مَرْکُسْ 1
1
وَازُ يُحَنَّ بَطٛووٛ بَݠْتِسْمَ
(مَتَّ 3:1-12؛ لُکَ 3:1-18؛ يُحَنَّ 1:19-28)
1حَا طٛ کُبَرُوٛلْ بٜلْنغٛلْ دٛوْ عِيسَى اَلْمَسِيحُ ࢡِطّٛ اَللَّه ڢُطِّ؞ 2بَنَ کٛ وِنْدَ ندٜرْ دٜڢْتٜرٜ اَلنَّبِي عٜسَايَ: «اَللَّه وِعِ: ندَا مِطٛنْ نٜلَ نٜلَاطٛ عَمْ يٜىٰسٛ مَ، نغَمْ عٛمٛعِّنَ لَاوٛلْ مَاطَ#مَلَکِيَ 3:1؞؞ 3غٛطّٛ طٛنْ حٛولَ ندٜرْ لَدّٜ:
مٛعِّنَنٜ جَوْمِرَاوٛ لَاوٛلْ؞
مبَطَنٜ مٛ بُووِ دَرْنُطِ#عٜسَايَ 40:3؞!»
4بَنَ نٛنْ يُحَنَّ بَطٛووٛ بَݠْتِسْمَ وَنغِ ندٜرْ لَدّٜ، عٛطٛنْ وَازِنَ يِمْࢡٜ، عٛطٛنْ وِعَ ࢡٜ: «تُوبٜ، نجَࢡٜ بَݠْتِسْمَ، اَللَّه بٛو يَاڢَنْتٛ عٛنْ حَکّٜىٰجِ مٛوطٛنْ؞» 5لٜسْدِ يَحُدِيَ عٜ يِمْࢡٜ عُرُسَلِيمَ ڢُو نغَرِ حَا يُحَنَّ، ࢡٜمبَنغِنِ حَکّٜىٰجِ مَࢡّٜ، ندٜنْ يُحَنَّ وَطَنِ ࢡٜ بَݠْتِسْمَ ندٜرْ مَايٛ عُرْدُنْ؞
6يُحَنَّ طٛنْ ࢡٛرْنِ لِمْشٜ کُووْرَاطٜ بٜى غَاسَ نغٜىٰلٛوبَ، عٛطٛنْ تَادِ تَادٛرْغٛلْ لَرَلْ، بَࢡَّتِّ عٜ نجُمْرِ لَدّٜ نغٛنِ ࢩَامْدُ مَاکٛ#2 لَامِيࢡٜ 1:8؞؞ 7ندٜرْ وَازُ مَاکٛ، عٛوِعِ: «غٛطّٛ وَرَنْ ࢡَاوٛ عَمْ؞ کَنغْکٛ عٛࢡُرَتَمْ دَرَجَ، کٛو تُرَاغٛ ڢِيسْتَ ࢡٛغِّ ݠَطٜ مَاکٛ مِ حٜعَايْ؞ 8مِنْ مِوَطَنِ عٛنْ بَݠْتِسْمَ بٜى ندِيَمْ، عَمَّا کَنغْکٛ عٛوَطَنَنْ عٛنْ بَݠْتِسْمَ بٜى رُوحُ شٜنِيطٛ؞»
بَݠْتِسْمَ عِيسَى اَلْمَسِيحُ
(مَتَّ 3:13-17؛ لُکَ 3:21-22؛ 4:1-13)
9ندٜرْ ࢩَلْطٜ مَاجُمْ عِيسَى وَرِ دِغَ نَسَرَتُ ندٜرْ لٜسْدِ غَلِيلِ، يُحَنَّ وَطَنِمٛ بَݠْتِسْمَ ندٜرْ مَايٛ عُرْدُنْ؞ 10وَکَّتِ عِيسَى طٛنْ وُرْتٛ ندِيَمْ، عٛيِعِ عَسَمَنْجِ مَࢡِّتِ، رُوحُ اَللَّه طٛنْ جِݠّٛ دٛوْ مَاکٛ بَنَ ݠٛولَ؞ 11سَوْتُ عِوِ دِغَ عَسَمَنْجِ، وِعِ: «عَنْ وٛنِ ࢡِطّٛ عَمْ غِطَاطٛ، مِطٛنْ سٜيٛرٛ مَ#لَاتَانٛوجِ 22:2؛ جَبُورَ 2:7؛ عٜسَايَ 42:1؛ مَتَّ 3:17؛ 12:18؛ مَرْکُسْ 9:7؛ لُکَ 3:22؞؞»
جَرِّبٜىٰکِ عِيسَى اَلْمَسِيحُ
(مَتَّ 4:1-11؛ لُکَ 4:1-13)
12لَوْ رُوحُ اَللَّه دِلِّرِ عِيسَى ندٜرْ لَدّٜ؞ 13عٛجٛوطِ تٛنْ ࢩَلْطٜ شَݠَّنْطٜ نَيِ، سَيْطَانُ طٛنْ جَرِّبٛ مٛ؞ عٛطٛنْ وٛنْدِ بٜى دَبَّاجِ لَدّٜ، مَلَاعِکَعٜنْ بٛو طٛنْ کُووَنَ مٛ؞
عِيسَى عٜوْنِ وَاوٛوࢡٜ نَيٛ
(مَتَّ 4:12-22؛ لُکَ 4:14-15؛ 5:1-11)
14ࢡَاوٛ نَنغٜىٰکِ يُحَنَّ، عِيسَى وَرِ حَا لٜسْدِ غَلِيلِ، عٛوَازِ لِنْجِيلَ اَللَّه، 15عٛوِعِ: «سَاعِ وَطِ، لَامُ اَللَّه ࢡَدِتَکٜ، تُوبٜ، نُطِّنٜ لِنْجِيلَ#مَتَّ 3:2؞؞»
16ندٜ عِيسَى تٛکِّ لَاوٛلْ کٛمْبِ وٜىٰندُ غَلِيلِ، عٛيِعِ سِمٛنْ عٜ دٜىٰرْطِرَاوٛ مُمْ عَندِرٜ، ࢡٜطٛنْ نغُبٛ زُبَاجِ#1:16 جُبَاوٛلْ طُمْ بَمَاطُمْ ࢡٛغِّ نغَمْ نَنغُغٛ لِطِّ؞ ندٜرْ وٜىٰندُ، نغَمْ ࢡٜ وَاوٛوࢡٜ لِطِّ؞ 17عِيسَى وِعِ ࢡٜ: «تٛکّٜىٰطَمْ، مِوَطَنْ عٛنْ وَاوٛوࢡٜ يِمْࢡٜ؞» 18لَوْ ࢡٜعَشِّ زُبَاجِ مَࢡّٜ، ࢡٜتٛکِّمٛ؞
19ندٜ عٛيٜحِ يٜىٰسٛ سٜطَّ، عٛيِعِ دٜىٰرْطِرَاࢡٜ طِطٛ، يَاکُبَ عٜ يُحَنَّ، ࢡِࢡّٜ زٜبٜدٜ؞ ࢡٜطٛنْ ندٜرْ کٛومْبٛوَلْ#1:19 کٛومْبٛوَلْ مَلَّ لَانَوَلْ؞، ࢡٜطٛنْ مبٛعِّتِنَ زُبَاجِ مَࢡّٜ؞ 20عٛعٜوْنِ ࢡٜ، لَوْ ࢡٜعَشِّ بَابَ مَࢡّٜ زٜبٜدٜ عٜ حُووٛوࢡٜ مَاکٛ ندٜرْ کٛومْبٛوَلْ، ࢡٜتٛکِّمٛ؞
غٛطّٛ مٛ رُوحُ شٛࢡْنغُ تٛرِّ
(لُکَ 4:31-37)
21عِيسَى عٜ ݠُکَرَعٜنْ مُوطُمْ نَسْتِ بٜرْنِوٛلْ کَڢَرْنَحُمْ؞ ندٜ ࢩَنْدٜ سِوْتٛرْدٜ وَطِ، عِيسَى نَسْتِ سُودُ دٜوَلْ يَحُودُعٜنْ، عٛعٜکِّتِنِ ࢡٜ؞ 22حٜطِتِيࢡٜ عٜکِّتِنٛلْ مَاکٛ کَيْطِنِ مَسِنْ، نغَمْ عٛعٜکِّتِنِ ࢡٜ بٜى بَاوْطٜ، نَا بَنَ مٛودِࢡّٜ تَوْرٜىٰتَ#مَتَّ 7:28-29؞؞
23وٛودِنٛ ندٜرْ سُودُ مَنْ غٛطّٛ مٛ رُوحُوٛلْ شٛࢡْنغٛلْ تٛرِّ، عٛوٛوکِ؞ 24عٛوِعِ: «عَنْ عِيسَى نَسَرَتُوجٛ، کٛ يَالُ مَ بٜى عَمِنْ؟ عَوَرِ نغَمْ حَلْکُغٛ مِنْ نَ؟ مِعَنْدِ ڢَکَتْ، عَ شٜنِيطٛ نٜلَاطٛ اَللَّه؞» 25عِيسَى تٜلْࢡَنِ رُوحُ شٛࢡْنغُ، وِعِ: «جٜىٰطَ، وُرْتَ ندٜرْ مَاکٛ؞» 26نغُ ࢡٛسْلِ غٛرْکٛ غٛ، ندٜنْ نغُ وٛوکِ، نغُ وُرْتِ دِغَ مَاکٛ؞ 27يِمْࢡٜ ڢُو کَيْطِنِ، ࢡٜࢨَمْࢨَمْتِرِ: «طُمْ طُمٜ؟ طُمْ عٜکِّتِنٛلْ کٜسٛلْ بٜى بَاوْطٜ! غٛطّٛ عٛو طٛنْ عُمْرَ کٛو رُوحُوجِ شٛࢡْطِ طِ طٛوْتَنٛ مٛ!» 28لَوْ حَبَرُ عِيسَى سَنغْکِتِ کٛو تٛيْ ڢُو ندٜرْ لٜسْدِ غَلِيلِ؞
عِيسَى يَمْطِتِنِ ࢩَوْࢡٜ طُوطْࢡٜ
(مَتَّ 8:14-17؛ لُکَ 4:38-41)
29ࢡٜنغُرْتِ سُودُ دٜوَلْ يَحُودُعٜنْ، لَوْ ࢡٜنجٜحِ حَا سَارٜ سِمٛنْ عٜ عَندِرٜ؞ يَاکُبَ عٜ يُحَنَّ نجَحْدِ بٜى مَاکٛ؞ 30عٜسِرَاوٛ سِمٛنْ دٜبّٛ طٛنْ وَالِ عٛ ࢩَوْطٛ يٛنْتٜرٜ؞ ندٜ عِيسَى وَرِ، ࢡٜنغٜشِّمٛ حَالَ ࢩَوُ مَاکٛ؞ 31عِيسَى يٜحِ حَا مَاکٛ، نَنغِ جُنغٛ مَاکٛ، عُمِّنِمٛ؞ عٛيَمْطِتِ، عٛوٜىٰرْنِ ࢡٜ؞
32ندٜ نَانغٜ مُتِ، يِمْࢡٜ نغَدِّ ࢩَوْࢡٜ عٜ مَرْࢡٜ غِنَّاجِ ڢُو حَا عِيسَى؞ 33عُمَّاتٛورٜ بٜرْنِوٛلْ مَنْ ڢُو مٛوࢡِ حَا يٛلْندٜ سَارٜ؞ 34عِيسَى يَمْطِتِنِ ࢩَوْࢡٜ طُوطْࢡٜ عٜ ࢩَوُجِ مَࢡّٜ ڢٜىٰرٜ ڢٜىٰرٜ، عٛرِيوِ بٛو غِنَّاجِ طُوطِّ؞ عٛعَشَّايْ غِنَّاجِ طِ مبٛلْوَ کٛو طُمٜ، نغَمْ طِ عَنْدِمٛ؞
وَازُ عِيسَى ندٜرْ لٜسْدِ غَلِيلِ
(لُکَ 4:42-44)
35جَنغٛ مَاجُمْ عِيسَى دَوِ شُبْ؞ عٛوُرْتِ، عٛدِلِّ لَدّٜ؞ عٛوَطِ دٛعَ حَا تٛنْ؞ 36سِمٛنْ عٜ وٛنْدُࢡٜ بٜى مُوطُمْ تَاسْنِمٛ، ندِلِّ طَࢡِّتٛيْغٛ مٛ؞ 37ندٜ ࢡٜتَوِمٛ، ࢡٜمبِعِمٛ: «يِمْࢡٜ ڢُو طٛنْ طَࢡِّتٜ؞» 38عَمَّا عٛجَابِ: «ندِلّٜنْ حَا کَوْيٜىٰجِ ࢡَدِيطِ، حَا مِوَازِنَ يِمْࢡٜ تٛنْ بٛو؞ نغَمْ کُوغَلْ مَنْ وَدِّ يَمْ؞» 39بَنَ نٛنْ، عٛيٜحِ شُوطِ دٜوَلْ يَحُودُعٜنْ ندٜرْ لٜسْدِ غَلِيلِ ڢُو، عٛوَازِ عٜ عٛرِيوِ بٛو غِنَّاجِ#مَتَّ 4:23؛ 9:35؞؞
عِيسَى يَمْطِتِنِ کُتُرُوجٛ
(مَتَّ 8:1-4؛ لُکَ 5:12-16)
40کُتُرُوجٛ وَرِ حَا عِيسَى، تُغِّ کٛݠِّ يٜىٰسٛ مَاکٛ، تٛرِمٛ: «تٛ عَمُويِ، عَوَاوَنْ يَمْطِتِنْغٛ يَمْ؞» 41عِيسَى يُرْمِنِمٛ، ڢٛرْتِ جُنغٛ مُوطُمْ، مٜىٰمِمٛ، وِعِ: «مِمُويِ، عَيَمْطِتَ!» 42لَوْ سَطَوْرٜ عَشِّمٛ، عٛيَمْطِتِ؞ 43ندٜنْ، عِيسَى جَࢡِّتِمٛ، وِعِمٛ بٜى شَاتَلْ، دِلُّ! 44«حَکِّلْ، تَا يٜشُّ طُمْ کٛو مٛيْ؞ عَمَّا يَحْ جٛنْتَ، حٛلُّ لِمَنْجٛ حٛورٜ مَ؞ ندٜنْ لِيعَ دٛکَّلْ نغَلْ مُوسَى عُمْرِ، نغَمْ سٜىٰدَمْکُ يٜىٰسٛ يِمْࢡٜ#ڢَرِلَّاجِ لٜوِعٜنْ 14:1-32؞؞» 45عَمَّا غٛطّٛ عٛو دِلِّ، عٛڢُطِّ سَنغْکِتُغٛ حَبَرُ مَنْ کٛو تٛيْ؞ نغَمْ دَلِيلَ مَنْ، عِيسَى وَاوَايْ نَسْتُغٛ بٜرْنِوٛلْ؞ عَمَّا عٛجٛوطِ يَاسِ بٜرْنِوٛلْ؞ يِمْࢡٜ نغَرِ حَا مَاکٛ دِغَ کٛو تٛيْ؞
Currently Selected:
مَرْکُسْ 1: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
