لِمْلٜ 21
21
جَالٛرْغَلْ دٛوْ کَنَانِعٜنْ
1لَامِيطٛ کَنَانِعٜنْ حَا عَرَتْ ندٜرْ لٜسْدِ ڢٛمْبِنَ نَنِ إِسْرَاءِيلَعٜنْ طٛنْ نغَرْدَ لَاوٛلْ عَتَرِيمَ؞ عٛعُکَّنِ ࢡٜ، عٛنَنغِ وٛطْࢡٜ مَࢡّٜ؞ 2إِسْرَاءِيلَعٜنْ تٛغَنِ جَوْمِرَاوٛ تٛغَيٜىٰرٜ، مبِعِ: «تٛ عَحٛکِّ مِنْ جَالٛرْغَلْ دٛوْ جَمَعَارٜ ندٜعٜ، ندٜنْ کَمْ مِنْ نَتِّنَنْ بٜرْنِيجِ مَࢡّٜ ڢُو؞» 3جَوْمِرَاوٛ نَنِ ࢡٜ، حٛکِّ ࢡٜ جَالٛرْغَلْ دٛوْ کَنَانِعٜنْ؞ إِسْرَاءِيلَعٜنْ نَتِّنِ ࢡٜ عٜ بٜرْنِيجِ مَࢡّٜ ڢُو؞ ࢡٜعِنْدِ نٛکُّورٜ مَنْ حٛرْمَ#21:3 حٛرْمَ يِطِ وِعْغٛ نَتِّنْکِ؞؞
مبٛودِ نجَمْندِ مبٛطٜىٰرِ
4إِسْرَاءِيلَعٜنْ عُمِّ حٛوسٜىٰرٜ حٛرْ، تٛکِّ لَاوٛلْ مَايٛ مَالِيَ حَا تَارٛ لٜسْدِ عٜدٛومْ؞ عَمَّا دٛوْ لَاوٛلْ، ࢡٜمبَطِ سٛويْندٜ مُࢩَلْ؞ 5ࢡٜشِنغْکِ اَللَّه عٜ مُوسَى؞ ࢡٜمبِعِ: «کٛنِ عٛنْ نغُرْتِنِ مِنْ لٜسْدِ مِصْرَ حَا مِنْ مَايَ ندٜرْ لَدّٜ ندٜعٜ؟ وَلَا ࢩَامْدُ عٜ ندِيَمْ حَا طٛ! مِنْ شَڢْتِ بٛو ࢩَامْدُ مٜىٰرٜىٰرُ ندُعُ!» 6جَوْمِرَاوٛ نٜلِ بٛطّٜ مَرْطٜ تٛوکٜ مَسِنْ (ࢡَنْدُ وُلَنْ جَوْ بَنَ يِيتٜ تٛ عِرِنْ مبٛودِ ندِعِ نغَتِ غٛطّٛ) شَکَ مَࢡّٜ، طٜ نغَتِ يِمْࢡٜ، طُوطْࢡٜ مَࢡّٜ مَايِ؞ 7إِسْرَاءِيلَعٜنْ نغَرِ حَا مُوسَى، مبِعِمٛ: «مِنْ مبَطِ حَکّٜ بٜى سِنغْکُغٛ جَوْمِرَاوٛ عٜ سِنغْکُغٛ مَ؞ تٛرَ جَوْمِرَاوٛ، عٛسٛتِّنَنَ مِنْ بٛطّٜ طٜعٜ؞» مُوسَى تٛرَنِ جَمَعَارٜ؞ 8جَوْمِرَاوٛ وِعِمٛ: «سٜيْ عَوَطَ مبٛودِ نجَمْندِ مبٛطٜىٰرِ، عَࢡِلَ ندِ دٛوْ لٜغَّلْ حَا کٛو مٛيْ نغَتَاطٛ لَارَ ندِ، حِسَ مَايُغٛ؞» 9مُوسَى وَطِ مبٛودِ نجَمْندِ مبٛطٜىٰرِ، عٛࢡِلِ ندِ دٛوْ لٜغَّلْ؞ کٛو مٛيْ نغَتَاطٛ، لَارِ مبٛودِ نجَمْندِ، حِسِ مَايُغٛ؞
جَحَانغَلْ حَا لٜسْدِ مٛعَبْ
10إِسْرَاءِيلَعٜنْ عُمِّ تٛنْ، شَنغِنِ حَا عٛبٛتْ؞ 11ࢡٜعُمِّ عٛبٛتْ، ࢡٜنغَرِ حَا عِيٜ-عَتَرِيمَ، ندٜرْ لَدّٜ حَا ڢُونَانغٜ لٜسْدِ مٛعَبْ؞ 12ࢡٜعُمِّ تٛنْ، ࢡٜشَنغِنِ حَا وَادِوٛلْ زٜرٜتْ؞ 13ࢡٜعُمِّ زٜرٜتْ، ࢡٜشَنغِنِ حَا سٜرَ وَادِوٛلْ عَرْنٛنْ عُمِّينغٛلْ لٜسْدِ عَمٛورِعٜنْ حَا يٛتِّ لَدّٜ؞ نغٛلْ طٛنّٛ حَا کٜىٰرٛلْ حَکُّندٜ عَمٛورِعٜنْ بٜى مٛعَبِعٜنْ؞ 14نغَمْ مَاجُمْ دٜڢْتٜرٜ کٛنُوجِ جَوْمِرَاوٛ طٛنْ وِعَ: «وُرٛ وَحٜبَ بَنغٜ سُڢَ عٜ وَادِيجِ عٜ عَرْنٛنْ 15عٜ دِيرْتٛرْدٜ وَادِيجِ وُرْندٜ حٜىٰدِ بٜرْنِوٛلْ عَرْ حَا يٛتِّ کٜىٰرٛلْ لٜسْدِ مٛعَبْ؞»#21:15 عَايَاجٜ 14 بٜى 15 شَطِ ڢَامٜىٰغٛ؞
16دِغَ تٛنْ ࢡٜندِلِّ بٜىٰرْ؞ حَا تٛنْ جَوْمِرَاوٛ وِعْنٛ مُوسَى: «مٛوࢡْتُ جَمَعَارٜ حَا مِيَرْنَ ندٜ؞» 17سَاعِ مَنْ إِسْرَاءِيلَعٜنْ نغِمِ: «عَنْ ࢡُلْندُ، يَالْتُ! نغِمْندٜ ندُ! 18کَيْرُ وٛنِ ࢡُلْندُ ندُ عَرْدِيࢡٜ، تٜدُّࢡٜ شَکَ جَمَعَارٜ نغَسِ طُمْ بٜى تُغَّارُ لَامِيطٛ عٜ بٜى شَبِّ مَࢡّٜ؞»
ࢡٜعُمِّ لَدّٜ ندٜعٜ ࢡٜنجٜحِ مَتَّنَ؞ 19ࢡٜعُمِّ مَتَّنَ، ࢡٜنجٜحِ نَحَلِيٜلْ؞ ࢡٜعُمِّ نَحَلِيٜلْ، ࢡٜنجٜحِ بَمٛتْ؞ 20ࢡٜعُمِّ بَمٛتْ، ࢡٜنجٜحِ حَا وَادِوٛلْ ندٜرْ نجَيْرِ مٛعَبْ، لٜسْ حٛوسٜىٰرٜ ݠِسِغَ تٛوْتُندٜ دٛوْ حَرْدٜ؞
إِسْرَاءِيلَعٜنْ نجَالِ لَامِيطٛ سِحٛنْ عٜ لَامِيطٛ عٛوکْ
(تٛوکْتَاکِ تَوْرٜىٰتَ 2:26-37؛ 3:1-11)
21إِسْرَاءِيلَعٜنْ نٜلِ نٜلَاࢡٜ حَا سِحٛنْ، لَامِيطٛ عَمٛورِعٜنْ؞ ࢡٜمبِعِ: 22«عَشُّ مِنْ شَالٛ لٜسْدِ مَ؞ مِنْ نَسْتَتَا غٜسٜ عَلْکَمَارِ مَلَّ غٜسٜ عِنَبٛوجٜ، مِنْ نجَرَتَا ندِيَمْ ࢡُلِّ مٛنْ؞ مِنْ تٛکّٛتٛ بُووٛلْ حَا تٛ مِنْ شَالَکٜ مَرَلْ مَ؞» 23عَمَّا سِحٛنْ دُنغَنَاکِ ࢡٜ سَالَاغٛ لٜسْدِ مُمْ؞ عٛمٛوࢡْتِ جَمَعَارٜ کٛنُ مَاکٛ ڢُو، ࢡٜنجٜحِ، ࢡٜݠٛتِّ بٜى إِسْرَاءِيلَعٜنْ بَنغٜ يَحَسْ ندٜرْ لَدّٜ، ࢡٜکَࢡِ بٜى مَࢡّٜ؞ 24إِسْرَاءِيلَعٜنْ مبَرِ ࢡٜ بٜى کَاڢَحِ؞ ࢡٜࢩَامِ لٜسْدِ سِحٛنْ، دِغَ عَرْنٛنْ حَا مَايٛ يَبّٛکْ، حَاطِ حَا کٜىٰرٛلْ عَمّٛونِعٜنْ نغَمْ نغٛلْ شٜمْبِطِنَانغٛلْ؞ 25إِسْرَاءِيلَعٜنْ ࢩَامِ بٜرْنِيجِ عَمٛورِعٜنْ ڢُو؞ ࢡٜنجٛوطِ ندٜرْ مَاجِ ڢُو، نٛنْ بٛو حَا حٜسْبٛنْ عٜ غُرٜ تَارِيطٜ نغٛلْ ڢُو؞ 26حٜسْبٛنْ وٛنّٛ بٜرْنِوٛلْ سِحٛنْ، لَامِيطٛ عَمٛورِعٜنْ؞ کَنغْکٛ عٛحَࢡْنٛ بٜى لَامِيطٛ مٛعَبِعٜنْ عَارْتُطٛ، عٛجَࢡْتِ لٜسْدِ مُمْ ڢُو حَا يٛتِّ عَرْنٛنْ؞ 27نغَمْ مَاجُمْ يِمٛوࢡٜ طٛنْ نغِمَ: «نغَرٜ حَا حٜسْبٛنْ، بٜرْنِوٛلْ لَامِيطٛ سِحٛنْ، حَا نغٛلْ ࢩِࢡْتٜ، نغٛلْ سٜمْبِطَ ڢَحِنْ؞ 28نَانٜ يِيتٜ عِوِ حٜسْبٛنْ، طٜمْنغَلْ يِيتٜ عِوِ لَامٛرْدٜ سِحٛنْ، ࢩَامِ عَرْ ندٜرْ لٜسْدِ مٛعَبْ، حَلْکِ مَوْࢡٜ تٛوْندِيجٜ حَا عَرْنٛنْ؞ 29کَيْتٛ، عٛنٛنْ يِمْࢡٜ مٛعَبْ! عٛنْ کَلْکِ، عٛنٛنْ عُمَّاتٛورٜ کٜمٛسْ! طٛوَنْتٜىٰطٛ مٛنْ لَاتِنِ وٛرْࢡٜ مُمْ دٛغُّࢡٜ، رٜوْࢡٜ مُمْ بٛو نَنغَاࢡٜ سِحٛنْ، لَامِيطٛ عَمٛورِعٜنْ! 30عَمَّا جٛنْتَ مِنْ ݠِطِ ࢡٜ، مِنْ مبِلِ حٜسْبٛنْ حَا يٛتِّ دِبٛنْ؞ مِنْ نغُلِ بٛو نٛڢَحَ حَا يٛتِّ مٜدٜبَ؞»#21:30 عَايَارٜ ندٜعٜ طٛنْ بٜى ڢَسَّرُويٜىٰجِ ڢٜىٰرٜ ڢٜىٰرٜ؞
31إِسْرَاءِيلَعٜنْ نجٛوطِ ندٜرْ لٜسْدِ عَمٛورِعٜنْ؞ 32مُوسَى نٜلِ نٜلَاࢡٜ نغَمْ حٛرُغٛ بٜرْنِوٛلْ يَعَجٜرْ؞ إِسْرَاءِيلَعٜنْ ࢩَامِ غُرٜ تَارِيطٜ نغٛلْ، ندِيوِ عَمٛورِعٜنْ جٛوطِيࢡٜ تٛنْ؞
33ندٜنْ إِسْرَاءِيلَعٜنْ نغَيْلِتِ، تٛکِّ لَاوٛلْ يَحُغٛ لٜسْدِ بَاسَنْ؞ عٛوکْ، لَامِيطٛ بَاسَنْ بٜى جَمَعَارٜ کٛنُ مُمْ ڢُو نغُرْتِ نغَمْ حَࢡُغٛ بٜى مَࢡّٜ حَا عٜدِرٜيْ؞ 34جَوْمِرَاوٛ وِعِ مُوسَى: «تَا حُلْ مٛ، نغَمْ مِحٛکِّ مَ مٛ، کَنغْکٛ عٜ يِمْࢡٜ مَاکٛ ڢُو عٜ لٜسْدِ مَاکٛ؞ وَطْ مٛ کٛ عَوَطِ سِحٛنْ، لَامِيطٛ عَمٛورِعٜنْ جٛوطِنٛوطٛ حَا حٜسْبٛنْ؞» 35إِسْرَاءِيلَعٜنْ مبَرِ عٛوکْ عٜ ࢡِࢡّٜ مُمْ عٜ يِمْࢡٜ مُمْ ڢُو، وَلَا کٛو غٛوتٛ مَࢡّٜ دَطِ؞ ندٜنْ ࢡٜمَرْتِ لٜسْدِ مَاکٛ؞
Currently Selected:
لِمْلٜ 21: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
لِمْلٜ 21
21
جَالٛرْغَلْ دٛوْ کَنَانِعٜنْ
1لَامِيطٛ کَنَانِعٜنْ حَا عَرَتْ ندٜرْ لٜسْدِ ڢٛمْبِنَ نَنِ إِسْرَاءِيلَعٜنْ طٛنْ نغَرْدَ لَاوٛلْ عَتَرِيمَ؞ عٛعُکَّنِ ࢡٜ، عٛنَنغِ وٛطْࢡٜ مَࢡّٜ؞ 2إِسْرَاءِيلَعٜنْ تٛغَنِ جَوْمِرَاوٛ تٛغَيٜىٰرٜ، مبِعِ: «تٛ عَحٛکِّ مِنْ جَالٛرْغَلْ دٛوْ جَمَعَارٜ ندٜعٜ، ندٜنْ کَمْ مِنْ نَتِّنَنْ بٜرْنِيجِ مَࢡّٜ ڢُو؞» 3جَوْمِرَاوٛ نَنِ ࢡٜ، حٛکِّ ࢡٜ جَالٛرْغَلْ دٛوْ کَنَانِعٜنْ؞ إِسْرَاءِيلَعٜنْ نَتِّنِ ࢡٜ عٜ بٜرْنِيجِ مَࢡّٜ ڢُو؞ ࢡٜعِنْدِ نٛکُّورٜ مَنْ حٛرْمَ#21:3 حٛرْمَ يِطِ وِعْغٛ نَتِّنْکِ؞؞
مبٛودِ نجَمْندِ مبٛطٜىٰرِ
4إِسْرَاءِيلَعٜنْ عُمِّ حٛوسٜىٰرٜ حٛرْ، تٛکِّ لَاوٛلْ مَايٛ مَالِيَ حَا تَارٛ لٜسْدِ عٜدٛومْ؞ عَمَّا دٛوْ لَاوٛلْ، ࢡٜمبَطِ سٛويْندٜ مُࢩَلْ؞ 5ࢡٜشِنغْکِ اَللَّه عٜ مُوسَى؞ ࢡٜمبِعِ: «کٛنِ عٛنْ نغُرْتِنِ مِنْ لٜسْدِ مِصْرَ حَا مِنْ مَايَ ندٜرْ لَدّٜ ندٜعٜ؟ وَلَا ࢩَامْدُ عٜ ندِيَمْ حَا طٛ! مِنْ شَڢْتِ بٛو ࢩَامْدُ مٜىٰرٜىٰرُ ندُعُ!» 6جَوْمِرَاوٛ نٜلِ بٛطّٜ مَرْطٜ تٛوکٜ مَسِنْ (ࢡَنْدُ وُلَنْ جَوْ بَنَ يِيتٜ تٛ عِرِنْ مبٛودِ ندِعِ نغَتِ غٛطّٛ) شَکَ مَࢡّٜ، طٜ نغَتِ يِمْࢡٜ، طُوطْࢡٜ مَࢡّٜ مَايِ؞ 7إِسْرَاءِيلَعٜنْ نغَرِ حَا مُوسَى، مبِعِمٛ: «مِنْ مبَطِ حَکّٜ بٜى سِنغْکُغٛ جَوْمِرَاوٛ عٜ سِنغْکُغٛ مَ؞ تٛرَ جَوْمِرَاوٛ، عٛسٛتِّنَنَ مِنْ بٛطّٜ طٜعٜ؞» مُوسَى تٛرَنِ جَمَعَارٜ؞ 8جَوْمِرَاوٛ وِعِمٛ: «سٜيْ عَوَطَ مبٛودِ نجَمْندِ مبٛطٜىٰرِ، عَࢡِلَ ندِ دٛوْ لٜغَّلْ حَا کٛو مٛيْ نغَتَاطٛ لَارَ ندِ، حِسَ مَايُغٛ؞» 9مُوسَى وَطِ مبٛودِ نجَمْندِ مبٛطٜىٰرِ، عٛࢡِلِ ندِ دٛوْ لٜغَّلْ؞ کٛو مٛيْ نغَتَاطٛ، لَارِ مبٛودِ نجَمْندِ، حِسِ مَايُغٛ؞
جَحَانغَلْ حَا لٜسْدِ مٛعَبْ
10إِسْرَاءِيلَعٜنْ عُمِّ تٛنْ، شَنغِنِ حَا عٛبٛتْ؞ 11ࢡٜعُمِّ عٛبٛتْ، ࢡٜنغَرِ حَا عِيٜ-عَتَرِيمَ، ندٜرْ لَدّٜ حَا ڢُونَانغٜ لٜسْدِ مٛعَبْ؞ 12ࢡٜعُمِّ تٛنْ، ࢡٜشَنغِنِ حَا وَادِوٛلْ زٜرٜتْ؞ 13ࢡٜعُمِّ زٜرٜتْ، ࢡٜشَنغِنِ حَا سٜرَ وَادِوٛلْ عَرْنٛنْ عُمِّينغٛلْ لٜسْدِ عَمٛورِعٜنْ حَا يٛتِّ لَدّٜ؞ نغٛلْ طٛنّٛ حَا کٜىٰرٛلْ حَکُّندٜ عَمٛورِعٜنْ بٜى مٛعَبِعٜنْ؞ 14نغَمْ مَاجُمْ دٜڢْتٜرٜ کٛنُوجِ جَوْمِرَاوٛ طٛنْ وِعَ: «وُرٛ وَحٜبَ بَنغٜ سُڢَ عٜ وَادِيجِ عٜ عَرْنٛنْ 15عٜ دِيرْتٛرْدٜ وَادِيجِ وُرْندٜ حٜىٰدِ بٜرْنِوٛلْ عَرْ حَا يٛتِّ کٜىٰرٛلْ لٜسْدِ مٛعَبْ؞»#21:15 عَايَاجٜ 14 بٜى 15 شَطِ ڢَامٜىٰغٛ؞
16دِغَ تٛنْ ࢡٜندِلِّ بٜىٰرْ؞ حَا تٛنْ جَوْمِرَاوٛ وِعْنٛ مُوسَى: «مٛوࢡْتُ جَمَعَارٜ حَا مِيَرْنَ ندٜ؞» 17سَاعِ مَنْ إِسْرَاءِيلَعٜنْ نغِمِ: «عَنْ ࢡُلْندُ، يَالْتُ! نغِمْندٜ ندُ! 18کَيْرُ وٛنِ ࢡُلْندُ ندُ عَرْدِيࢡٜ، تٜدُّࢡٜ شَکَ جَمَعَارٜ نغَسِ طُمْ بٜى تُغَّارُ لَامِيطٛ عٜ بٜى شَبِّ مَࢡّٜ؞»
ࢡٜعُمِّ لَدّٜ ندٜعٜ ࢡٜنجٜحِ مَتَّنَ؞ 19ࢡٜعُمِّ مَتَّنَ، ࢡٜنجٜحِ نَحَلِيٜلْ؞ ࢡٜعُمِّ نَحَلِيٜلْ، ࢡٜنجٜحِ بَمٛتْ؞ 20ࢡٜعُمِّ بَمٛتْ، ࢡٜنجٜحِ حَا وَادِوٛلْ ندٜرْ نجَيْرِ مٛعَبْ، لٜسْ حٛوسٜىٰرٜ ݠِسِغَ تٛوْتُندٜ دٛوْ حَرْدٜ؞
إِسْرَاءِيلَعٜنْ نجَالِ لَامِيطٛ سِحٛنْ عٜ لَامِيطٛ عٛوکْ
(تٛوکْتَاکِ تَوْرٜىٰتَ 2:26-37؛ 3:1-11)
21إِسْرَاءِيلَعٜنْ نٜلِ نٜلَاࢡٜ حَا سِحٛنْ، لَامِيطٛ عَمٛورِعٜنْ؞ ࢡٜمبِعِ: 22«عَشُّ مِنْ شَالٛ لٜسْدِ مَ؞ مِنْ نَسْتَتَا غٜسٜ عَلْکَمَارِ مَلَّ غٜسٜ عِنَبٛوجٜ، مِنْ نجَرَتَا ندِيَمْ ࢡُلِّ مٛنْ؞ مِنْ تٛکّٛتٛ بُووٛلْ حَا تٛ مِنْ شَالَکٜ مَرَلْ مَ؞» 23عَمَّا سِحٛنْ دُنغَنَاکِ ࢡٜ سَالَاغٛ لٜسْدِ مُمْ؞ عٛمٛوࢡْتِ جَمَعَارٜ کٛنُ مَاکٛ ڢُو، ࢡٜنجٜحِ، ࢡٜݠٛتِّ بٜى إِسْرَاءِيلَعٜنْ بَنغٜ يَحَسْ ندٜرْ لَدّٜ، ࢡٜکَࢡِ بٜى مَࢡّٜ؞ 24إِسْرَاءِيلَعٜنْ مبَرِ ࢡٜ بٜى کَاڢَحِ؞ ࢡٜࢩَامِ لٜسْدِ سِحٛنْ، دِغَ عَرْنٛنْ حَا مَايٛ يَبّٛکْ، حَاطِ حَا کٜىٰرٛلْ عَمّٛونِعٜنْ نغَمْ نغٛلْ شٜمْبِطِنَانغٛلْ؞ 25إِسْرَاءِيلَعٜنْ ࢩَامِ بٜرْنِيجِ عَمٛورِعٜنْ ڢُو؞ ࢡٜنجٛوطِ ندٜرْ مَاجِ ڢُو، نٛنْ بٛو حَا حٜسْبٛنْ عٜ غُرٜ تَارِيطٜ نغٛلْ ڢُو؞ 26حٜسْبٛنْ وٛنّٛ بٜرْنِوٛلْ سِحٛنْ، لَامِيطٛ عَمٛورِعٜنْ؞ کَنغْکٛ عٛحَࢡْنٛ بٜى لَامِيطٛ مٛعَبِعٜنْ عَارْتُطٛ، عٛجَࢡْتِ لٜسْدِ مُمْ ڢُو حَا يٛتِّ عَرْنٛنْ؞ 27نغَمْ مَاجُمْ يِمٛوࢡٜ طٛنْ نغِمَ: «نغَرٜ حَا حٜسْبٛنْ، بٜرْنِوٛلْ لَامِيطٛ سِحٛنْ، حَا نغٛلْ ࢩِࢡْتٜ، نغٛلْ سٜمْبِطَ ڢَحِنْ؞ 28نَانٜ يِيتٜ عِوِ حٜسْبٛنْ، طٜمْنغَلْ يِيتٜ عِوِ لَامٛرْدٜ سِحٛنْ، ࢩَامِ عَرْ ندٜرْ لٜسْدِ مٛعَبْ، حَلْکِ مَوْࢡٜ تٛوْندِيجٜ حَا عَرْنٛنْ؞ 29کَيْتٛ، عٛنٛنْ يِمْࢡٜ مٛعَبْ! عٛنْ کَلْکِ، عٛنٛنْ عُمَّاتٛورٜ کٜمٛسْ! طٛوَنْتٜىٰطٛ مٛنْ لَاتِنِ وٛرْࢡٜ مُمْ دٛغُّࢡٜ، رٜوْࢡٜ مُمْ بٛو نَنغَاࢡٜ سِحٛنْ، لَامِيطٛ عَمٛورِعٜنْ! 30عَمَّا جٛنْتَ مِنْ ݠِطِ ࢡٜ، مِنْ مبِلِ حٜسْبٛنْ حَا يٛتِّ دِبٛنْ؞ مِنْ نغُلِ بٛو نٛڢَحَ حَا يٛتِّ مٜدٜبَ؞»#21:30 عَايَارٜ ندٜعٜ طٛنْ بٜى ڢَسَّرُويٜىٰجِ ڢٜىٰرٜ ڢٜىٰرٜ؞
31إِسْرَاءِيلَعٜنْ نجٛوطِ ندٜرْ لٜسْدِ عَمٛورِعٜنْ؞ 32مُوسَى نٜلِ نٜلَاࢡٜ نغَمْ حٛرُغٛ بٜرْنِوٛلْ يَعَجٜرْ؞ إِسْرَاءِيلَعٜنْ ࢩَامِ غُرٜ تَارِيطٜ نغٛلْ، ندِيوِ عَمٛورِعٜنْ جٛوطِيࢡٜ تٛنْ؞
33ندٜنْ إِسْرَاءِيلَعٜنْ نغَيْلِتِ، تٛکِّ لَاوٛلْ يَحُغٛ لٜسْدِ بَاسَنْ؞ عٛوکْ، لَامِيطٛ بَاسَنْ بٜى جَمَعَارٜ کٛنُ مُمْ ڢُو نغُرْتِ نغَمْ حَࢡُغٛ بٜى مَࢡّٜ حَا عٜدِرٜيْ؞ 34جَوْمِرَاوٛ وِعِ مُوسَى: «تَا حُلْ مٛ، نغَمْ مِحٛکِّ مَ مٛ، کَنغْکٛ عٜ يِمْࢡٜ مَاکٛ ڢُو عٜ لٜسْدِ مَاکٛ؞ وَطْ مٛ کٛ عَوَطِ سِحٛنْ، لَامِيطٛ عَمٛورِعٜنْ جٛوطِنٛوطٛ حَا حٜسْبٛنْ؞» 35إِسْرَاءِيلَعٜنْ مبَرِ عٛوکْ عٜ ࢡِࢡّٜ مُمْ عٜ يِمْࢡٜ مُمْ ڢُو، وَلَا کٛو غٛوتٛ مَࢡّٜ دَطِ؞ ندٜنْ ࢡٜمَرْتِ لٜسْدِ مَاکٛ؞
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.