مَتَّ 24

عِيسَى وَنغِنِ غِبِّنْکِ حَيْکَلِيرُ

(مَرْکُسْ 13‏:1‏-2؛ لُکَ 21‏:5‏-6)

1عِيسَى وُرْتِ حَيْکَلِيرُ؞ ندٜ عٛطٛنْ دِلَّ، ݠُکَرَعٜنْ مَاکٛ ࢡَدِتِمٛ نغَمْ سَݠِّنْغٛ مٛ ࢩِࢡَالٛ حَيْکَلِيرُ ندُ؞ 2ندٜنْ عِيسَى وِعِ ࢡٜ‏: «عٛنْ طٛنْ نغِعَ کُوجٜ طٜ ڢُو نَ؟ غٛونغَ مبِعَنْمِ عٛنْ‏: ڢَکَتْ، حَيْرٜ لُتَّتَا دٛوْ حَيْرٜ، ࢡٜنغِبِّنَنْ کٛو طُمٜ ڢُو حَا طٛ؞»

عَلَامَاجِ عَارْتَنْطِ تِمّٛودٜ دُنِيَارُ

(مَرْکُسْ 13‏:3‏-13؛ لُکَ 21‏:7‏-19)

3ندٜ عِيسَى طٛنْ جٛوطِ دٛوْ حٛوسٜىٰرٜ جَيْتُنْجٜ، ݠُکَرَعٜنْ مَاکٛ ࢡَدِتِمٛ، کَمْࢡٜ ڢٜىٰرٜ مَࢡّٜ، ࢡٜࢨَمِمٛ‏: «يٜشُّ مِنْ ندٜيٜ کُوجٜ طٜعٜ لَاتٛتٛ؟ عَلَامَ کَيٜ وَنغِنْتَ سَاعِ لٛرَاکِ مَ عٜ تِمُّکِ دُنِيَارُ؟» 4عِيسَى جَابِ ࢡٜ‏: «کَکِّلٜ، نغَمْ تَا غٛطّٛ مَجِّنَ عٛنْ؞ 5نغَمْ طُوطْࢡٜ نغَرَنْ بٜى عِنْدٜ عَمْ، ࢡٜمبِعَنْ‏: مِنْ وٛنِ اَلْمَسِيحُ؞ ࢡٜمَجِّنَنْ يِمْࢡٜ طُوطْࢡٜ؞ 6عٛنْ نَنَنْ کُبَرُوجِ کٛنُوجِ ࢡَدِيطِ عٜ دَايِيطِ؞ کَکِّلٜ، تَا کُلْتٛرٜ؞ دٛولٜ طُمْ لَاتٛ، عَمَّا نَا طُمْ تِمّٛودٜ تَوٛنْ؞ 7عُمَّاتٛورٜ عُمَّنْتٛ عُمَّاتٛورٜ ڢٜىٰرٜ؞ لَامُ عُمَّنْتٛ لَامُ ڢٜىٰرٜ؞ وٜىٰلٛوجِ عٜ دِمْبَنْطٜ لٜسْدِ مبَطَنْ حَا نٛکُّوجٜ ڢٜىٰرٜ ڢٜىٰرٜىٰجٜ؞ 8بٛنٜىٰجِ طِ ڢُو لَاتٛتٛ بَنَ ڢُطَّمْ لُووٜ ࢡٜسْنَنْطٛ؞

9«يِمْࢡٜ نَنغَنْ عٛنْ، نجَحْرَنْ عٛنْ حَا وٛطْࢡٜ نغَمْ ࢡٜتٛرَّ عٛنْ، ࢡٜمبَرَ عٛنْ؞ عُمَّاتٛوجٜ ڢُو نغَࢩَنْ عٛنْ دَلِيلَ عِنْدٜ عَمْ؞ 10سَاعِ مَنْ طُوطْࢡٜ عَشَّنْ نُطِّنْغٛ يَمْ، ࢡٜزَمْبٛتِرَنْ، ࢡٜنغَࢩِندِرَنْ؞ 11ڢٜوٛوࢡٜ وِعَنْࢡٜ ࢡٜعَنَّبِعٜنْ طُوطْࢡٜ مبَنغَنْ، ࢡٜمَجِّنَنْ يِمْࢡٜ طُوطْࢡٜ؞ 12نغَمْ حَلّٜىٰندٜ طُوطَنْ مَسِنْ، يِيدٜ يِمْࢡٜ طُوطْࢡٜ ڢٜىٰوْتَنْ؞ 13عَمَّا مٛ مُࢩِ حَا تِمّٛودٜ، حِسَنْ#مَتَّ 10‏:22؞؞ 14کُبَرُوٛلْ بٜلْنغٛلْ نغٛلْ لَامُ عَسَمَنْجِ وَازِنْتٜ ندٜرْ دُنِيَارُ ڢُو، نغٛلْ لَاتَنْتٛ عُمَّاتٛوجٜ سٜىٰدَمْکُ، ندٜنْ دُنِيَارُ تِمَّنْ؞»

غِبِّنْکِ عُرُسَلِيمَ

(مَرْکُسْ 13‏:14‏-23؛ لُکَ 21‏:20‏-24)

15«تٛ عٛنْ نغِعِ ࢩِدُّطُمْ نَتِّنٛوجُمْ کٛ اَلنَّبِي دَنِيٜلْ وٛلْوِنٛ دٛوْ مُوطُمْ طٛنْ دَرِ حَا نٛکُّورٜ سٜنِيندٜ – مٛ جَنغِ طُمْ، سٜيْ ڢَامَ بٛوطُّمْ‏!#دَنِيٜلْ 9‏:27؛ 11‏:31؛ 12‏:11؞ – 16ندٜنْ کَمْ سٜيْ وٛنْࢡٜ حَا لٜسْدِ يَحُدِيَ ندٛغَّ حَا کٛوسٜىٰجٜ؞ 17مٛ طٛنْ دٛوْ سٛورٛوٛلْ، تَا جِݠّٛ نغَمْ حٛوشُغٛ کُوجٜ ندٜرْ مَاغٛلْ؞ 18مٛ طٛنْ حَا نغٜسَ بٛو، تَا لٛرٛ حَا سَارٜ نغَمْ حٛوشُغٛ لِمْشٜ مُمْ#لُکَ 17‏:31؞؞ 19کَيْتٛ، بٛنٜ لَاتَنْتٛ رٜىٰدُعٜنْ عٜ مُسِنِنَنْࢡٜ ࢩَنْدٜ مَنْ‏! 20تٛرٜ اَللَّه نغَمْ تَا دٛغُّدُ مٛنْ لَاتٛ سَاعِ دُومٛلْ مَلَّ ࢩَنْدٜ سِوْتٛرْدٜ؞ 21نغَمْ سَاعِ مَنْ تٛرَّ مَکَّ لَاتٛتٛ، عِرِنْ مَاکَ مٜىٰطَايْ لَاتَاغٛ دِغَ دُنِيَارُ جٛوطِ حَا وَرْغٛ جٛنْتَ، کَ مٜىٰتَتَا لَاتَاغٛ بٛو#دَنِيٜلْ 12‏:1؛ وَحَيُ يُحَنَّ 7‏–14؞؞ 22تٛ اَللَّه عُسْتَايْنٛ لِمْغَلْ ࢩَلْطٜ مَنْ، وَلَا کٛو غٛوتٛ حِسَنّٛ؞ عَمَّا عٛعُسْتِ طٜ نغَمْ دَلِيلَ سُࢡَاࢡٜ مَاکٛ؞

23«وَکَّتِ مَنْ، تٛ غٛطّٛ وِعِ عٛنْ‏: ندَا اَلْمَسِيحُ حَا طٛ‏! مَلَّ‏: ندَا مٛ حَا تٛ‏! تَا نجَࢡٜ؞ 24نغَمْ ڢٜوٛوࢡٜ وِعَنْࢡٜ ࢡٜعَلْمَسِيحُعٜنْ مَلَّ ࢡٜعَنَّبِعٜنْ مبَنغَنْ، ࢡٜمبَطَنْ عَلَامَاجِ عٜ کَايٜىٰڢِيجِ مَوْطِ نغَمْ مَجِّنْغٛ کٛو سُࢡَاࢡٜ اَللَّه، تٛ طُمْ حٜࢡٛتٛ؞ 25مِعَنْدِنِ عٛنْ طُمْ دِغَ طُمْ سِوَا لَاتَاغٛ؞»

لٛرَاکِ ࢡِي-نٜطّٛ

(مَرْکُسْ 13‏:24‏-27؛ لُکَ 21‏:25‏-28)

26«تٛ ࢡٜمبِعِ عٛنْ‏: ندَا اَلْمَسِيحُ طٛنْ حَا لَدّٜ‏! تَا نجٜحٜ تٛنْ مَلَّ تٛ ࢡٜمبِعِ‏: عٛطٛنْ ࢩُکِّ حَا طٛ‏! تَا نجَࢡٜ طُمْ؞ 27بَنَ مَعّٜرٜ مَعِّرْتَ دِغَ ڢُونَانغٜ حَا حِيرْنَانغٜ، نٛنْ بٛو ࢩَلَادٜ لٛرَاکِ ࢡِي-نٜطّٛ لَاتٛرْتٛ#لُکَ 17‏:23‏-24؞؞ 28نغَمْ حَا ࢩَوْمَندٜ وٛنِ ڢُو، تٛنْ جِغَاجٜ مٛوࢡْتٛتٛ#لُکَ 17‏:37؞؞

29«لَوْ ࢡَاوٛ ࢩَلْطٜ ࢡِلَّارٜ غٛ، نَانغٜ ࢩِࢡَّنْ، لٜوْرُ عَشَّنْ يَيْنُغٛ، کٛودٜ عَسَمَ نجَنَنْ، بَاوْطٜىٰجِ عَسَمَ بٛو ندِمْبٛتٛ#عٜسَايَ 13‏:10؛ 34‏:4؛ يٛوعٜلْ 2‏:10؛ 3‏:4؛ 4‏:15؛ وَحَيُ يُحَنَّ 6‏:12‏-13؛ عٜسَايَ 34‏:4؞؞ 30ندٜنْ عَلَامَ ࢡِي-نٜطّٛ وَنغَنْ حَا عَسَمَ؞ سَاعِ مَاجُمْ عُمَّاتٛوجٜ دُنِيَارُ ڢُو مبٛيَنْ، ࢡٜنغِعَنْ ࢡِي-نٜطّٛ طٛنْ وَرَ دٛوْ دُولٜ عَسَمَ، بٜى بَاوْطٜ طُوطّٜ عٜ تٜدُّنغَلْ مَنغَلْ#دَنِيٜلْ 7‏:13؛ وَحَيُ يُحَنَّ 1‏:7؞؞ 31عٛنٜلَنْ مَلَاعِکَعٜنْ مَاکٛ، ࢡٜݠُوڢَنْ لُوَلْ مَنغَلْ، ࢡٜمٛوࢡْتَنْ سُࢡَاࢡٜ مَاکٛ وٛنْࢡٜ حَا عَلْکِبِلَاجِ دُنِيَارُ نَيِ ڢُو دِغَ کٜىٰرٛلْ عَسَمَ نغٛعٛلْ حَا نغٛلَ؞»

مِسَالُ عِبِّ

(مَرْکُسْ 13‏:28‏-31؛ لُکَ 21‏:29‏-33)

32«ݠَامٜ کٛ عِبِّ عَنْدِنْتَ عٛنْ‏: تٛ لِشٜ مَاکِ کٜسْطِتِ، حَاکٛوجِ مَاکِ بٛو مبِلِتِ، عٛنْ عَنْدِ دُومٛلْ ࢡَدَکٜ؞ 33بَنَ نٛنْ عٛنٛنْ بٛو، تٛ عٛنْ نغِعِ کُوجٜ طٜعٜ طٛنْ لَاتٛ، عَنْدٜ عٛࢡَدَکٜ وَرْغٛ؞ 34غٛونغَ مبِعَنْمِ عٛنْ‏: کُوجٜ طٜعٜ ڢُو لَاتٛتٛ حِدّٜکٛ يِمْࢡٜ زَمَنُورُ ندُعُ ڢُو مَايْدَ؞ 35عَسَمَ عٜ لٜسْدِ نجِنَّنْ، عَمَّا بٛلّٜ عَمْ نجِنَّتَا سَمْ؞»

وَلَا مٛ عَنْدِ ندٜيْ ࢩَلَادٜ دَرْنغَلْ لَاتٛتٛ

(مَرْکُسْ 13‏:32‏-37؛ لُکَ 17‏:26‏-30‏،34‏-36)

36«وَلَا نٜطّٛ عَنْدِ ࢩَلَادٜ مَاجُمْ مَلَّ سَاعِ مَنْ؞ کٛو مَلَاعِکَعٜنْ حَا عَسَمَ، کٛو ࢡِطّٛ بٛو، سٜيْ بَابِرَاوٛ تَنْ عَنْدِ؞ 37کٛ لَاتِنٛ زَمَنُ نُوحُ، طُمْ وَطَنْ سَاعِ لٛرَاکِ ࢡِي-نٜطّٛ بٛو#لَاتَانٛوجِ 6‏:5‏-8؞؞ 38ندٜ عِلَمْ تُوڢَانَ سِوَانٛ وَرْغٛ، يِمْࢡٜ طٛنّٛ ࢩَامَ، طٛنّٛ نجَرَ، طٛنّٛ ࢡَنغَ عٜ طٛنّٛ تٜعَ حَا ࢩَلَادٜ نُوحُ نَسْتِ کٛومْبٛوَلْ#24‏:38 کٛومْبٛوَلْ مَلَّ لَانَوَلْ؞؞ 39ࢡٜعَنْدَا سَمْ، حَا ندِيَمْ وَرِ، حَلْکِ ࢡٜ ڢُو؞ بَنَ نٛنْ لٛرَاکِ ࢡِي-نٜطّٛ بٛو لَاتٛرْتٛ#لَاتَانٛوجِ 7‏:6‏-24؞؞ 40سَاعِ مَنْ طِطٛ نغٛنْدَنْ حَا نغٜسَ، غٛوتٛ حٛوعٜ، غٛوتٛ عَشّٜ؞ 41رٜوْࢡٜ طِطٛ نَمْدَنْ دٛوْ نَمَرْدٜ، غٛوتٛ حٛوسٜ، غٛوتٛ عَشّٜ؞ 42نغَمْ مَاجُمْ عَيْنٜ، ندٜ نِي عٛنْ عَنْدَا ࢩَلَادٜ لٛرَاکِ جَوْمِرَاوٛ مٛوطٛنْ؞ 43عَعَنْدِ بٛوطُّمْ تٛ جَوْمُ سَارٜ عَنْدِنٛ سَاعِيرٜ ندٜيٜ غُجّٛ وَرَتَ، عٛطَانَتَاکٛنٛ، عٛعَشَّتَانٛ غُجّٛ نَسْتَ سَارٜ مَاکٛ؞ 44نغَمْ مَاجُمْ لَاتٜ تَاسْکِيࢡٜ عٛنٛنْ بٛو، نغَمْ ࢡِي-نٜطّٛ وَرَنْ ندٜرْ سَاعِيرٜ ندٜ عٛنْ تَمَّاکِ سَمْ#لُکَ 12‏:39‏-40؞؞»

کُووٛووٛ کٛولَاطٛ عٜ کُووٛووٛ کَلُّطٛ

(لُکَ 12‏:41‏-48)

45«کَدِ، مٛيْ وٛنِ کُووٛووٛ کٛولَاطٛ، کَکِّلْطٛ مٛ جَاغٛرْطٛ مُمْ حَلْڢِنِ طُمْ حُووٛوࢡٜ سَارٜ مُمْ، حَا عٛحٛکَّ ࢡٜ ࢩَامْدُ تٛ سَاعِ مَنْ يٛتَّکٜ؟ 46بَرْکَ لَاتَنْتٛ کُووٛووٛ عٛو، تٛ جَاغٛرْطٛ مَاکٛ وَرْتِ، تَوْتِمٛ عٛطٛنْ سُکْلَنِ کُوغَلْ نغَعَلْ؞ 47غٛونغَ مبِعَنْمِ عٛنْ‏: جَاغٛرْطٛ دَرْنَنْ مٛ دٛوْ جَوْدِ مُوطُمْ ڢُو؞ 48عَمَّا تٛ کُووٛووٛ عٛو عٛ کَلُّطٛ، عٛنُمِ‏: جَاغٛرْطٛ عَمْ وَرْتَتَا لَوْ، 49عٛڢُطِّ ڢِيُغٛ حُووٛوࢡٜ وٛنْدُࢡٜ بٜى مَاکٛ، عٛطٛنْ ࢩَامْدَ عٜ عٛطٛنْ يَرْدَ بٜى وُيْکٛوࢡٜ، 50ندٜنْ جَاغٛرْطٛ مَاکٛ وَرْتَنْ ࢩَلَادٜ ندٜ عٛتَمَّاکِ، ندٜرْ سَاعِيرٜ ندٜ عٛعَنْدَا بٛو؞ 51جَاغٛرْطٛ مَاکٛ تٛرَّنْ مٛ تٛرَّ شَاتُکَ، حٛکَّنْ مٛ نغٜىٰنَارِ نَاڢِکِعٜنْ؞ کَنغْکٛ عٛوٛيَنْ، عٛحِرْࢨِنْدِرَنْ ࢩِيعٜ نغَمْ بٛنٜ؞»

Currently Selected:

مَتَّ 24: داَ

Highlight

Copy