मूल स्यूस्स्यायूजे कामजे किताब 14
14
आइकोनियनने पावलप्रे बारनाबास
1आइकोनियनने पावलप्रे बारनाबास प्रेप्रेने यहूदीयूजे सभा-कीम्ने क्योइदेबे येर तर्तीप्दे क्यम्दे यी होने ख्यब यहूदीयू प्रे ग्रीक मीयूजे केन् हुलदे विश्वास चीत्दे। 2तर विश्वास अन्चेनब यहूदीयूदे सूजो यहूदी तेब मीयूने उक्सीतीदेबे विश्वास चेब रङ्से अत-च्योन्यूजे विरुद्धने थमयूजे सेम् अम्मील्ले चीप्पीदे। 3प्रभुजे भरने सेम्केन् चीत्देबे कूम सेमे क्यमे-क्यमे पावलप्रे बारनाबास हैयाने टूङ्दे। प्रभुदे थमयूप्रे क्यूत्देबे च्यूनूयू प्रे हार्मन्देब कामयू चीत्देबे रङ्से अनुग्रहजे वचनजे गवाही पीन्दे। 4तर सहरजे मीयू अन्द्रने अन्थून क्यूरी, मेस्ये कोइ यहूदीयूतेले कोइ मूल स्यूस्स्यायूतेले लादीदे। 5यहूदी तेब मीयू मेस्ये यहूदीयू थर-ङ्हीदेने थमयूजे हुकुम चील्लेबयूप्रे मील्लीदेबे थमयूने सतनम् पीनने मेस्ये लूङ्दे ठरेने बोङ् चीत्दे। 6थमयूदे अम्ब पो था प्रेत्देबे लुकोनियाजे सहरयू लूस्त्रा, डर्बी मेस्ये हैयाबूरूजे जिल्ला क्यूत्देबे छ्योङ्गीदे, 7मेस्ये हैयाने थमयूदे सूगब खबर स्योन्नूदे।
लुस्त्रा मेस्ये डर्बीने
8जेम्से लुस्त्रा सहरने तोप् चील्ले अन्ख्वब मीत्या टून ख्य। ङू जन्मीदीबने खोन्ड्याल्या ख्य, कलङ्बेये अम्प्र ख्य। 9पावलदे क्यमब ङूदे ङ्यीन्न ख्य। पावलदे ङूने इसारा-थूङ् लेत्दे, मेस्ये तम् क्यूक्क्य यब ङूजे विश्वास ख्यङ् यब तङ्देबे, 10के केन् योन्देबे यदे, “नैजे तोप्जे भर्ने ठरो मेर्।” होर्दे ङू ग्वे लङ्दे मेस्ये प्रने सुरु चीत्दे।
11कन्छ्वाब पावलदे चेब अम्ब काम मी हुलदे तङ्दे, हन्छ्वाब थमयूदे लुकोनियाजे केने बोङ्बे हूत्दे येरे यदे, “देऊतायु मीजे रूप्ने ङीन ट्याने तल्रो।” 12थमयूदे बारनाबासने जिउसजे देऊता मेस्ये पावलने हर्मेस देऊता यदे, चेनेयलो अम्बब पो क्यमब मी केन ख्य। 13सहरजे फीने ख्यब जिउसजे मन्दिरजे पूस्र्यादे मन्दिरजे मूल ख्योयूने लप्यू मेस्ये मीन्दाजे मलयू रेत्देबे होनेजे मीयूप्रे मील्लीदेबे बलि-पूजा चेब सेम् चीत्दे।
14तर कन्छ्वाब मूल स्यूस्स्यायू, बारनाबास मेस्ये पावलदे अम्ब पो तदे, हन्छ्वाब थमयूदे रङ्सेजे कोला प्र्याङ्देबे येरे यदेबे पारा पूत्देबे मीयूजे अन्द्रने ग्येयीदेबे यदे, 15#प्रस्थान 20:11; भजनसंग्रह 146:6“मीयू, नमयू चेने येर काम चे? ङीये नमयूप्रने छरङ् प्रेन्नब मीयूने ख्यङ्, ङी नमयूने परमेश्वरदे पीनब सूगब खबर स्य्वेने रख्यङ् येर काम अन्लादे पो क्यापीदेबे स्वर्ग, पृथ्वी, समुद्र मेस्ये हैयाने ख्यब साप्ता थोक बन्देब परमेश्वरने मन्दे पर्दीय। 16परमेश्वरदे मीयूङ्ने सीयेब पुस्ताजे टक्क जातयूने रङ्से-रङ्से पेग अनुसार चील्लीस्ये पीन्दे 17ङूदे भलो क्यूरब काम चेने कलङ्बेये अन्क्या, ङूदे नमयूने मूदे झीरीजे क्यू मेस्ये स्यासीयू, कूम चसे मेस्ये सेम् सूग्ला चीत्देबे आनन्द क्यूस्स्ये पीन्दे।” 18अम्ब पो यदेबे थमयूदे मूस्कील्दे थमयूने बलि-पूजा चेर्देब काम चेने थमयूने रोक्तीदे।
19तर कोइ-कोइ यहूदीयू एन्टिओखिया प्रे आइकोनियनदे हैयाने फ्योरदेबे मीहुलने उक्सीतीदेबे पावलने सेने लूङ्दे ठरीदे, मेस्ये ङू सीयेइज मन्देबे सहरदे फीने स्येङ्गीदे। 20तर कन्छ्वाब स्यूस्स्यायू ङूजे तीछो मेर्दे ङू लङ्दे, होर्दे सहर नङ्ने क्योइदेबे नैदेरेदे बारनाबासप्रे योङ्देबे डर्बीने गीलीदे।
सिरियाजे एन्टिओखियाने
21थमयूदे हम्ब सहरने सूगब खबर प्रचार चीत्देबे कूम स्यूस्स्यायू बन्दीदे, मेस्ये थमयू लुस्त्रा, आइकोनियन मेस्ये एन्टिओखियाने ल्वारदे, 22स्यूस्स्यायूजे विश्वासने बोल्यो क्यूस्स्य यदेबे अर्ती पीन्दे, मेस्ये कूम सकस् सैदीदेबे ङीन परमेश्वरजे राज्यने क्योब पर्दीय यदेबे थमयूने लोम्मीदे। 23कन्छ्वाब थमयूदे मण्डलीयू क्वानेने एल्डरयू सेल्देबे चून्तीदे, हन्छ्वाब प्रार्थना चीत्देबे होर्दे बर्त टूङ्देबे थमयू रङ्सेदे विश्वास चेब प्रभुजे जिम्माने थमयूने सूम्दीपीदे। 24होर्देमेस्ये थमयू पिसिदिया क्यूत्देबे पामफिलियाने रदे। 25पर्गाने वचन प्रचार चीत्देबे थमयू अटालियाने तेलीदे।
26होर्दे हैयादे थमयू समुद्रने ट्वादेबे एन्टिओखियाने गीलीदे, हैयाने थमयूदे पूरा चीक्कब कामजे लागि परमेश्वरजे अनुग्रहने थमयूने सूम्दीपीदे ख्य। 27होर्दे थमयू एन्टिओखियाने फ्योरदे, हन्छ्वाब मण्डलीजे मीयूने फूङ् पूत्दे, होर्दे परमेश्वरदे थमयूप्रे ख्यङ्ब चेब साप्ता कामयूजे बयान चीत्दे, मेस्ये केरे ङूदे यहूदी तेब मीयूजे लागि विश्वासजे ख्यो पूक्मीदे यब पो स्योत्दे। 28थमयू हैयाने स्यूस्स्यायूप्रे कूम दिन टूङ्दे।
Currently Selected:
मूल स्यूस्स्यायूजे कामजे किताब 14: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.
मूल स्यूस्स्यायूजे कामजे किताब 14
14
आइकोनियनने पावलप्रे बारनाबास
1आइकोनियनने पावलप्रे बारनाबास प्रेप्रेने यहूदीयूजे सभा-कीम्ने क्योइदेबे येर तर्तीप्दे क्यम्दे यी होने ख्यब यहूदीयू प्रे ग्रीक मीयूजे केन् हुलदे विश्वास चीत्दे। 2तर विश्वास अन्चेनब यहूदीयूदे सूजो यहूदी तेब मीयूने उक्सीतीदेबे विश्वास चेब रङ्से अत-च्योन्यूजे विरुद्धने थमयूजे सेम् अम्मील्ले चीप्पीदे। 3प्रभुजे भरने सेम्केन् चीत्देबे कूम सेमे क्यमे-क्यमे पावलप्रे बारनाबास हैयाने टूङ्दे। प्रभुदे थमयूप्रे क्यूत्देबे च्यूनूयू प्रे हार्मन्देब कामयू चीत्देबे रङ्से अनुग्रहजे वचनजे गवाही पीन्दे। 4तर सहरजे मीयू अन्द्रने अन्थून क्यूरी, मेस्ये कोइ यहूदीयूतेले कोइ मूल स्यूस्स्यायूतेले लादीदे। 5यहूदी तेब मीयू मेस्ये यहूदीयू थर-ङ्हीदेने थमयूजे हुकुम चील्लेबयूप्रे मील्लीदेबे थमयूने सतनम् पीनने मेस्ये लूङ्दे ठरेने बोङ् चीत्दे। 6थमयूदे अम्ब पो था प्रेत्देबे लुकोनियाजे सहरयू लूस्त्रा, डर्बी मेस्ये हैयाबूरूजे जिल्ला क्यूत्देबे छ्योङ्गीदे, 7मेस्ये हैयाने थमयूदे सूगब खबर स्योन्नूदे।
लुस्त्रा मेस्ये डर्बीने
8जेम्से लुस्त्रा सहरने तोप् चील्ले अन्ख्वब मीत्या टून ख्य। ङू जन्मीदीबने खोन्ड्याल्या ख्य, कलङ्बेये अम्प्र ख्य। 9पावलदे क्यमब ङूदे ङ्यीन्न ख्य। पावलदे ङूने इसारा-थूङ् लेत्दे, मेस्ये तम् क्यूक्क्य यब ङूजे विश्वास ख्यङ् यब तङ्देबे, 10के केन् योन्देबे यदे, “नैजे तोप्जे भर्ने ठरो मेर्।” होर्दे ङू ग्वे लङ्दे मेस्ये प्रने सुरु चीत्दे।
11कन्छ्वाब पावलदे चेब अम्ब काम मी हुलदे तङ्दे, हन्छ्वाब थमयूदे लुकोनियाजे केने बोङ्बे हूत्दे येरे यदे, “देऊतायु मीजे रूप्ने ङीन ट्याने तल्रो।” 12थमयूदे बारनाबासने जिउसजे देऊता मेस्ये पावलने हर्मेस देऊता यदे, चेनेयलो अम्बब पो क्यमब मी केन ख्य। 13सहरजे फीने ख्यब जिउसजे मन्दिरजे पूस्र्यादे मन्दिरजे मूल ख्योयूने लप्यू मेस्ये मीन्दाजे मलयू रेत्देबे होनेजे मीयूप्रे मील्लीदेबे बलि-पूजा चेब सेम् चीत्दे।
14तर कन्छ्वाब मूल स्यूस्स्यायू, बारनाबास मेस्ये पावलदे अम्ब पो तदे, हन्छ्वाब थमयूदे रङ्सेजे कोला प्र्याङ्देबे येरे यदेबे पारा पूत्देबे मीयूजे अन्द्रने ग्येयीदेबे यदे, 15#प्रस्थान 20:11; भजनसंग्रह 146:6“मीयू, नमयू चेने येर काम चे? ङीये नमयूप्रने छरङ् प्रेन्नब मीयूने ख्यङ्, ङी नमयूने परमेश्वरदे पीनब सूगब खबर स्य्वेने रख्यङ् येर काम अन्लादे पो क्यापीदेबे स्वर्ग, पृथ्वी, समुद्र मेस्ये हैयाने ख्यब साप्ता थोक बन्देब परमेश्वरने मन्दे पर्दीय। 16परमेश्वरदे मीयूङ्ने सीयेब पुस्ताजे टक्क जातयूने रङ्से-रङ्से पेग अनुसार चील्लीस्ये पीन्दे 17ङूदे भलो क्यूरब काम चेने कलङ्बेये अन्क्या, ङूदे नमयूने मूदे झीरीजे क्यू मेस्ये स्यासीयू, कूम चसे मेस्ये सेम् सूग्ला चीत्देबे आनन्द क्यूस्स्ये पीन्दे।” 18अम्ब पो यदेबे थमयूदे मूस्कील्दे थमयूने बलि-पूजा चेर्देब काम चेने थमयूने रोक्तीदे।
19तर कोइ-कोइ यहूदीयू एन्टिओखिया प्रे आइकोनियनदे हैयाने फ्योरदेबे मीहुलने उक्सीतीदेबे पावलने सेने लूङ्दे ठरीदे, मेस्ये ङू सीयेइज मन्देबे सहरदे फीने स्येङ्गीदे। 20तर कन्छ्वाब स्यूस्स्यायू ङूजे तीछो मेर्दे ङू लङ्दे, होर्दे सहर नङ्ने क्योइदेबे नैदेरेदे बारनाबासप्रे योङ्देबे डर्बीने गीलीदे।
सिरियाजे एन्टिओखियाने
21थमयूदे हम्ब सहरने सूगब खबर प्रचार चीत्देबे कूम स्यूस्स्यायू बन्दीदे, मेस्ये थमयू लुस्त्रा, आइकोनियन मेस्ये एन्टिओखियाने ल्वारदे, 22स्यूस्स्यायूजे विश्वासने बोल्यो क्यूस्स्य यदेबे अर्ती पीन्दे, मेस्ये कूम सकस् सैदीदेबे ङीन परमेश्वरजे राज्यने क्योब पर्दीय यदेबे थमयूने लोम्मीदे। 23कन्छ्वाब थमयूदे मण्डलीयू क्वानेने एल्डरयू सेल्देबे चून्तीदे, हन्छ्वाब प्रार्थना चीत्देबे होर्दे बर्त टूङ्देबे थमयू रङ्सेदे विश्वास चेब प्रभुजे जिम्माने थमयूने सूम्दीपीदे। 24होर्देमेस्ये थमयू पिसिदिया क्यूत्देबे पामफिलियाने रदे। 25पर्गाने वचन प्रचार चीत्देबे थमयू अटालियाने तेलीदे।
26होर्दे हैयादे थमयू समुद्रने ट्वादेबे एन्टिओखियाने गीलीदे, हैयाने थमयूदे पूरा चीक्कब कामजे लागि परमेश्वरजे अनुग्रहने थमयूने सूम्दीपीदे ख्य। 27होर्दे थमयू एन्टिओखियाने फ्योरदे, हन्छ्वाब मण्डलीजे मीयूने फूङ् पूत्दे, होर्दे परमेश्वरदे थमयूप्रे ख्यङ्ब चेब साप्ता कामयूजे बयान चीत्दे, मेस्ये केरे ङूदे यहूदी तेब मीयूजे लागि विश्वासजे ख्यो पूक्मीदे यब पो स्योत्दे। 28थमयू हैयाने स्यूस्स्यायूप्रे कूम दिन टूङ्दे।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.