لِمْلٜ 28

غُلٜتٜىٰطِ ࢩَلَادٜ ࢩَلَادٜ

(غُرْتَاکِ 29‏:38‏-46)

1جَوْمِرَاوٛ وِعِ مُوسَى، 2عٛعَنْدِنَ إِسْرَاءِيلَعٜنْ عُمْرٛوجٜ طٜعٜ‏: «کَکِّلَنٜ سَاعِيجِ دَرْنَاطِ حَا عٛنْ لِيعَنٛ جَوْمِرَاوٛ دٛکّٜ ࢩَامْدُ غُلٜتٜىٰطٜ مَرْطٜ عُورٜىٰنغٛلْ بٜلْنغٛلْ ݠٛتَّنَنْنغٛلْ مٛ؞

3«يٜشُّ ࢡٜ بٛو‏: ندَا کٛ عٛنْ لِيعَنْتٛ جَوْمِرَاوٛ دٛوْ يِيتٜ‏: ࢩَلَاطٜ ڢُو نجَوْکٛيْ طِطٛيْ کٛيْ ندُوࢡُ، کٛيْ نغَلَا عَيْبٜ؞ نغُلٜتٜىٰنغَ نغَعَ تٛکِّتٜ ࢩَلَادٜ ڢُو؞ 4لِيعَنَمْ جَوْغٜلْ غٛوتٜلْ ڢَجِرِ، غٛوتٜلْ بٛو حَکُّندٜ مَنغَرِبَ بٜى عٜسَاعِ؞ 5ࢡٜسْدُ دٛکَّلْ ࢩَامْدُ کُرٛورِ طِغُّندِ جِيࢡَاندِ کِلٛ تَتِ بٜى نٜبَّمْ جَيْتُنْجٜ عَرْࢡَاطٜ لِيتِرْ غٛوتٜلْ؞ 6کَنْجُمْ وٛنِ نغُلٜتٜىٰنغَ ࢩَلَادٜ ࢩَلَادٜ، بَنَ کٛ عَارْتُطٛنْ لِيعَاغٛ حَا حٛوسٜىٰرٜ سِنَ؞ عُورٜىٰنغٛلْ مَنْ بٜلْنغٛلْ ڢٛتَّنَنْ جَوْمِرَاوٛ؞ 7ࢡٜسْدٜ دٛکَّلْ دُڢٜتٜىٰنغَلْ حَا جَوْغٜلْ غُلٜتٜىٰنغٜلْ ڢُو، عٛنْ ندُڢَ عِنَبٛوجَمْ لِيتِرْ غٛوتٜلْ ندٜرْ سُودُ سٜنِيندُ نغَمْ جَوْمِرَاوٛ؞ 8لِيعَنَمْ جَوْغٜلْ طِطَࢡٜلْ حَکُّندٜ مَنغَرِبَ بٜى عٜسَاعِ، کَلْ-کَلْ بَنَ جَوْغٜلْ ڢَجِرِ بٜى دٛکَّلْ ࢩَامْدُ عٜ دٛکَّلْ دُڢٜتٜىٰنغَلْ؞ طُمْ لَاتٛتٛ ࢩَامْدُ وُلٜتٜىٰندُ نغَمْ جَوْمِرَاوٛ، عُورٜىٰنغٛلْ مَنْ بٜلْنغٛلْ ڢٛتَّنَنْ مٛ؞»

غُلٜتٜىٰطِ ࢩَنْدٜ سِوْتٛرْدٜ

9«ࢩَنْدٜ سِوْتٛرْدٜ لِيعَنٜ جَوْمِرَاوٛ نجَوْکٛيْ طِطٛيْ کٛيْ ندُوࢡُ، کٛيْ نغَلَا عَيْبٜ، حَوْتَادٜ بٜى دٛکَّلْ ࢩَامْدُ‏: کُرٛورِ کِلٛ جٛوٜىٰغٛ نجِيࢡَاندِ بٜى نٜبَّمْ عٜ دٛکَّلْ دُڢٜتٜىٰنغَلْ؞ 10لِيعٜ نغُلٜتٜىٰنغَ ࢩَلَادٜ سِوْتٛرْدٜ؞ ࢡٜسْدٜ بٛو غُلٜتٜىٰطِ عٜ دٛکّٜ دُڢٜتٜىٰطٜ ࢩَلَادٜ ࢩَلَادٜ؞»

غُلٜتٜىٰطِ ࢩَنْدٜ غٛعٛورٜ لٜوْرُ

11«ࢩَنْدٜ غٛعٛورٜ لٜوْرُ کٛو ندُيٜ، لِيعَنٜ جَوْمِرَاوٛ غَعِ کَلْحَلِ طِطِ عٜ نجَوْدِرِ مبَالُ عٜ نجَوْکٛيْ نجٛوٜىٰطِطٛيْ کٛيْ ندُوࢡُ، طُمْ ڢُو طُمْ وَلَا عَيْبٜ، 12حَوْتَادٜ بٜى دٛکَّلْ ࢩَامْدُ، کُرٛورِ نجِيࢡَاندِ بٜى نٜبَّمْ کِلٛ جٛوٜىٰنَيِ نغَمْ نغَارِ ڢُو، کِلٛ جٛوٜىٰغٛ نغَمْ نجَوْدِرِ ڢُو 13عٜ نغَمْ جَوْغٜلْ ڢُو کِلٛ تَتِ تَتِ؞ طُمْ ڢُو طُمْ ࢩَامْدُ وُلٜتٜىٰندُ نغَمْ جَوْمِرَاوٛ، عُورٜىٰنغٛلْ مَنْ بٜلْنغٛلْ ڢٛتَّنَنْ مٛ؞ 14ندَا دٛکّٜ دُڢٜتٜىٰطٜ طٜ ࢡٜسْدٛتٛنْ‏: نغَمْ نغَارِ ڢُو لِيتِرْ طِطِ، نغَمْ نجَوْدِرِ ڢُو بٛو لِيتِرْ غٛوتٜلْ بٜى رٜىٰتِتَ، لِيتِرْ غٛوتٜلْ نغَمْ جَوْغٜلْ ڢُو؞ کَنْجُمْ وٛنِ عُمْرٛورٜ دٛوْ غُلٜتٜىٰطِ ࢩَنْدٜ غٛعٛورٜ لٜوْرُ کٛو ندُيٜىٰرُ ندٜرْ حِتَاندٜ ڢُو؞ 15لِيعَنٜ جَوْمِرَاوٛ نجَوْدِرِ مبٜىٰوَ کِرْسٜتٜىٰندِ نغَمْ عِتُّکِ حَکّٜىٰجِ بٛو؞ ࢡٜسْدٜ طُمْ حَا غُلٜتٜىٰطِ عٜ دٛکّٜ دُڢٜتٜىٰطٜ ࢩَلَادٜ ࢩَلَادٜ؞»

غُلٜتٜىٰطِ جُولْدٜ تَمْسٜىٰجٜ طٜ عُڢْنَاکَ

(ڢَرِلَّاجِ لٜوِعٜنْ 23‏:5‏-14)

16«ࢩَنْدٜ سَݠّٛ عٜ نَيَࢡْرٜ ندٜرْ لٜوْرُ عَرَنْدُ، مبَطَنٜ جَوْمِرَاوٛ جُولْدٜ ݠَسْکَ؞ 17ࢩَنْدٜ سَݠّٛ عٜ جٛوَࢡْرٜ لَاتٛتٛ ࢩَنْدٜ جُولْدٜ، عٛنْ ࢩَامَنْ تَمْسٜىٰجٜ طٜ عُڢْنَاکَ ࢩَلْطٜ جٛوٜىٰطِطِ؞ 18ࢩَنْدٜ عَرَنْدٜ عٛنْ مٛوࢡْتٛ مٛوࢡْتٛرْدٜ سٜنَاندٜ نغَمْ سُجِدَنْغٛ جَوْمِرَاوٛ؞ تَا کُووٜ کُوغَلْ نَاوْنغَلْ سَمْ؞ 19لِيعَنٜ جَوْمِرَاوٛ ࢩَامْدُ وُلٜتٜىٰندُ‏: غَعِ کَلْحَلِ طِطِ عٜ نجَوْدِرِ مبَالُ عٜ نجَوْکٛيْ نجٛوٜىٰطِطٛيْ کٛيْ ندُوࢡُ، طُمْ ڢُو طُمْ وَلَا عَيْبٜ؞ طُمْ لَاتَنْتٛ عٛنْ؞ 20نغَدّٜ بٛو دٛکَّلْ ࢩَامْدُ‏: کُرٛورِ نجِيࢡَاندِ بٜى نٜبَّمْ، کِلٛ جٛوٜىٰنَيِ نغَمْ نغَارِ ڢُو، کِلٛ جٛوٜىٰغٛ نغَمْ نجَوْدِرِ ڢُو، 21نغَمْ نجَوْکٛيْ بٛو، کِلٛ تَتِ تَتِ؞ 22لِيعٜ بٛو نجَوْدِرِ مبٜىٰوَ کِرْسٜتٜىٰندِ نغَمْ عِتُّکِ حَکّٜىٰجِ مٛنْ؞ 23ࢡٜسْدٜ طُمْ حَا نغُلٜتٜىٰنغَ ڢَجِرِ ڢَجِرِ؞ 24سٜيْ مبَطٛنْ بَنَ نٛنْ ࢩَلْطٜ جٛوٜىٰطِطِ ڢُو، عٛنْ لِيعَنٛ جَوْمِرَاوٛ ࢩَامْدُ وُلٜتٜىٰندُ حَا عُورٜىٰنغٛلْ مَنْ بٜلْنغٛلْ ڢٛتَّنَ مٛ؞ ࢡٜسْدٜ طُمْ حَا غُلٜتٜىٰطِ عٜ دٛکّٜ دُڢٜتٜىٰطٜ ࢩَلَادٜ ࢩَلَادٜ؞ 25ࢩَنْدٜ جٛوٜىٰطِطَوْرٜ مٛوࢡْتٜ مٛوࢡْتٛرْدٜ سٜنَاندٜ نغَمْ سُجِدَنْغٛ جَوْمِرَاوٛ؞ تَا کُووٜ کُوغَلْ نَاوْنغَلْ سَمْ؞»

غُلٜتٜىٰطِ جُولْدٜ عَسَوٜىٰجٜ

(ڢَرِلَّاجِ لٜوِعٜنْ 23‏:15‏-22)

26«حَا ڢُطَّمْ جُولْدٜ عَسَوٜىٰجٜ ندٜ لِيعَنْتٛوطٛنْ جَوْمِرَاوٛ دٛکَّلْ ࢨَامْندٜ مٛنْ عَارْتُندٜ، عٛنْ مٛوࢡْتٛ مٛوࢡْتٛرْدٜ سٜنَاندٜ؞ تَا کُووٜ کُوغَلْ نَاوْنغَلْ سَمْ؞ 27لِيعَنٜ جَوْمِرَاوٛ غُلٜتٜىٰطِ، حَا عُورٜىٰنغٛلْ مَاجِ بٜلْنغٛلْ ڢٛتَّنَ مٛ؞ ندَا کٛ لِيعٛتٛوطٛنْ‏: غَعِ کَلْحَلِ طِطِ عٜ نجَوْدِرِ مبَالُ عٜ نجَوْکٛيْ نجٛوٜىٰطِطٛيْ کٛيْ ندُوࢡُ، 28حَوْتَادٜ بٜى دٛکّٜ ࢩَامْدُ‏: کُرٛورِ نجِيࢡَاندِ بٜى نٜبَّمْ کِلٛ جٛوٜىٰنَيِ نغَمْ نغَارِ ڢُو، کِلٛ جٛوٜىٰغٛ نغَمْ نجَوْدِرِ ڢُو، 29نغَمْ نجَوْکٛيْ بٛو، کِلٛ تَتِ تَتِ، 30نٛنْ بٛو نجَوْدِرِ مبٜىٰوَ کِرْسٜتٜىٰندِ نغَمْ عِتُّکِ حَکّٜىٰجِ مٛنْ؞ 31ࢡٜسْدٜ طُمْ حَا غُلٜتٜىٰطِ عٜ دٛکّٜ ࢩَامْدُ ࢩَلَادٜ ࢩَلَادٜ؞ لِيعَنٜ جَوْمِرَاوٛ غُلٜتٜىٰطِ طِ نغَلَا عَيْبٜ؞ ࢡٜسْدٜ بٛو دٛکّٜ دُڢٜتٜىٰطٜ مَاجِ؞»

Currently Selected:

لِمْلٜ 28: داَ

Highlight

Copy