مَتَّ 8
8
عِيسَى يَمْطِتِنِ کُتُرُوجٛ
(مَرْکُسْ 1:40-45؛ لُکَ 5:12-16)
1ندٜنْ عِيسَى جِݠِّ حٛوسٜىٰرٜ غٛ، مٛوࢡٜ طُوطّٜ تٛکِّمٛ؞ 2کُتُرُوجٛ ࢡَدِتِمٛ، تُغِّ کٛݠِّ يٜىٰسٛ مَاکٛ، وِعِ: «مٛودِبّٛ، تٛ عَمُويِ، عَوَاوَنْ يَمْطِتِنْغٛ يَمْ؞» 3عِيسَى ڢٛرْتِ جُنغٛ مُوطُمْ، مٜىٰمِمٛ، ندٜنْ وِعِ: «مِمُويِ، عَيَمْطِتَ!» لَوْ کُتُرُوجٛ غٛ يَمْطِتِ دِغَ سَطَوْرٜ مُوطُمْ؞ 4ندٜنْ عِيسَى وِعِمٛ: «حَکِّلْ: تَا يٜشُّ کٛو مٛيْ حَالَ کَ سَمْ، عَمَّا يَحْ حَا لِمَنْجٛ، حٛلُّ مٛ حٛورٜ مَ؞ ندٜنْ لِيعَ دٛکَّلْ بَنَ مُوسَى عُمْرِ، نغَمْ سٜىٰدَاغٛ يٜىٰسٛ يِمْࢡٜ ڢُو عَلَاࢡِ#ڢَرِلَّاجِ لٜوِعٜنْ 14:1-32؞؞»
عِيسَى يَمْطِتِنِ سُکَ مَوْطٛ سٛوجٜعٜنْ
(لُکَ 7:1-10)
5عِيسَى نَسْتِ کَڢَرْنَحُمْ؞ غٛطّٛ رٛمَاجٛ، مَوْطٛ دٛوْ سٛوجٜعٜنْ تٜىٰمٜرّٜ، ࢡَدِتِ، تٛرِمٛ بَلَّلْ، 6وِعِ: «جَوْمِرَاوٛ، سُکَ عَمْ طٛنْ وَالِ حَا سَارٜ، عٛ ࢩَوْطٛ، عٛوَاوَتَا دِمْبَاغٛ، عٛ تٛرَّاطٛ مَسِنْ؞» 7عِيسَى جَابِمٛ: «مِيَحَنْ يَمْطِتِنْغٛ مٛ؞» 8عَمَّا مَوْطٛ سٛوجٜعٜنْ غٛ وِعِ: «جَوْمِرَاوٛ، مِ حٜعَايْ عَنَسْتَ سَارٜ عَمْ؞ وِعْ وٛلْدٜ وٛورٜ تَنْ، ندٜنْ سُکَ عَمْ يَمْطِتَنْ؞ 9مِنْ بٛو مِوٛودِ مَوْࢡٜ دٛوْ عَمْ، مِوٛودِ سٛوجٜعٜنْ بٛو لٜسْ بَاوْطٜ عَمْ؞ تٛ مِوِعِ عٛو: يَحْ، عٛيَحَنْ؞ تٛ مِوِعِ عٛيَ بٛو: وَرْ، عٛوَرَنْ؞ تٛ مِوِعِ سُکَ عَمْ: وَطْ نِي، عٛوَطَنْ؞»
10ندٜ عِيسَى نَنِ بٛلّٜ مَاکٛ طٜعٜ، عٛحَيْطِنِ، عٛوِعِ تٛکِّيࢡٜ مٛ: «غٛونغَ مبِعَنْمِ عٛنْ: مِمٜىٰطَايْ تَوُغٛ نُطِّنْکِ مَکِّ بَنَ کِعِ کٛو حَا مٛيْ ندٜرْ إِسْرَاءِيلَ ڢُو؞ 11مِطٛنْ وِعَ عٛنْ: طُوطْࢡٜ نغَرَنْ دِغَ ڢُونَانغٜ عٜ حِيرْنَانغٜ، ࢡٜࢩَامْدَنْ بٜى إِبْرَاهِيمَ عٜ إِسْحَاقَ عٜ يَعْقُوبُ ندٜرْ لَامُ عَسَمَنْجِ#لُکَ 13:29؞؞ 12عَمَّا يِمْࢡٜ ࢡٜ اَللَّه سُࢡِنٛ نغَمْ لَامُ مُوطُمْ، ࢡٜ وُدِنْتٜىٰࢡٜ يَاسِ ندٜرْ ࢩِࢡْرٜ ࢩِࢡُّندٜ، ࢡٜمبٛيَنْ، ࢡٜکِرْࢨِنْدِرَنْ ࢩِيعٜ تٛنْ#مَتَّ 22:13؛ 25:30؛ لُکَ 13:28؞؞» 13عِيسَى وِعِ مَوْطٛ سٛوجٜعٜنْ غٛ: «حٛوتُ سَارٜ مَ، طُمْ لَاتَنْتٜ بَنَ عَنُطِّنِ؞» سُکَ مَاکٛ يَمْطِتِ سَاعِ مَنْ ندٜنْ؞
عِيسَى يَمْطِتِنِ ࢩَوْࢡٜ طُوطْࢡٜ
(مَرْکُسْ 1:29-34؛ لُکَ 4:38-41)
14عِيسَى يٜحِ سَارٜ ݠِيٜرْ، تَوِ عٜسِرَاوٛ ݠِيٜرْ دٜبّٛ، طٛنْ وَالِ ࢩَوْطٛ يٛنْتٜرٜ؞ 15عِيسَى مٜىٰمِ جُنغٛ مَاکٛ، يٛنْتٜرٜ عَشِّمٛ، عٛعُمِّ، عٛوٜىٰرْنِ عِيسَى؞
16ندٜ کِيکِيطٜ وَطِ، ࢡٜنغَدِّ يِمْࢡٜ طُوطْࢡٜ، مَرْࢡٜ غِنَّاجِ؞ عِيسَى رِيوِ غِنَّاجِ بٜى وٛلْدٜ مُمْ، يَمْطِتِنِ ࢩَوْࢡٜ ڢُو؞ 17عٛوَطِ نٛنْ نغَمْ حِࢡِّنغٛ کٛ اَلنَّبِي عٜسَايَ وِعِ: «عٛحٛوشِ تَمْݠٜ مٜىٰطٜنْ عٜ عٛرٛونْدِ ࢩَوُجِ مٜىٰطٜنْ#عٜسَايَ 53:4؞؞»
يِطْࢡٜ تٛکَّاغٛ عِيسَى
(لُکَ 9:57-62)
18ندٜ عِيسَى يِعِ مٛوࢡْرٜ طُوطْندٜ طٛنْ تَارِمٛ، عٛعُمْرِ ݠُکَرَعٜنْ مَاکٛ، ࢡٜعٜىٰرَ غَطَ وٜىٰندُ؞ 19غٛطّٛ ندٜرْ مٛودِࢡّٜ تَوْرٜىٰتَ ࢡَدِتِمٛ، وِعِ: «مٛودِبّٛ، مِتٛکّٜتٜ کٛو تٛيْ نجَحَتَ ڢُو؞» 20عِيسَى جَابِمٛ: «دٛلْدٛلْطٜ نغٛودِ غَسْطٜ، شٛلِّ بٛو نغٛودِ شَࢡّٜ، عَمَّا ࢡِي-نٜطّٛ وَلَا حَا وَلِّنَ حٛورٜ مُمْ؞» 21غٛطّٛ ڢٜىٰرٜ ندٜرْ ݠُکَرَعٜنْ مَاکٛ وِعِ: «مٛودِبّٛ، دُنغَنَمْ مِيَحَ، مِعُوٛيَ بَابَ عَمْ تَوٛنْ؞» 22عِيسَى جَابِمٛ: «تٛکَّمْ، عَشُّ مَايْࢡٜ عُوَ مَايْࢡٜ مُوطُمْعٜنْ؞»
عِيسَى دٜعِّتِنِ حٜنْدُ سَاتُندُ
(مَرْکُسْ 4:35-41؛ لُکَ 8:22-25)
23ندٜنْ عِيسَى نَسْتِ کٛومْبٛوَلْ#8:23 کٛومْبٛوَلْ مَلَّ لَانَوَلْ؞، ݠُکَرَعٜنْ مَاکٛ تٛکِّمٛ؞ 24لَوْ حٜنْدُ سَاتُندُ عُمِّ دٛوْ وٜىٰندُ حَا ࢨُوغٜ ندِيَمْ شُدِّ کٛومْبٛوَلْ؞ عَمَّا عِيسَى طٛنْ طَانِ؞ 25ݠُکَرَعٜنْ نغَرِ حَا مَاکٛ، ݠِنْدِنِ مٛ، مبِعِ: «جَوْمِرَاوٛ، حِسْنُ مِنْ، مِنْ کَلْکِ!» 26عِيسَى جَابِ ࢡٜ: «نغَمْ طُمٜ کُلْتٛرْطٛنْ، عٛنٛنْ ڢَمْطَ-نُطِّنْکِعٜنْ؟» ندٜنْ عٛعُمِّ، عٛتٜلْࢡَنِ کٜنِ عٜ وٜىٰندُ، دٜعّٜرٜ مَوْندٜ وَطِ؞ 27يِمْࢡٜ کَيْطِنِ، مبِعِ: «غٛطّٛ مٛيْ عٛو، حَا کٜنِ بٜى وٜىٰندُ ڢُو طٛنْ طٛوْتَنٛ مٛ؟»
عِيسَى رِمْطِنِ مَرْࢡٜ غِنَّاجِ طِطٛ
(مَرْکُسْ 5:1-20؛ لُکَ 8:26-39)
28ندٜ عِيسَى يٛتِّ غَطَ وٜىٰندُ ندٜرْ لٜسْدِ غَدَرٜنَعٜنْ، مَرْࢡٜ غِنَّاجِ طِطٛ نغُرْتِ غٜنَالٜ، ݠٛتِّ بٜى مَاکٛ؞ ࢡٜ حُلْنِيࢡٜ مَسِنْ، وَلَا مٛ سَالٛتٛنٛ لَاوٛلْ مَنْ؞ 29ࢡٜکٛولِ، ࢡٜمبِعِ: «عَنْ ࢡِطّٛ اَللَّه، طُمٜ نغِطَّ حَا عَمِنْ؟ عَوَرِ تٛرُّغٛ مِنْ دِغَ وَکَّتِ سِوَا نَ؟» 30وٛودِنٛ تٛکّٜرٜ غَدُوجِ طُوطِّ حَا نٛکُّورٜ مَنْ، دَايِيطُمْ سٜطَّ، طِ طٛنْ ندُرَ؞ 31غِنَّاجِ غٛ تٛرِ عِيسَى، مبِعِ: «تٛ عَيِطِ رِيوُغٛ مِنْ، نٜلْ مِنْ ندٜرْ تٛکّٜرٜ غَدُوجِ ندٜ؞» 32ندٜنْ عِيسَى وِعِ طِ: «نجٜحٜ؞» طِ نغُرْتِ، طِ نَسْتِ غَدُوجِ؞ غَدُوجِ مَنْ شَامْنِ، ندٛعِّ دِغَ دٛوْ ڢٛمٛوندٜ تٛوْندٜ ندٜرْ وٜىٰندُ، طِ مبَاتِ تٛنْ؞
33دُرٛوࢡٜ غَدُوجِ غٛ ندٛغِّ، ندِلِّ حَا وُرٛ، نغٜشِّ يِمْࢡٜ کٛ وَطِ ڢُو عٜ کٛ لَاتَنِ مَرْنٛوࢡٜ غِنَّاجِ طِطٛ بٛو؞ 34يِمْࢡٜ وُرٛ ڢُو نغُرْتِ نغَمْ ڢٛتُّغٛ بٜى عِيسَى؞ ندٜ ࢡٜنغِعِمٛ، ࢡٜتٛرِمٛ عٛعَشَّ لٜسْدِ مَࢡّٜ؞
Currently Selected:
مَتَّ 8: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
مَتَّ 8
8
عِيسَى يَمْطِتِنِ کُتُرُوجٛ
(مَرْکُسْ 1:40-45؛ لُکَ 5:12-16)
1ندٜنْ عِيسَى جِݠِّ حٛوسٜىٰرٜ غٛ، مٛوࢡٜ طُوطّٜ تٛکِّمٛ؞ 2کُتُرُوجٛ ࢡَدِتِمٛ، تُغِّ کٛݠِّ يٜىٰسٛ مَاکٛ، وِعِ: «مٛودِبّٛ، تٛ عَمُويِ، عَوَاوَنْ يَمْطِتِنْغٛ يَمْ؞» 3عِيسَى ڢٛرْتِ جُنغٛ مُوطُمْ، مٜىٰمِمٛ، ندٜنْ وِعِ: «مِمُويِ، عَيَمْطِتَ!» لَوْ کُتُرُوجٛ غٛ يَمْطِتِ دِغَ سَطَوْرٜ مُوطُمْ؞ 4ندٜنْ عِيسَى وِعِمٛ: «حَکِّلْ: تَا يٜشُّ کٛو مٛيْ حَالَ کَ سَمْ، عَمَّا يَحْ حَا لِمَنْجٛ، حٛلُّ مٛ حٛورٜ مَ؞ ندٜنْ لِيعَ دٛکَّلْ بَنَ مُوسَى عُمْرِ، نغَمْ سٜىٰدَاغٛ يٜىٰسٛ يِمْࢡٜ ڢُو عَلَاࢡِ#ڢَرِلَّاجِ لٜوِعٜنْ 14:1-32؞؞»
عِيسَى يَمْطِتِنِ سُکَ مَوْطٛ سٛوجٜعٜنْ
(لُکَ 7:1-10)
5عِيسَى نَسْتِ کَڢَرْنَحُمْ؞ غٛطّٛ رٛمَاجٛ، مَوْطٛ دٛوْ سٛوجٜعٜنْ تٜىٰمٜرّٜ، ࢡَدِتِ، تٛرِمٛ بَلَّلْ، 6وِعِ: «جَوْمِرَاوٛ، سُکَ عَمْ طٛنْ وَالِ حَا سَارٜ، عٛ ࢩَوْطٛ، عٛوَاوَتَا دِمْبَاغٛ، عٛ تٛرَّاطٛ مَسِنْ؞» 7عِيسَى جَابِمٛ: «مِيَحَنْ يَمْطِتِنْغٛ مٛ؞» 8عَمَّا مَوْطٛ سٛوجٜعٜنْ غٛ وِعِ: «جَوْمِرَاوٛ، مِ حٜعَايْ عَنَسْتَ سَارٜ عَمْ؞ وِعْ وٛلْدٜ وٛورٜ تَنْ، ندٜنْ سُکَ عَمْ يَمْطِتَنْ؞ 9مِنْ بٛو مِوٛودِ مَوْࢡٜ دٛوْ عَمْ، مِوٛودِ سٛوجٜعٜنْ بٛو لٜسْ بَاوْطٜ عَمْ؞ تٛ مِوِعِ عٛو: يَحْ، عٛيَحَنْ؞ تٛ مِوِعِ عٛيَ بٛو: وَرْ، عٛوَرَنْ؞ تٛ مِوِعِ سُکَ عَمْ: وَطْ نِي، عٛوَطَنْ؞»
10ندٜ عِيسَى نَنِ بٛلّٜ مَاکٛ طٜعٜ، عٛحَيْطِنِ، عٛوِعِ تٛکِّيࢡٜ مٛ: «غٛونغَ مبِعَنْمِ عٛنْ: مِمٜىٰطَايْ تَوُغٛ نُطِّنْکِ مَکِّ بَنَ کِعِ کٛو حَا مٛيْ ندٜرْ إِسْرَاءِيلَ ڢُو؞ 11مِطٛنْ وِعَ عٛنْ: طُوطْࢡٜ نغَرَنْ دِغَ ڢُونَانغٜ عٜ حِيرْنَانغٜ، ࢡٜࢩَامْدَنْ بٜى إِبْرَاهِيمَ عٜ إِسْحَاقَ عٜ يَعْقُوبُ ندٜرْ لَامُ عَسَمَنْجِ#لُکَ 13:29؞؞ 12عَمَّا يِمْࢡٜ ࢡٜ اَللَّه سُࢡِنٛ نغَمْ لَامُ مُوطُمْ، ࢡٜ وُدِنْتٜىٰࢡٜ يَاسِ ندٜرْ ࢩِࢡْرٜ ࢩِࢡُّندٜ، ࢡٜمبٛيَنْ، ࢡٜکِرْࢨِنْدِرَنْ ࢩِيعٜ تٛنْ#مَتَّ 22:13؛ 25:30؛ لُکَ 13:28؞؞» 13عِيسَى وِعِ مَوْطٛ سٛوجٜعٜنْ غٛ: «حٛوتُ سَارٜ مَ، طُمْ لَاتَنْتٜ بَنَ عَنُطِّنِ؞» سُکَ مَاکٛ يَمْطِتِ سَاعِ مَنْ ندٜنْ؞
عِيسَى يَمْطِتِنِ ࢩَوْࢡٜ طُوطْࢡٜ
(مَرْکُسْ 1:29-34؛ لُکَ 4:38-41)
14عِيسَى يٜحِ سَارٜ ݠِيٜرْ، تَوِ عٜسِرَاوٛ ݠِيٜرْ دٜبّٛ، طٛنْ وَالِ ࢩَوْطٛ يٛنْتٜرٜ؞ 15عِيسَى مٜىٰمِ جُنغٛ مَاکٛ، يٛنْتٜرٜ عَشِّمٛ، عٛعُمِّ، عٛوٜىٰرْنِ عِيسَى؞
16ندٜ کِيکِيطٜ وَطِ، ࢡٜنغَدِّ يِمْࢡٜ طُوطْࢡٜ، مَرْࢡٜ غِنَّاجِ؞ عِيسَى رِيوِ غِنَّاجِ بٜى وٛلْدٜ مُمْ، يَمْطِتِنِ ࢩَوْࢡٜ ڢُو؞ 17عٛوَطِ نٛنْ نغَمْ حِࢡِّنغٛ کٛ اَلنَّبِي عٜسَايَ وِعِ: «عٛحٛوشِ تَمْݠٜ مٜىٰطٜنْ عٜ عٛرٛونْدِ ࢩَوُجِ مٜىٰطٜنْ#عٜسَايَ 53:4؞؞»
يِطْࢡٜ تٛکَّاغٛ عِيسَى
(لُکَ 9:57-62)
18ندٜ عِيسَى يِعِ مٛوࢡْرٜ طُوطْندٜ طٛنْ تَارِمٛ، عٛعُمْرِ ݠُکَرَعٜنْ مَاکٛ، ࢡٜعٜىٰرَ غَطَ وٜىٰندُ؞ 19غٛطّٛ ندٜرْ مٛودِࢡّٜ تَوْرٜىٰتَ ࢡَدِتِمٛ، وِعِ: «مٛودِبّٛ، مِتٛکّٜتٜ کٛو تٛيْ نجَحَتَ ڢُو؞» 20عِيسَى جَابِمٛ: «دٛلْدٛلْطٜ نغٛودِ غَسْطٜ، شٛلِّ بٛو نغٛودِ شَࢡّٜ، عَمَّا ࢡِي-نٜطّٛ وَلَا حَا وَلِّنَ حٛورٜ مُمْ؞» 21غٛطّٛ ڢٜىٰرٜ ندٜرْ ݠُکَرَعٜنْ مَاکٛ وِعِ: «مٛودِبّٛ، دُنغَنَمْ مِيَحَ، مِعُوٛيَ بَابَ عَمْ تَوٛنْ؞» 22عِيسَى جَابِمٛ: «تٛکَّمْ، عَشُّ مَايْࢡٜ عُوَ مَايْࢡٜ مُوطُمْعٜنْ؞»
عِيسَى دٜعِّتِنِ حٜنْدُ سَاتُندُ
(مَرْکُسْ 4:35-41؛ لُکَ 8:22-25)
23ندٜنْ عِيسَى نَسْتِ کٛومْبٛوَلْ#8:23 کٛومْبٛوَلْ مَلَّ لَانَوَلْ؞، ݠُکَرَعٜنْ مَاکٛ تٛکِّمٛ؞ 24لَوْ حٜنْدُ سَاتُندُ عُمِّ دٛوْ وٜىٰندُ حَا ࢨُوغٜ ندِيَمْ شُدِّ کٛومْبٛوَلْ؞ عَمَّا عِيسَى طٛنْ طَانِ؞ 25ݠُکَرَعٜنْ نغَرِ حَا مَاکٛ، ݠِنْدِنِ مٛ، مبِعِ: «جَوْمِرَاوٛ، حِسْنُ مِنْ، مِنْ کَلْکِ!» 26عِيسَى جَابِ ࢡٜ: «نغَمْ طُمٜ کُلْتٛرْطٛنْ، عٛنٛنْ ڢَمْطَ-نُطِّنْکِعٜنْ؟» ندٜنْ عٛعُمِّ، عٛتٜلْࢡَنِ کٜنِ عٜ وٜىٰندُ، دٜعّٜرٜ مَوْندٜ وَطِ؞ 27يِمْࢡٜ کَيْطِنِ، مبِعِ: «غٛطّٛ مٛيْ عٛو، حَا کٜنِ بٜى وٜىٰندُ ڢُو طٛنْ طٛوْتَنٛ مٛ؟»
عِيسَى رِمْطِنِ مَرْࢡٜ غِنَّاجِ طِطٛ
(مَرْکُسْ 5:1-20؛ لُکَ 8:26-39)
28ندٜ عِيسَى يٛتِّ غَطَ وٜىٰندُ ندٜرْ لٜسْدِ غَدَرٜنَعٜنْ، مَرْࢡٜ غِنَّاجِ طِطٛ نغُرْتِ غٜنَالٜ، ݠٛتِّ بٜى مَاکٛ؞ ࢡٜ حُلْنِيࢡٜ مَسِنْ، وَلَا مٛ سَالٛتٛنٛ لَاوٛلْ مَنْ؞ 29ࢡٜکٛولِ، ࢡٜمبِعِ: «عَنْ ࢡِطّٛ اَللَّه، طُمٜ نغِطَّ حَا عَمِنْ؟ عَوَرِ تٛرُّغٛ مِنْ دِغَ وَکَّتِ سِوَا نَ؟» 30وٛودِنٛ تٛکّٜرٜ غَدُوجِ طُوطِّ حَا نٛکُّورٜ مَنْ، دَايِيطُمْ سٜطَّ، طِ طٛنْ ندُرَ؞ 31غِنَّاجِ غٛ تٛرِ عِيسَى، مبِعِ: «تٛ عَيِطِ رِيوُغٛ مِنْ، نٜلْ مِنْ ندٜرْ تٛکّٜرٜ غَدُوجِ ندٜ؞» 32ندٜنْ عِيسَى وِعِ طِ: «نجٜحٜ؞» طِ نغُرْتِ، طِ نَسْتِ غَدُوجِ؞ غَدُوجِ مَنْ شَامْنِ، ندٛعِّ دِغَ دٛوْ ڢٛمٛوندٜ تٛوْندٜ ندٜرْ وٜىٰندُ، طِ مبَاتِ تٛنْ؞
33دُرٛوࢡٜ غَدُوجِ غٛ ندٛغِّ، ندِلِّ حَا وُرٛ، نغٜشِّ يِمْࢡٜ کٛ وَطِ ڢُو عٜ کٛ لَاتَنِ مَرْنٛوࢡٜ غِنَّاجِ طِطٛ بٛو؞ 34يِمْࢡٜ وُرٛ ڢُو نغُرْتِ نغَمْ ڢٛتُّغٛ بٜى عِيسَى؞ ندٜ ࢡٜنغِعِمٛ، ࢡٜتٛرِمٛ عٛعَشَّ لٜسْدِ مَࢡّٜ؞
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.