2 Timoti 3
3
Hari Ti Penudi
1Tang nuan enda tau enda nemu tu: ba hari ti penudi mayuh macham penusah deka nyadi. 2Laban orang deka semina berundingka diri empu aja, angkunka duit, temegah, sumbung, bejai orang, enda ngasika apai indai, enda nemu meri terima kasih, enda kudus, 3kasar enggau orang, nadai nemu siruka orang, bejakuka orang, enda nemu nagang diri, mangah, begedika utai ti badas, 4aum-juak, enda berunding ngereja utai, ngerigangka diri laban sumbung, semina deka ngelantangka diri lalu enda rinduka Allah Taala, 5baka ke bepegai ba agama, tang sida besangkalka kuasa agama nya. Anang begulai enggau sida! 6Laban sekeda bala sida tama ngagai rumah orang, lalu bekuasa atas indu ke beli, ke alah ditating dosa sereta alah laban semua macham pengingin, 7ke seruran diajar tang nadai tetemuka penemu pasal pemendar. 8#P-sut 7.11. Baka Jannes seduai Jambres ke ngelaban Moses, baka nya meh orang tu nyakal pemendar. Runding sida jai, lalu pengarap sida pelesu. 9Tang sida enda ulih majakka pengawa nya laban, baka ti nyadi ba Jannes seduai Jambres, semua orang deka meda pemeli sida.
Atur Ti Penudi
10Tang nuan udah nemu ajar aku, ulah aku, tuju pengidup aku, pengarap aku, pengeliat ati aku, pengerindu aku, penegap aku, 11#SKR 13.14-52; SKR 14.1-7; SKR 14.8-20. pemerinsa aku, penusah aku, utai ti nyadi ba aku di Antiok, di Ikonium, enggau di Listra, pasal pemalat pemerinsa ti ditatka aku! Tang Tuhan udah ngelepaska aku ari semua utai nya. 12Iya ti bendar, semua orang ke keran deka diau kudus dalam Jesus Kristus, deka kena perinsaka magang. 13Tang orang ke jai, enggau orang ke pura-pura ngapa,#3.13 pura-pura ngapa; Tauka: hipokrit deka majak jai se-jai, nipu orang, lalu sida empu deka kena tipu. 14Tang nuan enda tau enda majak bepegai ba utai ti udah dipelajar sereta dikarapka nuan laban nuan nemu sapa ke udah ngajar nuan utai nya, 15lalu nuan, kenyau ari nuan agi mit, endang udah nemu Bup Kudus ulih ngajar nuan ngulihka pengelepas ulih pengarap ke Jesus Kristus. 16Semua Bup Kudus endang bepun ari#3.16 bepun ari; Tauka: dikesuhka; Ku sekeda salin: diilhami oleh Allah Taala magang, lalu beguna kena ngajar, kena ngerara, kena ngaduka utai ti salah, enggau kena matihka orang diau lurus, 17ngambika semua nembiak Allah Taala chukup disikap ngereja genap macham pengawa ti badas.
Currently Selected:
2 Timoti 3: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
2 Timoti 3
3
Hari Ti Penudi
1Tang nuan enda tau enda nemu tu: ba hari ti penudi mayuh macham penusah deka nyadi. 2Laban orang deka semina berundingka diri empu aja, angkunka duit, temegah, sumbung, bejai orang, enda ngasika apai indai, enda nemu meri terima kasih, enda kudus, 3kasar enggau orang, nadai nemu siruka orang, bejakuka orang, enda nemu nagang diri, mangah, begedika utai ti badas, 4aum-juak, enda berunding ngereja utai, ngerigangka diri laban sumbung, semina deka ngelantangka diri lalu enda rinduka Allah Taala, 5baka ke bepegai ba agama, tang sida besangkalka kuasa agama nya. Anang begulai enggau sida! 6Laban sekeda bala sida tama ngagai rumah orang, lalu bekuasa atas indu ke beli, ke alah ditating dosa sereta alah laban semua macham pengingin, 7ke seruran diajar tang nadai tetemuka penemu pasal pemendar. 8#P-sut 7.11. Baka Jannes seduai Jambres ke ngelaban Moses, baka nya meh orang tu nyakal pemendar. Runding sida jai, lalu pengarap sida pelesu. 9Tang sida enda ulih majakka pengawa nya laban, baka ti nyadi ba Jannes seduai Jambres, semua orang deka meda pemeli sida.
Atur Ti Penudi
10Tang nuan udah nemu ajar aku, ulah aku, tuju pengidup aku, pengarap aku, pengeliat ati aku, pengerindu aku, penegap aku, 11#SKR 13.14-52; SKR 14.1-7; SKR 14.8-20. pemerinsa aku, penusah aku, utai ti nyadi ba aku di Antiok, di Ikonium, enggau di Listra, pasal pemalat pemerinsa ti ditatka aku! Tang Tuhan udah ngelepaska aku ari semua utai nya. 12Iya ti bendar, semua orang ke keran deka diau kudus dalam Jesus Kristus, deka kena perinsaka magang. 13Tang orang ke jai, enggau orang ke pura-pura ngapa,#3.13 pura-pura ngapa; Tauka: hipokrit deka majak jai se-jai, nipu orang, lalu sida empu deka kena tipu. 14Tang nuan enda tau enda majak bepegai ba utai ti udah dipelajar sereta dikarapka nuan laban nuan nemu sapa ke udah ngajar nuan utai nya, 15lalu nuan, kenyau ari nuan agi mit, endang udah nemu Bup Kudus ulih ngajar nuan ngulihka pengelepas ulih pengarap ke Jesus Kristus. 16Semua Bup Kudus endang bepun ari#3.16 bepun ari; Tauka: dikesuhka; Ku sekeda salin: diilhami oleh Allah Taala magang, lalu beguna kena ngajar, kena ngerara, kena ngaduka utai ti salah, enggau kena matihka orang diau lurus, 17ngambika semua nembiak Allah Taala chukup disikap ngereja genap macham pengawa ti badas.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia