لِمْلٜ 26
26
1جَوْمِرَاوٛ وِعِ مُوسَى عٜ عٜلِعَزَارُ ࢡِي هَـٰرُونَ لِمَنْجٛ: 2«لِمٜ يِمْࢡٜ جَمَعَارٜ إِسْرَاءِيلَ ڢُو ڢٛدّٜ شِعٜ مُوطُمْعٜنْ، ࢡٜ دُوࢡِ نٛوغَسْ عٜ کٛ ࢡُرِ، وَاوَنْࢡٜ حٛوعُغٛ بَلْمِ کٛنُ ڢُو؞» 3مُوسَى عٜ عٜلِعَزَارُ مَاتِنِ ࢡٜ يَاکٜ ࢡٜطٛنّٛ حَا لَدّٜ مٛعَبْ بَنغٜ مَايٛ عُرْدُنْ حَا ڢُونَانغٜ يٜرِکٛ، ࢡٜمبِعِ: 4مبِنْدٜ وٛرْࢡٜ ࢡٜ دُوࢡِ نٛوغَسْ عٜ کٛ ࢡُرِ ڢُو بَنَ جَوْمِرَاوٛ عُمْرُنٛ مُوسَى؞ ندَا إِسْرَاءِيلَعٜنْ وُرْتِيࢡٜ لٜسْدِ مِصْرَ:
5لٜࢩٛلْ رُبٜنْ عَڢٛ إِسْرَاءِيلَ: شِعٜ حَنٛکْ، ݠَلُّ، 6حٜسْرُونُ عٜ کَرْمِ؞ 7لِمْغَلْ مَࢡّٜ ڢُو، وٛرْࢡٜ عُجِنٜ شَݠَّنْطٜ نَيٛ عٜ تَتٛ عٜ تٜىٰمٜطّٜ نجٛوٜىٰطِطٛ عٜ شَݠَّنْطٜ تَتٛ (43,730)؞ 8دَࢩْغٛلْ ݠَلُّ: عٜلِيَبُ 9عٜ ࢡِيُمْعٜنْ: نٜمُوٜلْ، دَتَنْ عٜ عَبِرَمْ؞ دَتَنْ عٜ عَبِرَمْ لَاتِنٛ عَرْدِيࢡٜ جَمَعَارٜ؞ کَمْࢡٜ نجٛکِّرْنٛ بٜى مُوسَى عٜ هَـٰرُونَ، حَوْتَادٜ بٜى مٛوࢡْرٜ کٛورَ، سَاعِ ࢡٜتُورْتَنِ جَوْمِرَاوٛ؞ 10لٜسْدِ سٜىٰکِ لٜسْ مَࢡّٜ، مٛطِ ࢡٜ؞ ࢡٜمَايْدِ بٜى کٛورَ عٜ مٛوࢡْرٜ مُمْ، سَاعِ يِيتٜ ࢩَامِ وٛرْࢡٜ تٜىٰمٜطّٜ طِطٛ عٜ شَݠَّنْطٜ نجٛوٛ (250)؞ طُمْ لَاتِ بَرِّيَ نغَمْ إِسْرَاءِيلَعٜنْ؞ 11عَمَّا ࢡِࢡّٜ کٛورَ مَايَايْ؞ 12لٜࢩٛلْ سِمٜيٛنْ ڢٛدّٜ شِعٜ مُمْ: نٜمُوٜلْ، يَمِنْ، يَکِنْ، 13زٜرَحَ عٜ سَوُلُ؞ 14لِمْغَلْ مَࢡّٜ ڢُو، وٛرْࢡٜ عُجِنٜ نٛوغَسْ عٜ طِطٛ عٜ تٜىٰمٜطّٜ طِطٛ (22,200)؞ 15لٜࢩٛلْ غَدَ ڢٛدّٜ شِعٜ مُمْ: شٜڢٛنْ، حَغِّ، سُنِ، 16عٛجِنِ، عٜرِ، 17عَرٛودِ عٜ عَرٜىٰلِ؞ 18لِمْغَلْ مَࢡّٜ ڢُو، وٛرْࢡٜ عُجِنٜ شَݠَّنْطٜ نَيٛ عٜ تٜىٰمٜطّٜ نجٛوٛ (40,500)؞ 19-21لٜࢩٛلْ يَحُودَ ڢٛدّٜ شِعٜ مُمْ: سٜلَ، ݠٜرٜسْ، زٜرَحَ عٜ ࢡِࢡّٜ ݠٜرٜسْ: حٜسْرُونُ عٜ حَمُلْ؞ عٜىٰرْ عٜ عٛونَنْ کَمْ مَايِ ندٜرْ لٜسْدِ کَنَانَ؞ 22لِمْغَلْ مَࢡّٜ ڢُو، وٛرْࢡٜ عُجِنٜ شَݠَّنْطٜ نجٛوٜىٰطِطٛ عٜ نجٛوٜىٰغٛ عٜ تٜىٰمٜطّٜ نجٛوٛ (76,500)؞ 23لٜࢩٛلْ عِسَّکَرْ ڢٛدّٜ شِعٜ مُمْ: تٛلَ، ݠُوَ، 24يَسُبَ عٜ سِمْرٛنْ؞ 25لِمْغَلْ مَࢡّٜ ڢُو، وٛرْࢡٜ عُجِنٜ شَݠَّنْطٜ نجٛوٜىٰغٛ عٜ نَيٛ عٜ تٜىٰمٜطّٜ تَتٛ (64,300)؞ 26لٜࢩٛلْ زَبُلٛنْ ڢٛدّٜ شِعٜ مُمْ: سٜرٜتْ، عٜلٛنْ عٜ يَحَلٜيٜلْ؞ 27لِمْغَلْ مَࢡّٜ ڢُو، وٛرْࢡٜ عُجِنٜ شَݠَّنْطٜ نجٛوٜىٰغٛ عٜ تٜىٰمٜطّٜ نجٛوٛ (60,500)؞ 28ࢡِࢡّٜ يُوسُڢُ ڢٛدّٜ شِعٜ مُوطُمْعٜنْ: مَنَسَّ عٜ عٜڢْرَيِمْ؞ 29دَࢩْغٛلْ مَنَسَّ: شِعٜ مَکِرْ عٜ غِلٜعَتْ؞ مَکِرْ وٛنِ بَابَ غِلٜعَتْ؞ 30ندَا شِعٜ عِوْطٜ حَا غِلٜعَتْ: عِعٜجٜرْ، حٜلٜکْ، 31عَسْرِيٜلْ، سِکٜمْ، 32سٜمِدَ عٜ حٜڢٜرْ؞ 33شٜلٛڢْحَدْ ࢡِي حٜڢٜرْ وَلَا ࢡِࢡّٜ وٛرْࢡٜ، سٜيْ ࢡِࢡّٜ رٜوْࢡٜ تَنْ؞ عِنْطٜ مَࢡّٜ: مَحَلَ، نٛعَ، حٛغِلَ، مِلْکَ عٜ تِرْسَ؞ 34لِمْغَلْ مَࢡّٜ ڢُو، يِمْࢡٜ عُجِنٜ شَݠَّنْطٜ نجٛوٛ عٜ طِطٛ عٜ تٜىٰمٜطّٜ نجٛوٜىٰطِطٛ (52,700)؞ 35لٜࢩٛلْ عٜڢْرَيِمْ ڢٛدّٜ شِعٜ مُمْ: سُتٜلَحَ، بٜکٜرْ عٜ تَحَنْ؞ 36سُتٜلَحَ دَࢩِ عٜرَنْ؞ 37لِمْغَلْ مَࢡّٜ ڢُو، وٛرْࢡٜ عُجِنٜ شَݠَّنْطٜ تَتٛ عٜ طِطٛ عٜ تٜىٰمٜطّٜ نجٛوٛ (32,500)؞ 38لٜࢩٛلْ بٜنْيَمِنْ ڢٛدّٜ شِعٜ مُمْ: بٜلَ، عَسْبٜىٰلْ، عَحِرَمْ، 39سٜڢُڢَمْ عٜ حُڢَمْ؞ 40شِعٜ عَرْدَ عٜ نَعَمَنْ بٛو عِوِ حَا بٜلَ؞ 41لِمْغَلْ مَࢡّٜ ڢُو، وٛرْࢡٜ عُجِنٜ شَݠَّنْطٜ نَيٛ عٜ نجٛوٛ عٜ تٜىٰمٜطّٜ نجٛوٜىٰغٛ (45,600)؞ 42لٜࢩٛلْ دَنْ ڢٛدّٜ شِعٜ مُمْ: سُسَمْ عٜ دَࢩْغٛلْ مُمْ؞ 43لِمْغَلْ مَࢡّٜ ڢُو، وٛرْࢡٜ عُجِنٜ شَݠَّنْطٜ نجٛوٜىٰغٛ عٜ نَيٛ عٜ تٜىٰمٜطّٜ نَيٛ (64,400)؞ 44لٜࢩٛلْ عَسٜرْ ڢٛدّٜ شِعٜ مُمْ: يِمْنَ، يِسُوِ عٜ بٜرِعَ؞ 45شِعٜ حٜبٜرْ عٜ مَلْکِيٜلْ بٛو عِوِ حَا بٜرِعَ؞ 46عِنْدٜ ࢡِي عَسٜرْ دٜبّٛ، سٜرَحَ؞ 47لِمْغَلْ مَࢡّٜ ڢُو، وٛرْࢡٜ عُجِنٜ شَݠَّنْطٜ نجٛوٛ عٜ تَتٛ عٜ تٜىٰمٜطّٜ نَيٛ (53,400)؞ 48لٜࢩٛلْ نٜڢْتَلِ ڢٛدّٜ شِعٜ مُمْ: يَحَشِيٜلْ، غُنِ، 49يٜجٜرْ عٜ سِلّٜمْ؞ 50لِمْغَلْ مَࢡّٜ ڢُو، وٛرْࢡٜ عُجِنٜ شَݠَّنْطٜ نَيٛ عٜ نجٛوٛ عٜ تٜىٰمٜطّٜ نَيٛ (45,400)؞ 51لِمْغَلْ وٛرْࢡٜ إِسْرَاءِيلَ ڢُو عُجِنٜ تٜىٰمٜطّٜ نجٛوٜىٰغٛ عٜ غٛعٛ عٜ تٜىٰمٜطّٜ نجٛوٜىٰطِطٛ عٜ شَݠَّنْطٜ تَتٛ (601,730)؞
52ندٜنْ جَوْمِرَاوٛ وِعِ مُوسَى: 53«سٜنْدَنْ لٜعِ طِعِ لٜسْدِ ندِعِ حَا طِ مَرَ ندِ، ڢٛدّٜ لِمْغَلْ مَاجِ: 54لٜࢩٛلْ مَنغٛلْ حٜࢡَنْ مَرَلْ مَنغَلْ، لٜࢩٛلْ ݠَمَرٛلْ بٛو حٜࢡَنْ مَرَلْ ݠَمَرَلْ؞ لٜࢩٛلْ ڢُو حٜࢡَنْ مَرَلْ مُمْ ڢٛدّٜ لِمْغَلْ مُمْ؞ 55سٜنْدُ ندِ بٜى وَطُغٛ کُرْعُ؞ ࢡٜکٜࢡَنْ مَرَلْ مَࢡّٜ ڢٛدّٜ لٜعِ مَࢡّٜ؞» 56کُرْعُ سٜنْدَنْ مَرَلْ حَکُّندٜ طُوطْࢡٜ عٜ ڢَمَرْࢡٜ؞
57ندَا لٜࢩٛلْ لٜوِ ڢٛدّٜ شِعٜ مُمْ: غٜرْسٛنْ، کٜحَتْ، مٜرَارِ، 58لِبْنِ، حٜبُرُونْ، مَحَلِ، مُسِ عٜ کٛورَ؞ کٜحَتْ وٛنِ بَابَ عَمْرَمْ؞ 59عِنْدٜ دٜبّٛ عَمْرَمْ، يٛکٜبٜتْ ࢡِي لٜوِ، عٛ دَࢩَاطٛ حَا مِصْرَ؞ عٛدَࢩَنِ عَمْرَمْ، مُوسَى عٜ هَـٰرُونَ، نٛنْ بٛو مِرِيَمْ، دٜىٰرْطِرَاوٛ مَࢡّٜ دٜبّٛ؞ 60هَـٰرُونَ دَࢩَنَامَ نَدَبْ، عَبِحُ، عٜلِعَزَارُ عٜ عِتَمَرْ؞ 61عَمَّا نَدَبْ عٜ عَبِحُ مَايِ، يَاکٜ ࢡٜلِيعَنِنٛ جَوْمِرَاوٛ يِيتٜ نغٜ سٜنَاکَ؞ 62لِمْغَلْ لٜوِعٜنْ دِغَ مٛ لٜوْرُ عٜ کٛ ࢡُرِ ڢُو وَطِ عُجِنٜ نٛوغَسْ عٜ تَتٛ (23,000)؞ کَمْࢡٜ ࢡٜلِمْدَاکَ بٜى إِسْرَاءِيلَعٜنْ وٛطْࢡٜ، نغَمْ ࢡٜکٜࢡَايْ مَرَلْ لٜسْدِ ندٜرْ إِسْرَاءِيلَ؞
63مُوسَى عٜ عٜلِعَزَارُ لِمَنْجٛ مبَطِ بِنْدٛلْ، لِمِ إِسْرَاءِيلَعٜنْ ڢُو، سَاعِ ࢡٜطٛنّٛ ندٜرْ لَطّٜ مٛعَبْ بَنغٜ مَايٛ عُرْدُنْ، حَا ڢُونَانغٜ يٜرِکٛ؞ 64يِمْࢡٜ ࢡٜ مُوسَى عٜ هَـٰرُونَ لِمْنٛ ندٜرْ لَدّٜ سِنَ ڢُو مَايْدِ، وَلَا کٛو غٛوتٛ مَࢡّٜ لُتِّ، 65نغَمْ جَوْمِرَاوٛ وِعْنٛ ࢡٜ: «ڢَکَتْ عٛنْ ڢُو عٛنْ مَايَنْ ندٜرْ لَدّٜ، سٛنَا کَالٜبْ ࢡِي يٜڢُنَّ عٜ يٛسُوَ ࢡِي نُونَ تَنْ؞»
Currently Selected:
لِمْلٜ 26: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
