غَلَاتِيَعٜنْ 2

نٜلَاࢡٜ نجَࢡِ ݠٛلْ

1ࢡَاوٛ دُوࢡِ سَݠّٛ عٜ نَيِ نجَحْمِ عُرُسَلِيمَ ڢَحِنْ؞ بَرْنَبَسْ يَحْدِ بٜى عَمْ، مِحٛوعِ بٛو تِتُسْ بٜى عَمْ#کُوطٜ نٜلَاࢡٜ 11‏:30؛ 15‏:2؞؞ 2مِيٜحِ تٛنْ ڢٛدّٜ وَحَيُ مٛ کٜࢡْمِ؞ مِعَنْدِنِ تٜدِّنَاࢡٜ لِنْجِيلَ کَ نغَازَنْمِ عُمَّاتٛوجٜ، مِوَطِ طُمْ ندٜرْ سِرِّ نغَمْ مِيِطَا کُوغَلْ نغَلْ مِعَارْتِ حُووُغٛ عٜ نغَلْ کُووَنْمِ جٛنْتَ لَاتٛ مٜىٰرٜ؞ 3تِتُسْ غٛنْدُطٛ بٜى عَمْ عٛ يُنَنِنغْکٜىٰجٛ#2‏:3 يُنَنِنغْکٜىٰجٛ مَلَّ غِرٜکْجٛ؞، عَمَّا وَلَا مٛ دٛولِمٛ جُولْنَاغٛ؞ 4وٛودِنٛ نَاڢِکِعٜنْ لَاتِنْࢡٜ کٛعٜ مُوطُمْعٜنْ دٜىٰرْطِرَاࢡٜ، نَسْتُࢡٜ جَمَعَارٜ بٜى دَبَرٜ؞ کَمْࢡٜ ࢡٜنغِطِ لِࢩُغٛ ندِمُ نغُ مَرْطٜنْ ندٜرْ کَوْتَلْ بٜى اَلْمَسِيحُ نغَمْ وَرْتِرْغٛ مِنْ مَشُّࢡٜ؞ 5عَمَّا مِنْ طٛوْتَنَاکِ ࢡٜ سَمْ، نغَمْ حَا غٛونغَ لِنْجِيلَ تَبِتَنَ عٛنْ؞

6تٜدِّنَاࢡٜ غٛ نجٛوَنَايْ يَمْ کٛو طُمٜ – کٛو ندٜ وَلَا کٛ يَالِ يَمْ بٜى کٛ ࢡٜلَاتِنٛ ࢡٛويْمَ، نغَمْ اَللَّه سٜنْدِندِرْتَا يِمْࢡٜ#تٛوکْتَاکِ تَوْرٜىٰتَ 10‏:17؞؞ 7ࢡٜݠَامِ اَللَّه حَلْڢِنِ يَمْ وَازُ لِنْجِيلَ شَکَ عُمَّاتٛوجٜ غٛطّٜ، بَنَ نٛ عٛحَلْڢِنِرِ ݠِيٜرْ وَازُ لِنْجِيلَ شَکَ يَحُودُعٜنْ؞ 8اَللَّه مٛ طٛنّٛ حُووَ ندٜرْ ݠِيٜرْ، لَاتِنِمٛ نٜلَاطٛ شَکَ يَحُودُعٜنْ، حُووِ ندٜرْ عَمْ، لَاتِنِ يَمْ نٜلَاطٛ حَا عُمَّاتٛوجٜ غٛطّٜ؞ 9ندٜ يَاکُبَ عٜ کٜڢَسْ عٜ يُحَنَّ، لَاتِيࢡٜ بَنَ دَنغْرَنغٜ ندٜرْ جَمَعَارٜ، عَنْدِتِ مٛعّٜرٜ ندٜ اَللَّه مٛعَّنِ يَمْ، ࢡٜعَنْدِتِ يَمْ، مِنْ عٜ بَرْنَبَسْ، مِنْ حُووْدٛوࢡٜ بٜى مَࢡّٜ، نغَمْ حَا مِنِنْ مِنْ کُووَ ندٜرْ عُمَّاتٛوجٜ غٛطّٜ، کَمْࢡٜ بٛو حَا يَحُودُعٜنْ؞ 10سٜيْ ࢡٜتٛرِ مِنْ مِنْ شُکْلَنٛ تَلَکَعٜنْ تَنْ، مِتِينِ وَطُغٛ طُمْ؞

ݠٛلْ دَرْتَنِ کٜڢَسْ حَا عَنْتَکِيَ

11ندٜ کٜڢَسْ وَرِ حَا عَنْتَکِيَ، مِدَرْتَنِمٛ غِتٜ يِمْࢡٜ، نغَمْ عٛوَطِ عَيْبٜ؞ 12دِغَ يِمْࢡٜ يَاکُبَ وٛطْࢡٜ نغَرَايْنٛ تَوٛنْ، عٛطٛنّٛ ࢩَامْدَ بٜى دٜىٰرْطِرَاࢡٜ ࢡٜنجُولْنَاکِ#2‏:12 نجُولْنَاکِ مَلَّ ندٜمْنَايْ؞؞ عَمَّا ندٜ ࢡٜيَ غٛ نغَرِ، عٛدَايْتِ، عٛعَشِّ ࢩَامْدُغٛ بٜى مَࢡّٜ نغَمْ عٛحُلِ جُولْنٛتٛوࢡٜ ࢡٜعٜ؞ 13دٜىٰرْطِرَاࢡٜ يَحُودُعٜنْ وٛطْࢡٜ بٛو مبَطِ نَاڢِکَارٜ مَنْ، حَا بَرْنَبَسْ مَا نَسْتِ ندٜرْ نَاڢِکَارٜ مَࢡّٜ مَنْ؞ 14ندٜ نغِعْمِ ࢡٜطٛنْ شٜلَ غٛونغَ لِنْجِيلَ، مِوِعِ کٜڢَسْ يٜىٰسٛ يِمْࢡٜ ڢُو‏: «عَنْ يَحُودُوجٛ مَا، عَطٛنْ يٜىٰطَ بَنَ يِمْࢡٜ عُمَّاتٛوجٜ نغٜىٰطِرْتَ نَا بَنَ يَحُودُعٜنْ، کٛنِ عَيِطِ دٛولُغٛ يِمْࢡٜ عُمَّاتٛوجٜ حَا ࢡٜنغٜىٰطَ بَنَ يَحُودُعٜنْ؟»

کِسْندَمْ سٜيْ بٜى نُطِّنْکِ

15مِنِنْ کَمْ مِنْ يَحُودُعٜنْ عَسْلِعٜنْ، نَا مِنْ حٜىٰڢٜىٰرْࢡٜ، حَکّٜعٜنْ ࢡٜعٜ، 16عَمَّا عٜنْ عَنْدِ نٜطّٛ وَاوَتَا عَدِلِنٜىٰغٛ بٜى طٛوْتَنَاغٛ تَوْرٜىٰتَ، سٜيْ بٜى نُطِّنْغٛ عِيسَى اَلْمَسِيحُ؞ عٜنٜنْ بٛو عٜنْ نُطِّنِ عِيسَى اَلْمَسِيحُ، حَا عٜنْ کٜࢡَ عَدِلِنٜىٰغٛ بٜى نُطِّنْکِ کِعِ، نَا بٜى طٛوْتَنَاغٛ تَوْرٜىٰتَ؞ نغَمْ بٜى کُوطٜ تَوْرٜىٰتَ وَلَا کٛو غٛوتٛ حٜࢡَتَ عَدِلِنٜىٰغٛ#جَبُورَ 143‏:2؛ رٛمَعٜنْ 3‏:20‏،22؞؞ 17تٛ مِنْ طٛنْ تٜڢَ حَا اَلْمَسِيحُ عَدِلِنَ مِنْ، عَسٜى مِنِنْ مَا مِنْ لَاتَکٜ حَکّٜعٜنْ؞ تٛ نٛنْ کَمْ، اَلْمَسِيحُ طٛنْ وَلِّتَ حَکّٜ نَ؟ نَا نٛنْ سَمْ‏! 18تٛ نِي مِطٛنْ ࢩِࢡْتَ کٛ مِيِبِّنّٛ، ندٜنْ کَمْ مِوَنغِنِ حٛورٜ عَمْ مِ لُوتْطٛ تَوْرٜىٰتَ؞ 19مِنْ کَمْ مِ مَايْطٛ حٜىٰدِ تَوْرٜىٰتَ، کَنغْکَ کَنْ مبَرِ يَمْ، حَا مِيٜىٰطَ نغَمْ اَللَّه؞ مِمَايْدِ بٜى اَلْمَسِيحُ دٛوْ لٜغَّلْ غَاڢَانغَلْ؞ 20نَا مِنْ يٜىٰطَتَ جٛنْتَ، عَمَّا اَلْمَسِيحُ طٛنْ يٜىٰطَ ندٜرْ عَمْ؞ يَاکٜ مِطٛنْ يٜىٰطَ ندٜرْ ࢡَنْدُ عَمْ جٛنْتَ، مِطٛنْ يٜىٰطَ بٜى نُطِّنْغٛ ࢡِطّٛ اَللَّه مٛ يِطِ يَمْ، حٛکِّ يٛنغْکِ مُوطُمْ نغَمْ عَمْ؞ 21مِنْ مِوُدِنْتَا مٛعّٜرٜ اَللَّه؞ نغَمْ تٛ غٛطّٛ حٜࢡَنْ عَدِلَاکُ بٜى طٛوْتَنَاغٛ تَوْرٜىٰتَ، ندٜنْ کَمْ اَلْمَسِيحُ مَايِ مٜىٰرٜ؞

Currently Selected:

غَلَاتِيَعٜنْ 2: داَ

Highlight

Copy