यूहन्ना किताबजे बारेने
किताबजे बारेने
अम्ब सूगब खबरजे किताब येशूजे स्यूस्स्या जब्दीयाजे च यूहन्नादे लिख्दे ख्यङ् (मर्कूस १:१९)। बाइबलजे विद्धानयूजे विचार अनुसार यूहन्नादे लिख्दीब अम्ब सूगब खबर ईस्वी सम्बत ७०-९०-ने लिख्दे ख्य। तर ठाक्के कम्ब सालने यदेबे पक्क था त्वो। यूहन्ना “येशूदे प्रेम चेब” स्यूस्स्या ख्य (यूहन्ना १३:२३, २१:२०)। येशूजे बाह्र जना स्यूस्स्यायूनङ्ने यूहन्ना येशूप्रे पात्ता थेप घनिष्ठ ख्य। होरेक्यूत्देबे येशूजे सेम्जे पोयू चेलाबे कोदेबे अम्ब सूगब खबरने यूहन्नादे येशूजे सोरो फत्या नङ्जे विचार मेस्ये यब पोयू लिख्दीये ख्यङ्।
यूहन्ना कम्ब क्यूरीतासेमे बाँच्दीदे। ङू कूम वर्षसेमे एफिससने टूङ्दे; कोये कोयेजे विचारअनुसार अम्ब सूगब खबरजे किताब यूहन्नादे होयाने लिख्दीक ख्य। अम्ब यूहन्नादे सर् करारजे “यूहन्नाजे” चिट्ठी सोम्ये लिख्दीदे। ङूजे जीया जेन्टब बीलने यूहन्ना देशदे फीने योम्बीदे भूमध्य सागरने ख्यब पत्मोस यब टापूने कूल्पीदे (प्रकाश १:९), होयाने ङूदे ख्रीष्टजे प्रकाश त्या प्रेत्दे, अम्बजे पूरा बयानब सर् करारजे “प्रकाश” यब पात्ता ङ्येजे किताबने लिख्दीये ख्यङ्।
यूहन्नादे लिख्देब सूगब खबरजे किताब मत्ती, मर्कूस मेस्ये लूकाजे सूगब खबरयूयली ते सूजो ख्यङ्। यूहन्नादे लिख्देब सूगब खबरजे किताबने ङीनदे ख्रीष्टजे सेम् मेस्ये आत्मा बेस्से चेलाबे तङ खूइय मेस्ये क्व खूइय। ख्रीष्टजे स्वभाव कर ख्य यदेबे यूहन्नादे चेलाबे स्योदे ख्यङ्। ङूदे येशूदे रङ्सेजे बारेने यब पो लिख्दीये ख्यङ्। “जीया पीनब क्यङ् ङ ख्यङ्” (यूहन्ना ६:३५)। “ङ संसारजे ओथ्याङ् ख्यङ्” (यूहन्ना ८:१२)। “ङ सोरो ज्य प्रङ्ब ख्यङ्” (यूहन्ना १०:११)। “ख्यो ब ङ ख्यङ्” (यूहन्ना १०:९), “तम्दम् अङ्गुरजे पोङ् ङ ख्यङ्” (यूहन्ना १५:१), “लम, मेस्ये “तम्दम जीया पीनब ङ ख्यङ्” (यूहन्ना १४:६)। यूहन्नादे येशू मेस्ये रङ्से स्यूस्स्यायूजे अन्द्रने क्यूरब पात्ता गहीरो पोयू ल्वे स्य्वे क्यूरब पोजे बयान चीदे ख्यङ्। पात्ता केन् पोब येशू रङ्से जीयाजे पात्ता ङ्येजे मून्ने क्यूरब रङ्से प्रेमजे भात्यारने यब पोयू क्वाने यूहन्नादे बयान चीदे ख्यङ्। अम्ब पो अध्याय १3 मेस्ये १७ सेमे लिख्दीये ख्यङ्।
यूहन्नादे लिख्दीयेब सूगब खबरजे किताबदे पवित्र आत्माजे बारेने कूम पोयू लोम खूइय। ख्रीष्टजे पवित्र आत्मा ङीनप्रे अन्क्यूत्देयलो ङीनदे ख्रीष्टजे लागि चैये चे अङ्खू (यूहन्ना१५:५) यब पोयू ङीनदे लोम खूइय। विश्वास चेब मीयूजे जीयाने पवित्र आत्माजे काम चे ख्वब शक्तिदेत्यामे ख्रीष्टजे काम अम्ब संसारने सोरो ज्य क्यूप्प खूइय मेस्ये ङूजे मण्डली कामूलूक्ने फ्याब खूइय यब पो यूहन्नादे सोरो ओत्रे चेलाबे तम्मे ख्यङ्।
कन्छ्वाब ङीनदे पहिला सूगब खबरजे किताबयू सोम् मेस्ये यूहन्नाजे सूगब खबरजे किताब प्रेप्रे छ्योक्क्य, हन्छ्वाब ङीनदे येशूजे पूरा काम मेस्ये जीयाजे बयान प्रे खूइय। तर येशूजे बारेने ज्ञान प्रेत्देबेत्यामे ङीनने अम्पूक्ती। अम्ब सूगब खबरजे किताब छ्योदे छ्योदे अम्ब पो लिख्दीदेबे यूहन्नाजे उदेश्य ह्वे ची। “नमयूदे येशू परमेश्वरजे च ख्रीष्ट ख्यङ् यदेबे विश्वास ची, मेस्ये विश्वास चीत्देबे ङूजे मीन्ने नमयूदे जीया प्रेस्स्य” (यूहन्ना २०:३१) यदेबे ङूदे अम्ब पो लिख्दीये ख्यङ्।
Currently Selected:
यूहन्ना किताबजे बारेने: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.