لِمْلٜ 22
22
لَامِيطٛ مٛعَبِعٜنْ نٜلِ حَا بَلَامَ
1إِسْرَاءِيلَعٜنْ نجٜحِ، شَنغِنِ ندٜرْ لَطّٜ مٛعَبْ حَا ڢُونَانغٜ مَايٛ عُرْدُنْ، يٜىٰسٛ يٜرِکٛ؞
2بَلَکْ ࢡِي شِݠّٛرْ يِعِ کٛ إِسْرَاءِيلَعٜنْ مبَطِ عَمٛورِعٜنْ ڢُو؞ 3مٛعَبِعٜنْ کُلِ، شَکْلِ مَسِنْ يٜىٰسٛ جَمَعَارٜ إِسْرَاءِيلَعٜنْ نغَمْ ندٜ طُوطْندٜ؞ 4مٛعَبِعٜنْ مبِعِ ندٛتِّعٜنْ لٜسْدِ مٜدِيَنْ: «جٛنْتَ مٛوࢡْرٜ ندٜعٜ ࢩَامَنْ کٛو طُمٜ ڢُو ندٜرْ تَارْدٜ مٜنْ، بَنَ نَغّٜ ࢩَامْرَتَ حُطٛ دُرْدُدٜ!» سَاعِ مَنْ بَلَکْ ࢡِي شِݠّٛرْ وٛنّٛ لَامِيطٛ مٛعَبْ؞ 5عٛنٜلِ نٜلَاࢡٜ حَا بَلَامَ ࢡِي بٜعٛرْ حَا ݠٜتٛرْ، لٜسْدِ عِوْدٜ مَاکٛ نغٛنْدِ بَنغٜ مَايٛ عٜڢْرَتِسْ، حَا ࢡٜمبِعَ مٛ نِعِ: «عَنْدُ عُمَّاتٛورٜ وٛطْندٜ وُرْتِيندٜ دِغَ مِصْرَ، ندٜ سُدِّ لٜسْدِ، ندٜ طٛنْ جٛوطِ، ندٜ طٛنْ تِيتٛتِرِ بٜى عَمْ؞ 6نغَمْ مَاجُمْ وَرْ، عُسٜنِ، نَالَنَمْ ندٜ نغَمْ ندٜ ࢡُرَتَمْ سٜمْبٜ؞ تٜىٰمَ مِوَاوْمَ جَالَاغٛ يِمْࢡٜ مَارٜ، مِرِيوَ ࢡٜ دِغَ لٜسْدِ عَمْ؞ مِعَنْدِ، تٛ عَبَرْکِطِنِ غٛطّٛ، ندٜنْ کَمْ عٛحٜࢡَنْ بَرْکَ؞ تٛ عَنَالِ غٛطّٛ بٛو، نَالٛورٜ مَنْ دٛعّٛتٛ دٛوْ مَاکٛ؞»
7ندٛتِّعٜنْ مٛعَبْ عٜ مٜدِيَنْ کٛوعِ نغٜىٰنَارِ دَارٛووٛ، نجٜحِ حَا بَلَامَ، نغٜشِّمٛ بٛلّٜ بَلَکْ غٛ؞ 8بَلَامَ وِعِ ࢡٜ: «مبَالٜ حَا طٛ جٜمَّارٜ ندٜعٜ؞ جَنغٛ ڢَجِرِ نجَابٛتٛومِ عٛنْ ڢٛدّٜ کٛ جَوْمِرَاوٛ وِعَتَمِّ؞» ندٜنْ عَرْدِيࢡٜ مٛعَبِعٜنْ مبَالِ تٛنْ؞
9اَللَّه وَرِ حَا بَلَامَ، ࢨَمِمٛ: «وٛنْدُࢡٜ بٜى مَاطَ، طُمْ ࢡٜيٜ؟» 10عٛجَابِ: «بَلَکْ ࢡِي شِݠّٛرْ نٜلِ ࢡٜ، ࢡٜمبِعَمِّ: 11عُمَّاتٛورٜ وٛطْندٜ وُرْتِيندٜ دِغَ مِصْرَ سُدِّ لٜسْدِ ڢُو؞ عٛيِطِ مِيَحَ مِنَالَنَ مٛ عُمَّاتٛورٜ مَنْ، عٛجَالٛ ندٜ، عٛرِيوَ ندٜ؞» 12اَللَّه وِعِ بَلَامَ: «تَا يَحْدُ بٜى مَࢡّٜ! تَا نَالُ عُمَّاتٛورٜ ندٜعٜ، نغَمْ مِنْ مِبَرْکِطِنِ ندٜ!»
13جَنغٛ مَنْ، بَلَامَ عُمِّ، وِعِ مَوْࢡٜ بَلَکْ: «کٛوتٜ، جَوْمِرَاوٛ دُنغَنَاکِ يَمْ يَحْدُغٛ بٜى مٛوطٛنْ!» 14ندٜنْ ࢡٜعُمِّ، ࢡٜنغَرْتِ حَا بَلَکْ، ࢡٜمبِعِمٛ: «بَلَامَ سَلِ وَرْدُغٛ بٜى عَمِنْ؞»
15بَلَکْ نٜلِ عَرْدِيࢡٜ وٛطْࢡٜ، ࢡُرَنْࢡٜ ࢡٜيَ طُوطُغٛ عٜ تٜدُّغٛ؞ 16ࢡٜنجٜحِ حَا بَلَامَ، ࢡٜمبِعِمٛ: «ندَا نِي بَلَکْ ࢡِي شِݠّٛرْ وِعِ: عُسٜنِ، تَا سَلَ وَرْغٛ حَا عَمْ! 17مِحٛکّٜتٜ تٜدُّنغَلْ طُوطْنغَلْ، مِوَطَنْتٜ کٛ نغِطَّا ڢُو؞ وَرْ عُسٜنِ، نَالَنَمْ عُمَّاتٛورٜ ندٜعٜ؞» 18عَمَّا بَلَامَ جَابِ نٜلَاࢡٜ بَلَکْ: «کٛو تٛ بَلَکْ حٛکِّ يَمْ شَرْدِ عٜ کَنغّٜىٰرِ نغٛنْدِ ندٜرْ سَارٜ مُمْ ڢُو، مِوَاوَتَا وَطُغٛ کٛ لُوتَتَ عُمْرٛورٜ جَوْمِرَاوٛ اَللَّه عَمْ سَمْ؞ 19عَمَّا مبَالٜ طٛ جٜمَّارٜ ندٜعٜ بَنَ نٜلَاࢡٜ نَانٜ، حَا مِنَنَ کٛ جَوْمِرَاوٛ وِعَتَمِّ کَدِبٛو؞»
20جٜمَّ مَنْ اَللَّه وَرِ حَا بَلَامَ، وِعِمٛ: «تٛ وٛرْࢡٜ ࢡٜعٜ نغَرِ عٜوْنَاغٛ مَ، ندٜنْ کَمْ عُمَّ، يَحْدُ بٜى مَࢡّٜ؞ عَمَّا وَطْ کٛ مِوِعٜتٜ تَنْ؞» 21جَنغٛ مَنْ بَلَامَ دَوِ، دَطِّ وَمْندٜ مُمْ رٜوْرٜ، يَحْدِ بٜى عَرْدِيࢡٜ مٛعَبِعٜنْ؞
بَلَامَ عٜ وَمْندٜ مُمْ
22عَمَّا جَحَانغَلْ نغَعَلْ عُمِّنِ تِکّٜرٜ جَوْمِرَاوٛ؞ سَاعِ بَلَامَ طٛنْ وَعِّ وَمْندٜ مُوطُمْ، طٛنْ يَحَ دٛوْ لَاوٛلْ، سُکَاࢡٜ مَاکٛ طِطٛ بٛو طٛنْ طٛڢْتَ مٛ، مَلَاعِکَاجٛ جَوْمِرَاوٛ وَرِ، دَرِ حَا لَاوٛلْ، حَطِمٛ سَالَاغٛ؞ 23وَمْندٜ يِعِ مَلَاعِکَاجٛ جَوْمِرَاوٛ طٛنْ دَرِ حَا لَاوٛلْ بٜى کَاڢَحِ لٛوسَاکِ حَا جُنغٛ مُمْ؞ ندٜ سٜلِ لَاوٛلْ، ندٜ نَسْتِ نغٜسَ؞ بَلَامَ ڢِيِ ندٜ، وَرْتِرِ ندٜ حَا لَاوٛلْ؞ 24ندٜنْ مَلَاعِکَاجٛ جَوْمِرَاوٛ دَرِ حَا لَاوٛلْ ࢡِلِّينغٛلْ شَکَ غٜسٜ عِنَبٛوجٜ حَکُّندٜ مَحِ طِطِ، غٛوتٛلْ حَا ࢩَامٛ عٜ غٛوتٛلْ بٛو حَا نَنٛ؞ 25وَمْندٜ يِعِ مَلَاعِکَاجٛ، ࢡَدِتِ مَحٛلْ، ࢡِطِّ کٛسْنغَلْ بَلَامَ بٜى مَحٛلْ؞ بَلَامَ ڢِيِ ندٜ ڢَحِنْ؞ 26مَلَاعِکَاجٛ جَوْمِرَاوٛ عَرْدِتِ بَلَامَ سٜطَّ، دَرِ حَا نٛکُّورٜ ࢡِلِّيندٜ، وَلَا بَبَلْ سَالَاغٛ کٛو غَلْ ࢩَامٛ کٛو غَلْ نَنٛ؞ 27وَمْندٜ يِعِمٛ، ندٜ وَالِ، بَلَامَ بٛو طٛنْ دٛوْ مَارٜ؞ عٛتِکِّ، عٛڢِيِ ندٜ بٜى سَوْرُ؞ 28جَوْمِرَاوٛ ڢِيسْتِ طٜمْنغَلْ وَمْندٜ، ندٜ ࢨَمِ بَلَامَ: «طُمٜ مِوَطِ مَ؟ کٛنِ عَڢِيِ يَمْ ندٜ تَتِ جٛنْتَ؟» 29بَلَامَ جَابِ: «نغَمْ عَڢِجِرِ يَمْ؞ تٛ مِوٛودِنٛ کَاڢَحِ، مِمبَرٜتٜنٛ ڢَکَتْ!» 30وَمْندٜ وِعِمٛ: «نَا مِ وَمْندٜ مَ؟ عَطٛنْ وَعّٛ يَمْ دِغَ ࢡٛويْمَ حَا وَرْغٛ حَنْدٜ؞ مِوٛووِ وَطُغٛ مَ بَنَ نِي نَ؟» عٛجَابِ: «عَاعَ؞»
31ندٜنْ جَوْمِرَاوٛ سُدِّتِ غِتٜ بَلَامَ؞ عٛيِعِ مَلَاعِکَاجٛ جَوْمِرَاوٛ دَرِيطٛ حَا لَاوٛلْ بٜى کَاڢَحِ لٛوسَاکِ حَا جُنغٛ مُمْ؞ بَلَامَ تُرِ، سُجِدِ؞ 32مَلَاعِکَاجٛ جَوْمِرَاوٛ وِعِمٛ: «کٛنِ عَڢِيِ وَمْندٜ مَ ندٜ تَتِ؟ ندَا، مِوَرِ حَطُغٛ مَ سَالَاغٛ لَاوٛلْ، نغَمْ عَوَطِ جَحَانغَلْ مَ ندٜرْ جَاوَلْ؞ 33عَمَّا وَمْندٜ مَ يِعِ يَمْ، سٜلَنِ يَمْ ندٜ تَتِ؞ تٛ ندٜ سٜلَايْنٛ، مِمبَرِ نٛ مَ ڢَکَتْ، عَمَّا کَيْرٜ کَمْ مِعَشَّنّٛ ندٜ؞» 34بَلَامَ وِعِ مَلَاعِکَاجٛ جَوْمِرَاوٛ: «مِوَطِ حَکّٜ؞ مِعَنْدَانٛ عَطٛنْ حَطَمِّ لَاوٛلْ؞ جٛنْتَ بٛو، تٛ جَحَانغَلْ عَمْ ڢٛتَّنَايْ مَ، مِلٛرٛتٛ ࢡَاوٛ!» 35مَلَاعِکَاجٛ جَوْمِرَاوٛ وِعِمٛ: «عَاعَ، يَحْدُ بٜى وٛرْࢡٜ ࢡٜعٜ، عَمَّا لٛرْنُ کٛ مِوِعٜتٜ تَنْ؞» ندٜنْ بَلَامَ يَحْدِ بٜى مَوْࢡٜ بَلَکْ غٛ؞
نٛ بَلَکْ جَࢡّٛرِ بَلَامَ
36ندٜ بَلَکْ نَنِ بَلَامَ طٛنْ وَرَ، عٛيٜحِ نغَمْ عٛڢٛتّٛيَ بٜى مَاکٛ حَا عِرْ-مٛعَبْ حَا کٜىٰرٛلْ عَرْنٛنْ، حَا سٜࢡَتّٛ لٜسْدِ مَاکٛ؞ 37بَلَکْ ࢨَمِ بَلَامَ: «مِنٜلِ عٜوْنَاغٛ مَ؞ نغَمْ طُمٜ عَوَرَايْ؟ بٜى غٛونغَ مِوَاوَتَا وَرْجُغٛ مَ نَ؟» 38بَلَامَ جَابِمٛ: «جٛنْتَ کَمْ مِوَرِ؞ عَمَّا وَلَا کٛ مِوَاوِ وِعُغٛ مَ؞ مِيٜشَّنْ کٛ اَللَّه تَمِّ وِعُغٛ يَمْ تَنْ؞» 39ندٜنْ بَلَامَ يَحْدِ بٜى بَلَکْ حَا کِرِيَتْ-حُشٛتْ؞ 40بَلَکْ حِرْسِ نَعِ عٜ دَمّٛوجِ، نٜلْدِ کُسٜلْ حَا بَلَامَ عٜ عَرْدِيࢡٜ وٛنْدُࢡٜ بٜى مَاکٛ؞
عَنَّبَاکُ بَلَامَ عَرَنُ
41جَنغٛ ڢَجِرِ مَنْ بَلَکْ وَعّٛدِ بٜى بَلَامَ حَا بَمٛتْ-بَعَلْ؞ تٛنْ بَلَامَ عٜىٰوِ يٜࢡْرٜ إِسْرَاءِيلَعٜنْ؞
Currently Selected:
لِمْلٜ 22: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
