يٛوعٜلْ 4
4
کِيتَ دٛوْ عُمَّاتٛوجٜ
1جَوْمِرَاوٛ وِعِ: «سَاعِ مَنْ مِوَرْتِرَنْ جٛوندٜ يَحُودَ عٜ عُرُسَلِيمَ بَنَ نَانٜ؞ 2مِمٛوࢡْتَنْ يِمْࢡٜ عُمَّاتٛوجٜ ڢُو، مِجِݠِّنَ ࢡٜ حَا وَادِوٛلْ يُسَڢَتْ#4:2 يُسَڢَتْ يِطِ وِعْغٛ جَوْمِرَاوٛ تَعِ کِيتَ؞؞ مِحِيتٛتٛ ࢡٜ تٛنْ نغَمْ دَلِيلَ عُمَّاتٛورٜ عَمْ عٜ مَرَلْ عَمْ إِسْرَاءِيلَ؞ ࢡٜشَنغْکِتِ إِسْرَاءِيلَ شَکَ عُمَّاتٛوجٜ غٛطّٜ، ࢡٜشٜنْدِ لٜسْدِ عَمْ؞ 3ࢡٜمبَطِ کُرْعُ نغَمْ عَنْدُغٛ مٛ مَرَتَ عُمَّاتٛورٜ عَمْ؞ ࢡٜشٛورِّ دٜرْکٜىٰجٛ غٛرْکٛ نغَمْ يٛࢡُغٛ دٜبّٛ دَاکَارٜىٰجٛ، ࢡٜشٛورِّ دٜرْکٜىٰجٛ دٜبّٛ نغَمْ حٜࢡُغٛ نغُيْکِنٛوجَمْ، ࢡٜنجَرَ طَمْ؞
4«عٛنٛنْ بٛو، تِرُسْ عٜ سِدٛنْ عٜ لٜسْطٜ ڢِلِسْتِيَ ڢُو، طُمٜ عٛنْ طَࢡَّتَ حَا عَمْ؟ وٛودِ کٛ نغِطّٛنْ وَاتَاغٛ يَمْ نَ؟ تٛ نٛنْ، جٛنْتَ نِي مِلٛرْتِنَنْ طُمْ دٛوْ کٛعٜ مٛوطٛنْ؞ 5عٛنٛنْ عٛنْ کٛوشِ شَرْدِ عَمْ عٜ کَنغّٜىٰرِ عَمْ، عٛنْ نجَحْرِ ندٜسَاجِ عَمْ ࢡُرْطِ سَمَنْ حَا ندٜرْ شُوطِ لَبِّ مٛوطٛنْ؞ 6عٛنْ شٛورِّ يِمْࢡٜ يَحُودَ عٜ عُرُسَلِيمَ حَا يُنَنِنغْکٜعٜنْ نغَمْ دَايْنُغٛ ࢡٜ عٜ لٜسْدِ مَࢡّٜ؞ 7عَمَّا مِعُمِّنَنْ ࢡٜ، ࢡٜنغُرْتٛ نٛکُّورٜ ندٜ عٛنْ شٛورِّ ࢡٜ، مِلٛرْتِنَ کُوطٜ مٛوطٛنْ دٛوْ کٛعٜ مٛوطٛنْ؞ 8مِسٛورَّنْ ࢡِࢡّٜ مٛنْ وٛرْࢡٜ عٜ رٜوْࢡٜ حَا يَحُودُعٜنْ؞ کَمْࢡٜ بٛو ࢡٜشٛورَّ ࢡٜ دَايِيطُمْ حَا سٜبَعٜنْ؞» بَنَ نٛنْ جَوْمِرَاوٛ وِعِ#عٜسَايَ 14:29-31؛ 23:1-18؛ يٜرٜمِيَ 47:1-7؛ عٜزٜکِيٜلْ 25:15-17؛ 26:1–28:26؛ عَمٛسْ 1:6-10؛ سٜڢَنِيَ 2:4-7؛ جٜکَرِيَ 9:1-7؛ مَتَّ 11:21-22؛ لُکَ 10:13-14؞؞
9نغٛويْنٜ طُمْ شَکَ عُمَّاتٛوجٜ! تَاسْکَنٜ کٛنُ! عٜوْنٜ سٜمْبِطْࢡٜ! حٛنٛوࢡٜ ڢُو ࢡَدِتٛ، نَسْتَ حَࢡْرٜ! 10بٜى بَانٜىٰجٜ مَࢡّٜ ࢡٜتَݠِّرَنْ کَاڢَاجٜ، بٜى بَڢْطِ مَࢡّٜ بٛو لَبّٜ؞ کٛو تَمْݠُطٛ بٛو وِعَ: مِ شٜمْبِطّٛ#عٜسَايَ 2:4؛ مِکَ 4:3؞! 11عٛنٛنْ عُمَّاتٛوجٜ تَارِيطٜ، نغَرٜ بٜى ݠَرْغَلْ، مٛوࢡٜ! يَا جَوْمِرَاوٛ، جِݠِّنْ حٛنٛوࢡٜ مَاطَ تٛنْ! 12عُمَّاتٛوجٜ طٜعٜ تَاسْکٛ، نغَرَ حَا وَادِوٛلْ يُسَڢَتْ؞ حَا تٛنْ جَوْمِرَاوٛ جٛوطٛتٛ نغَمْ عٛحِيتٛ عُمَّاتٛوجٜ تَارِيطٜ ڢُو؞ 13حَلّٜىٰندٜ مَࢡّٜ طُوطِ؞ نغَمْ مَاجُمْ شٛدٜ ࢡٜ بَنَ نٛ غٛطّٛ وَعِرْتَ عَلْکَمَارِ؞ نجَاࢡٜ ࢡٜ بَنَ نٛ غٛطّٛ ࢡِطِّرْتَ عِنَبٛوجٜ ندٜرْ ࢡِطِّرْدٜ حٜىٰوْندٜ، حَا عِنَبٛوجَمْ رُڢَ#وَحَيُ يُحَنَّ 14:14-16،19-20؛ 19:15؞؞ 14عُمَّاتٛوجٜ طُوطّٜ طٛنْ حَا وَادِوٛلْ کِيتَ، نغَمْ ࢩَلَادٜ جَوْمِرَاوٛ ࢡَدِتَکٜ تٛنْ؞ 15نَانغٜ عٜ لٜوْرُ ࢩِࢡِّ، کٛودٜ بٛو عَشِّ يَيْنُغٛ؞ 16جَوْمِرَاوٛ طٛنْ حٛولَ حَا حٛوسٜىٰرٜ سِيٛنَ، طٛنْ تٜلْࢡَ حَا عُرُسَلِيمَ؞ عَسَمَ عٜ لٜسْدِ طٛنْ ندِمْبٛ؞ عَمَّا عٛ حِسْرُدٜ عُمَّاتٛورٜ مَاکٛ، عٛࢩُکّٛرْدٜ سٜمْبِطْندٜ نغَمْ إِسْرَاءِيلَ#عَمٛسْ 1:2؞؞ 17عٛوِعِ: «عٛنٛنْ إِسْرَاءِيلَعٜنْ، تٛ طُمْ لَاتَکٜ، عٛنْ عَنْدَنْ مِنْ وٛنِ جَوْمِرَاوٛ، اَللَّه مٛوطٛنْ، جٛوطِيطٛ دٛوْ سِيٛنَ، حٛوسٜىٰرٜ عَمْ سٜنِيندٜ؞ عُرُسَلِيمَ لَاتٛتٛ بٜرْنِوٛلْ شٜنَانغٛلْ، جَنَنْࢡٜ مٜىٰتَتَا سَالَاغٛ ندٜرْ مَاغٛلْ!»
18سَاعِ مَنْ کٛوسٜىٰجٜ کٜىٰوَنْ غٜسٜ عِنَبٛوجٜ، نَعِ طُوطَنْ دٛوْ تٛوْندِيجٜ ڢُو، مَاجٜ ندٜرْ يَحُودَ عِلْنَنْ ندِيَمْ طُوطَّمْ، ندِيَمْ ࢡُلَنْ عٜ سُودُ جَوْمِرَاوٛ نغَمْ سٛوڢْنُغٛ وَادِوٛلْ سِتِّمْ؞ 19مِصْرَ لَاتٛتٛ يٜىٰوٜىٰندٜ، عٜدٛومْ بٛو لَاتٛتٛ لَدّٜ مٜىٰرٜ، نغَمْ يِمْࢡٜ لٜسْطٜ طٜعٜ تٛوࢩِ يِمْࢡٜ يَحُودَ، ندُڢِ تٛنْ ࢨِيࢨَمْ يِمْࢡٜ ࢡٜنغَلَا عَيْبٜ؞ 20-21جَوْمِرَاوٛ وَاتٛتٛ مبَرَاࢡٜ، عٛعٜنْطَتَا عَيْبُࢡٜ؞ يِمْࢡٜ نجٛوطٛتٛ حَا يَحُودَ عٜ ندٜرْ عُرُسَلِيمَ حَا ڢٛرٛيْ، جَوْمِرَاوٛ بٛو جٛوطٛتٛ دٛوْ حٛوسٜىٰرٜ سِيٛنَ؞
Currently Selected:
يٛوعٜلْ 4: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.