ڢَرِلَّاجِ لٜوِعٜنْ 14

کِرْسٜتٜىٰطِ نغَمْ دَلِيلَ شَطَوٜ

1جَوْمِرَاوٛ وِعِ مُوسَى‏: 2«ندَا عُمْرٛورٜ لَࢡِّنْکِ غٛطّٛ مٛ سَطَوْرٜ مُمْ يَمْطِتِ؞ ࢩَنْدٜ لَࢡِّنٜىٰکِ مَاکٛ ࢡٜنجَحْرَ مٛ حَا لِمَنْجٛ#مَتَّ 8‏:4؛ مَرْکُسْ 1‏:44؛ لُکَ 5‏:14؛ 17‏:14؞؞ 3عٛوُرْتِنَ مٛ يَاسِ سَنغٜىٰرٜ، عٛلَارَ ࢡَنْدُ مَاکٛ؞ تٛ عٛيِعِ ࢩَوُ مَاکٛ يَمْطِتِ، 4سٜيْ عٛعُمْرَ ࢡٜنغَدَّ شٛلِّ دَغِيطِ غٜىٰتِ طِطِ نغَمْ دَلِيلَ لَࢡِّنْتٜىٰطٛ، حَوْتَادٜ بٜى تَيْرٜ لٜغَّلْ شٜمْبِطْنغَلْ عٜ غَارَاجِ بٛطٜىٰجِ شٛيْ عٜ حَاکٛ عِسٛݠْ؞#14‏:4 لَارْ غُرْتَاکِ 12‏:22؞ 5ندٜنْ لِمَنْجٛ عُمْرَ حِرْسُغٛ سٛنْدُ وٛورُ دٛوْ ڢَيَنْدٜ لٛوݠٜ حٜىٰوْندٜ ندِيَمْ سٜىٰࢡٛورٜ؞ 6ندٜنْ عٛحٛوعَ سٛنْدُ يٜىٰرُ عٜ لٜغَّلْ عٜ لٜݠّٜلْ بٛطٜىٰيٜلْ شٛيْ عٜ حَاکٛ عِسٛݠْ، عٛسُووَ طُمْ ندٜرْ ࢨِيࢨَمْ سٛنْدُ حِرْسَاندُ دٛوْ ندِيَمْ سٜىٰࢡٛورٜ غٛ؞ 7عٛوِشَّ ࢨِيࢨَمْ مَنْ ندٜ جٛوٜىٰطِطِ دٛوْ لَࢡِّنْتٜىٰطٛ عٜ ࢩَوُ مُمْ، عٛسٜىٰدٛ مٛ عٛ لَاࢡْطٛ؞ ندٜنْ عٛيٛوڢَ سٛنْدُ يٜىٰرُ، ندُ ڢِيرَ حَا لَدّٜ؞ 8لَࢡِّنْتٜىٰطٛ لٛوتَ لِمْشٜ مُمْ، لَࢡَ غَاسَ مُمْ ڢُو، يِيوٛ؞ بَنَ نِي عٛلَاࢡْرَتَ؞ عٛحٜࢡَنْ نَسْتُغٛ سَنغٜىٰرٜ، عَمَّا سٜيْ عٛجٛوطٛ يَاسِ لَيْمَارُ مَاکٛ ࢩَلْطٜ جٛوٜىٰطِطِ؞ 9ࢩَنْدٜ جٛوٜىٰطِطَوْرٜ عٛلَࢡَ ڢَحِنْ، غَاسَ حٛورٜ عٜ وَکُّدٜ عٜ تِيمٜىٰلٛوجِ#14‏:9 تِيمٜىٰلٛوجِ طُمْ غٜىٰرَمْجِ، وَاتٛ غَاسَاجِ غٛنْطِ دٛوْ يِيتٜرٜ؞ عٜ غَاسَ نغٛطْکَ ڢُو، عٛلٛوتَ لِمْشٜ مَاکٛ، عٛيِيوٛ؞ ندٜنْ کَمْ عٛ لَاࢡْطٛ؞

10«ࢩَنْدٜ جٛوٜىٰتَتَࢡْرٜ عٛحٛوعَ نجَوْکٛيْ طِطٛيْ عٜ بٛرْتٜلْ نغٜلْ ندُوࢡُ، طُمْ ڢُو طُمْ وَلَا عَيْبٜ عٜ کُرٛورِ طِغُّندِ کِلٛ جٛوٜىٰنَيِ نجِيࢡَاندِ بٜى نٜبَّمْ نغَمْ دٛکَّلْ ࢩَامْدُ عٜ رٜىٰتَ لِيتِرْ نٜبَّمْ؞ 11لِمَنْجٛ لَࢡِّنَنْطٛ يَحْرَ لَࢡِّنْتٜىٰطٛ عٜ دٛکّٜ طٜعٜ ڢُو يٜىٰسٛ جَوْمِرَاوٛ حَا دَمُّغَلْ لَيْمَارُ ڢٛتِّرْدٜ؞ 12ندٜنْ عٛحٛوعَ جَوْغٜلْ غٛوتٜلْ، عٛلِيعَنٛ نغٜلْ جَوْمِرَاوٛ کِرْسٜتٜىٰنغٜلْ نغَمْ جٛࢡْکِ عَيْبٜ، حَوْتَادٜ بٜى رٜىٰتَ لِيتِرْ نٜبَّمْ غٛ؞ عٛࢡَنغْتَ طُمْ يٜىٰسٛ جَوْمِرَاوٛ؞ 13سٜيْ عٛحِرْسَ نغٜلْ حَا نٛکُّورٜ سٜنِيندٜ ندٜ ࢡٜکِرْسَتَ کِرْسٜتٜىٰطِ نغَمْ عِتُّکِ حَکّٜ عٜ غُلٜتٜىٰطِ بٛو؞ کِرْسٜتٜىٰنغَ نغَمْ جٛࢡْکِ عَيْبٜ لَاتَنْتٛ لِمَنْجٛ، بَنَ کِرْسٜتٜىٰنغَ نغَمْ عِتُّکِ حَکّٜ بٛو، نغَ ࢡُرْنغَ سٜنَاغٛ؞ 14لِمَنْجٛ حٛوعَ ࢨِيࢨَمْ جَوْغٜلْ غٛ سٜطَّ، وَطَ طَمْ حَا دٜبْلٜکٜىٰرٜ نٛڢْرُ لَࢡِّنْتٜىٰطٛ ࢩَامْرُ عٜ حٛوندُ وٛرْدُ جُنغٛ مَاکٛ ࢩَامٛ عٜ ندُ کٛسْنغَلْ مَاکٛ ࢩَامَلْ؞ 15ندٜنْ لِمَنْجٛ لٛووَ نٜبَّمْ سٜطَّ ندٜرْ نٜوْرٜ مُوطُمْ نَنْدٜ، 16سُووَ حٛوندُ جُنغٛ مُمْ ࢩَامٛ ندٜرْ مَاجَمْ، وِشَّ طَمْ ندٜ جٛوٜىٰطِطِ تٛنْ يٜىٰسٛ جَوْمِرَاوٛ؞ 17ندٜنْ عٛحٛوعَ نٜبَّمْ سٜطَّ ندٜرْ نٜوْرٜ مَاکٛ، عٛوَطَ طَمْ حَا دٜبْلٜکٜىٰرٜ نٛڢْرُ لَࢡِّنْتٜىٰطٛ ࢩَامْرُ عٜ حٛوندُ وٛرْدُ جُنغٛ مَاکٛ ࢩَامٛ عٜ ندُ کٛسْنغَلْ مَاکٛ ࢩَامَلْ، دٛوْ ࢨِيࢨَمْ جَوْغٜلْ غٛ؞ 18نٜبَّمْ لُتُّطَمْ ندٜرْ نٜوْرٜ مَاکٛ، عٛرُڢَ طَمْ دٛوْ حٛورٜ غٛطّٛ غٛ؞ بَنَ نِي عٛحٜࢡْنِرْتَ مٛ يَاڢُيٜ حَا جَوْمِرَاوٛ؞

19«ندٜنْ لِمَنْجٛ لِيعٛ کِرْسٜتٜىٰنغَ نغَمْ عِتُّکِ حَکّٜ، نغَمْ عٛحٜࢡْنَ لَࢡِّنْتٜىٰطٛ يَاڢُيٜ؞ ࢡَاوٛ مَنْ عٛحِرْسَ نغُلٜتٜىٰنغَ؞ 20عٛوُلَ نغَ حَوْتَادٜ بٜى دٛکَّلْ ࢩَامْدُ غٛ دٛوْ حِرْسِرْدٜ؞ بَنَ نِي عٛحٜࢡْنِرْتَ مٛ يَاڢُيٜ، نغَمْ عٛلَاࢡَ؞

21«تٛ لَࢡِّنْتٜىٰطٛ لَاتَکٜ تَلَکَاجٛ مٛ وَاوَايْ وَدُّغٛ دٛکّٜ غٛ، ندٜنْ کَمْ عٛوَدَّ جَوْغٜلْ غٛوتٜلْ کِرْسٜتٜىٰنغٜلْ نغَمْ جٛࢡْکِ عَيْبٜ مَاکٛ، نغٜلْ لَاتٛ غٜطَلْ لِمَنْجٛ کٜࢡْنَنْطٛ مٛ يَاڢُيٜ؞ دٛکَّلْ مَنْ ࢡَنغْتٜ يٜىٰسٛ جَوْمِرَاوٛ؞ عٛوَدَّ کُرٛورِ طِغُّندِ کِلٛ تَتِ، نجِيࢡَاندِ بٜى نٜبَّمْ نغَمْ دٛکَّلْ ࢩَامْدُ عٜ رٜىٰتَ لِيتِرْ نٜبَّمْ؞ 22نٛنْ بٛو ݠٛولِ مَسَرْ طِطِ مَلَّ ݠٛولٛيْ طِطٛيْ، غٛوتٜلْ کِرْسٜتٜىٰنغٜلْ نغَمْ عِتُّکِ حَکّٜ، غٛوتٜلْ غُلٜتٜىٰنغٜلْ؞ 23ࢩَنْدٜ جٛوٜىٰتَتَࢡْرٜ ندٜ لَࢡِّنٜىٰکِ مَاکٛ، عٛوَدَّنَ لِمَنْجٛ دٛکّٜ طٜعٜ ڢُو حَا دَمُّغَلْ لَيْمَارُ ڢٛتِّرْدٜ؞ 24لِمَنْجٛ حٛوعَ جَوْغٜلْ کِرْسٜتٜىٰنغٜلْ نغَمْ جٛࢡْکِ عَيْبٜ عٜ نٜبَّمْ، ࢡَنغْتَ طُمْ يٜىٰسٛ جَوْمِرَاوٛ؞ 25عٛحِرْسَ جَوْغٜلْ غٛ، عٛحٛوعَ ࢨِيࢨَمْ مَاغٜلْ سٜطَّ، عٛوَطَ طَمْ حَا دٜبْلٜکٜىٰرٜ نٛڢْرُ لَࢡِّنْتٜىٰطٛ ࢩَامْرُ عٜ حٛوندُ وٛرْدُ جُنغٛ مَاکٛ ࢩَامٛ عٜ ندُ کٛسْنغَلْ مَاکٛ ࢩَامَلْ؞ 26ندٜنْ لِمَنْجٛ لٛووَ نٜبَّمْ سٜطَّ ندٜرْ نٜوْرٜ مُوطُمْ نَنْدٜ، 27وِشَّ طَمْ بٜى حٛوندُ جُنغٛ مُمْ ࢩَامٛ تٛنْ يٜىٰسٛ جَوْمِرَاوٛ؞ 28ندٜنْ عٛحٛوعَ نٜبَّمْ سٜطَّ ندٜرْ نٜوْرٜ مَاکٛ، عٛوَطَ طَمْ حَا دٜبْلٜکٜىٰرٜ نٛڢْرُ لَࢡِّنْتٜىٰطٛ ࢩَامْرُ عٜ حٛوندُ وٛرْدُ جُنغٛ مَاکٛ ࢩَامٛ عٜ ندُ کٛسْنغَلْ مَاکٛ ࢩَامَلْ، دٛوْ ࢨِيࢨَمْ جَوْغٜلْ غٛ؞ 29نٜبَّمْ لُتُّطَمْ ندٜرْ نٜوْرٜ مَاکٛ، عٛوَطَ طَمْ دٛوْ حٛورٜ غٛطّٛ غٛ؞ بَنَ نِي عٛحٜࢡْنِرْتَ مٛ يَاڢُيٜ حَا جَوْمِرَاوٛ؞ 30ندٜنْ عٛلِيعٛ ݠٛولِ مَسَرْ مَلَّ ݠٛولٛيْ، ڢٛدّٜ بَاوَلْ غٛطّٛ غٛ، 31غٛوتٜلْ کِرْسٜتٜىٰنغٜلْ نغَمْ عِتُّکِ حَکّٜ، غٛوتٜلْ غُلٜتٜىٰنغٜلْ حَوْتَادٜ بٜى دٛکَّلْ ࢩَامْدُ؞ بَنَ نِي عٛحٜࢡْنِرْتَ لَࢡِّنْتٜىٰطٛ يَاڢُيٜ حَا جَوْمِرَاوٛ؞ 32کَنْجُمْ وٛنِ عُمْرٛورٜ دٛوْ غٛطّٛ مٛ ࢩَوُ مُمْ يَمْطِتِ، مٛ وَاوَايْ دٛکَّلْ عُمْرَانغَلْ حَا لَࢡِّنٜىٰکِ مُوطُمْ؞»

عُمْرٛورٜ دٛوْ شِدٛلْ#14‏:32 تٛ ݠٜىٰوٛلْ ࢩَامِ مَحْدِ سُودُ، طُمْ وِعٜتٜ سِدُغٛ؞ حَا شُوطِ

33جَوْمِرَاوٛ وِعِ مُوسَى عٜ هَـٰرُونَ‏: 34«تٛ عٛنْ نَسْتِ لٜسْدِ کَنَانَ ندِ مَرْنَنْمِ عٛنْ، تٛ مِوَطِ شِدٛلْ حَا سُودُ ندٜرْ لٜسْدِ ندِ مَرٛتٛنْ، 35جَوْمُ سُودُ مَنْ عَنْدِنَ طُمْ لِمَنْجٛ؞ 36لِمَنْجٛ عُمْرَ ࢡٜنغُرْتِنَ کُوجٜ غٛنْطٜ ندٜرْ سُودُ مَنْ ڢُو، حِدّٜکٛ عٛيَحَ لَارُغٛ شِدٛلْ، نغَمْ تَا کُوجٜ طٜعٜ ڢُو شٛࢡَ؞ ندٜنْ عٛيَحَ لَارُغٛ ندُ؞ 37تٛ عٛيِعِ شِدٛلْ طٛنْ ࢩَامَ مَحْدِ، نٛوندٜ مَاغٛلْ بٛو لَاتَکٜ وٛطٜىٰرٜ سٜطَّ مَلَّ حَاکٛ-حَاکٛورٜ سٜطَّ، 38سٜيْ عٛوُرْتٛ ندُ، عٛمَࢡَّ ندُ ࢩَلْطٜ جٛوٜىٰطِطِ؞ 39ࢩَنْدٜ جٛوٜىٰطِطَوْرٜ عٛلٛرْتٛ، عٛلَارَ ندُ ڢَحِنْ؞ تٛ عٛيِعِ شِدٛلْ ࢡٜسْدِ يَاجُغٛ حَا مَارُ، 40سٜيْ عٛعُمْرَ ࢡٜنغُرْتِنَ کَاعٜ مَرْطٜ شِدٛلْ غٛ، ࢡٜنغُدِنَ طٜ حَا نٛکُّورٜ سٛࢡْندٜ يَاسِ وُرٛ؞ 41ࢡَاوٛ مَنْ ࢡٜعِتَّ ࢡَکّٛلْ مَحْدِ ندٜرْ سُودُ ڢُو، ࢡٜنغُدِنَ لٛوݠٜ مَنْ حَا نٛکُّورٜ سٛࢡْندٜ يَاسِ وُرٛ؞ 42ندٜنْ ࢡٜمبَطَ کَاعٜ غٛطّٜ حَا نٛکُّوجٜ شٛتِّنَاطٜ غٛ، ࢡٜࢡَکَّ مَحْدِ ندٜرْ مَارُ بٜى لٛوݠٜ کٜشّٜ؞

43«تٛ شِدٛلْ ڢُطِّتِ حَا مَارُ ࢡَاوٛ وُرْتِنْغٛ کَاعٜ عٜ عِتُّغٛ لٛوݠٜ عٜ ࢡَکّٛلْ کٜسٛلْ، 44سٜيْ لِمَنْجٛ يَحَ، لَارَ ندُ ڢَحِنْ؞ تٛ عٛيِعِ شِدٛلْ ࢡٜسْدِ يَاجُغٛ حَا مَارُ، ندٜنْ کَمْ طُمْ شِدٛلْ ࢩَامٛووٛلْ، سُودُ مَنْ سٛࢡِ؞ 45سٜيْ ࢡٜنغِبِّنَ ندُ، ࢡٜنغُدِنَ کَاعٜ عٜ لٜطّٜ عٜ لٛوݠٜ ڢُو حَا نٛکُّورٜ سٛࢡْندٜ يَاسِ وُرٛ؞ 46کٛو مٛيْ نَسْتِ سُودُ مَنْ يَاکٜ ࢡٜمَࢡِّ ندُ، سٛࢡَنْ حَا کِيکِيطٜ؞ 47کٛو مٛيْ وَالِ ندٜرْ سُودُ مَنْ مَلَّ ࢩَامِ تٛنْ، سٜيْ لٛوتَ لِمْشٜ مُمْ؞

48«تٛ لِمَنْجٛ وَرِ، يِعِ شِدٛلْ ڢُطِّتَايْ حَا سُودُ ࢡَاوٛ ࢡٜࢡَکِّ ندُ کٜسُمْ، سٜيْ عٛسٜىٰدٛ ندُ ندُ لَاࢡْندُ، نغَمْ شِدٛلْ عِتَّکٜ؞ 49عٛحٛوعَ شٛلِّ طِطِ نغَمْ عٛعِتَّ حَکّٜ حَا مَارُ؞ عٛحٛوعَ بٛو تَيْرٜ لٜغَّلْ شٜمْبِطْنغَلْ عٜ لٜݠّٜلْ بٛطٜىٰيٜلْ شٛيْ عٜ حَاکٛ عِسٛݠْ؞ 50عٛحِرْسَ سٛنْدُ وٛورُ دٛوْ ڢَيَنْدٜ لٛوݠٜ حٜىٰوْندٜ ندِيَمْ سٜىٰࢡٛورٜ؞ 51ندٜنْ عٛحٛوعَ لٜغَّلْ عٜ لٜݠّٜلْ بٛطٜىٰيٜلْ شٛيْ عٜ حَاکٛ عِسٛݠْ مَنْ عٜ سٛنْدُ يٜىٰرُ، عٛسُووَ طُمْ ڢُو ندٜرْ ࢨِيࢨَمْ سٛنْدُ حِرْسَاندُ عٜ ندِيَمْ سٜىٰࢡٛورٜ؞ عٛوِشَّ طَمْ ندٜ جٛوٜىٰطِطِ دٛوْ سُودُ؞ 52بَنَ نِي عٛعِتِّرْتَ حَکّٜ حَا سُودُ، بٜى ࢨِيࢨَمْ سٛنْدُ عٜ ندِيَمْ سٜىٰࢡٛورٜ عٜ سٛنْدُ طِطَوْرُ عٜ لٜغّٜلْ شٜمْبِطْنغٜلْ عٜ حَاکٛ عِسٛݠْ عٜ لٜݠّٜلْ بٛطٜىٰيٜلْ شٛيْ؞ 53ندٜنْ عٛيٛوڢَ سٛنْدُ يٜىٰرُ، ندُ ڢِيرَ يَاسِ وُرٛ حَا لَدّٜ؞ بَنَ نِي عٛلَࢡِّنِرْتَ سُودُ، ندٜنْ ندُ لَاࢡَنْ؞

54«کَنْجُمْ وٛنِ عُمْرٛوجٜ دٛوْ شَطَوٜ کٛو طٜيٜ عٜ مٜتٜمٜتٜلْدٜ کٛو ندٜيٜىٰرٜ، 55دٛوْ ݠُونٛلْ حَا لِمْشٜ عٜ شِدٛلْ حَا شُوطِ، 56دٛوْ عِرِنْ ݠَارٜ عٜ ࢡُولٜ عٜ ݠُوڢٜ؞ 57طُمْ عٜکِّتِنٛلْ دٛوْ کٛ وِعٜتٜ شٛࢡْطُمْ مَلَّ لَاࢡْطُمْ؞»

Currently Selected:

ڢَرِلَّاجِ لٜوِعٜنْ 14: داَ

Highlight

Copy