مَتَّ 15
15
عَلْعَادَ کَاکِرَاࢡٜ
(مَرْکُسْ 7:1-13)
1ڢَرِسَعٜنْ عٜ مٛودِࢡّٜ تَوْرٜىٰتَ نغَرِ دِغَ عُرُسَلِيمَ حَا عِيسَى، ࢡٜࢨَمِمٛ: 2«کٛنِ ݠُکَرَعٜنْ مَاطَ طٛوْتَنْتَاکٛ عَلْعَادَ کَاکِرَاࢡٜ مٜىٰطٜنْ؟ نغَمْ ࢡٜطٛنْ ࢩَامَ بِلَا لٛوتُغٛ جُوطٜ؞» 3عِيسَى جَابِ ࢡٜ: «عٛنٛنْ، کٛنِ عٛنْ طٛوْتَنْتَاکٛ عُمْرٛورٜ اَللَّه نغَمْ دَلِيلَ عَلْعَادَ مٛوطٛنْ؟ 4اَللَّه وِعِ: تٜدِّنْ بَابَ مَ عٜ دَادَ مَ، کٛو مٛيْ وٛلْوِ کَلُّکَ دٛوْ بَابَ مَلَّ دَادَ مُمْ، سٜيْ عٛمبَرٜ#غُرْتَاکِ 20:12؛ 21:17؛ ڢَرِلَّاجِ لٜوِعٜنْ 20:9؛ تٛوکْتَاکِ تَوْرٜىٰتَ 5:16؞؞ 5عَمَّا عٛنٛنْ عٛنْ طٛنْ مبِعَ: تٛ غٛطّٛ وِعِ بَابَ مَلَّ دَادَ مُمْ: غٜطَلْ جَوْدِ عَمْ ندِ مِوَاوَنّٛ وَلُّغٛ مَ بٜى مَارِ، دٛولٜ مِحٛکَّ نغَلْ اَللَّه؞ 6ندٜنْ کَمْ وَلَا حَاجٜ عٛتٜدِّنَ بَابَ مَاکٛ؞ بَنَ نٛنْ عٛنْ مبٛنِّ عُمْرٛورٜ اَللَّه نغَمْ دَلِيلَ عَلْعَادَ مٛوطٛنْ؞ 7نَاڢِکِعٜنْ! عَنَّبَاکُ نغُ عٜسَايَ وَطِ دٛوْ مٛوطٛنْ غٛونغْطِ:
8اَللَّه وِعِ: يِمْࢡٜ عُمَّاتٛورٜ ندٜعٜ طٛنْ تٜدِّنَمِّ بٜى کُنْدُطٜ تَنْ،
عَمَّا ࢡٜرْطٜ مَࢡّٜ ندَايَکٜ يَمْ؞
9ࢡٜطٛنْ شُجِدَنَمِّ مٜىٰرٜ،
نغَمْ ࢡٜطٛنْ عٜکِّتِنَ غٜشَّاجِ يِمْࢡٜ#عٜسَايَ 29:13؞؞»
کٛ سٛࢡْنَتَ نٜطّٛ
(مَرْکُسْ 7:14-23)
10ندٜنْ عِيسَى عٜوْنِ يِمْࢡٜ، وِعِ ࢡٜ: «نَنٜ، ݠَامٜ طُعُمْ: 11نَا کٛ نَسْتَتَ حُنْدُکٛ نٜطّٛ سٛࢡْنَتَ مٛ، عَمَّا کٛ وُرْتٛتٛ حُنْدُکٛ مَاکٛ، کَنْجُمْ سٛࢡْنَتَ مٛ؞»
12ݠُکَرَعٜنْ نغَرِ حَا عِيسَى، مبِعِمٛ: «عَعَنْدِ بٛلّٜ مَ مٜتِّنِ ࢡٜرْطٜ ڢَرِسَعٜنْ نَ؟» 13عٛجَابِ ࢡٜ: «ڢُطْنغٛ نغٛ بَابِرَاوٛ مٛ عَسَمَ تِغَّايْ ڢُو، نغٛ طٛوڢٜتٜىٰنغٛ؞ 14عَشّٜ ࢡٜ، ࢡٜ وُمْࢡٜ، طٛوٛوࢡٜ وُمْࢡٜ؞ تٛ بُمْطٛ طٛنْ طٛوَ بُمْطٛ، ࢡٜ طِطٛ ڢُو ࢡٜندٛعّٛتٛ ندٜرْ نغَسْکَ#لُکَ 6:39؞؞»
15ݠِيٜرْ وِعِمٛ: «ڢَامْتِنْ مِنْ بَلْندٛلْ نغٛلْ؞» 16عِيسَى وِعِ: «حَا جٛنْتَ، عٛنٛنْ بٛو عٛنْ ݠَامَتَا نَ؟ 17کٛ نَسْتَتَ حُنْدُکٛ نٜطّٛ ڢُو، حَا رٜىٰدُ مُمْ طُمْ يَحَتَ، ندٜنْ طُمْ وُرْتٛ ࢡَنْدُ مَاکٛ؞ عٛنْ عَنْدَا طُمْ نَ؟ 18عَمَّا کٛ وُرْتٛتٛ حُنْدُکٛ، طُمْ طٛنْ عِوَ حَا ࢡٜرْندٜ، کَنْجُمْ سٛࢡْنَتَ نٜطّٛ#مَتَّ 12:34؞؞ 19نغَمْ حَا ࢡٜرْندٜ نٜطّٛ، نُمٛوجِ کَلُّطِ عٜ مبَرْ-حٛورٜ عٜ نجٜىٰنُ عٜ دَاکَارٜىٰکُ عٜ نغُيْکَ عٜ سٜىٰدَمْکُوجِ ݠٜوٛوجِ عٜ کُودِ کَلُّطِ عِوَتَ؞ 20کَنْجُمْ سٛࢡْنَتَ نٜطّٛ؞ عَمَّا ࢩَامُغٛ بِلَا لٛوتُغٛ جُوطٜ، طُمْ سٛࢡْنَتَا نٜطّٛ؞»
نُطِّنْکِ دٜبّٛ کَنَانِيجٛ
(مَرْکُسْ 7:24-30)
21عِيسَى عُمِّ نٛکُّورٜ مَنْ، دِلِّ حَا لٜسْدِ تِرُسْ عٜ سِدٛنْ؞ 22دٜبّٛ کَنَانِيجٛ، جٛوطِيطٛ لٜسْدِ مَنْ، وَرِ حَا مَاکٛ، تٛرِمٛ بٜى سَوْتُ: «يَا جَوْمِرَاوٛ، ࢡِي دَاوُدَ، عٜنْطَمْ! ندَا ࢡِنغٜلْ عَمْ دٜيٜلْ نغٜلْ غِنَّوٛلْ طٛنْ تٛرَّ مَسِنْ؞» 23عَمَّا عِيسَى جَابَاکِمٛ؞ ݠُکَرَعٜنْ مَاکٛ ࢡَدِتِمٛ، مبِعِمٛ: «رِيوْ مٛ، نغَمْ عٛطٛنْ تٛکِّ عٜنْ بٜى حٛولٛ؞» 24عِيسَى جَابِ: «مِنٜلَاکَ حَا يِمْࢡٜ ڢٜىٰرٜ، سٜيْ حَا بَالِ مَجُّطِ، عُمَّاتٛورٜ إِسْرَاءِيلَ؞» 25عَمَّا دٜبّٛ غٛ وَرِ، تُغَّنِمٛ کٛݠِّ، وِعِ: «وَلَّمْ، يَا جَوْمِرَاوٛ!» 26عِيسَى جَابِمٛ: «وٛوطَايْ حٛوعُغٛ ࢩَامْدُ ࢡِکّٛيْ، سَکِّنَنَ ندَوَاکٛنْ؞» 27دٜبّٛ وِعِ: «نٛنّٛنْ، يَا جَوْمِرَاوٛ، عَمَّا کٛو ندَوَاکٛنْ بٛو طٛنْ ࢩَامَ شَامْطُمْ دِغَ تَابَلْ جَوْمِيکٛنْ؞» 28ندٜنْ عِيسَى وِعِ: «عَنْ دٜبّٛ، نُطِّنْکِ مَاطَ مَکِّ، طُمْ لَاتَنٛ مَ بَنَ عَيِطِ؞» ࢡِنغٜلْ مَاکٛ دٜيٜلْ غٛ يَمْطِتِ سَاعِ مَنْ ندٜنْ؞
عِيسَى يَمْطِتِنِ ࢩَوْࢡٜ طُوطْࢡٜ
29عِيسَى عُمِّ نٛکُّورٜ مَنْ، تٛکِّ کٛمْبِ وٜىٰندُ غَلِيلِ؞ عٛوَعِّ حٛوسٜىٰرٜ، عٛجٛوطِ تٛنْ؞ 30مٛوࢡٜ طُوطّٜ نغَرِ حَا مَاکٛ، ࢡٜنغَدِّ وٛوسْࢡٜ عٜ وُمْࢡٜ عٜ وَاتَ-تٜرْطٜعٜنْ عٜ مُوکَعٜنْ عٜ ࢩَوْࢡٜ وٛطْࢡٜ طُوطْࢡٜ؞ ࢡٜمبَلِّنِ ࢡٜ کٛمْبِ عِيسَى، عٛيَمْطِتِنِ ࢡٜ؞ 31يِمْࢡٜ مٛوࢡْرٜ کَيْطِنِ ندٜ ࢡٜنغِعِ مُوکَعٜنْ طٛنْ مبٛلْوَ، وَاتَ-تٜرْطٜعٜنْ نجَمْطِتِ، وٛوسْࢡٜ طٛنْ نجَحَ بٜى کٛسْطٜ مُوطُمْعٜنْ، وُمْࢡٜ بٛو طٛنْ نغِعَ؞ ࢡٜتٜدِّنِ اَللَّه إِسْرَاءِيلَ؞
عِيسَى ࢩَامْنِ يِمْࢡٜ عُجِنٜ نَيٛ
(مَرْکُسْ 8:1-10)
32عِيسَى عٜوْنِ ݠُکَرَعٜنْ مُوطُمْ، وِعِ ࢡٜ: «مِطٛنْ يُرْمِنَ يِمْࢡٜ ࢡٜعٜ، نغَمْ ࢡٜطٛنْ نغٛنْدِ بٜى عَمْ ࢩَلْطٜ تَتِ، ࢡٜنغَلَا کٛ ࢡٜࢩَامَ؞ مِيِطَا جَࢡِّتَاغٛ ࢡٜ بٜى دٛلٛ نغٛعٛ، نغَمْ تَا ࢡٜتَمْݠَ دٛوْ لَاوٛلْ؞» 33ݠُکَرَعٜنْ مبِعِمٛ: «حَا تٛيْ کٜࢡٜتٜنْ تَمْسٜىٰجٜ ندٜرْ لَدّٜ حَمَادَارٜ طٛ، حَا عٜنْ ندٛکَّ مٛوࢡْرٜ طُوطْندٜ ندٜعٜ ڢُو؟» 34عِيسَى ࢨَمِ ࢡٜ: «تَمْسٜىٰجٜ نٛيْ مَرْطٛنْ؟» ࢡٜنجَابِمٛ: «تَمْسٜىٰجٜ جٛوٜىٰطِطِ عٜ لِيکٛنْ سٜطَّ؞» 35ندٜنْ عِيسَى عُمْرِ مٛوࢡْرٜ جٛوطٛ؞ 36عٛحٛوعِ تَمْسٜىٰجٜ جٛوٜىٰطِطِ عٜ لِطِّ غٛ، عٛيٜتِّ اَللَّه، عٛيٜوِ طٜ، عٛحٛکِّ طٜ ݠُکَرَعٜنْ مَاکٛ، کَمْࢡٜ بٛو ࢡٜندٛکِّ طٜ مٛوࢡْرٜ؞ 37يِمْࢡٜ ڢُو ࢩَامِ، کَارِ؞ ݠُکَرَعٜنْ مٛوࢡْتِ لُتُّطُمْ مَنْ، طُمْ حٜبِّنِ شِلَاجٜ جٛوٜىٰطِطِ؞ 38لِمْغَلْ ࢩَامْࢡٜ ࢩَامْدُ مَنْ دِلَّنِ وٛرْࢡٜ عُجِنٜ نَيٛ، رٜوْࢡٜ عٜ ࢡِکّٛيْ لِمَاکَ؞ 39ندٜ عِيسَى جَࢡِّتِ مٛوࢡْرٜ، عٛنَسْتِ کٛومْبٛوَلْ#15:39 کٛومْبٛوَلْ مَلَّ لَانَوَلْ؞، عٛدِلِّ حَا لٜسْدِ مَغَدَنْ؞
Currently Selected:
مَتَّ 15: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
مَتَّ 15
15
عَلْعَادَ کَاکِرَاࢡٜ
(مَرْکُسْ 7:1-13)
1ڢَرِسَعٜنْ عٜ مٛودِࢡّٜ تَوْرٜىٰتَ نغَرِ دِغَ عُرُسَلِيمَ حَا عِيسَى، ࢡٜࢨَمِمٛ: 2«کٛنِ ݠُکَرَعٜنْ مَاطَ طٛوْتَنْتَاکٛ عَلْعَادَ کَاکِرَاࢡٜ مٜىٰطٜنْ؟ نغَمْ ࢡٜطٛنْ ࢩَامَ بِلَا لٛوتُغٛ جُوطٜ؞» 3عِيسَى جَابِ ࢡٜ: «عٛنٛنْ، کٛنِ عٛنْ طٛوْتَنْتَاکٛ عُمْرٛورٜ اَللَّه نغَمْ دَلِيلَ عَلْعَادَ مٛوطٛنْ؟ 4اَللَّه وِعِ: تٜدِّنْ بَابَ مَ عٜ دَادَ مَ، کٛو مٛيْ وٛلْوِ کَلُّکَ دٛوْ بَابَ مَلَّ دَادَ مُمْ، سٜيْ عٛمبَرٜ#غُرْتَاکِ 20:12؛ 21:17؛ ڢَرِلَّاجِ لٜوِعٜنْ 20:9؛ تٛوکْتَاکِ تَوْرٜىٰتَ 5:16؞؞ 5عَمَّا عٛنٛنْ عٛنْ طٛنْ مبِعَ: تٛ غٛطّٛ وِعِ بَابَ مَلَّ دَادَ مُمْ: غٜطَلْ جَوْدِ عَمْ ندِ مِوَاوَنّٛ وَلُّغٛ مَ بٜى مَارِ، دٛولٜ مِحٛکَّ نغَلْ اَللَّه؞ 6ندٜنْ کَمْ وَلَا حَاجٜ عٛتٜدِّنَ بَابَ مَاکٛ؞ بَنَ نٛنْ عٛنْ مبٛنِّ عُمْرٛورٜ اَللَّه نغَمْ دَلِيلَ عَلْعَادَ مٛوطٛنْ؞ 7نَاڢِکِعٜنْ! عَنَّبَاکُ نغُ عٜسَايَ وَطِ دٛوْ مٛوطٛنْ غٛونغْطِ:
8اَللَّه وِعِ: يِمْࢡٜ عُمَّاتٛورٜ ندٜعٜ طٛنْ تٜدِّنَمِّ بٜى کُنْدُطٜ تَنْ،
عَمَّا ࢡٜرْطٜ مَࢡّٜ ندَايَکٜ يَمْ؞
9ࢡٜطٛنْ شُجِدَنَمِّ مٜىٰرٜ،
نغَمْ ࢡٜطٛنْ عٜکِّتِنَ غٜشَّاجِ يِمْࢡٜ#عٜسَايَ 29:13؞؞»
کٛ سٛࢡْنَتَ نٜطّٛ
(مَرْکُسْ 7:14-23)
10ندٜنْ عِيسَى عٜوْنِ يِمْࢡٜ، وِعِ ࢡٜ: «نَنٜ، ݠَامٜ طُعُمْ: 11نَا کٛ نَسْتَتَ حُنْدُکٛ نٜطّٛ سٛࢡْنَتَ مٛ، عَمَّا کٛ وُرْتٛتٛ حُنْدُکٛ مَاکٛ، کَنْجُمْ سٛࢡْنَتَ مٛ؞»
12ݠُکَرَعٜنْ نغَرِ حَا عِيسَى، مبِعِمٛ: «عَعَنْدِ بٛلّٜ مَ مٜتِّنِ ࢡٜرْطٜ ڢَرِسَعٜنْ نَ؟» 13عٛجَابِ ࢡٜ: «ڢُطْنغٛ نغٛ بَابِرَاوٛ مٛ عَسَمَ تِغَّايْ ڢُو، نغٛ طٛوڢٜتٜىٰنغٛ؞ 14عَشّٜ ࢡٜ، ࢡٜ وُمْࢡٜ، طٛوٛوࢡٜ وُمْࢡٜ؞ تٛ بُمْطٛ طٛنْ طٛوَ بُمْطٛ، ࢡٜ طِطٛ ڢُو ࢡٜندٛعّٛتٛ ندٜرْ نغَسْکَ#لُکَ 6:39؞؞»
15ݠِيٜرْ وِعِمٛ: «ڢَامْتِنْ مِنْ بَلْندٛلْ نغٛلْ؞» 16عِيسَى وِعِ: «حَا جٛنْتَ، عٛنٛنْ بٛو عٛنْ ݠَامَتَا نَ؟ 17کٛ نَسْتَتَ حُنْدُکٛ نٜطّٛ ڢُو، حَا رٜىٰدُ مُمْ طُمْ يَحَتَ، ندٜنْ طُمْ وُرْتٛ ࢡَنْدُ مَاکٛ؞ عٛنْ عَنْدَا طُمْ نَ؟ 18عَمَّا کٛ وُرْتٛتٛ حُنْدُکٛ، طُمْ طٛنْ عِوَ حَا ࢡٜرْندٜ، کَنْجُمْ سٛࢡْنَتَ نٜطّٛ#مَتَّ 12:34؞؞ 19نغَمْ حَا ࢡٜرْندٜ نٜطّٛ، نُمٛوجِ کَلُّطِ عٜ مبَرْ-حٛورٜ عٜ نجٜىٰنُ عٜ دَاکَارٜىٰکُ عٜ نغُيْکَ عٜ سٜىٰدَمْکُوجِ ݠٜوٛوجِ عٜ کُودِ کَلُّطِ عِوَتَ؞ 20کَنْجُمْ سٛࢡْنَتَ نٜطّٛ؞ عَمَّا ࢩَامُغٛ بِلَا لٛوتُغٛ جُوطٜ، طُمْ سٛࢡْنَتَا نٜطّٛ؞»
نُطِّنْکِ دٜبّٛ کَنَانِيجٛ
(مَرْکُسْ 7:24-30)
21عِيسَى عُمِّ نٛکُّورٜ مَنْ، دِلِّ حَا لٜسْدِ تِرُسْ عٜ سِدٛنْ؞ 22دٜبّٛ کَنَانِيجٛ، جٛوطِيطٛ لٜسْدِ مَنْ، وَرِ حَا مَاکٛ، تٛرِمٛ بٜى سَوْتُ: «يَا جَوْمِرَاوٛ، ࢡِي دَاوُدَ، عٜنْطَمْ! ندَا ࢡِنغٜلْ عَمْ دٜيٜلْ نغٜلْ غِنَّوٛلْ طٛنْ تٛرَّ مَسِنْ؞» 23عَمَّا عِيسَى جَابَاکِمٛ؞ ݠُکَرَعٜنْ مَاکٛ ࢡَدِتِمٛ، مبِعِمٛ: «رِيوْ مٛ، نغَمْ عٛطٛنْ تٛکِّ عٜنْ بٜى حٛولٛ؞» 24عِيسَى جَابِ: «مِنٜلَاکَ حَا يِمْࢡٜ ڢٜىٰرٜ، سٜيْ حَا بَالِ مَجُّطِ، عُمَّاتٛورٜ إِسْرَاءِيلَ؞» 25عَمَّا دٜبّٛ غٛ وَرِ، تُغَّنِمٛ کٛݠِّ، وِعِ: «وَلَّمْ، يَا جَوْمِرَاوٛ!» 26عِيسَى جَابِمٛ: «وٛوطَايْ حٛوعُغٛ ࢩَامْدُ ࢡِکّٛيْ، سَکِّنَنَ ندَوَاکٛنْ؞» 27دٜبّٛ وِعِ: «نٛنّٛنْ، يَا جَوْمِرَاوٛ، عَمَّا کٛو ندَوَاکٛنْ بٛو طٛنْ ࢩَامَ شَامْطُمْ دِغَ تَابَلْ جَوْمِيکٛنْ؞» 28ندٜنْ عِيسَى وِعِ: «عَنْ دٜبّٛ، نُطِّنْکِ مَاطَ مَکِّ، طُمْ لَاتَنٛ مَ بَنَ عَيِطِ؞» ࢡِنغٜلْ مَاکٛ دٜيٜلْ غٛ يَمْطِتِ سَاعِ مَنْ ندٜنْ؞
عِيسَى يَمْطِتِنِ ࢩَوْࢡٜ طُوطْࢡٜ
29عِيسَى عُمِّ نٛکُّورٜ مَنْ، تٛکِّ کٛمْبِ وٜىٰندُ غَلِيلِ؞ عٛوَعِّ حٛوسٜىٰرٜ، عٛجٛوطِ تٛنْ؞ 30مٛوࢡٜ طُوطّٜ نغَرِ حَا مَاکٛ، ࢡٜنغَدِّ وٛوسْࢡٜ عٜ وُمْࢡٜ عٜ وَاتَ-تٜرْطٜعٜنْ عٜ مُوکَعٜنْ عٜ ࢩَوْࢡٜ وٛطْࢡٜ طُوطْࢡٜ؞ ࢡٜمبَلِّنِ ࢡٜ کٛمْبِ عِيسَى، عٛيَمْطِتِنِ ࢡٜ؞ 31يِمْࢡٜ مٛوࢡْرٜ کَيْطِنِ ندٜ ࢡٜنغِعِ مُوکَعٜنْ طٛنْ مبٛلْوَ، وَاتَ-تٜرْطٜعٜنْ نجَمْطِتِ، وٛوسْࢡٜ طٛنْ نجَحَ بٜى کٛسْطٜ مُوطُمْعٜنْ، وُمْࢡٜ بٛو طٛنْ نغِعَ؞ ࢡٜتٜدِّنِ اَللَّه إِسْرَاءِيلَ؞
عِيسَى ࢩَامْنِ يِمْࢡٜ عُجِنٜ نَيٛ
(مَرْکُسْ 8:1-10)
32عِيسَى عٜوْنِ ݠُکَرَعٜنْ مُوطُمْ، وِعِ ࢡٜ: «مِطٛنْ يُرْمِنَ يِمْࢡٜ ࢡٜعٜ، نغَمْ ࢡٜطٛنْ نغٛنْدِ بٜى عَمْ ࢩَلْطٜ تَتِ، ࢡٜنغَلَا کٛ ࢡٜࢩَامَ؞ مِيِطَا جَࢡِّتَاغٛ ࢡٜ بٜى دٛلٛ نغٛعٛ، نغَمْ تَا ࢡٜتَمْݠَ دٛوْ لَاوٛلْ؞» 33ݠُکَرَعٜنْ مبِعِمٛ: «حَا تٛيْ کٜࢡٜتٜنْ تَمْسٜىٰجٜ ندٜرْ لَدّٜ حَمَادَارٜ طٛ، حَا عٜنْ ندٛکَّ مٛوࢡْرٜ طُوطْندٜ ندٜعٜ ڢُو؟» 34عِيسَى ࢨَمِ ࢡٜ: «تَمْسٜىٰجٜ نٛيْ مَرْطٛنْ؟» ࢡٜنجَابِمٛ: «تَمْسٜىٰجٜ جٛوٜىٰطِطِ عٜ لِيکٛنْ سٜطَّ؞» 35ندٜنْ عِيسَى عُمْرِ مٛوࢡْرٜ جٛوطٛ؞ 36عٛحٛوعِ تَمْسٜىٰجٜ جٛوٜىٰطِطِ عٜ لِطِّ غٛ، عٛيٜتِّ اَللَّه، عٛيٜوِ طٜ، عٛحٛکِّ طٜ ݠُکَرَعٜنْ مَاکٛ، کَمْࢡٜ بٛو ࢡٜندٛکِّ طٜ مٛوࢡْرٜ؞ 37يِمْࢡٜ ڢُو ࢩَامِ، کَارِ؞ ݠُکَرَعٜنْ مٛوࢡْتِ لُتُّطُمْ مَنْ، طُمْ حٜبِّنِ شِلَاجٜ جٛوٜىٰطِطِ؞ 38لِمْغَلْ ࢩَامْࢡٜ ࢩَامْدُ مَنْ دِلَّنِ وٛرْࢡٜ عُجِنٜ نَيٛ، رٜوْࢡٜ عٜ ࢡِکّٛيْ لِمَاکَ؞ 39ندٜ عِيسَى جَࢡِّتِ مٛوࢡْرٜ، عٛنَسْتِ کٛومْبٛوَلْ#15:39 کٛومْبٛوَلْ مَلَّ لَانَوَلْ؞، عٛدِلِّ حَا لٜسْدِ مَغَدَنْ؞
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.