مَتَّ 19

عٜکِّتِنٛلْ عِيسَى دٛوْ شٜىٰرْغَلْ

(مَرْکُسْ 10‏:1‏-12)

1ندٜ عِيسَى تِمِّنِ وٛلْوُغٛ، عٛعُمِّ لٜسْدِ غَلِيلِ، عٛيٜحِ لٜسْدِ يَحُدِيَ، غَطَ مَايٛ عُرْدُنْ؞ 2مٛوࢡٜ طُوطّٜ تٛکِّمٛ، عٛيَمْطِتِنِ ࢡٜ تٛنْ؞

3ڢَرِسَعٜنْ نغَرِ حَا مَاکٛ نغَمْ جَرِّبَاغٛ مٛ؞ ࢡٜࢨَمِمٛ‏: «تَوْرٜىٰتَ دُنغَنِ غٛرْکٛ سٜىٰرَ دٜبّٛ مُمْ نغَمْ دَلِيلَ کٛو کَيٜ نَ؟» 4عٛجَابِ ࢡٜ‏: «عٛنْ نجَنغَايْ کٛ وِنْدَ نَ؟ حَا ڢُطَّمْ اَللَّه تَغِ غٛرْکٛ عٜ دٜبّٛ#لَاتَانٛوجِ 1‏:27؛ 5‏:2؞؞» 5ندٜنْ عٛوِعِ‏: «نغَمْ مَاجُمْ غٛرْکٛ عَشَّنْ بَابَ مُوطُمْ عٜ دَادَ مُوطُمْ، طَکّٛتِرَنْ بٜى دٜبّٛ مُوطُمْ، ࢡٜ طِطٛ ڢُو ࢡٜلَاتٛتٛ ࢡَنْدُ وٛورُ#لَاتَانٛوجِ 2‏:24؞؞ 6بَنَ نٛنْ ࢡٜلَاتَتَاکٛ يِمْࢡٜ طِطٛ ࢡَاوٛطٛنْ، عَمَّا ࢡَنْدُ وٛورُ؞ نغَمْ مَاجُمْ تَا نٜطّٛ ڢِيسْتَ کٛ اَللَّه حَࢡِّ؞»

7ڢَرِسَعٜنْ ࢨَمِمٛ‏: «تٛ نٛنْ کَمْ، نغَمْ طُمٜ مُوسَى عُمْرِ غٛرْکٛ حٛکَّ دٜبّٛ مُوطُمْ طٜرٜىٰوٛلْ شٜىٰرْغَلْ نغَمْ سٜىٰرُغٛ طُمْ#تٛوکْتَاکِ تَوْرٜىٰتَ 24‏:1‏-4؛ مَتَّ 5‏:31؞؟» 8عِيسَى جَابِ ࢡٜ‏: «مُوسَى دُنغَنِ عٛنْ طُمْ دَلِيلَ شَاتَلْ ࢡٜرْطٜ مٛوطٛنْ؞ عَمَّا دِغَ ڢُطَّمْ طُمْ لَاتَاکِ نٛنْ؞ 9مِطٛنْ وِعَ عٛنْ‏: مٛ سٜىٰرِ دٜبّٛ مُوطُمْ، سٛنَا دَلِيلَ دَاکَارٜىٰکُ، تٜعِ دٜبّٛ ڢٜىٰرٜ، وَطِ نجٜىٰنُ#مَتَّ 5‏:32؛ 1 کٛرِنْتُعٜنْ 7‏:10‏-11؞؞»

10ݠُکَرَعٜنْ مَاکٛ مبِعِمٛ‏: «تٛ حَالَ غٛرْکٛ بٜى دٜبّٛ لَاتَکٜ نٛنْ، ندِکَّ تَا ࢡٜتٜعَ؞» 11عِيسَى جَابِ ࢡٜ‏: «نَا يِمْࢡٜ ڢُو نجَࢡَتَ حَالَ کَ، سٜيْ ࢡٜ اَللَّه وَاوْنِ‏: 12وٛطْࢡٜ لَاتِ وَحْرَاࢡٜ دِغَ دَࢩٜىٰکِ مُوطُمْعٜنْ، وٛطْࢡٜ لَاتِ سٛرْتَاࢡٜ، وٛطْࢡٜ بٛو تٜعَتَا نغَمْ دَلِيلَ لَامُ عَسَمَنْجِ؞ مٛ وَاوِ جَࢡُغٛ حَالَ کَ، سٜيْ عٛجَࢡَ‏!»

عِيسَى بَرْکِطِنِ ࢡِکّٛيْ ݠَمَرٛيْ

(مَرْکُسْ 10‏:13‏-16؛ لُکَ 18‏:15‏-17)

13ندٜنْ يِمْࢡٜ نغَدِّ ࢡِکّٛيْ ݠَمَرٛيْ حَا عِيسَى نغَمْ حَا عٛيٛوَ جُوطٜ مَاکٛ دٛوْ مَاکٛيْ، عٛوَطَنَ کٛيْ دٛعَ، عَمَّا ݠُکَرَعٜنْ شَاتَنِ ࢡٜ؞ 14ندٜنْ عِيسَى وِعِ ࢡٜ‏: «عَشّٜ ࢡِکّٛيْ ݠَمَرٛيْ نغَرَ حَا عَمْ، تَا کَطٜ کٛيْ، نغَمْ لَامُ عَسَمَنْجِ وٛودَنِ يِمْࢡٜ عِرِنْ مَاکٛيْ؞» 15عٛيٛوِ جُوطٜ مَاکٛ دٛوْ مَاکٛيْ، ندٜنْ عٛدِلِّ؞

سُکَاجٛ دِسْکُطٛ

(مَرْکُسْ 10‏:17‏-31؛ لُکَ 18‏:18‏-30)

16غٛطّٛ ڢٜىٰرٜ وَرِ حَا عِيسَى، ࢨَمِمٛ‏: «مٛودِبّٛ، کُوغَلْ بٛوطْنغَلْ نغَلٜ مِحُووَتَ حَا مِحٜࢡَ نغٜىٰندَمْ ندُومِيطَمْ؟» 17عِيسَى وِعِمٛ‏: «نغَمْ طُمٜ عَࢨَمِ يَمْ کٛ وٛوطِ؟ وَلَا بٛوطّٛ، سٜيْ غٛوتٛ تَنْ؞ تٛ عَيِطِ نَسْتُغٛ ندٜرْ نغٜىٰندَمْ ندُومِيطَمْ، سٜيْ عَجٛغٛ عُمْرٛوجٜ؞» 18عٛࢨَمِ عِيسَى‏: «عُمْرٛوجٜ طٜيٜ؟» عِيسَى جَابِمٛ‏: «تَا مبَرْ-حٛورٜ، تَا وَطْ نجٜىٰنُ، تَا وُجُّ، تَا سٜىٰدَ ڢٜوْرٜ دٛوْ غٛطّٛ#غُرْتَاکِ 20‏:13‏-16؛ تٛوکْتَاکِ تَوْرٜىٰتَ 5‏:17‏-20؞؞ 19تٜدِّنْ بَابَ مَ عٜ دَادَ مَ، يِطْ کٜىٰدِّطِّرَاوٛ مَاطَ بَنَ نٛ عَيِطِرِ حٛورٜ مَ#غُرْتَاکِ 20‏:12؛ ڢَرِلَّاجِ لٜوِعٜنْ 19‏:18؛ تٛوکْتَاکِ تَوْرٜىٰتَ 5‏:6؞؞» 20سُکَ غٛ وِعِ‏: «عُمْرٛوجٜ طٜعٜ ڢُو، مِطٛوْتَنِ طٜ، کٛ لُتَّنِ يَمْ ڢَحِنْ؟» 21عِيسَى وِعِمٛ‏: «تٛ عَيِطِ لَاتَاغٛ تِمُّطٛ، يَحْ، سٛورُّ کٛ مَرْطَ، حٛکُّ طُمْ تَلَکَعٜنْ، ندٜنْ کَمْ عَحٜࢡٛيَنْ ندٜسَارِ حَا عَسَمَ؞ ندٜنْ وَرْ تٛکَّمْ؞» 22ندٜ سُکَ نَنِ بٛلّٜ طٜ، عٛدِلِّ، ࢡٜرْندٜ مَاکٛ مٜتِّ، نغَمْ جَوْدِ مَاکٛ طُوطْندِ مَسِنْ؞

23عِيسَى وِعِ ݠُکَرَعٜنْ مُوطُمْ‏: «غٛونغَ مبِعَنْمِ عٛنْ‏: طُمْ شَطُّمْ حَا دِسْکُطٛ نَسْتَ لَامُ عَسَمَنْجِ؞ 24غٛونغَ مبِعَنْمِ عٛنْ ڢَحِنْ‏: نغٜىٰلٛوبَ سَالٛ ندٜرْ وُرْدٜرٜ بَاتَلْ ࢡُرِ حٛيُغٛ دٛوْ دِسْکُطٛ نَسْتَ لَامُ اَللَّه؞» 25ندٜ ݠُکَرَعٜنْ نَنِ طُمْ، ࢡٜکَيْطِنِ مَسِنْ، ࢡٜمبِعْمبِعْتِرِ‏: «کَيْ، تٛ نٛنْ کَمْ، مٛيْ وَاوَتَ حِسُغٛ؟» 26عِيسَى سُتِ ࢡٜ، وِعِ‏: «حَا يِمْࢡٜ طُمْ وَطَتَاکٛ، عَمَّا حَا اَللَّه کٛو طُمٜ ڢُو وَطٛتٛ؞»

27ندٜنْ ݠِيٜرْ وِعِمٛ‏: «ندَا، مِنِنْ مِنْ عَشِّ کُوجٜ ڢُو، مِنْ تٛکِّ مَ، کٛ لَاتَنْتٛ مِنْ کَدِ؟» 28عِيسَى وِعِ ࢡٜ‏: «غٛونغَ مبِعَنْمِ عٛنْ‏: سَاعِ ࢡِي-نٜطّٛ جٛوطٛتٛ دٛوْ لٜىٰسٛ لَامُ مُوطُمْ تٜدُّنغٛ ندٜ کُوجٜ ڢُو کٜسْطِتِ، عٛنٛنْ تٛکِّيࢡٜ يَمْ بٛو، عٛنْ نجٛوطٛتٛ دٛوْ لٜىٰسٜ لَامُ سَݠّٛ عٜ طِطِ نغَمْ حِيتَاغٛ لٜعِ إِسْرَاءِيلَ سَݠّٛ عٜ طِطِ#مَتَّ 25‏:31؛ لُکَ 22‏:30؞؞ 29کٛو مٛيْ عَشِّ سَارٜ مُوطُمْ عٜ دٜىٰرْطِرَاࢡٜ وٛرْࢡٜ عٜ رٜوْࢡٜ مَلَّ سَارٛعٜنْ مَلَّ ࢡِکّٛيْ مَلَّ غٜسٜ مُوطُمْ نغَمْ دَلِيلَ عِنْدٜ عَمْ، عٛحٜࢡَنْ شٛوِ تٜىٰمٜرّٜ، عٛرٛنَنْ نغٜىٰندَمْ ندُومِيطَمْ بٛو؞ 30طُوطْࢡٜ عَارْتُࢡٜ لَاتٛتٛ سَکِّتِيࢡٜ، طُوطْࢡٜ سَکِّتِيࢡٜ بٛو لَاتٛتٛ عَارْتُࢡٜ#مَتَّ 20‏:16؛ لُکَ 13‏:30؞؞»

Currently Selected:

مَتَّ 19: داَ

Highlight

Copy