حٛسٜعَ 7
7
تُورْتٛلْ إِسْرَاءِيلَ
1جَوْمِرَاوٛ وِعِ: «ندٜ نغِطْمِ ࢩَوْندُغٛ إِسْرَاءِيلَ ڢُو، عَيْبٜ عٜڢْرَيِمْ عٜ کُوطٜ سَمَرِيَ کَلُّطٜ مبَنغِ؞ نغَمْ ࢡٜطٛنْ ݠٜوْجَ؞ وُيْࢡٜ طٛنْ نَسْتَ شُوطِ، ڢَسٛوࢡٜ طٛنْ نجَࢡْتَ دٛوْ لَابِ؞ 2عَمَّا ࢡٜنُمَتَا مِطٛنْ سِڢْتٛرَ حَلّٜىٰندٜ مَࢡّٜ ڢُو! جٛنْتَ کُوطٜ مَࢡّٜ طٛنْ تَارِ ࢡٜ، مِطٛنْ يِعَ طٜ؞ 3ࢡٜطٛنْ شٜيْنَ لَامِيطٛ بٜى حَلّٜىٰندٜ مَࢡّٜ، عَرْدِيࢡٜ بٛو بٜى ݠٜوٜ مَࢡّٜ؞ 4ࢡٜ ڢُو ࢡٜ جٜىٰنٛوࢡٜ، ࢡٜنَنْدِ بٜى تَمْسِرْدُ وُلْندُ جَوْ ندُ تَمْسٛووٛ عَشِّ يِيتٜ طٛنْ وُلَ ندٜرْ مَارُ، وَکَّتِ عٛجِيࢡِ کُرٛورِ حَا ندِ عُڢٛ؞ 5حَا ࢩَلَادٜ جُولْدٜ لَامِيطٛ مَࢡّٜ، عَرْدِيࢡٜ ࢩَوِ بٜى نغُيْکِنٛوجَمْ، لَامِيطٛ نَنغِندِرِ جُوطٜ بٜى جَنْشٛوࢡٜ؞ 6وَکَّتِ مَنْ ࢡٜ ڢُو ࢡٜطٛنْ نُڢٛ کَلُّطُمْ، ࢡٜرْطٜ مَࢡّٜ نغُلِ بَنَ تَمْسِرْدُ؞ جٜمَّارٜ ڢُو تُورْتٛلْ مَࢡّٜ وَنغَتَ تَوٛنْ، عَمَّا ڢَجِرِ نغٛلْ وُلَنْ بَنَ يِيتٜ؞ 7ࢡٜ ڢُو ࢡٜطٛنْ نغُلَ بَنَ يِيتٜ تَمْسِرْدُ نغَمْ حَلْکُغٛ حِيتٛوࢡٜ مَࢡّٜ؞ لَامِيࢡٜ مَࢡّٜ ندٛعِّ غٛوتٛ غٛوتٛ ڢُو#7:7 لَارْ 1 لَامِيࢡٜ 15:28؞؞ عَمَّا وَلَا کٛو غٛوتٛ مَࢡّٜ تٛرٛتٛ يَمْ بَلَّلْ؞
8«عٜڢْرَيِمْ طٛنْ جِلِّنْدِرَ بٜى عُمَّاتٛوجٜ غٛطّٜ؞ عٜڢْرَيِمْ لَاتِ بَنَ تَمْسٜىٰرٜ سَعَاندٜ وَکٜىٰرٜ وٛورٜ تَنْ، ندٜ وَيْلِتَاکَ؞ 9جَنَنْࢡٜ ࢩَامِ سٜمْبٜ مَاکٛ، عٛعَنْدَا؞ عٛوَطِ دَندَنْدِ، عٛعَنْدَا؞ 10مَوْنِتَارٜ إِسْرَاءِيلَعٜنْ طٛنْ سٜىٰدٛ دٛوْ کٛعٜ مَࢡّٜ، عَمَّا ࢡٜلٛرْتَاکِ حَا جَوْمِرَاوٛ اَللَّه مَࢡّٜ، ࢡٜنغَيْلِتَاکِ حَا مَاکٛ نغَمْ حَالَ مَنْ ڢُو؞ 11عٜڢْرَيِمْ لَاتِ بَنَ ݠٛولَ کُمِينغَ نغَ وَلَا حَکِّيلٛ؞ ࢡٜعٜوْنِ مِصْرَ نغَمْ بَلَّلْ، ࢡٜنجٜحِ حَا عَسُّورَ بٛو؞ 12تٛ ࢡٜندِلِّ، مِوٜعِّتَنْ زُبَاوٛلْ عَمْ دٛوْ مَࢡّٜ، مِجِݠِّنَ ࢡٜ بَنَ شٛلِّ عَسَمَ؞ مِحِيتٛتٛ ࢡٜ بَنَ عَارْتُمِ رٜىٰنْتِنْغٛ جَمَعَارٜ مَࢡّٜ؞
13«بٛنٜ لَاتَنْتٛ ࢡٜ، نغَمْ ࢡٜندٛغِّ يَمْ دَايِيطُمْ؞ حَلْکٜرٜ عُکَّنْتٛ ࢡٜ، نغَمْ ࢡٜتُورْتَنِ يَمْ؞ مِسٛوتَّنّٛ ࢡٜ، عَمَّا ࢡٜمبٛلْوِ ݠٜوٜ دٛوْ عَمْ؞ 14ندٜ ࢡٜمبٛيِ ࢡٜ وَالِيࢡٜ دٛوْ دَاغٜ مَࢡّٜ، ࢡٜتٛرَاکِ يَمْ ندٜرْ ࢡٜرْطٜ مَࢡّٜ؞ ࢡٜطٛنْ ࢨَرٛ ࢡَلِّ مَࢡّٜ نغَمْ ࢡٜکٜࢡَ عَلْکَمَارِ عٜ عِنَبٛوجَمْ کٜسَمْ؞ عَمَّا مِنْ، ࢡٜطٛنْ تُورْتَنَمِّ؞ 15مِنْ مِعٜکِّتِنِ ࢡٜ، مِسٜمْبِطِنِ جُوطٜ مَࢡّٜ؞ عَمَّا کَمْࢡٜ ࢡٜطٛنْ نُڢٛ کَلُّطُمْ دٛوْ عَمْ؞ 16ࢡٜطٛنْ نغَيْلِتٛ، عَمَّا نَا حٜىٰدِ عَمْ؞ ࢡٜطٛنْ بَنَ لَغَاوَلْ بٛنِّينغَلْ؞ عَرْدِيࢡٜ مَࢡّٜ ندٛعّٛرْتٛ بٜى کَاڢَحِ، نغَمْ دَلِيلَ طٜمْطٜ مَࢡّٜ عٜلٜوْطٜ؞ نغَمْ دَلِيلَ مَنْ يِمْࢡٜ لٜسْدِ مِصْرَ نجَلَتَ ࢡٜ؞»
Currently Selected:
حٛسٜعَ 7: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
