غَلَاتِيَعٜنْ نَسْتُکِ
نَسْتُکِ
ݠٛلْ نٜلَاطٛ بٜى حٛورٜ مُمْ وِنْدَنِ جَمَعَاجٜ نُطِّنْࢡٜ ندٜرْ لٜسْدِ غَلَاتِيَ بَتَاکٜوٛلْ نغٛعٛلْ نغَمْ حَا ࢡٜتَبِتٛ دٛوْ وٛلْدٜ ندٜعٜ: «عَدِلِيجٛ يٜىٰطِرَنْ بٜى نُطِّنْکِ» (3:11)؞ يَاکٜ مَنْ عُمِّنْࢡٜ ڢِتِنَ، يِطْࢡٜ وَيْلُغٛ لِنْجِيلَ اَلْمَسِيحُ نغَرِ نجِيࢡِنٛ ࢡٜ (1:7)؞ ݠٛلْ دَرْتَنِ ࢡٜ بٜى شَاتَلْ نغَمْ عٛعَنْدِ وَلَا لِنْجِيلَ نغٛطْکَ (1:8)؞ کٛو ݠِيٜرْ بٛو، عٛڢٜلِ طُمْ يٜىٰسٛ يِمْࢡٜ ڢُو نغَمْ عٛسٜلِ غٛونغَ لِنْجِيلَ، عٛطٛوْتَنِ تَوْرٜىٰتَ (2:11-14)؞
نَا طٛوْتَنَاغٛ تَوْرٜىٰتَ لَاتِنْتَ غٛطّٛ عَدِلِيجٛ، سٜيْ مٛعّٜرٜ اَللَّه تَنْ (2:21)؞ اَللَّه طٛنْ عَدِلِنَ يِمْࢡٜ ڢُو بٜى نُطِّنْکِ (3:8)، کٛو مٛيْ تٜڢِ عَدِلِنٜىٰکِ حَا تَوْرٜىٰتَ، عٛنَالَامَ (3:10)؞ اَلْمَسِيحُ رِمْطِنِ عٜنْ دِغَ تَوْرٜىٰتَ، عٜنْ لَاتِ ࢡِࢡّٜ اَللَّه، عٜنْ ندٛنَنْ طُمْ کٛ اَللَّه تَاسْکِتِنَنِ نُطِّنْࢡٜ مٛ (3:29؛ 4:5-7)؞ نغَمْ مَاجُمْ سٜيْ دِمْطِنَاطٛ ڢُو حَکِّلَنَ ندِمُ مُوطُمْ نغَمْ تَا غٛطّٛ وَرْتِرَ مٛ مَشُّطٛ ڢَحِنْ (5:1)؞ عَمَّا تَا ندِمُ مَنْ بٛو لَاتٛ حُجَّ نغَمْ يٜىٰطُغٛ ڢٛدّٜ سُونٛوجِ ࢡَنْدُ (5:13،16-21)؞ سٜيْ ندِمُ ندٜرْ اَلْمَسِيحُ وَنغِنَ کٛ رُوحُ رِمَتَ (5:22-23)؞
تٛکِّنْدِرْکِ حَالَاجِ:
ڢُطّٛودٜ 1:1-10
ݠٛلْ سٜىٰدِ حَالَ عٜوْنَاندُ مُوطُمْ 1:11–2:21
طٛوْتَنَاغٛ تَوْرٜىٰتَ عٜ نُطِّنْغٛ لِنْجِيلَ 3
ندِمُ مَسِيحِنغْکٜعٜنْ عٜ کَلِيڢَاکُ مَࢡّٜ 4–5
وَسُيٜىٰجِ رَغَرٜىٰجِ عٜ کٛوڢْلِ 6
Currently Selected:
غَلَاتِيَعٜنْ نَسْتُکِ: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.