deka ngamatka semaya nya. Utai nya ngemaluka nama Aku. Aku tu TUHAN Allah Taala kita.
13 #
U-dat 24.14-15. “Anang ngerumpak orang, tauka ngambi ulih ba orang. Anang enda mayar gaji orang ke gawa ke kita, semalam pen enda meh gaji nya tau ditejuka enda dibayar. 14#U-dat 27.18. Anang ngeleseka orang ke bengal, tauka ngasuh orang ke buta tesangkut. Kita enda tau enda ngasika Aku. Aku tu TUHAN Allah Taala kita.
15 #
P-sut 23.6-8; U-dat 16.19. “Anang meri atur ti enda lurus lebuh kita ngatur pechara. Anang bepilih mata enggau orang ke seranta, tauka nangika orang ke kaya. 16Anang bejaku bula pasal orang, lalu anang besaksi bula pasal orang. Aku tu TUHAN.
17 #
Mat 18.15. “Anang begedika menyadi nuan, tang rara iya enti iya bisi salah, enggai ke nuan empu salah ketegal nuan enda ngerara iya. 18#Mat 5.43; 19.19; 22.39; Mrk 12.31; Luk 10.27; Rom 13.9; Gal 5.14; Jos 2.8. Anang malas, tauka begedika pangan nuan, tang rinduka iya baka nuan ti rinduka diri empu. Aku tu TUHAN.
19 #
U-dat 22.9-11. “Ngasika adat Aku. Anang bekawinka jelu tupi ti enda sebaka bansa. Anang nanam dua macham benih ba sebidang tanah. Anang ngena gari ti ditenun ari dua macham ubung.
20“Enti lelaki ngumbai ulun iya ti indu nya indu simpan iya, lalu indu nya apin dibayar rega lalu apin dilepaska, lalu enti udah nya, lelaki bukai bisi beleman enggau indu nya, seduai iya enda tau enda kena ukum, tang enda#19.20 Tauka: pekara nya deka dipansik, tang seduai iya enda diukum bunuh, laban indu nya ulun. 21Orang nya deka mai siku bedus ti lelaki ngagai penama Langkau Kain TUHAN nyadika piring kena mayar ukum penyalah, 22lalu imam deka ngena piring nya nuchi orang nya ngambika muai dosa iya, lalu dosa iya deka diampun.
23“Lebuh kita datai di menua Kanaan, lalu nanam sebarang macham kayu buah, kita deka ngumbai buah nya enda tuchi dalam tiga taun ti keterubah. Dalam kandang maya nya, kita enda tau makai buah nya. 24Dalam taun ti keempat, semua buah nya deka diserahka magang nyadika piring kena kita ngayanka pemesai terima kasih kita ngagai Aku,#19.24 kena kita … ngagai Aku; Tauka: kena kita muji Aku ti TUHAN. 25Tang dalam taun ti kelima, kita tau makai buah nya. Enti kita ngereja semua nya, kayu buah kita deka bebuah lebat agi. Aku tu TUHAN Allah Taala kita.
26 #
P-kal 9.4; Lew 7.26-27; 17.10-14; U-dat 12.16, 23; 15.23; 18.10. “Anang makai dagin ti agi bedarah. Anang betilitka nasit#19.26 betilitka nasit; Tauka: beburung tauka bemanang.#19.26 bemanang; Tauka: bedukun 27#Lew 21.5; U-dat 14.1. Anang nguntin bulu tepisan kita, tauka mipil ragum kita. 28Anang ngaga ukir#19.28 ukir; Tauka: kelingai; Tauka: pantang ba tubuh kita. Anang ngurik tubuh kita kena nandaka diri ngulitka orang ke mati. Aku tu TUHAN.
29 #
U-dat 23.17. “Anang ngasuh anak indu kita nyundal dalam rumah sembiang#19.29 sundal dalam rumah sembiang: Indu ti baka nya tau ditemu dalam rumah sembiang orang Kanaan, ba endur alai orang ke nyembah petara ti ngasuh peridi. Nitihka pengarap orang Kanaan, enti sida beleman enggau indu sundal nya, umai sida deka mansutka mayuh agi asil, lalu jelu sida deka balat agi peridi. laban tu deka ngemaluka sida sereta ngamahka menua. 30#Lew 26.2. Intu Hari Sabat, lalu bebasaka Langkau Kain TUHAN. Aku tu TUHAN.
31 #
U-dat 18.11; 1 Sam 28.3; 2 Raj 23.4; Isa 8.19. “Anang betanya ngagai orang ke bejaku enggau semengat orang ke udah mati, tauka ngagai manang. Anang begigaka sida enggai ke kita kamah laban sida. Aku tu TUHAN Allah Taala kita.
32“Bediri lebuh orang ke tuai umur mansa, lalu bebasaka sida. Nangika Allah Taala kita. Aku tu TUHAN.
33 #
P-sut 22.21; U-dat 24.17-18; 27.19. “Anang nekanka pengidup orang kampar ti diau di menua kita. 34Kereja utai ba sida baka ke dikereja kita ngaga orang Israel, lalu rinduka sida, baka kita ke rinduka diri empu. Kingatka diri ti udah nyadi orang kampar di menua Ejip. Aku tu TUHAN Allah Taala kita.
35 #
U-dat 25.13-16; J-lam 20.10; Esk 45.10. “Anang ngakal orang lebuh kita nyukat, nimbang tauka nakar utai. 36Kena dachin ti betul, timbang ti betul, takar ti betul. Aku tu TUHAN ti udah mai kita pansut ari menua Ejip. 37Kita enda tau enda ngasika semua adat enggau pesan Aku. Aku tu TUHAN.”
Currently Selected:
Adat Lewi 19: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
Adat Lewi 19
19
Adat Pasal Pengudus Enggau Atur Ti Lurus
1Lalu ku TUHAN bejaku ngagai Moses 2#Lew 11.44-45; 1 Pet 1.16. “Sebut ngagai semua orang Israel: Kita enda tau enda kudus, laban Aku ti TUHAN Allah Taala kita, kudus. 3#P-sut 20.12; U-dat 5.16; P-sut 29.8; U-dat 5.12. Genap iku kita enda tau enda bebasaka apai indai kita, lalu enda tau enda ngintu Hari Sabat, munyi ti udah dipesanka Aku ngagai kita. Aku tu TUHAN Allah Taala kita.
4 #
Lew 26.1; P-sut 20.23; 34.17; U-dat 17.15. Anang nyembah engkeramba tauka ngaga anak patung: Aku tu TUHAN Allah Taala kita.
5“Lebuh kita nyayat jelu nyadika piring pemaik, titihka adat ti udah diberi Aku ngagai kita, nya baru Aku deka nerima piring nya. 6Dagin nya enda tau enda diempa sama hari jelu nya disayat, tauka hari siti. Dagin ti beteda ngagai hari ti ketiga, enda tau enda ditunu, 7laban dagin nya enda tuchi, lalu enti orang makai dagin nya, Aku enggai nerima piring nya. 8Barang sapa makai dagin nya deka kena tinggang penyalah, laban iya udah ngamahka utai ti kudus ti enggi TUHAN, lalu iya deka dibuai ari raban nembiak TUHAN.
9 #
Lew 27.15; U-dat 24.19-22. “Lebuh kita ngetau umai kita, anang ngetau gandum ti ba tisi umai, lalu anang pulai baru ngagai umai nya lalu ngetau semeli. 10Anang pulai baru ngagai kebun anggur kita lalu ngumpul buah ti enda kena ketau kita, tauka ngumpul buah anggur ti labuh. Tinggalka utai nya dia ngambika bisi digumpul orang ke seranta enggau orang kampar. Aku tu TUHAN Allah Taala kita.
11 #
P-sut 20.15; U-dat 5.19;
P-sut 20.16; U-dat 5.20. “Anang ngenchuri tauka nipu, tauka bula. 12#P-sut 20.7; U-dat 5.11; Mat 5.33. Anang ngaga semaya dalam nama Aku, enti kita nadai ati deka ngamatka semaya nya. Utai nya ngemaluka nama Aku. Aku tu TUHAN Allah Taala kita.
13 #
U-dat 24.14-15. “Anang ngerumpak orang, tauka ngambi ulih ba orang. Anang enda mayar gaji orang ke gawa ke kita, semalam pen enda meh gaji nya tau ditejuka enda dibayar. 14#U-dat 27.18. Anang ngeleseka orang ke bengal, tauka ngasuh orang ke buta tesangkut. Kita enda tau enda ngasika Aku. Aku tu TUHAN Allah Taala kita.
15 #
P-sut 23.6-8; U-dat 16.19. “Anang meri atur ti enda lurus lebuh kita ngatur pechara. Anang bepilih mata enggau orang ke seranta, tauka nangika orang ke kaya. 16Anang bejaku bula pasal orang, lalu anang besaksi bula pasal orang. Aku tu TUHAN.
17 #
Mat 18.15. “Anang begedika menyadi nuan, tang rara iya enti iya bisi salah, enggai ke nuan empu salah ketegal nuan enda ngerara iya. 18#Mat 5.43; 19.19; 22.39; Mrk 12.31; Luk 10.27; Rom 13.9; Gal 5.14; Jos 2.8. Anang malas, tauka begedika pangan nuan, tang rinduka iya baka nuan ti rinduka diri empu. Aku tu TUHAN.
19 #
U-dat 22.9-11. “Ngasika adat Aku. Anang bekawinka jelu tupi ti enda sebaka bansa. Anang nanam dua macham benih ba sebidang tanah. Anang ngena gari ti ditenun ari dua macham ubung.
20“Enti lelaki ngumbai ulun iya ti indu nya indu simpan iya, lalu indu nya apin dibayar rega lalu apin dilepaska, lalu enti udah nya, lelaki bukai bisi beleman enggau indu nya, seduai iya enda tau enda kena ukum, tang enda#19.20 Tauka: pekara nya deka dipansik, tang seduai iya enda diukum bunuh, laban indu nya ulun. 21Orang nya deka mai siku bedus ti lelaki ngagai penama Langkau Kain TUHAN nyadika piring kena mayar ukum penyalah, 22lalu imam deka ngena piring nya nuchi orang nya ngambika muai dosa iya, lalu dosa iya deka diampun.
23“Lebuh kita datai di menua Kanaan, lalu nanam sebarang macham kayu buah, kita deka ngumbai buah nya enda tuchi dalam tiga taun ti keterubah. Dalam kandang maya nya, kita enda tau makai buah nya. 24Dalam taun ti keempat, semua buah nya deka diserahka magang nyadika piring kena kita ngayanka pemesai terima kasih kita ngagai Aku,#19.24 kena kita … ngagai Aku; Tauka: kena kita muji Aku ti TUHAN. 25Tang dalam taun ti kelima, kita tau makai buah nya. Enti kita ngereja semua nya, kayu buah kita deka bebuah lebat agi. Aku tu TUHAN Allah Taala kita.
26 #
P-kal 9.4; Lew 7.26-27; 17.10-14; U-dat 12.16, 23; 15.23; 18.10. “Anang makai dagin ti agi bedarah. Anang betilitka nasit#19.26 betilitka nasit; Tauka: beburung tauka bemanang.#19.26 bemanang; Tauka: bedukun 27#Lew 21.5; U-dat 14.1. Anang nguntin bulu tepisan kita, tauka mipil ragum kita. 28Anang ngaga ukir#19.28 ukir; Tauka: kelingai; Tauka: pantang ba tubuh kita. Anang ngurik tubuh kita kena nandaka diri ngulitka orang ke mati. Aku tu TUHAN.
29 #
U-dat 23.17. “Anang ngasuh anak indu kita nyundal dalam rumah sembiang#19.29 sundal dalam rumah sembiang: Indu ti baka nya tau ditemu dalam rumah sembiang orang Kanaan, ba endur alai orang ke nyembah petara ti ngasuh peridi. Nitihka pengarap orang Kanaan, enti sida beleman enggau indu sundal nya, umai sida deka mansutka mayuh agi asil, lalu jelu sida deka balat agi peridi. laban tu deka ngemaluka sida sereta ngamahka menua. 30#Lew 26.2. Intu Hari Sabat, lalu bebasaka Langkau Kain TUHAN. Aku tu TUHAN.
31 #
U-dat 18.11; 1 Sam 28.3; 2 Raj 23.4; Isa 8.19. “Anang betanya ngagai orang ke bejaku enggau semengat orang ke udah mati, tauka ngagai manang. Anang begigaka sida enggai ke kita kamah laban sida. Aku tu TUHAN Allah Taala kita.
32“Bediri lebuh orang ke tuai umur mansa, lalu bebasaka sida. Nangika Allah Taala kita. Aku tu TUHAN.
33 #
P-sut 22.21; U-dat 24.17-18; 27.19. “Anang nekanka pengidup orang kampar ti diau di menua kita. 34Kereja utai ba sida baka ke dikereja kita ngaga orang Israel, lalu rinduka sida, baka kita ke rinduka diri empu. Kingatka diri ti udah nyadi orang kampar di menua Ejip. Aku tu TUHAN Allah Taala kita.
35 #
U-dat 25.13-16; J-lam 20.10; Esk 45.10. “Anang ngakal orang lebuh kita nyukat, nimbang tauka nakar utai. 36Kena dachin ti betul, timbang ti betul, takar ti betul. Aku tu TUHAN ti udah mai kita pansut ari menua Ejip. 37Kita enda tau enda ngasika semua adat enggau pesan Aku. Aku tu TUHAN.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia