१ कोरिन्थी 4
4
ख्रीष्टजे मूल स्यूस्स्यायू
1येर्बे मीयूदे ङीयूने ख्रीष्टजे त्वो मेस्ये परमेश्वरजे नङ्सू पोयू स्योम्मेब मीयू मेन्स्य। 2हम्ब त्यामे दीलाबे, त्वो भर् चे ख्वब खल्जे क्यूर पर्दीय यबये सोरो हर्जो ख्यङ्। 3तर नमयूदे या सूजो मीदे ङैने कोइ अड्डने दोष ख्यब ठर्दीलीने, ङैजे लागि अम्ब सोरो सूर्तजे पो दी, ङ रङ्सेजेये न्याय-नीसाफ अन्ची। 4ङैजे दोष ङ रङ्सेनेये था त्वो, तर अम्ब पोदे ङैने दोष त्वब ख्यङ् यदेबे पक्क चे अङ्खू। ङैने न्याय चेब प्रभु ख्यङ्। 5येरेक्यूत्देबे तोक्दीयेब बीलयली खूम् सूनेये दोष अन्लैदीलाची, प्रभु अन्रदासेमे रेन्नू। ङूदे मून्दूङ्ने अन्तङ्लाबे नङ्सू क्यून्नब सेयू ओथ्याङ्ने तङ्लाबे चीम्मीय, मेस्ये मीजे सेम्जे पोयू तङ्लाबे चीम्मीय। हन्छ्वाब मी क्वादेने प्रेपर्देब स्यावास परमेश्वरदे पीन्क्य।
6अत अची च्योन्यु, नमयूने ज्य क्यूस्स्य यदेबे ङैदे रङ्से मेस्ये अपोल्लोसजे नमूना तन्देबे अम्ब साप्ता पो लिख्दीन ख्यङ्, येरे ङीदे लोम्मेब पवित्र धर्मशास्त्र अनुसार नमयू रङ्से जीया च खूस्य, मेस्ये नमयू नङ्ने सूदेये त्यादे त्याजे विरुद्ध चीत्देबे केन् अन्त्वोस्स्य। 7सूदे नमयूने सूजो मीयू यली केन्-मी चीम्मीदे? नमयूप्रे च ख्य हम्ब साप्ताने परमेश्वरदे पीनब तेया? होर्दे नमयूदे हम्ब प्रेक्क ख्यङ् यलो परमेश्वरदे पीनब हम्ब बर तेप्र चीत्देबे नमयू चेने केन् त्वे?
8नमयूने च हर्जो ख्य हम्ब क्वाने प्रेक्क ख्यङ्। नमयू फ्योबो क्यूक्क ख्यङ्। ङीयू अन्क्यूल्लीने नमयू मूरूम् क्यूर ख्यङ्। नमयू तम्दम्ने मूरूम् क्यूल्लो क्यूर ख्यङ्दे, येरे क्यूल्लो ङीये नमयूप्रे मूरूम् क्यूर ख्यङ्दे 9ङैदे येरे थेको सेक्क पर्दीय यदेबे दण्ड प्रेक्कबयूने जूलूसजे पात्ता ङ्येजे नेने येनप्रने परमेश्वरदे ङी मूल स्यूस्स्यायूने मीयू खूम्ने तनजे लागि येन ख्यङ्, चेनेयलो अम्ब संसार, स्वर्गदूतयू, होरदे मीयूजे खूम्ने ङी तमसा क्यूर ख्यङ्। 10अ, ख्रीष्टजे लागि ङी मूर्ख क्यूत्दे, तर नमयूब ख्रीष्टने बुद्धि ख्यब क्यूर ख्यङ्। ङी बोङ् त्व ख्यङ्, तर नमयू बोल्यो ख्यङ्। मीदे नमयूने गेसेन् चेख्यङ्, तर ङीनेब गेसेन् अन्ची। 11दीनीसेमेने ङी च-थूङ अम्प्रेत्देबे ठीले-ठीले प्रेन ख्यङ्, ह्वेब कोलायू क्वाने प्र्याङ्ये ख्यङ्, मीजे ला चेक ख्यङ्, मेस्ये कीम्-नम् त्वब ख्यङ्। 12#मूल स्यूस्स्यायूजे कामजे किताब 18:3ङी रङ्से लादेने काम फर्देबे छेम्म्रे चेख्यङ्। सूजो मीयूदे ह्यल चीप्प ङी असी पीन्क्य। मीयूदे सतनम् पीम्ब ङी सैदीय। 13ङीजे बदनाम क्यूप्प माया चीत्देब बोली ज्य चीक्क्य। चूजोसेमे ङीब संसारने ख्यब मैलो मेस्ये छाबेब पूइ क्यूर ख्यङ्।
14नमयूने त्वालाबे चेने दी, तर ङैदे छेब पीचयूनेप्र लोम-तनने अम्ब पो लिख्दीन ख्यङ्। 15ख्रीष्टने नमयूजे हजार च्यू अरोबरो चेब मीयू ख्यङ्लीने नमयूजे प कूम अन्क्यूर्। चेनेयलो सूगब खबर प्रचार चीत्देबे येशू ख्रीष्टने नमयूजे प ङ क्यूत्दे। 16#१ कोरिन्थी 11:1; फिलिप्पी 3:17येरेक्यूत्दे नमयू ङैजे के थाब क्यूर् यदेबे ङ नमयूने बिन्ती चीक्क्य। 17येरेक्यूत्देबे नमयू ट्याने तिमोथीने कूल्बे ख्यङ्। ङू प्रभुने विश्वास चेब होर्दे ङैजे छ्येब मेस्ये भर्पर्देब च ख्यङ्। ङैदे ने-क्वानेने मेस्ये मण्डलीयू क्वानेने लोम-तन चीम्मे अनुसार ख्रीष्टने विश्वास चीत्देबे ङैदे प्रेब सर् जीया केर्बे जेन ख्यङ् यब पो ङूदे नमयूने स्योम्मीय।
18ङ नमयू ट्याने रसे त्वो मन्देबे कोइ-मीयू केन् त्वे क्यूरे ख्यङ्। 19तर प्रभुजे इच्छा क्यूत्देयलो ङ नमयू त्वने छ्योटो रीय, मेस्ये हम्ब त्वेब मीयूदे चै पो येन ख्यङ् यबत्या दी, तर थमयूजे शक्ति कर टूङ् हम्ब पत्त लैदीय।
20चेनेयलो परमेश्वरजे राज्य ङूर्जे बोलीने दी, तर शक्तिने क्यूक्क्य। 21नमयूने कम्ब सेम् पर्दीय? ङ नमयू ट्याने पीर्ग टेल्देबे र यी, माया चेब मेस्ये केन् अन्त्वेब आत्मा टेल्देबे र?
Currently Selected:
१ कोरिन्थी 4: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.
