مَرْکُسْ نَسْتُکِ
نَسْتُکِ
مَرْکُسْ ڢُطِّ لِنْجِيلَ مُوطُمْ بٜى وِعْغٛ طُمْ کُبَرُوٛلْ بٜلْنغٛلْ نغٛلْ عِيسَى اَلْمَسِيحُ ࢡِطّٛ اَللَّه؞ عٛطٛنْ عٜوْنٛ عٜنْ بٜى ݠُکَرَعٜنْ، حَا عٜنْ ݠَامَ مٛ وٛنِ عِيسَى عٜ کٛ وٛنِ ݠُکَرَاکُ عِيسَى؞
دٜڢْتٜرٜ لِنْجِيلَ ندٜعٜ وَاوَنْ سٜنْدٜىٰغٛ غٜࢡٜ طِطِ؞ يٜࢡْرٜ عَرَنْدٜ، طُمْ بَنغِنْکِ بَاوْطٜ عِيسَى (1–8)؞ يٜࢡْرٜ طِطَوْرٜ بٛو، طُمْ لُورٜ حَکُّندٜ عِيسَى بٜى کٛنّٜعٜنْ مُوطُمْ عٜ مَايْدٜ مُوطُمْ دٛوْ لٜغَّلْ غَاڢَانغَلْ (9–16)؞
ندٜرْ يٜࢡْرٜ عَرَنْدٜ، مَرْکُسْ وِنْدِ سٜطَّ دٛوْ يُحَنَّ بَطٛووٛ بَݠْتِسْمَ، نٛنْ بٛو دٛوْ بَݠْتِسْمَ عِيسَى عٜ جَرِّبٜىٰکِ مُمْ؞ ࢡَاوٛ مَاجُمْ عٛڢَامْتِنِ عٜکِّتِنٛلْجِ عِيسَى عٜ کُوطٜ مُوطُمْ کَيْطِنِيطٜ بَنَ جَمْطِتِنْکِ ࢩَوْࢡٜ عٜ دِيوُکِ رُوحُوجِ کَلُّطِ؞ عَمَّا ندٜ طُوطُّمْ، عِيسَى حَطِ يِمْࢡٜ يٜىٰيْنُغٛ کُوطٜ مُوطُمْ؞ تٜىٰمَ نغَمْ ࢡٜمبَاوَتَا ڢَامُغٛ مٛيْ وٛنِ عِيسَى بِلَا ڢَامُغٛ تِيتٛرْدٜ نٜلَلْ مُمْ، بَنَ وِعْغٛ، مَايْدٜ مُوطُمْ دٛوْ لٜغَّلْ غَاڢَانغَلْ عٜ عُمِّتِنٜىٰکِ مُوطُمْ؞
سٜطَّ سٜطَّ ݠُکَرَعٜنْ مَاکٛ ࢡٜسْدِ ڢَامُغٛ مٛ، عَمَّا وَࢩْوَࢩْࢡٜ مَاکٛ ࢡٜسْدِ وَࢩُغٛ مٛ بٛو؞ حَا تِمّٛودٜ يٜࢡْرٜ ندٜعٜ، ݠِيٜرْ عَنْدِنِ عٜنْ مٛيْ وٛنِ عِيسَى؞ غَيْلِتٜىٰکِ عِيسَى طٛنْ تَوٜ حَکُّندٜ يٜࢡْرٜ ندٜعٜ عٜ ندٜيَ، بَنَ بَنغِنْکِ مٛيْ وٛنِ عِيسَى ندٜرْ تِمُّطُمْ: عٛ ࢡِطّٛ اَللَّه؞
ندٜرْ يٜࢡْرٜ طِطَوْرٜ، عٛحٛلِّ عِيسَى اَلْمَسِيحُ طٛنْ يَحَ غَلْ بٛنٜىٰجِ عٜ مَايْدٜ عٜ عُمِّتِنٜىٰکِ؞ کُوجٜ طٜعٜ طٛنْ ندٜىٰنِمٛ حَا بٜرْنِوٛلْ عُرُسَلِيمَ؞ عٛطٛنْ حُجّٛتِرَ بٜى کٛنّٜعٜنْ مَاکٛ؞ کَمْࢡٜ ࢡٜطٛنْ تَاسْکَ دَبَرٜ نَنغُغٛ مٛ عٜ مبَرُغٛ مٛ؞ حَا لٜغَّلْ غَاڢَانغَلْ، عَرْدِيطٛ سٛوجٜعٜنْ رٛمَ سٜىٰدِ عِيسَى عٛ ࢡِطّٛ اَللَّه، طُمْ طٛنْ سِڢْتِنٛرَ عٜنْ سٜىٰدَمْکُ مَرْکُسْ حَا ڢُطَّمْ لِنْجِيلَ مُوطُمْ؞ نغَمْ مَرْکُسْ، عُمِّتِنٜىٰکِ وٛنِ بَنغُکِ بَاوْطٜ اَللَّه ندٜرْ تِمُّطُمْ: کُلْتٛرٜىٰنغٛلْ عٜ حَيْطِنَارٜ نَنغِ رٜوْࢡٜ يَحْࢡٜ حَا يٜنَاندٜ عِيسَى نغَمْ ࢡٜنغِعِ مَلَاعِکَاجٛ؞
ࢡَاوٛ جَنغُغٛ لِنْجِيلَ ڢٛدّٜ مَرْکُسْ، عَنْ بٛو عَعَنْدِتِ عِيسَى اَلْمَسِيحُ نَسَرَتُوجٛ عٛ ࢡِطّٛ اَللَّه ڢَکَتْ بَنَ مَوْطٛ سٛوجٜعٜنْ رٛمَ نَ؟
تٛکِّنْدِرْکِ حَالَاجِ:
ڢُطّٛودٜ لِنْجِيلَ 1:1-13
کُوطٜ عِيسَى حَا غَلِيلِ 1:14–9:50
جَحَانغَلْ دِغَ غَلِيلِ حَا عُرُسَلِيمَ 10
عِيسَى حَا عُرُسَلِيمَ، نَنغٜىٰکِ عٜ غَاڢٜىٰکِ مُوطُمْ 11–15
عُمِّتِنٜىٰکِ عِيسَى 16:1-8
بَنغُکِ عِيسَى عُمِّتَاطٛ عٜ لٛرٜىٰکِ مُمْ حَا اَللَّه 16:9-20
Currently Selected:
مَرْکُسْ نَسْتُکِ: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.