لِمْلٜ 5
5
غُرْتِنْکِ سٛࢡّٜ
1جَوْمِرَاوٛ وِعِ مُوسَى: 2«عُمْرُ إِسْرَاءِيلَعٜنْ ࢡٜنغُرْتِنَ يَاسِ سَنغٜىٰرٜ مَرْطٛ سَطَوْرٜ عٜ کٛو مٛيْ مَرْطٛ ࢩَوُ عِلْنٛووُ ڢُو، نٛنْ بٛو کٛو مٛيْ شٛࢡْرُطٛ بٜى مٜىٰمُغٛ مَايْطٛ؞ 3نغُرْتِنٜ وٛرْࢡٜ عٜ رٜوْࢡٜ سٛࢡّٜ ڢُو يَاسِ نغَمْ تَا ࢡٜشٛࢡْنَ سَنغٜىٰرٜ حَا نجٛوطٛتٛومِ شَکَ مَࢡّٜ؞» 4إِسْرَاءِيلَعٜنْ مبَطِ کٛ جَوْمِرَاوٛ وِعْنٛ مُوسَى؞ ࢡٜنغُرْتِنِ سٛࢡّٜ ڢُو يَاسِ سَنغٜىٰرٜ؞
جٛࢡْکِ عَيْبٜىٰجِ
5جَوْمِرَاوٛ عُمْرِ مُوسَى، 6عٛوِعَ إِسْرَاءِيلَعٜنْ نِعِ: «تٛ غٛرْکٛ مَلَّ دٜبّٛ يٜوِ عُمْرٛورٜ جَوْمِرَاوٛ بٜى وَطَنْغٛ غٛطّٛ حَکّٜوٛلْ کٛو نغٛلٜ، عٛلَاتٛتٛ عَيْبُطٛ؞ 7ندٜنْ سٜيْ عٛوَنغِنَ حَکّٜ مَاکٛ، عٛلٛرْنَ کٛ عٛحٛوسِ ڢُو عٜ عٛࢡٜسْدَ دٜيْدٜيْ يٜࢡْرٜ جٛوَࢡْرٜ بٛو؞ عٛحٛکَّ طُمْ غٛطّٛ مٛ عٛوَطِ طُمْ عَيْبٜ؞ 8عَمَّا تٛ عٛوَلَا بَنْدِرَاوٛ ࢡَدِيطٛ جَࢡَنْطٛ جٛࢡْدِ عَيْبٜ مَنْ، ندٜنْ کَمْ طُمْ لَاتَنْتٛ جَوْمِرَاوٛ، عَيْبُطٛ حٛکَّ طُمْ لِمَنْجٛ؞ طُمْ ࢡٜسْدَارِ دٛوْ نجَوْدِرِ مبَالُ نغَمْ حٜࢡْنَنغٛ عَيْبُطٛ يَاڢُيٜ؞ 9کٛ عِتَّ دٛوْ دٛکّٜ شٜنِيطٜ طٜ إِسْرَاءِيلَعٜنْ لِيعَنْتٛ جَوْمِرَاوٛ ڢُو، لَاتَنْتٛ لِمَنْجٛ لِيعٛتٛوطٛ طٜ؞ 10دٛکّٜ شٜنِيطٜ طٜ غٛطّٛ حٛکَّتَ لِمَنْجٛ ڢُو، لَاتَنْتٛ مٛ؞ عٜ کٛ غٛطّٛ حٛکَّتَ لِمَنْجٛ ڢُو بٛو لَاتَنْتٛ مٛ؞»
سٜکٛ دٛوْ حٛولَارٜ دٜبّٛ
11جَوْمِرَاوٛ عُمْرِ مُوسَى، 12عٛوِعَ إِسْرَاءِيلَعٜنْ نِعِ: «تٛ دٜبّٛ تٜعَاطٛ وَطِ عَيْبٜ، عٛوَطِ سٛويْندٜ حٛولَارٜ حٜىٰدِ غٛرِيکٛ، 13تٛ عٛوَالْدِ بٜى غٛطّٛ، غٛرِيکٛ بٛو ڢَامَايْ طُمْ، عٛسٛࢡِ ندٜرْ سِرِّ، وَلَا غِيطٛ مٛ، وَلَا شٜىٰدٛووٛ بٛو، 14تٛ عٛسٜکِ دٜبّٛ مَاکٛ، دٜبّٛ عٛو سٛࢡِ مَلَّ بٛو عٛسٜکِ دٜبّٛ مَاکٛ، کٛو ندٜ دٜبّٛ عٛو سٛࢡَايْ، 15ندٜنْ کَمْ عٛيَحْرَ مٛ حَا لِمَنْجٛ؞ عٛوَدَّ بٛو دٛکَّلْ نغَمْ دٜبّٛ عٛو، کُرٛورِ سَعِيرُورِ کِلٛ تَتِ، عَمَّا تَا عٛࢡٜسْدَ نٜبَّمْ عٜ عُورْلٜ دٛوْ مَارِ نغَمْ طُمْ دٛکَّلْ ࢩَامْدُ نغَمْ دَلِيلَ سٜکٛ، طُمْ دٛکَّلْ ࢩَامْدُ حَا غٛونغَ وَنغَ؞
16«لِمَنْجٛ ࢡَدِتِنَ دٜبّٛ عٛو، عٛدَرْنَ مٛ يٜىٰسٛ جَوْمِرَاوٛ؞ 17ندٜنْ لِمَنْجٛ لٛووَ ندِيَمْ شٜنَاطَمْ ندٜرْ ڢَيَنْدٜ لٛوݠٜ؞ عٛحٛوعَ بٛو مبُلْوُلْدِ نغٛنْدِ ندٜرْ لَيْمَارُ ڢٛتِّرْدٜ، عٛعُکَّ ندِ ندٜرْ ندِيَمْ غٛ؞ 18عٛدَرْنَ دٜبّٛ غٛ يٜىٰسٛ جَوْمِرَاوٛ، ندٜنْ عٛڢِيسْتَ مٛورْطِ مَاکٛ، عٛوَلِّنَ دٛکَّلْ ࢩَامْدُ نغَمْ دَلِيلَ سٜکٛ دٛوْ جُوطٜ مَاکٛ حَا غٛونغَ وَنغَ؞ لِمَنْجٛ بٛو جٛغٛ ندِيَمْ کَاطَّمْ غَدَّنْطَمْ نَالٛورٜ؞ 19ندٜنْ عٛحُنَّ دٜبّٛ بَنَ نِعِ: تٛ عَوَطَايْ نجٜىٰنُ، تٛ عَسٛࢡْنَايْ حٛورٜ مَ، تٛ عَوَطَايْ غٛرْکٛ مَ سٛويْندٜ حٛولَارٜ، ندٜنْ کَمْ ندِيَمْ کَاطَّمْ غَدَّنْطَمْ نَالٛورٜ طَعَمْ تٛرَّتَا مَ؞ 20عَمَّا تٛ عَزَمْبَکٜ غٛرْکٛ مَ، عَوَالْدِ بٜى غٛرْکٛ ڢٜىٰرٜ، تٛ عَتٛسْکِ حٛورٜ مَ، عَسٛࢡْنِ حٛورٜ مَ، عَنجٜىٰنِ، 21-22ندٜنْ کَمْ جَوْمِرَاوٛ عُکَّنٛ مَ نَالٛورٜ ندٜعٜ شَکَ يِمْࢡٜ مَ، عٛوَرْتِرٜ دِمَرٛ، عٛعُݠِّنَ رٜىٰدُ مَ بٛو؞ ندِيَمْ غَدَّنْطَمْ نَالٛورٜ طَعَمْ نَسْتَ تٜتٜکِ مَ، عُݠِّنَ رٜىٰدُ مَ، وَرْتِرٜ دِمَرٛ؞» لِمَنْجٛ حُنَّ مٛ حُنَيٜىٰرٜ نَالٛورٜ ندٜعٜ؞ دٜبّٛ بٛو جَابٛ: عَامِينَ!
23«ࢡَاوٛ مَنْ لِمَنْجٛ وِنْدَ نَالٛوجٜ طٜعٜ، لٛوتَ طٜ ندٜرْ ندِيَمْ کَاطَّمْ غٛ؞ 24عٛيَرْنَ دٜبّٛ مَنْ ندِيَمْ کَاطَّمْ غَدَّنْطَمْ نَالٛورٜ غٛ، طَمْ نَسْتَ ندٜرْ مَاکٛ، تٛرَّ مٛ؞ 25لِمَنْجٛ جَࢡَ دٛکَّلْ ࢩَامْدُ نغَمْ دَلِيلَ سٜکٛ غٛ دِغَ جُوطٜ دٜبّٛ مَنْ، ࢡَنغْتَ نغَلْ يٜىٰسٛ جَوْمِرَاوٛ، لِيعٛ نغَلْ دٛوْ حِرْسِرْدٜ؞ 26عٛعِتَّ ندٜرْ مَاغَلْ تَمْندَندٜ وٛورٜ، طُمْ غٜطَلْ شِڢْتِنٛرْغَلْ، عٛوُلَ نغَلْ دٛوْ حِرْسِرْدٜ، ندٜنْ عٛيَرْنَ دٜبّٛ ندِيَمْ غٛ؞ 27تٛ دٜبّٛ مَنْ سٛࢡْنِ حٛورٜ مُمْ، وَطِ سٛويْندٜ حٛولَارٜ حٜىٰدِ غٛرُمْ، ندٜنْ کَمْ ندِيَمْ غَدَّنْطَمْ نَالٛورٜ تٛرَّنْ مٛ مَسِنْ، رٜىٰدُ مَاکٛ عُݠَّنْ، عٛلَاتٛتٛ دِمَرٛ؞ عِنْدٜ مَاکٛ بٛو لَاتٛتٛ نَالَاندٜ شَکَ يِمْࢡٜ مَاکٛ؞ 28عَمَّا تٛ عٛ لَاࢡْطٛ، عٛسٛࢡْنَايْ حٛورٜ مَاکٛ، ندٜنْ کَمْ طَمْ تٛرَّتَا مٛ، عٛجٛوطٛتٛ بِلَا عَيْبٜ، عٛحٜࢡَنْ دَࢩْغٛلْ؞
29«کَنْجُمْ وٛنِ عُمْرٛورٜ دٛوْ حَالَ سٜکٛ، تٛ دٜبّٛ سٛࢡْنِ حٛورٜ مُمْ بٜى وَطُغٛ نجٜىٰنُ 30مَلَّ تٛ غٛرِيکٛ سٜکِمٛ، ندٜنْ کَمْ غٛرْکٛ مَنْ دَرْنَ مٛ يٜىٰسٛ جَوْمِرَاوٛ، لِمَنْجٛ بٛو وَطَنَ مٛ ڢٛدّٜ عُمْرٛورٜ ندٜعٜ؞ 31بَنَ نٛنْ غٛرْکٛ لَاࢡْرَتَ، دٜبّٛ بٛو يَرَ بٛنٜ ڢٛدّٜ عَيْبٜ مُمْ؞»
Currently Selected:
لِمْلٜ 5: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
