لِمْلٜ 30
30
1مُوسَى يٜشِّ إِسْرَاءِيلَعٜنْ کٛ جَوْمِرَاوٛ عُمْرِمٛ ڢُو؞
عُمْرٛوجٜ دٛوْ تٛغَيٜىٰجٜ عٜ کُنَيٜىٰجٜ
2مُوسَى وِعِ حٛورٜعٜنْ لٜعِ إِسْرَاءِيلَ: «ندَا عُمْرٛوجٜ طٜ جَوْمِرَاوٛ عُمْرِ طُمْ: 3تٛ غٛطّٛ وَطَنِ جَوْمِرَاوٛ تٛغَيٜىٰرٜ مَلَّ تٛ عٛحُنَکٜ دٛوْ عَنِّيَ کَ عٛحٛوعِ، ندٜنْ کَمْ تَا عٛدِوْتَ وٛلْدٜ مَاکٛ؞ سٜيْ عٛحٜبِّتِنَ کٛ حُنْدُکٛ مَاکٛ وٛلْوِ ڢُو؞
4«تٛ ݠَاࢩٛ دٜبّٛ غٛنْطٛ ندٜرْ سَارٜ بَابَ مُمْ وَطَنِ جَوْمِرَاوٛ تٛغَيٜىٰرٜ مَلَّ حُنَيٜىٰرٜ، 5بَابَ مَاکٛ بٛو نَنِ طُمْ، عَمَّا وِعَايْ کٛو طُمٜ، ندٜنْ کَمْ تٛغَيٜىٰرٜ مَلَّ حُنَيٜىٰرٜ مَنْ طٛنْ تَبِتِ، سٜيْ ݠَاࢩٛ دٜبّٛ عٛو حٜبِّنَ کٛ عٛوِعِ ڢُو؞ 6عَمَّا تٛ بَابَ مَاکٛ نَنِ طُمْ، حَطِمٛ ࢩَنْدٜ مَنْ ندٜنْ، ندٜنْ کَمْ تٛغَيٜىٰرٜ مَاکٛ مَلَّ حُنَيٜىٰرٜ مَاکٛ لَاتِ مٜىٰرٜ؞ جَوْمِرَاوٛ يَاڢَنْتٛ مٛ، نغَمْ بَابَ مَاکٛ حَطِمٛ؞
7«تٛ ݠَاࢩٛ دٜبّٛ وَطَنِ جَوْمِرَاوٛ تٛغَيٜىٰرٜ مَلَّ حُنَيٜىٰرٜ، ندٜنْ عٛتٜعَامَ بِلَا حٜبِّتِنغٛ ندٜ، 8تٛ غٛرِيکٛ نَنِ طُمْ، وِعَايْ کٛو طُمٜ، ندٜنْ کَمْ سٜيْ دٜبّٛ عٛو حٜبِّنَ تٛغَيٜىٰرٜ مُمْ مَلَّ حُنَيٜىٰرٜ مُمْ؞ 9عَمَّا ࢩَنْدٜ ندٜ غٛرِيکٛ نَنِ حَالَ کَعَ، يٜرْدَاکِ کَ، عٛوِلَ تٛغَيٜىٰرٜ مَلَّ حُنَيٜىٰرٜ دٜبّٛ مَاکٛ؞ ندٜنْ کَمْ جَوْمِرَاوٛ يَاڢٛتٛ دٜبّٛ عٛو؞
10«تٛ دٜبّٛ جُرُمْطٛ مَلَّ شٜىٰرَاطٛ وَطِ تٛغَيٜىٰرٜ مَلَّ حُنَيٜىٰرٜ، سٜيْ عٛحٜبِّتِنَ ندٜ؞
11«تٛ دٜبّٛ تٜعَاطٛ غٛنْطٛ ندٜرْ سَارٜ غٛرُمْ وَطِ تٛغَيٜىٰرٜ مَلَّ حُنَيٜىٰرٜ، 12تٛ غٛرِيکٛ نَنِ طُمْ، وِعَايْ کٛو طُمٜ، ندٜنْ کَمْ سٜيْ دٜبّٛ عٛو حٜبِّتِنَ ندٜ؞ 13عَمَّا ࢩَنْدٜ ندٜ غٛرِيکٛ نَنِ حَالَ کَعَ، يٜرْدَاکِ کَ، عٛوِلَ تٛغَيٜىٰرٜ مَلَّ حُنَيٜىٰرٜ دٜبّٛ مَاکٛ؞ ندٜنْ کَمْ جَوْمِرَاوٛ يَاڢٛتٛ دٜبّٛ عٛو؞ 14غٛرْکٛ وَاوَنْ تَبِتِنْغٛ مَلَّ وِلُغٛ تٛغَيٜىٰرٜ مَلَّ حُنَيٜىٰرٜ دٜبّٛ مُمْ کٛو ندٜيْ؞ 15عَمَّا تٛ غٛرِيکٛ نَنِ حَالَ مَنْ، جٜىٰطَکٜ حَا جَنغٛ مَنْ، ندٜنْ کَمْ عٛتَبِتِنِ تٛغَيٜىٰرٜ مَلَّ حُنَيٜىٰرٜ ندٜ دٜبّٛ وَطِ؞ سٜيْ دٜبّٛ عٛو حٜبِّتِنَ ندٜ؞ 16عَمَّا تٛ عٛوِلَايْ طُمْ ࢩَنْدٜ ندٜ عٛنَنِ، ندٜنْ کَمْ کِيتَ عَيْبٜ دٜبّٛ دٛعّٛتٛ دٛوْ حٛورٜ غٛرِيکٛ؞»
17کَنْجِ نغٛنِ ڢَرِلَّاجِ طِ جَوْمِرَاوٛ عُمْرِ مُوسَى دٛوْ حَالَ غٛرْکٛ بٜى دٜبّٛ مُمْ عٜ بَابَ بٜى ࢡِيُمْ دٜبّٛ غٛنْطٛ ندٜرْ سَارٜ مُمْ تَوٛنْ؞
Currently Selected:
لِمْلٜ 30: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
