रोमी 14
14
बोङ् त्वब मेस्ये बोङ् ख्यबयू
1 #
कलस्सी 2:16
विश्वासने बोङ् त्वब मीयूने रङ्से अत च्योन्यूनेप्र ग्रहण ची, तर ङूजे अन्ज्य पोयूने न्याय अन्चील्लाची। 2कोइदे साप्ता थोकने चब क्यूक्क्य यदेबे विश्वास चीक्क्य, तर विश्वासने बोल्यो त्वब मीदेब ङा-ङूत्या चीय। 3साप्ता थोकने चब मीदे ङा-ङूत्या चब मीने ह्यल अन्चीस्स्य, होरप्रने साप्ता थोक अन्चब मीदे चब मीने दोष अन्लैदीस्य। चेनेयलो परमेश्वरदेने थमयूने ग्रहण चे ख्यङ्। 4सूजो मीजे त्वो-त्वोमने दोष लैदेब न सू? ङूने तो लङब मेस्ये मो तलब ङूजे रङ्से मालिकजे लाने ख्यङ्। ङूजे कामने तो लङ्क्क्य, चेनेयलो, ङूजे मालिकदे ङूने तो लङ खूइय।
5कोइ मीदे दिन त्याने सूजो दिनयली सोरो केन् मन्दीय, तर कोइ मीदे दिनयू क्वाने त्याप्रने ख्यङ् मन्क्य। मी त्या-त्यादे अम्ब पोने रङ्से सेम्ने चेलाबे पक्क क्यूर् पर्दीय। 6सूदे दिन त्याने सोरो केन् मन्दीय, ङूदे परमेश्वरने गेसेन् पीनजे लागिने मन्दीय। सूदे चीय, ङूदे परमेश्वरने गेसेन् पीनजे लागिने चीय, चेनेयलो ङूदे चसे च यली खूम् परमेश्वरने धन्यवाद पीन्क्क्य। सूदे अन्च, ङूदेये परमेश्वरने गेसेन् पीनजे लागिने अन्च मेस्ये परमेश्वरने धन्यवाद पीन्क्य। 7ङीनयू सूये रङ्सेजे लागि बच्दीस्ये त्वो, मेस्ये सूये रङ्सेजे लागि अन्सीब। 8कादेये ङीन सूली प्रभूजे लागि सूय मेस्ये सीबलीने प्रभूजे लागिने सीबीय। होरेक्यूत्देबे ङीन सीलीने सूलीने प्रभूजेने ख्यङ्। 9अम्बजे लागिने ख्रीष्ट सीयीदे मेस्ये फेरि सोम्बो क्यूत्दे, यी ङू सीयेबयूजे मेस्ये सोम्बो ख्यबयू क्वाजेने प्रभू ख्यङ्।
10 #
२ कोरिन्थी 5:10
होरेयलो नमयू रङ्से अत-अजी-च्योन्जे चेने न्याय चे? या न चेने रङ्से अत-अची-च्योन्ने हेप्दे? चेनेयलो ङीन क्वाने परमेश्वरजे खूम्ने न्याय चेब नेने मेर्ब पर्दीय। 11#यशैया 45:23धर्मशास्त्रने लिख्दीये ख्यङ्,
“प्रभू परमेश्वरदे य ख्यङ्, ‘ङ सोम्बो ख्यङ्, मी क्वादेने ङैजे खूम्ने पूजी च्वोय, होरदे मी क्वजे ङूर्दे परमेश्वरजे जै-जै चीक्क्य’।”
12येरेक्यूत्देबे ङीन क्वादेने रङ्सेदे चीक्कब कामजे हीसाब परमेश्वरने पीन पर्दीय।
13येरेक्यूत्देबे ङीन जेम्सेमेस्ये त्यादे त्याने दोष अन्लैदीलाचीदे। क्यूल्लो ङीन रङ्से अत-अजी-च्योन्जे लम्ने बाधा पीनब सेयू कलङ्बेये अन्-येब पक्क चीत्दे। 14ङ प्रभू येशूप्रे क्यूरब कारणदे, चसेयू रङ्सेदेने चूर अन्क्यूर यब पो पक्क ख्यङ्, तर सूदे हम्ब चसे चूर मन्क्य, ङूने हम्ब चसे चूर क्यूक्क्य। 15कादेये नदे च चीय हम्ब चब सेदे नैजे अत-अची- च्योनजे सेम् नला चीक्क्य यलो, नदे ङूने माया चेब अन्क्यूर। हम्ब चसेदे ङूजे नाश अन्क्यूर्लाचीस्स्य, चेनेयलो ङूजे लागिये येशू ख्रीष्ट सीये ख्यङ्। 16येरेक्यूत्देबे नने ज्य थेब सेने सूजो मीदे अन्ज्य अन्-यस्य। 17चेनेयलो परमेश्वरजे राज्य च-थूङने दी, तर अम्ब पवित्र आत्माने धार्मिकता, शान्ति मेस्ये आनन्द ख्यङ्। 18सूदे येर तर्दीप्दे ख्रीष्टजे सेवा चीक्क्य, हम्ब मीदे परमेश्वरने सूग्ला चीक्क्य, मेस्ये मीयूदे ज्य यीय।
19येरेक्यूत्देबे ङीन अम्ब पोयूजे के थाये, कम्ब पोदे शान्ति रेक्क्य, होरदे त्या-त्याजे आत्माने बोङ् पीनब काम चीक्क्य। 20चसेजे लागि परमेश्वरजे काम नाश अन्चील्लाची। तम्दम्ने यलो साप्ता सेने चोखो ख्यङ्, तर रङ्सेदे चब सेदे सूजो मीने बाधा पीनब ज्य दी। 21खास रूप्ने स्य अन्चब, ची-नादू अन्थूङब, होरदे रङ्से अत-अजी-च्योन्ने बाधा पीनब चसेयू अन्चबने ज्य क्यूक्क्य।
22नैजे रङ्से विश्वास परमेश्वर मेस्ये नैजे अन्द्रने ये। रङ्सेदे ज्य मनब पोजे कारणदे रङ्सेदेने अन्ज्य चीक्क अम्मन्, येर मीने परमेश्वरदे असी पीन्क्य। 23तर कोइदे शङ्का चीत्देबे चसे चदे यलो परमेश्वरदे ङूने दोष ख्यब ठर्दीय, चेनेयलो ङूदे विश्वास अन्चील्लाबे च ख्यङ्। विश्वास अन्चेब साप्ता पो पाप ख्यङ्।
Currently Selected:
रोमी 14: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.
