لِمْلٜ 35
35
بٜرْنِيجِ لٜوِعٜنْ
1جَوْمِرَاوٛ وٛلْوَنِ مُوسَى ندٜرْ لَطّٜ مٛعَبْ بَنغٜ مَايٛ عُرْدُنْ، حَا ڢُونَانغٜ يٜرِکٛ، وِعِمٛ: 2«عُمْرُ إِسْرَاءِيلَعٜنْ ࢡٜندٛکَّ لٜوِعٜنْ بٜرْنِيجِ غٛطِّ حَا مَرَلْ مَࢡّٜ، نٛنْ بٛو دُرْدُطٜ تَارِيطٜ بٜرْنِيجِ مَنْ؞ 3لٜوِعٜنْ مَرَ بٜرْنِيجِ طِعِ، نجٛوطٛ تٛنْ؞ دُرْدُطٜ بٛو لَاتَنٛ دَبَّاجِ مَࢡّٜ؞ 4دُرْدُطٜ مَنْ مبَطَ رٜىٰتَ کِلٛمٜىٰتِرْ حَا يَاسِ مَحِ تَارِيطِ بٜرْنِيجِ طِ ندٛکّٛتٛنْ لٜوِعٜنْ؞ 5سٜيْ عٛنْ ݠٛونْدَ يَاسِ بٜرْنِوٛلْ کِلٛمٜىٰتِرْ غٛوتٜلْ حَا ڢُونَانغٜ عٜ ڢٛمْبِنَ عٜ حِيرْنَانغٜ عٜ وٛيْلَ ڢُو، بٜرْنِوٛلْ وٛنَ حَا شَکَ شَکْ؞ 6سٜيْ عٛنْ ندٛکَّ ࢡٜ بٛو بٜرْنِيجِ کِسْرُطِ جٛوٜىٰغٛ؞ تٛ غٛطّٛ مبَرِ غٛطّٛ ڢٜىٰرٜ بِلَا عَنِّيَ، سٜيْ عٛدٛغَّ، عٛيَحَ تٛنْ؞ ندٛکّٜ ࢡٜ بٜرْنِيجِ شَݠَّنْطٜ نَيِ عٜ طِطِ غٛطِّ بٛو؞ 7لِمْغَلْ بٜرْنِيجِ طِ ندٛکّٛتٛنْ لٜوِعٜنْ ڢُو، شَݠَّنْطٜ نَيِ عٜ جٛوٜىٰتَتِ، بٜرْنِيجِ بٜى دُرْدُطٜ مَاجِ؞ 8بٜرْنِيجِ طِ ندٛکّٛتٛنْ لٜوِعٜنْ، کٛوعٜ طِ حَا مَرٜ لٜعِ مٛنْ؞ تٛ مَرَلْ لٜࢩٛلْ مَوْنِ، نغٛلْ حٛکَّ بٜرْنِيجِ طُوطِّ؞ تٛ مَرَلْ مَنْ ڢَمْطِ بٛو، نغٛلْ حٛکَّ سٜطَّ؞ لٜࢩٛلْ ڢُو حٛکَّ ڢٛدّٜ مَرَلْ نغَلْ نغٛلْ حٜࢡِ؞»
غُرٜ کِسْرُطٜ
(تٛوکْتَاکِ تَوْرٜىٰتَ 19:1-13؛ يٛسُوَ 20:1-9)
9جَوْمِرَاوٛ عُمْرِ مُوسَى، 10عٛوِعَ إِسْرَاءِيلَعٜنْ نِعِ: «تٛ عٛنْ عٜىٰرَکٜ مَايٛ عُرْدُنْ، عٛنْ نَسْتِ لٜسْدِ کَنَانَ بٛو، 11سٜيْ عٛنْ شُࢡَنَ کٛعٜ مٛنْ غُرٜ کِسْرُطٜ، طٜ لَاتَنْتٛ عٛنْ؞ تٛ غٛطّٛ مبَرِ غٛطّٛ ڢٜىٰرٜ بِلَا عَنِّيَ، ندٜنْ کَمْ عٛدٛغَّ، عٛيَحَ تٛنْ؞ 12غُرٜ طٜعٜ لَاتَنٛ عٛنْ کِسْرُطٜ يٜىٰسٛ بَاتٛووٛ؞ مبَرْطٛ غٛطّٛ مبَرَتَاکٜ، سٛنَا تٛ عٛدَرَکٜ يٜىٰسٛ کِيتَ جَمَعَارٜ؞ 13شُࢡٜ غُرٜ کِسْرُطٜ جٛوٜىٰغٛ، طٜ لَاتَنٛ عٛنْ: 14تَتِ حَا ڢُونَانغٜ عُرْدُنْ، تَتِ بٛو ندٜرْ لٜسْدِ کَنَانَ؞ 15طٜ لَاتٛ کِسْرُطٜ نغَمْ إِسْرَاءِيلَعٜنْ، نٛنْ بٛو نغَمْ جَنَنْࢡٜ جٛوطِيࢡٜ شَکَ مٛوطٛنْ مَلَّ حٛطْࢡٜ؞ کٛو مٛيْ مبَرِ غٛطّٛ بِلَا عَنِّيَ، دٛغَّ ندٜرْ وٛوتٛ مَاجٜ؞
16«عَمَّا تٛ عٛتَݠِّمٛ بٜى نجَمْندِ حَا عٛمَايِ، ندٜنْ کَمْ عٛمبَرِ حٛورٜ، عٛ مبَرٜتٜىٰطٛ؞ 17مَلَّ تٛ عٛڢِطِمٛ بٜى حَيْرٜ حَا عٛمَايِ، ندٜنْ کَمْ عٛمبَرِ حٛورٜ، عٛ مبَرٜتٜىٰطٛ؞ 18تٛ عٛڢِيِمٛ بٜى لٜغَّلْ حَا عٛمَايِ، ندٜنْ کَمْ عٛمبَرِ حٛورٜ، عٛ مبَرٜتٜىٰطٛ؞ 19بَاتٛووٛ مبَرَ مٛ حَا تَوِمٛ ڢُو؞
20-21«کٛو مٛيْ وَࢩِ غٛطّٛ، دٛڢْلِمٛ مَلَّ سَکِّنِ حُوندٜ دٛوْ مَاکٛ مَلَّ لُکِّمٛ حَا عٛمَايَ، عٛ مبَرٛووٛ حٛورٜ، عٛ مبَرٜتٜىٰطٛ؞ بَاتٛووٛ مبَرَ مٛ حَا تَوِمٛ ڢُو؞
22«عَمَّا تٛ غٛطّٛ حَکِّلَايْ، دٛڢْلِ غٛطّٛ ڢٜىٰرٜ مَلَّ سَکِّنِ حُوندٜ دٛوْ مَاکٛ، مبَرِمٛ بِلَا عَنِّيَ، بِلَا نغَࢩْنغُ بٛو 23مَلَّ تٛ عٛلَارَايْ، سَکِّنِ حَيْرٜ، مبَرِ غٛطّٛ مٛ عٛمٜىٰطَايْ وَࢩُغٛ طُمْ، مٛ عٛيِطَا نَاوْنُغٛ بٛو، 24ندٜنْ کَمْ جَمَعَارٜ حِيتٛ حَکُّندٜ مبَرْطٛ عٛو بٜى بَاتٛووٛ ڢٛدّٜ عُمْرٛوجٜ طٜعٜ: 25سٜيْ جَمَعَارٜ حِسْنَ مبَرْطٛ، تَا جُنغٛ بَاتٛووٛ حٜࢡَ مٛ؞ جَمَعَارٜ لٛرْتِنَ مٛ حَا وُرٛ حِسْرُدٜ نغٛ عٛدٛغُّنٛ عٜ مُمْ؞ عٛجٛوطٛ تٛنْ، حَا حٛورٜىٰجٛ لِمَنْعٜنْ غُجَاطٛ نٜبَّمْ شٜنِيطَمْ مَايَ؞ 26عَمَّا تٛ مبَرْطٛ غٛ وُرْتَکٜ وُرٛ حِسْرُدٜ نغٛ عٛدٛغُّنٛ عٜ مُمْ، 27تٛ بَاتٛووٛ تَوِمٛ يَاسِ کٜىٰرٛلْ وُرٛ مَنْ، مبَرِمٛ، ندٜنْ کَمْ عَيْبٜ مبَرْ-حٛورٜ دٛعَّتَا دٛوْ مَاکٛ؞ 28سٜيْ مبَرْطٛ جٛوطٛ ندٜرْ وُرٛ حِسْرُدٜ، حَا تٛ حٛورٜىٰجٛ لِمَنْعٜنْ ندٜرْ وَکَّتِ مَنْ مَايِ؞ ࢡَاوٛطٛنْ عٛحٜࢡَنْ حٛوتُغٛ سَارٜ مَاکٛ؞ 29کَنْجُمْ طُمْ لَاتَنٛ إِسْرَاءِيلَعٜنْ ڢَرِلَّ تَبِتِنَنْکَ کِيتَ ندَرْنُکَ نغَمْ غِدٜ مٛنْ ڢُو، کٛو تٛيْ عٛنْ نجٛوطٛتٛ ڢُو؞
30«کٛو مٛيْ مبَرِ غٛطّٛ بٜى عَنِّيَ، عٛ مبَرٜتٜىٰطٛ دٛوْ سٜىٰدَمْکُ سٜىٰدٛوࢡٜ طُوطْࢡٜ، عَمَّا سٜىٰدَمْکُ شٜىٰدٛووٛ غٛوتٛ حٜعَتَا نغَمْ حِيتُغٛ غٛطّٛ کِيتَ مبَرٜىٰغٛ؞ 31تَا نجَࢡٜ شٛوتَّارِ يٛنغْکِ مبَرْطٛ بٜى عَنِّيَ نغَمْ عَيْبٜ مَاکٛ دٛعِّمٛ کِيتَ مبَرٜىٰغٛ، ندٜنْ عٛ مبَرٜتٜىٰطٛ ڢَکَتْ؞ 32تٛ غٛطّٛ دٛغِّ، يٜحِ حَا وُرٛ حِسْرُدٜ بٛو، تَا نجَࢡٜ شٛوتَّارِ نغَمْ عٛحٛوتَ سَارٜ مَاکٛ، عَارْتَ مَايْدٜ حٛورٜىٰجٛ لِمَنْعٜنْ؞ 33تٛ عٛنْ مبَطِ عِرِنْ طُعُمْ، عٛنْ شٛࢡْنَنْ لٜسْدِ ندِ نجٛوطِيطٛنْ عٜ مُمْ؞ ࢨِيࢨَمْ مبَرَاطٛ سٛࢡْنَنْ لٜسْدِ؞ شٛࢡْکِ مَنْ عِتَّتَاکٜ، سٛنَا بٜى ࢨِيࢨَمْ مبَرْطٛ مٛ؞ 34تَا شٛࢡْنٜ لٜسْدِ ندِ نجٛوطِيطٛنْ عٜ مُمْ، نغَمْ مِنْ جَوْمِرَاوٛ مِطٛنْ جٛوطِ شَکَ إِسْرَاءِيلَعٜنْ ندٜرْ لٜسْدِ ندِعِ؞»
Currently Selected:
لِمْلٜ 35: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
لِمْلٜ 35
35
بٜرْنِيجِ لٜوِعٜنْ
1جَوْمِرَاوٛ وٛلْوَنِ مُوسَى ندٜرْ لَطّٜ مٛعَبْ بَنغٜ مَايٛ عُرْدُنْ، حَا ڢُونَانغٜ يٜرِکٛ، وِعِمٛ: 2«عُمْرُ إِسْرَاءِيلَعٜنْ ࢡٜندٛکَّ لٜوِعٜنْ بٜرْنِيجِ غٛطِّ حَا مَرَلْ مَࢡّٜ، نٛنْ بٛو دُرْدُطٜ تَارِيطٜ بٜرْنِيجِ مَنْ؞ 3لٜوِعٜنْ مَرَ بٜرْنِيجِ طِعِ، نجٛوطٛ تٛنْ؞ دُرْدُطٜ بٛو لَاتَنٛ دَبَّاجِ مَࢡّٜ؞ 4دُرْدُطٜ مَنْ مبَطَ رٜىٰتَ کِلٛمٜىٰتِرْ حَا يَاسِ مَحِ تَارِيطِ بٜرْنِيجِ طِ ندٛکّٛتٛنْ لٜوِعٜنْ؞ 5سٜيْ عٛنْ ݠٛونْدَ يَاسِ بٜرْنِوٛلْ کِلٛمٜىٰتِرْ غٛوتٜلْ حَا ڢُونَانغٜ عٜ ڢٛمْبِنَ عٜ حِيرْنَانغٜ عٜ وٛيْلَ ڢُو، بٜرْنِوٛلْ وٛنَ حَا شَکَ شَکْ؞ 6سٜيْ عٛنْ ندٛکَّ ࢡٜ بٛو بٜرْنِيجِ کِسْرُطِ جٛوٜىٰغٛ؞ تٛ غٛطّٛ مبَرِ غٛطّٛ ڢٜىٰرٜ بِلَا عَنِّيَ، سٜيْ عٛدٛغَّ، عٛيَحَ تٛنْ؞ ندٛکّٜ ࢡٜ بٜرْنِيجِ شَݠَّنْطٜ نَيِ عٜ طِطِ غٛطِّ بٛو؞ 7لِمْغَلْ بٜرْنِيجِ طِ ندٛکّٛتٛنْ لٜوِعٜنْ ڢُو، شَݠَّنْطٜ نَيِ عٜ جٛوٜىٰتَتِ، بٜرْنِيجِ بٜى دُرْدُطٜ مَاجِ؞ 8بٜرْنِيجِ طِ ندٛکّٛتٛنْ لٜوِعٜنْ، کٛوعٜ طِ حَا مَرٜ لٜعِ مٛنْ؞ تٛ مَرَلْ لٜࢩٛلْ مَوْنِ، نغٛلْ حٛکَّ بٜرْنِيجِ طُوطِّ؞ تٛ مَرَلْ مَنْ ڢَمْطِ بٛو، نغٛلْ حٛکَّ سٜطَّ؞ لٜࢩٛلْ ڢُو حٛکَّ ڢٛدّٜ مَرَلْ نغَلْ نغٛلْ حٜࢡِ؞»
غُرٜ کِسْرُطٜ
(تٛوکْتَاکِ تَوْرٜىٰتَ 19:1-13؛ يٛسُوَ 20:1-9)
9جَوْمِرَاوٛ عُمْرِ مُوسَى، 10عٛوِعَ إِسْرَاءِيلَعٜنْ نِعِ: «تٛ عٛنْ عٜىٰرَکٜ مَايٛ عُرْدُنْ، عٛنْ نَسْتِ لٜسْدِ کَنَانَ بٛو، 11سٜيْ عٛنْ شُࢡَنَ کٛعٜ مٛنْ غُرٜ کِسْرُطٜ، طٜ لَاتَنْتٛ عٛنْ؞ تٛ غٛطّٛ مبَرِ غٛطّٛ ڢٜىٰرٜ بِلَا عَنِّيَ، ندٜنْ کَمْ عٛدٛغَّ، عٛيَحَ تٛنْ؞ 12غُرٜ طٜعٜ لَاتَنٛ عٛنْ کِسْرُطٜ يٜىٰسٛ بَاتٛووٛ؞ مبَرْطٛ غٛطّٛ مبَرَتَاکٜ، سٛنَا تٛ عٛدَرَکٜ يٜىٰسٛ کِيتَ جَمَعَارٜ؞ 13شُࢡٜ غُرٜ کِسْرُطٜ جٛوٜىٰغٛ، طٜ لَاتَنٛ عٛنْ: 14تَتِ حَا ڢُونَانغٜ عُرْدُنْ، تَتِ بٛو ندٜرْ لٜسْدِ کَنَانَ؞ 15طٜ لَاتٛ کِسْرُطٜ نغَمْ إِسْرَاءِيلَعٜنْ، نٛنْ بٛو نغَمْ جَنَنْࢡٜ جٛوطِيࢡٜ شَکَ مٛوطٛنْ مَلَّ حٛطْࢡٜ؞ کٛو مٛيْ مبَرِ غٛطّٛ بِلَا عَنِّيَ، دٛغَّ ندٜرْ وٛوتٛ مَاجٜ؞
16«عَمَّا تٛ عٛتَݠِّمٛ بٜى نجَمْندِ حَا عٛمَايِ، ندٜنْ کَمْ عٛمبَرِ حٛورٜ، عٛ مبَرٜتٜىٰطٛ؞ 17مَلَّ تٛ عٛڢِطِمٛ بٜى حَيْرٜ حَا عٛمَايِ، ندٜنْ کَمْ عٛمبَرِ حٛورٜ، عٛ مبَرٜتٜىٰطٛ؞ 18تٛ عٛڢِيِمٛ بٜى لٜغَّلْ حَا عٛمَايِ، ندٜنْ کَمْ عٛمبَرِ حٛورٜ، عٛ مبَرٜتٜىٰطٛ؞ 19بَاتٛووٛ مبَرَ مٛ حَا تَوِمٛ ڢُو؞
20-21«کٛو مٛيْ وَࢩِ غٛطّٛ، دٛڢْلِمٛ مَلَّ سَکِّنِ حُوندٜ دٛوْ مَاکٛ مَلَّ لُکِّمٛ حَا عٛمَايَ، عٛ مبَرٛووٛ حٛورٜ، عٛ مبَرٜتٜىٰطٛ؞ بَاتٛووٛ مبَرَ مٛ حَا تَوِمٛ ڢُو؞
22«عَمَّا تٛ غٛطّٛ حَکِّلَايْ، دٛڢْلِ غٛطّٛ ڢٜىٰرٜ مَلَّ سَکِّنِ حُوندٜ دٛوْ مَاکٛ، مبَرِمٛ بِلَا عَنِّيَ، بِلَا نغَࢩْنغُ بٛو 23مَلَّ تٛ عٛلَارَايْ، سَکِّنِ حَيْرٜ، مبَرِ غٛطّٛ مٛ عٛمٜىٰطَايْ وَࢩُغٛ طُمْ، مٛ عٛيِطَا نَاوْنُغٛ بٛو، 24ندٜنْ کَمْ جَمَعَارٜ حِيتٛ حَکُّندٜ مبَرْطٛ عٛو بٜى بَاتٛووٛ ڢٛدّٜ عُمْرٛوجٜ طٜعٜ: 25سٜيْ جَمَعَارٜ حِسْنَ مبَرْطٛ، تَا جُنغٛ بَاتٛووٛ حٜࢡَ مٛ؞ جَمَعَارٜ لٛرْتِنَ مٛ حَا وُرٛ حِسْرُدٜ نغٛ عٛدٛغُّنٛ عٜ مُمْ؞ عٛجٛوطٛ تٛنْ، حَا حٛورٜىٰجٛ لِمَنْعٜنْ غُجَاطٛ نٜبَّمْ شٜنِيطَمْ مَايَ؞ 26عَمَّا تٛ مبَرْطٛ غٛ وُرْتَکٜ وُرٛ حِسْرُدٜ نغٛ عٛدٛغُّنٛ عٜ مُمْ، 27تٛ بَاتٛووٛ تَوِمٛ يَاسِ کٜىٰرٛلْ وُرٛ مَنْ، مبَرِمٛ، ندٜنْ کَمْ عَيْبٜ مبَرْ-حٛورٜ دٛعَّتَا دٛوْ مَاکٛ؞ 28سٜيْ مبَرْطٛ جٛوطٛ ندٜرْ وُرٛ حِسْرُدٜ، حَا تٛ حٛورٜىٰجٛ لِمَنْعٜنْ ندٜرْ وَکَّتِ مَنْ مَايِ؞ ࢡَاوٛطٛنْ عٛحٜࢡَنْ حٛوتُغٛ سَارٜ مَاکٛ؞ 29کَنْجُمْ طُمْ لَاتَنٛ إِسْرَاءِيلَعٜنْ ڢَرِلَّ تَبِتِنَنْکَ کِيتَ ندَرْنُکَ نغَمْ غِدٜ مٛنْ ڢُو، کٛو تٛيْ عٛنْ نجٛوطٛتٛ ڢُو؞
30«کٛو مٛيْ مبَرِ غٛطّٛ بٜى عَنِّيَ، عٛ مبَرٜتٜىٰطٛ دٛوْ سٜىٰدَمْکُ سٜىٰدٛوࢡٜ طُوطْࢡٜ، عَمَّا سٜىٰدَمْکُ شٜىٰدٛووٛ غٛوتٛ حٜعَتَا نغَمْ حِيتُغٛ غٛطّٛ کِيتَ مبَرٜىٰغٛ؞ 31تَا نجَࢡٜ شٛوتَّارِ يٛنغْکِ مبَرْطٛ بٜى عَنِّيَ نغَمْ عَيْبٜ مَاکٛ دٛعِّمٛ کِيتَ مبَرٜىٰغٛ، ندٜنْ عٛ مبَرٜتٜىٰطٛ ڢَکَتْ؞ 32تٛ غٛطّٛ دٛغِّ، يٜحِ حَا وُرٛ حِسْرُدٜ بٛو، تَا نجَࢡٜ شٛوتَّارِ نغَمْ عٛحٛوتَ سَارٜ مَاکٛ، عَارْتَ مَايْدٜ حٛورٜىٰجٛ لِمَنْعٜنْ؞ 33تٛ عٛنْ مبَطِ عِرِنْ طُعُمْ، عٛنْ شٛࢡْنَنْ لٜسْدِ ندِ نجٛوطِيطٛنْ عٜ مُمْ؞ ࢨِيࢨَمْ مبَرَاطٛ سٛࢡْنَنْ لٜسْدِ؞ شٛࢡْکِ مَنْ عِتَّتَاکٜ، سٛنَا بٜى ࢨِيࢨَمْ مبَرْطٛ مٛ؞ 34تَا شٛࢡْنٜ لٜسْدِ ندِ نجٛوطِيطٛنْ عٜ مُمْ، نغَمْ مِنْ جَوْمِرَاوٛ مِطٛنْ جٛوطِ شَکَ إِسْرَاءِيلَعٜنْ ندٜرْ لٜسْدِ ندِعِ؞»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.