مَتَّ 27
27
ࢡٜنجَحْرِ عِيسَى حَا ݠِلَاتُ
(مَرْکُسْ 15:1؛ لُکَ 23:1-2؛ يُحَنَّ 18:28-32)
1ڢَجِرِ شُبْ، مَوْࢡٜ لِمَنْعٜنْ عٜ ندٛتِّعٜنْ يَحُودُعٜنْ ڢُو ندَوْرِ مبَرُغٛ عِيسَى؞ 2ࢡٜکَࢡِّمٛ، ࢡٜنجَحْرِمٛ حَا نغٛمْنَ ݠِلَاتُ؞
مَايْدٜ يَحُودَ
(کُوطٜ نٜلَاࢡٜ 1:18-19)
3ندٜ يَحُودَ، زَمْبِيطٛ عِيسَى يِعِ ࢡٜندٛعِّ عِيسَى کِيتَ، عٛمِمْسِتِ، عٛوَرْتِرِ شٜىٰدٜ شَرْدِ شَݠَّنْطٜ تَتِ غٛ حَا مَوْࢡٜ لِمَنْعٜنْ عٜ ندٛتِّعٜنْ؞ 4عٛوِعِ ࢡٜ: «مِوَطِ حَکّٜ، نغَمْ مِزَمْبِ غٛطّٛ مٛ وَلَا عَيْبٜ؞» عَمَّا ࢡٜمبِعِمٛ: «وَلَا کٛ يَالِ مِنْ! طُمْ حَالَ مَاطَ!» 5يَحُودَ وُدِنِ شٜىٰدٜ غٛ ندٜرْ حَيْکَلِيرُ؞ ندٜنْ عٛدِلِّ، عٛࢡِلِ حٛورٜ مَاکٛ؞
6مَوْࢡٜ لِمَنْعٜنْ کٛوعِ شٜىٰدٜ غٛ، ࢡٜمبِعِ: «تَوْرٜىٰتَ دُنغَنَاکِ عٜنْ نَسْتِنْغٛ شٜىٰدٜ طٜعٜ ندٜرْ ندٜسَارِ حَيْکَلِيرُ، نغَمْ طُمْ شٜىٰدٜ ࢨِيࢨَمْ؞» 7ࢡٜندَوْرِ، ࢡٜشٛودِ نغٜسَ مَحٛووٛ ݠَيَنْطٜ بٜى مَاجٜ، نغَمْ عُوُغٛ جَنَنْࢡٜ تٛنْ؞ 8نغَمْ مَاجُمْ ࢡٜطٛنْ عٜوْنٛ نغٜسَ مَنْ نغٜسَ-ࢨِيࢨَمْ حَا وَرْغٛ حَنْدٜ#کُوطٜ نٜلَاࢡٜ 1:18-19؞؞ 9بَنَ نِي کٛ اَلنَّبِي يٜرٜمِيَ وِعِ، حِࢡِّ: «ࢡٜکٛوعِ شٜىٰدٜ شَرْدِ شَݠَّنْطٜ تَتِ، شٛغُّ نغُ يِمْࢡٜ إِسْرَاءِيلَ ندَرْنِ نغَمْ مَاکٛ، 10ࢡٜشٛودِ نغٜسَ مَحٛووٛ ݠَيَنْطٜ، بَنَ جَوْمِرَاوٛ عُمْرِنٛ يَمْ#جٜکَرِيَ 11:12-13؞؞»
ݠِلَاتُ لِࢩِ حَالَ عِيسَى
(مَرْکُسْ 15:2-5؛ لُکَ 23:3-5؛ يُحَنَّ 18:33-38)
11ࢡٜندَرْنِ عِيسَى يٜىٰسٛ ݠِلَاتُ نغٛمْنَاجٛ؞ ندٜنْ عٛࢨَمِمٛ: «عَنْ وٛنِ لَامِيطٛ يَحُودُعٜنْ نَ؟» عِيسَى جَابِمٛ: «نٛنّٛنْ، بَنَ مبِعْطَ؞» 12عَمَّا يَاکٜ مَوْࢡٜ لِمَنْعٜنْ عٜ ندٛتِّعٜنْ نغُلِّمٛ، عٛجَابَاکِ سَمْ؞ 13ندٜنْ ݠِلَاتُ ࢨَمِمٛ: «عَنَنَايْ غُلَّالِ طِ ࢡٜنغُلِّ مَ ڢُو نَ؟» 14عَمَّا عِيسَى جَابَاکِمٛ کٛو وٛلْدٜ وٛورٜ، حَا نغٛمْنَاجٛ حَيْطِنِ مَسِنْ؞
عِيسَى حِيتَامَ کِيتَ مبَرٜىٰغٛ
(مَرْکُسْ 15:6-15؛ لُکَ 23:13-25؛ يُحَنَّ 18:39-40؛ 19:1-16)
15ندٜ جُولْدٜ ݠَسْکَ وَطِ ڢُو، نغٛمْنَ وٛووِ يٛوڢَنْغٛ عُمَّاتٛورٜ کَࢡَّاطٛ غٛوتٛ حَا ڢُرْسِنَ#27:15 ڢُرْسِنَ مَلَّ يَنغَدَ؞ مٛ يِمْࢡٜ نغِطِ ڢُو؞ 16سَاعِ مَنْ وٛودِنٛ کَࢡَّاطٛ نَنَاطٛ، عِنْدٜ مَاکٛ بَرَبَّسْ؞ 17ندٜنْ ݠِلَاتُ ࢨَمِ يِمْࢡٜ مٛوࢡْتِيࢡٜ: «مٛيْ عٛنْ نغِطِ مِيٛوڢَنَ عٛنْ؟ بَرَبَّسْ نَا مَلَّ عِيسَى بِعٜتٜىٰطٛ اَلْمَسِيحُ؟» 18نغَمْ عٛعَنْدِ ࢡٜنجَحْرِ عِيسَى حَا مَاکٛ دَلِيلَ کَاجَلْ؞
19سَاعِ ݠِلَاتُ طٛنْ جٛوطِ حَا لٜىٰسٛ کِيتَ، دٜبّٛ مَاکٛ نٜلِ غٛطّٛ حَا مَاکٛ، وِعِمٛ: «تَا وَطْ غٛرْکٛ عَدِلِيجٛ عٛو کٛو طُمٜ؞ نغَمْ جٜمَّارٜ ندٜعٜ مِحٛيْطِ دٛوْ حَالَ مَاکٛ، طُمْ ࢡِلِّ يَمْ مَسِنْ؞»
20مَوْࢡٜ لِمَنْعٜنْ عٜ ندٛتِّعٜنْ عِرْنِ مٛوࢡٜ ڢُو حَا ࢡٜࢨَمَ عٛيٛوڢَ بَرَبَّسْ، عٛمبَرَ عِيسَى؞ 21نغٛمْنَ ࢨَمِ ࢡٜ ڢَحِنْ: «مٛيْ شَکَ يِمْࢡٜ طِطٛ ࢡٜعٜ عٛنْ نغِطِ مِيٛوڢَنَ عٛنْ؟» ࢡٜنجَابِمٛ: «يٛوڢَنْ مِنْ بَرَبَّسْ!» 22عٛࢨَمِ ࢡٜ: «طُمٜ مِوَطَتَ عِيسَى بِعٜتٜىٰطٛ اَلْمَسِيحُ کَدِ؟» ࢡٜنجَابِ ࢡٜ ڢُو: «ࢡِلْ مٛ دٛوْ لٜغَّلْ غَاڢَانغَلْ!» 23ݠِلَاتُ ࢨَمِ ࢡٜ: «حَلّٜىٰندٜ ندٜيٜ عٛوَطِ؟» عَمَّا ࢡٜࢡٜسْدِ وٛوکُغٛ بٜى سَوْتُ، ࢡٜمبِعِ: «ࢡِلْ مٛ حَا لٜغَّلْ غَاڢَانغَلْ!» 24ندٜ ݠِلَاتُ يِعِ عٛوَاوَتَا وَطُغٛ کٛو طُمٜ، حٛولٛ بٛو طٛنْ ࢡٜسْدٛ، عٛحٛوعِ ندِيَمْ، عٛلٛوتِ جُوطٜ مَاکٛ يٜىٰسٛ مٛوࢡْرٜ ندٜعٜ، عٛوِعِ: «مِ لَاࢡْطٛ عٜ ࢨِيࢨَمْ غٛطّٛ عٛو، طُمْ حَالَ مٛوطٛنْ#تٛوکْتَاکِ تَوْرٜىٰتَ 21:6-9؞!» 25عُمَّاتٛورٜ ڢُو وِعِ: «ࢨِيࢨَمْ مَاکٛ يٛوٛ دٛوْ عَمِنْ عٜ ࢡِࢡّٜ عَمِنْ!» 26ندٜنْ ݠِلَاتُ يٛوڢَنِ ࢡٜ بَرَبَّسْ، عٛعُمْرِ ࢡٜ، ࢡٜࢡٛشِّ عِيسَى، عٛحٛکِّمٛ حَا جُوطٜ مَࢡّٜ نغَمْ حَا ࢡٜࢡِلَ مٛ حَا لٜغَّلْ غَاڢَانغَلْ؞
سٛوجٜعٜنْ نجَنْشِ عِيسَى
(مَرْکُسْ 15:16-20؛ يُحَنَّ 19:2-3)
27سٛوجٜعٜنْ ݠِلَاتُ نغٛمْنَاجٛ نجَحْرِ عِيسَى حَا لَامٛرْدٜ، سٛوجٜعٜنْ وٛنْࢡٜ ندٜرْ يٜࢡْرٜ وٛورٜ ڢُو مٛوࢡْتِ دٛوْ مَاکٛ؞ 28ࢡٜࢡٛرْتِمٛ، ࢡٜمٛجِمٛ مٛجَارٜ وٛطٜىٰرٜ، 29ࢡٜمبَطِ مٜىٰتَلٜىٰوٛلْ غِعٜ، ࢡٜنجٛعِّنِ نغٛلْ دٛوْ حٛورٜ مَاکٛ، ࢡٜندٛکِّمٛ سَوْرُ حَا جُنغٛ مَاکٛ ࢩَامٛ؞ ندٜنْ ࢡٜتُغِّ کٛݠِّ يٜىٰسٛ مَاکٛ، ࢡٜنجَنْشِمٛ، ࢡٜمبِعِ: «اَللَّه وٛونَنٜ، لَامِيطٛ يَحُودُعٜنْ!» 30ࢡٜتُوتِمٛ تُوطٜ، ࢡٜنجَࢡْتِ سَوْرُ حَا جُنغٛ مَاکٛ غٛ، ࢡٜݠِيِمٛ بٜى مَارُ حَا حٛورٜ؞ 31ندٜ ࢡٜتِمِّنِ جَنْشُغٛ مٛ، ࢡٜࢡٛرْتِمٛ مٛجَارٜ غٛ، ࢡٜࢡٛرْنِمٛ لِمْشٜ مَاکٛ، ࢡٜنجَحْرِمٛ نغَمْ حَا ࢡٜࢡِلَ مٛ دٛوْ لٜغَّلْ غَاڢَانغَلْ؞
غَاڢٜىٰکِ عِيسَى
(مَرْکُسْ 15:21-32؛ لُکَ 23:26-43؛ يُحَنَّ 19:17-27)
32ندٜ ࢡٜطٛنْ نغُرْتٛ، ࢡٜݠٛتِّ بٜى غٛطّٛ سِرٜنٜ، عِنْدٜ مَاکٛ سِمٛنْ؞ ࢡٜندٛولِمٛ رٛونْدَاغٛ غَاڢَانغَلْ عِيسَى؞ 33ࢡٜنجٛتِّ حَا نٛکُّورٜ وِعٜتٜىٰندٜ غٛلْغٛتَ، بَنَ وِعْغٛ غُمْبَلْ-حٛورٜ؞ 34تٛنْ ࢡٜندٛکِّمٛ عِنَبٛوجَمْ نجِلِّنْدِرَاطَمْ بٜى ندِيَمْ کَاطَّمْ، نغَمْ حَا عٛيَرَ؞ عَمَّا ندٜ عِيسَى مٜتِّ طَمْ، عٛسَلِ يَرُغٛ؞
35ࢡٜࢡِلِمٛ حَا لٜغَّلْ غَاڢَانغَلْ؞ ࢡٜشٜنْدِ لِمْشٜ مَاکٛ حَکُّندٜ مَࢡّٜ بٜى وَطُغٛ کُرْعُ#جَبُورَ 22:19؞؞ 36ندٜنْ ࢡٜنجٛوطِ تٛنْ، ࢡٜعَيْنِمٛ؞ 37ࢡٜمبِنْدِ دَلِيلَ کِيتَ مَاکٛ دٛوْ عَلُّحَ، ࢡٜࢡِلِ کَ حَا دٛوْ حٛورٜ مَاکٛ: «عٛو وٛنِ عِيسَى، لَامِيطٛ يَحُودُعٜنْ؞» 38ࢡٜࢡِلْدِ ڢَسٛوࢡٜ طِطٛ بٜى مَاکٛ، غٛوتٛ حَا ࢩَامٛ مَاکٛ، غٛوتٛ بٛو حَا نَنٛ مَاکٛ؞
39سَالٛتٛوࢡٜ تٛنْ ندِمْبِنِ کٛعٜ مُوطُمْعٜنْ، کُطِمٛ#جَبُورَ 22:8؛ 109:25؞، 40مبِعِ: «عَوِعْنٛ عَيِبِّنَنْ حَيْکَلِيرُ، عَمَحْتٛتٛ ندُ ندٜرْ ࢩَلْطٜ تَتِ؞ حِسْنُ حٛورٜ مَ! تٛ عَ ࢡِطّٛ اَللَّه، جِݠَّ لٜغَّلْ غَاڢَانغَلْ#مَتَّ 26:61؛ يُحَنَّ 2:19؞!» 41مَوْࢡٜ لِمَنْعٜنْ عٜ مٛودِࢡّٜ تَوْرٜىٰتَ عٜ ندٛتِّعٜنْ بٛو نجَنْشِمٛ، مبِعِ: 42«عٛحِسْنِ يِمْࢡٜ ڢٜىٰرٜ، عٛوَاوَتَا حِسْنُغٛ حٛورٜ مَاکٛ؞ نَا عٛ لَامِيطٛ إِسْرَاءِيلَ نَ؟ سٜيْ عٛجِݠّٛ جٛنْتَ دِغَ لٜغَّلْ غَاڢَانغَلْ حَا عٜنْ نُطِّنَ مٛ؞ 43عٛطٛنْ حٛولِ اَللَّه، عٛوِعِ عٛ ࢡِطّٛ مَاکٛ؞ بٛوطُّمْ، سٜيْ عٜنْ ندَارَ تٛ اَللَّه يِطِ حِسْنُغٛ مٛ جٛنْتَ#جَبُورَ 22:9؞!» 44ڢَسٛوࢡٜ ࢡِلْدَاࢡٜ بٜى مَاکٛ بٛو کَلِّنِمٛ بَنَ نٛنْ؞
مَايْدٜ عِيسَى
(مَرْکُسْ 15:33-41؛ لُکَ 23:44-49؛ يُحَنَّ 19:28-30)
45دِغَ شَکَ ࢩَلَوْمَ ࢩِࢡْرٜ وَطِ دٛوْ لٜسْدِ ڢُو، حَا يٛتِّ سَاعَ تَتِ؞ 46دٜيْدٜيْ سَاعَ تَتِ عِيسَى حٛولِ بٜى سَوْتُ، وِعِ: «عٜلِ، عٜلِ، لٜمَ سَبَکْتَنِ؟» بَنَ وِعْغٛ: «يَا اَللَّه عَمْ، يَا اَللَّه عَمْ، نغَمْ طُمٜ عَوُدِنِ يَمْ#جَبُورَ 22:2؞؟» 47وٛطْࢡٜ دَرِيࢡٜ تٛنْ نَنِ طُمْ، مبِعِ: «عٛطٛنْ عٜوْنٛ إِلْيَاسُ!» 48غٛوتٛ مَࢡّٜ دٛغِّ لَوْ، حٛوعِ عِرِنْ سٛوسٛ، سُووِ طُمْ ندٜرْ لَمُّطَمْ، عٛࢡَنغْتِ طُمْ بٜى لٛوسٛلْ حَا حُنْدُکٛ عِيسَى حَا عٛيَرَ#جَبُورَ 69:22؞؞ 49عَمَّا وٛطْࢡٜ مبِعِ: «سٜيْ عٜنْ ندٜىٰنَ حَا عٜنْ ندَارَ تٛ إِلْيَاسُ وَرَنْ نغَمْ حِسْنُغٛ مٛ؞» 50عِيسَى حٛولِ بٜى سَوْتُ ڢَحِنْ، ندٜنْ عٛمَايِ؞
51وَکَّتِ مَنْ وِيرْندَلّٛ ندٜرْ حَيْکَلِيرُ سٜىٰکِ شَکَ شَکْ، دِغَ دٛوْ حَا لٜسْ؞ لٜسْدِ دِمْبِ، تَݠَاجٜ شٜىٰکِ#غُرْتَاکِ 26:31-33؞، 52غٜنَالٜ مَࢡِّتِ، سٜنَاࢡٜ مَايْنٛوࢡٜ طُوطْࢡٜ عُمِّتِ دِغَ مَايْدٜ؞ 53ࢡٜنغُرْتِ غٜنَالٜ ࢡَاوٛ عُمِّتِنٜىٰکِ عِيسَى، ࢡٜنَسْتِ ندٜرْ بٜرْنِوٛلْ شٜنِينغٛلْ، ࢡٜمبَنغَنِ يِمْࢡٜ طُوطْࢡٜ؞
54ندٜ عَرْدِيطٛ دٛوْ سٛوجٜعٜنْ رٛمَ تٜىٰمٜرّٜ عٜ عَيْنٛوࢡٜ وٛطْࢡٜ وٛنْدُࢡٜ بٜى مُوطُمْ نغِعِ دِمْبَنْدٜ لٜسْدِ بٜى کٛ وَطِ ڢُو، ࢡٜکُلْتٛرِ مَسِنْ، ࢡٜمبِعِ: «ڢَکَتْ، کَنغْکٛ وٛنِ ࢡِطّٛ اَللَّه!» 55رٜوْࢡٜ طُوطْࢡٜ طٛنّٛ تٛنْ، ࢡٜندَرِ دَايِيطُمْ، ࢡٜطٛنْ ندَارَ، ࢡٜتٛکِّنٛ عِيسَى دِغَ لٜسْدِ غَلِيلِ نغَمْ حُووَنْغٛ مٛ؞ 56مَرِيَمَ مٛ وُرٛ مَغْدَلَ عٜ مَرِيَمَ، دَادَ يَاکُبَ عٜ يُوسُڢُ عٜ دَادَ ࢡِࢡّٜ زٜبٜدٜ طٛنْ ندٜرْ مَࢡّٜ#لُکَ 8:2-3؞؞
عُوٜىٰکِ عِيسَى
(مَرْکُسْ 15:42-47؛ لُکَ 23:50-56؛ يُحَنَّ 19:38-42)
57ندٜ کِيکِيطٜ وَطِ، غٛطّٛ دِسْکُطٛ مٛ وُرٛ عَرِمَتِيَ وَرِ؞ عِنْدٜ مَاکٛ يُوسُڢُ، کَنغْکٛ بٛو عٛ ݠُکَرَاجٛ عِيسَى؞ 58عٛيٜحِ حَا ݠِلَاتُ، عٛࢨَمِمٛ ࢡَنْدُ عِيسَى؞ ݠِلَاتُ عُمْرِ ࢡٜندٛکَّ مٛ ندُ؞ 59يُوسُڢُ حٛوسِ ندُ، حَسْنِ ندُ بٜى کَسَ کٜسَ؞ 60ندٜنْ عٛوَلِّنِ ندُ ندٜرْ يٜنَاندٜ حٜسْرٜ ندٜ عٛوَسِنٛ ندٜرْ تَݠَارٜ نغَمْ حٛورٜ مَاکٛ؞ عٛتَلِّ حَيْرٜ مَوْندٜ، عٛمَࢡِّ يٜنَاندٜ غٛ بٜى مَارٜ، عٛدِلِّ؞ 61مَرِيَمَ مٛ مَغْدَلَ عٜ مَرِيَمَ غٛطّٛ طٛنْ نجٛوطِ تٛنْ، طٛنْ تِيتِ يٜنَاندٜ؞
عَيْنٛوࢡٜ يٜنَاندٜ
62جَنغٛ مَنْ، ࢡَاوٛ ࢩَلَادٜ تَاسْکَرَ، مَوْࢡٜ لِمَنْعٜنْ عٜ ڢَرِسَعٜنْ کَوْتِ، نجٜحِ حَا ݠِلَاتُ؞ 63ࢡٜمبِعِمٛ: «بَرْکَامَ، مِنْ شِڢْتٛرِ، ندٜ ݠٜوٛووٛ عٛو غٜىٰتٛنٛ، عٛوِعِ: ࢡَاوٛ ࢩَلْطٜ تَتِ مِعُمِّتِتّٛ دِغَ مَايْدٜ#مَتَّ 16:21؛ 17:23؛ 20:19؛ مَرْکُسْ 8:31؛ 9:31؛ 10:33-34؛ لُکَ 9:22؛ 18:31-33؞؞ 64ندِکَّ عَعُمْرَ ࢡٜعَيْنَ يٜنَاندٜ مَاکٛ ࢩَلْطٜ تَتِ، نغَمْ تَا ݠُکَرَعٜنْ مَاکٛ نغَرَ، نغُجَّ ࢡَنْدُ مَاکٛ، ندٜنْ ࢡٜمبِعَ عُمَّاتٛورٜ: عٛعُمِّتَکٜ دِغَ مَايْدٜ؞ ڢٜوْرٜ ࢡَاوٛورٜ ندٜعٜ ࢡُرَنْ عَرَنْدٜىٰرٜ حَلُّغٛ؞» 65ݠِلَاتُ وِعِ ࢡٜ: «ندَا سٛوجٜعٜنْ؞ نجٜحٜ، عَيْنٜ يٜنَاندٜ بَنَ عٛنْ مبَاوِ ڢُو؞» 66ࢡٜنجٜحِ، ࢡٜعَيْنِ يٜنَاندٜ، ࢡٜمبَطِ لَمْبَ نغٛمْنَ دٛوْ حَيْرٜ ندٜ ࢡٜمَࢡِّرِ يٜنَاندٜ؞ ࢡٜندَرْنِ سٛوجٜعٜنْ عَيْنٛوࢡٜ تٛنْ؞
Currently Selected:
مَتَّ 27: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
