مِکَ 1

کِيتَ دٛوْ سَمَرِيَ عٜ عُرُسَلِيمَ

1جَوْمِرَاوٛ وٛلْوَنِ مِکَ مٛ مٛرَسٜتْ ندٜرْ زَمَنُ يٛتَمْ عٜ عَکَسْ عٜ حٜزٜکِيَ، لَامِيࢡٜ يَحُودَ؞ ندَا کٛ مِکَ يِعِ دٛوْ سَمَرِيَ عٜ عُرُسَلِيمَ#2 لَامِيࢡٜ 15‏:32‏-38؛ 16‏:1‏-20؛ 18‏:1‏–20‏:21؛ 2 حَبَرُوجِ ࢩَلَاطٜ 27‏:1‏-7؛ 28‏:1‏-27؛ 29‏:1‏–32‏:33؞‏:

2نَنٜ، عٛنٛنْ عُمَّاتٛوجٜ ڢُو‏! حٜطِتَ، عَنْ لٜسْدِ عٜ کٛ حٜبِّنِ مَ‏! اَللَّه جَوْمِرَاوٛ وُلّٛتٛ عٛنْ دِغَ حَيْکَلِيرُ مُوطُمْ سٜنِيندُ‏! 3ندَا، جَوْمِرَاوٛ طٛنْ وُرْتٛ نٛکُّورٜ مُوطُمْ، طٛنْ جِݠّٛ، طٛنْ يَاࢡَ دٛوْ تٛوْندِيجٜ دُنِيَارُ؞ 4کٛوسٜىٰجٜ طٛنْ ࢡٛلْوَ لٜسْ ݠَالَنْطٜ مَاکٛ، وَادِيجِ طٛنْ شٜىٰکَ بَنَ تَارِ ندٜرْ يِيتٜ، بَنَ ندِيَمْ عِلَنْطَمْ حَا دِيرْتٛرْدٜ؞ 5طُمْ ڢُو طُمْ لَاتِ دَلِيلَ تُورْتٛلْ يَعْقُوبُ عٜ حَکّٜىٰجِ عُمَّاتٛورٜ إِسْرَاءِيلَ؞ طُمٜ وٛنِ تُورْتٛلْ يَعْقُوبُ؟ نَا طُمْ سَمَرِيَ؟ عٜ طٜيٜ نغٛنِ نٛکُّوجٜ يَحُودَ تٛوْطٜ؟ نَا طُمْ عُرُسَلِيمَ؟

6جَوْمِرَاوٛ وِعِ‏: «مِلَاتِنَنْ سَمَرِيَ وَاغَارٜ کَاعٜ حَا نغٜسَ عٜ نٛکُّورٜ نغَمْ جُبَاغٛ عِنَبٛوجٜ؞ مِوُبٛتٛ کَاعٜ بٜرْنِوٛلْ سَمَرِيَ حَا لٜسْ ندٜرْ وَادِوٛلْ، مِوَنغِنَنْ شَࢡَّاجٜ مَاغٛلْ؞ 7ࢡٜݠُسَنْ لَبِّ مَاغٛلْ شٜحَاطِ ڢُو؞ نغٜىٰنَارِ مَاغٛلْ ڢُو وُلٜتٜ بٜى يِيتٜ عٜ مِيِبِّنَنْ لَبِّ مَاغٛلْ ڢُو، نغَمْ نغٛلْ حٜࢡْرِ طِ بٜى نغٜىٰنَارِ دَاکَارٜىٰکُ#1‏:7 عَلْکَوَلْ اَللَّه بٜى إِسْرَاءِيلَ نَنْدِ بٜى تٜىٰغَلْ؞ نغَمْ مَاجُمْ مِکَ نَنْدِنِ بٛو دٜوْکِ لَبِّ بٜى دَاکَارٜىٰکُ؞، طِ نغَرْتَنْ بٛو نغٜىٰنَارِ دَاکَارٜىٰکُ؞»

8نغَمْ مَاجُمْ مبٛيَنْمِ، نغٛوکَنْمِ، نجَحَنْمِ مِتٜمْبٛ، بِلَا ݠَطٜ؞ مِوَطَنْ غٛوکَالِ بَنَ شُولِ، مِوَطَنْ بٛجِّ بَنَ دَبِّ؞ 9نغَمْ حُودُورٜ مَاغٛلْ حُرْغَتَاکٛ، ندٜ لَيِ حَا يَحُودَ، ندٜ يٛتِّ حَا دَمُّغَلْ عُمَّاتٛورٜ عَمْ، حَا عُرُسَلِيمَ‏!

کٛنّٜعٜنْ طٛنْ ࢡَدِتٛ عُرُسَلِيمَ

10تَا نغٛويْنٜ طُمْ حَا غَاتْ#1‏:10 غَاتْ يِطِ وِعْغٛ ࢡِطِّرْدٜ عِنَبٛوجَمْ؞، تَا مبٛيٜ سَمْ؞ تَلّٜ ندٜرْ مبُلْوُلْدِ حَا بَيْتِ-لٜعَڢْرَ#1‏:10 بَيْتِ-لٜعَڢْرَ يِطِ وِعْغٛ سَارٜ مبُلْوُلْدِ؞؞ 11عَنْ جٛوطِيطٛ حَا سَڢِرْ#1‏:11 سَڢِرْ يِطِ وِعْغٛ نغَرْنِيطٛ؞، سَالَ، عَتٜمْبٛ، تٛسْکَاطٛ؞ جٛوطِيطٛ حَا شَعَنَنْ#1‏:11 شَعَنَنْ نَنْدِ بٜى کَلِمَوٛلْ وُرْتَاغٛ؞ وُرْتَتَاکٛ؞ دَلِيلَ غٛوکَالِ بٜرْنِوٛلْ بَيْتِ-عٜسٜلْ#1‏:11 عٜسٜلْ نَنْدِ بٜى کَلِمَوٛلْ عِتُّکِ؞، عٛنْ عِتَّنَامَ بَلَّلْ مَاغٛلْ؞ 12جٛوطِيطٛ حَا مَارٛتْ#1‏:12 مَارٛتْ يِطِ وِعْغٛ مٜتَّمْࢡٜرَمْ؞ طٛنْ حُلَ نغَمْ تَا جَمْ مُوطُمْ عِتّٜ، نغَمْ سَرُّ جِݠِّ دِغَ جَوْمِرَاوٛ، يٛتِّ دَمُّغَلْ عُرُسَلِيمَ؞ 13عَنْ جٛوطِيطٛ حَا لَکِسْ، حَࢡُّ ݠُشِّ مٛوتَاجِ مَ؞ نغَمْ لَکِسْ#1‏:13 لَکِسْ نَنْدِ بٜى کَلِمَوٛلْ حَا ݠُشِّ مٛوتَاجِ؞، عَنْ وٛنِ ڢٛڢٛودُ حَکّٜىٰجِ عُرُسَلِيمَ، عَنَسْتِنِ إِسْرَاءِيلَ ندٜرْ تُورْتٛلْجِ؞ 14نغَمْ مَاجُمْ دٛولٜ عَسٜنْدِرَ بٜى مٛرَسٜتْ-غَاتْ#1‏:14 رَسٜتْ نَنْدِ بٜى کَلِمَوٛلْ مُويَاطٛ؞؞ شِعٜ عَکِزِبْ#1‏:14 عَکِزِبْ يِطِ وِعْغٛ دَلِيلَ تٛسْکَارٜ؞ لَاتَنْتٛ لَامِيࢡٜ إِسْرَاءِيلَ دَلِيلَ تٛسْکَارٜ؞ 15عَنْ جٛوطِيطٛ حَا مَرٜسَ#1‏:15 مَرٜسَ يِطِ وِعْغٛ جَالٛتٛوطٛ؞، ڢَحِنْ مِوَدَّنْتٜ جَالٛتٛوطٛ مَ؞ تٜدُّنغَلْ إِسْرَاءِيلَ يَحَنْ حَا عَدُلَّمْ#1‏:15 مَرٜسَ طُمْ ݠٜلّٜلْ حَا لَامِيطٛ دَاوُدَ ࢩُکّٛيِنٛ؞ لَارْ 1 سَمُيِلَ 22‏:1عٜ 2 سَمُيِلَ 23‏:13؞؞ 16لَࢡُ حٛورٜ مَ‏! عِتُّ غَاسَ مَ نغَمْ دَلِيلَ ࢡِࢡّٜ مَ يِطَاࢡٜ‏! وَرْتِرْ ندٜ بَنَ حٛورٜ جِغَاوَلْ، نغَمْ ࢡِࢡّٜ مَ ندَحَامَ دَايِيطُمْ بٜى مَاطَ‏!

Currently Selected:

مِکَ 1: داَ

Highlight

Copy