تٛوکْتَاکِ تَوْرٜىٰتَ 7
7
إِسْرَاءِيلَ، عُمَّاتٛورٜ ندٜ جَوْمِرَاوٛ اَللَّه سُࢡِ
(غُرْتَاکِ 34:11-16)
1«تٛ جَوْمِرَاوٛ، اَللَّه مٛوطٛنْ يَحْرِ عٛنْ حَا لٜسْدِ ندِ مَرٛتٛنْ، عٛرِيوَنْ عُمَّاتٛوجٜ طُوطّٜ طٜعٜ يٜىٰسٛ مٛوطٛنْ: حٜتِعٜنْ عٜ غِرْغَسِعٜنْ عٜ عَمٛورِعٜنْ عٜ کَنَانِعٜنْ عٜ ݠٜرٜزِّعٜنْ عٜ حٜوِعٜنْ عٜ يٜبُسِعٜنْ؞ عُمَّاتٛوجٜ جٛوٜىٰطِطِ طٜعٜ، ࢡُرِ عٛنْ طُوطٜىٰنغَ عٜ سٜمْبٜ#کُوطٜ نٜلَاࢡٜ 13:19؞؞ 2جَوْمِرَاوٛ، اَللَّه مٛوطٛنْ حٛکَّنْ عٛنْ يِمْࢡٜ وٛنْࢡٜ يٜىٰسٛ مٛوطٛنْ ࢡٜعٜ؞ عٛنْ نجَالٛتٛ ࢡٜ، عٛنْ مبَرَنْ ࢡٜ، عٛنْ نَتِّنَنْ ࢡٜ ڢُو؞ تَا کَࢡّٜ عَلْکَوَلْ بٜى مَࢡّٜ، تَا عٜنْطٜ ࢡٜ؞ 3تَا عٜسِرٜ بٜى مَࢡّٜ، تَا ندٛکّٜ ࢡِࢡّٜ مَࢡّٜ وٛرْࢡٜ ࢡِࢡّٜ مٛنْ رٜوْࢡٜ، تَا تٜعَنٜ ࢡِࢡّٜ مٛنْ وٛرْࢡٜ ࢡِࢡّٜ مَࢡّٜ رٜوْࢡٜ بٛو؞ 4نغَمْ طُمْ دَايْنَنْ ࢡِࢡّٜ مٛنْ وٛرْࢡٜ عٜ جَوْمِرَاوٛ، حَا ࢡٜشُجِدَنَ لَبِّ غٛطِّ؞ ندٜنْ طُمْ عُمِّنَنْ تِکّٜرٜ جَوْمِرَاوٛ سَاتُندٜ دٛوْ مٛوطٛنْ، عٛنَتِّنَنْ عٛنْ لَوْ؞ 5ندَا کٛ عٛنْ مبَطَتَ يِمْࢡٜ ࢡٜعٜ: نغِبِّنٜ کِرْسِرْطٜ مَࢡّٜ، ݠُسٜ کَاعٜ شِڢْتِنٛرْطٜ مَࢡّٜ، نغِبِّنٜ عَسٜرَاجِ مَࢡّٜ شٜنَاطِ، نغُلٜ لَبِّ مَࢡّٜ#تٛوکْتَاکِ تَوْرٜىٰتَ 12:3؞؞ 6نغَمْ عٛنٛنْ عٛنْ عُمَّاتٛورٜ سٜنَاندٜ نغَمْ جَوْمِرَاوٛ، اَللَّه مٛوطٛنْ مٛ سُࢡِ عٛنْ حَا عٛنْ لَاتَنٛ مٛ عُمَّاتٛورٜ يِطَاندٜ شَکَ عُمَّاتٛوجٜ غٛنْطٜ ندٜرْ دُنِيَارُ ڢُو#غُرْتَاکِ 19:5؛ تٛوکْتَاکِ تَوْرٜىٰتَ 4:20؛ 14:2؛ 26:18؛ تِتُسْ 2:14؛ 1 ݠِيٜرْ 2:9؞؞
7«جَوْمِرَاوٛ يِطِ عٛنْ، سُࢡِ عٛنْ، نَا نغَمْ عٛنْ ࢡُرِ عُمَّاتٛوجٜ غٛطّٜ طُوطُغٛ! ڢَکَتْ عٛنْ ࢡُرِ طٜ ڢُو ڢَمْطُغٛ؞ 8نغَمْ جَوْمِرَاوٛ يِطِ عٛنْ، حٜبِّنِ حُنَيٜىٰرٜ ندٜ عٛحُنَنِ کَاکِرَاࢡٜ مٛنْ؞ عٛوُرْتِنِ عٛنْ بٜى جُنغٛ مَاکٛ سٜمْبِطْنغٛ دِغَ لٜسْدِ مِصْرَ، عٛرِمْطِنِ عٛنْ عٜ نجٜيَانغُ دِغَ جُنغٛ ڢِرْعَوْنَ، لَامِيطٛ مِصْرَ؞ 9عَنْدِتٜ، جَوْمِرَاوٛ، اَللَّه مٛوطٛنْ وٛنِ اَللَّه، عٛ کٛولْنِيطٛ ڢٜىٰرٜ مَاکٛ، عٛطٛنْ جٛغِ عَلْکَوَلْ مَاکٛ بٜى عَدِلَاکُ نغَمْ يِطْࢡٜ مٛ عٜ طٛوْتَنْتٛوࢡٜ عُمْرٛوجٜ مَاکٛ حَا يٛتّٛ غِدٜ عُجِنٜىٰرٜ؞ 10عَمَّا عٛنٜىٰࢡَتَا وَاتَاغٛ وَࢩْࢡٜ مٛ؞ ڢَکَتْ عٛحَلْکَنْ کٛو مٛيْ غَࢩْطٛ مٛ#غُرْتَاکِ 20:5-6؛ 34:6-7؛ لِمْلٜ 14:18؛ تٛوکْتَاکِ تَوْرٜىٰتَ 5:9-10؞؞ 11نغَمْ مَاجُمْ کَکِّلَنٜ عُمْرٛوجٜ عٜ ڢَرِلَّاجِ عٜ کِيتَاجِ طُمْ عُمْرَنْمِ عٛنْ حَنْدٜ؞ طٛوْتَنٜ طُمْ؞»
بَرْکَاجِ طٛوْتَارٜ
(تٛوکْتَاکِ تَوْرٜىٰتَ 28:1-14)
12«تٛ عٛنْ کَکِّلَنِ کِيتَاجِ طِعِ، تٛ عٛنْ طٛوْتَنَکٜ طِ بٜى غٛونغَ، ندٜنْ کَمْ جَوْمِرَاوٛ، اَللَّه مٛوطٛنْ جٛغِتِتّٛ عَلْکَوَلْ مُمْ عٜ مٛعّٜرٜ مُمْ، بَنَ عٛحُنٛرَنِ کَاکِرَاࢡٜ مٛوطٛنْ؞ 13عٛيِطَنْ عٛنْ، عٛبَرْکِطِنَنْ عٛنْ حَا عٛنْ ࢡٜسْدٛ طُوطُغٛ، عٛنْ کٜࢡَ ࢡِکّٛيْ طُوطْکٛيْ؞ عٛبَرْکِطِنَنْ ࢨَامْلٜ مٛنْ حَا عٛنْ کٜࢡَ عَلْکَمَارِ عٜ عِنَبٛوجَمْ عٜ نٜبَّمْ طُوطَّمْ؞ عٛطُطِّنَنْ نَعِ مٛنْ عٜ دَمّٛوجِ مٛنْ؞ عٛنْ کٜࢡَنْ بَرْکَاجِ طِعِ ڢُو ندٜرْ لٜسْدِ ندِ عٛحُنَنِ کَاکِرَاࢡٜ مٛوطٛنْ عٛحٛکَّنْ عٛنْ ندِ؞ 14عٛنْ بَرْکِطِنْتٜىٰࢡٜ کٛ ࢡُرِ عُمَّاتٛوجٜ دُنِيَارُ ڢُو؞ دِمَرٛ مَلَّ سٛويَ-نغٛرْغَاکُ وٛنَتَا شَکَ مٛوطٛنْ عٜ شَکَ دَبَّاجِ مٛنْ؞ 15جَوْمِرَاوٛ دَايْنَنَنْ عٛنْ ࢩَوُجِ ڢُو؞ ࢩَوُجِ کَلُّطِ طِ عَنْدُطٛنْ حَا مِصْرَ، عٛعُکَّنْتَا عٛنْ کٛو نغٛوتُ مَاجِ؞ عَمَّا عٛعُکَّنْ طِ ڢُو دٛوْ کٛنّٜعٜنْ مٛنْ ڢُو؞ 16نَتِّنٜ عُمَّاتٛوجٜ طٜ جَوْمِرَاوٛ، اَللَّه مٛوطٛنْ حٛکَّتَ عٛنْ ڢُو؞ تَا نجُرْمِنٜ طٜ؞ تَا شُجِدَنٜ لَبِّ مَاجٜ، نغَمْ طُمْ لَاتَنْتٛ عٛنْ تُوڢٛرْغٛلْ#تٛوکْتَاکِ تَوْرٜىٰتَ 11:13-17؞؞
17«تَا نُمٜ: يِمْࢡٜ ࢡٜعٜ ࢡُرِ عٜنْ طُوطُغٛ، عٜنْ مبَاوَتَا رِيوُغٛ ࢡٜ؞ 18تَا کُلٜ ࢡٜ، شِڢْتٛرٜ کٛ جَوْمِرَاوٛ، اَللَّه مٛوطٛنْ وَطِ ڢِرْعَوْنَ عٜ مِصْرَعٜنْ ڢُو؞ 19شِڢْتٛرٜ مَسِيبٛوجِ نَاوْطِ عٜ کَايٜىٰڢِيجِ طِ نغِعْطٛنْ بٜى غِتٜ مٛنْ؞ شِڢْتٛرٜ نٛ جَوْمِرَاوٛ رِمْطِنِرِ عٛنْ بٜى جُنغٛ مُمْ ڢٛرْتَانغٛ، سٜمْبِطْنغٛ؞ عُمَّاتٛوجٜ طٜ کُلٛتٛنْ جٛنْتَ، عٛحَلْکَنْ طٜ بَنَ عٛحَلْکِرِ مِصْرَعٜنْ؞ 20عٛعُکَّنَنْ يِمْࢡٜ مَاجٜ جَبَتِّ سٜيْ تٛ دَطَنْࢡٜ، ࢩُکّٛتٛوࢡٜ يٜىٰسٛ مٛوطٛنْ کَلْکِ؞ 21تَا کُلْتٛرٜ يٜىٰسٛ مَࢡّٜ، نغَمْ جَوْمِرَاوٛ، اَللَّه غٛنْدُطٛ بٜى مٛوطٛنْ، عٛ اَللَّه مَوْطٛ، کُلْنِيطٛ؞ 22جَوْمِرَاوٛ، اَللَّه مٛوطٛنْ رِيوَنْ عُمَّاتٛوجٜ مَنْ سٜطَّ سٜطَّ يٜىٰسٛ مٛوطٛنْ؞ عٛنْ مبَاوَتَا نَتِّنْغٛ طٜ لَوْ، نغَمْ تَا کُوجٜ لَدّٜ طُوطَ دٛوْ مٛوطٛنْ؞ 23جَوْمِرَاوٛ، اَللَّه مٛوطٛنْ حٛکَّنْ عٛنْ عُمَّاتٛوجٜ يٜىٰسٛ مٛنْ طٜعٜ، عٛعُکَّنَنْ طٜ کُلٛلْ عٜ کُلْتٛرٜىٰنغٛلْ مَسِنْ حَا طٜ نَتَّ ڢُو؞ 24عٛحٛکَّنْ عٛنْ لَامِيࢡٜ مَاجٜ بٛو؞ عٛنْ نَتِّنَنْ عِنْطٜ مَࢡّٜ حَا دُنِيَارُ؞ وَلَا کٛو غٛوتٛ دَرْتٛتٛ يٜىٰسٛ مٛوطٛنْ، عٛنْ نَتِّنَنْ ࢡٜ ڢُو؞ 25نغُلٜ سُورَاجِ لَبِّ مَࢡّٜ؞ تَا شُونٜ شَرْدِ عٜ کَنغّٜىٰرِ نغٛنْدِ حَا لَبِّ مَنْ، تَا کٛوشٜ ندِ؞ تٛ نَا نٛنْ، عٛنْ نَسْتَنْ ندٜرْ تُوڢٛرْغٛلْ، نغَمْ طُمْ ࢩِدُّطُمْ حَا جَوْمِرَاوٛ، اَللَّه مٛوطٛنْ؞ 26تَا نَسْتِنٜ لَبِّ ࢩِدُّطِ طِعِ ندٜرْ شُوطِ مٛنْ، نغَمْ تَا نَتّٜرٜ وٛنْدٜ دٛوْ مَاجِ وَرَ دٛوْ مٛوطٛنْ بٛو؞ سٜيْ عٛنْ نغَࢩَ طِ، عٛنْ ندَارَ طِ بَنَ ࢩِدُّطِ، نغَمْ طِ کَرَمْطِ؞»
Currently Selected:
تٛوکْتَاکِ تَوْرٜىٰتَ 7: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
تٛوکْتَاکِ تَوْرٜىٰتَ 7
7
إِسْرَاءِيلَ، عُمَّاتٛورٜ ندٜ جَوْمِرَاوٛ اَللَّه سُࢡِ
(غُرْتَاکِ 34:11-16)
1«تٛ جَوْمِرَاوٛ، اَللَّه مٛوطٛنْ يَحْرِ عٛنْ حَا لٜسْدِ ندِ مَرٛتٛنْ، عٛرِيوَنْ عُمَّاتٛوجٜ طُوطّٜ طٜعٜ يٜىٰسٛ مٛوطٛنْ: حٜتِعٜنْ عٜ غِرْغَسِعٜنْ عٜ عَمٛورِعٜنْ عٜ کَنَانِعٜنْ عٜ ݠٜرٜزِّعٜنْ عٜ حٜوِعٜنْ عٜ يٜبُسِعٜنْ؞ عُمَّاتٛوجٜ جٛوٜىٰطِطِ طٜعٜ، ࢡُرِ عٛنْ طُوطٜىٰنغَ عٜ سٜمْبٜ#کُوطٜ نٜلَاࢡٜ 13:19؞؞ 2جَوْمِرَاوٛ، اَللَّه مٛوطٛنْ حٛکَّنْ عٛنْ يِمْࢡٜ وٛنْࢡٜ يٜىٰسٛ مٛوطٛنْ ࢡٜعٜ؞ عٛنْ نجَالٛتٛ ࢡٜ، عٛنْ مبَرَنْ ࢡٜ، عٛنْ نَتِّنَنْ ࢡٜ ڢُو؞ تَا کَࢡّٜ عَلْکَوَلْ بٜى مَࢡّٜ، تَا عٜنْطٜ ࢡٜ؞ 3تَا عٜسِرٜ بٜى مَࢡّٜ، تَا ندٛکّٜ ࢡِࢡّٜ مَࢡّٜ وٛرْࢡٜ ࢡِࢡّٜ مٛنْ رٜوْࢡٜ، تَا تٜعَنٜ ࢡِࢡّٜ مٛنْ وٛرْࢡٜ ࢡِࢡّٜ مَࢡّٜ رٜوْࢡٜ بٛو؞ 4نغَمْ طُمْ دَايْنَنْ ࢡِࢡّٜ مٛنْ وٛرْࢡٜ عٜ جَوْمِرَاوٛ، حَا ࢡٜشُجِدَنَ لَبِّ غٛطِّ؞ ندٜنْ طُمْ عُمِّنَنْ تِکّٜرٜ جَوْمِرَاوٛ سَاتُندٜ دٛوْ مٛوطٛنْ، عٛنَتِّنَنْ عٛنْ لَوْ؞ 5ندَا کٛ عٛنْ مبَطَتَ يِمْࢡٜ ࢡٜعٜ: نغِبِّنٜ کِرْسِرْطٜ مَࢡّٜ، ݠُسٜ کَاعٜ شِڢْتِنٛرْطٜ مَࢡّٜ، نغِبِّنٜ عَسٜرَاجِ مَࢡّٜ شٜنَاطِ، نغُلٜ لَبِّ مَࢡّٜ#تٛوکْتَاکِ تَوْرٜىٰتَ 12:3؞؞ 6نغَمْ عٛنٛنْ عٛنْ عُمَّاتٛورٜ سٜنَاندٜ نغَمْ جَوْمِرَاوٛ، اَللَّه مٛوطٛنْ مٛ سُࢡِ عٛنْ حَا عٛنْ لَاتَنٛ مٛ عُمَّاتٛورٜ يِطَاندٜ شَکَ عُمَّاتٛوجٜ غٛنْطٜ ندٜرْ دُنِيَارُ ڢُو#غُرْتَاکِ 19:5؛ تٛوکْتَاکِ تَوْرٜىٰتَ 4:20؛ 14:2؛ 26:18؛ تِتُسْ 2:14؛ 1 ݠِيٜرْ 2:9؞؞
7«جَوْمِرَاوٛ يِطِ عٛنْ، سُࢡِ عٛنْ، نَا نغَمْ عٛنْ ࢡُرِ عُمَّاتٛوجٜ غٛطّٜ طُوطُغٛ! ڢَکَتْ عٛنْ ࢡُرِ طٜ ڢُو ڢَمْطُغٛ؞ 8نغَمْ جَوْمِرَاوٛ يِطِ عٛنْ، حٜبِّنِ حُنَيٜىٰرٜ ندٜ عٛحُنَنِ کَاکِرَاࢡٜ مٛنْ؞ عٛوُرْتِنِ عٛنْ بٜى جُنغٛ مَاکٛ سٜمْبِطْنغٛ دِغَ لٜسْدِ مِصْرَ، عٛرِمْطِنِ عٛنْ عٜ نجٜيَانغُ دِغَ جُنغٛ ڢِرْعَوْنَ، لَامِيطٛ مِصْرَ؞ 9عَنْدِتٜ، جَوْمِرَاوٛ، اَللَّه مٛوطٛنْ وٛنِ اَللَّه، عٛ کٛولْنِيطٛ ڢٜىٰرٜ مَاکٛ، عٛطٛنْ جٛغِ عَلْکَوَلْ مَاکٛ بٜى عَدِلَاکُ نغَمْ يِطْࢡٜ مٛ عٜ طٛوْتَنْتٛوࢡٜ عُمْرٛوجٜ مَاکٛ حَا يٛتّٛ غِدٜ عُجِنٜىٰرٜ؞ 10عَمَّا عٛنٜىٰࢡَتَا وَاتَاغٛ وَࢩْࢡٜ مٛ؞ ڢَکَتْ عٛحَلْکَنْ کٛو مٛيْ غَࢩْطٛ مٛ#غُرْتَاکِ 20:5-6؛ 34:6-7؛ لِمْلٜ 14:18؛ تٛوکْتَاکِ تَوْرٜىٰتَ 5:9-10؞؞ 11نغَمْ مَاجُمْ کَکِّلَنٜ عُمْرٛوجٜ عٜ ڢَرِلَّاجِ عٜ کِيتَاجِ طُمْ عُمْرَنْمِ عٛنْ حَنْدٜ؞ طٛوْتَنٜ طُمْ؞»
بَرْکَاجِ طٛوْتَارٜ
(تٛوکْتَاکِ تَوْرٜىٰتَ 28:1-14)
12«تٛ عٛنْ کَکِّلَنِ کِيتَاجِ طِعِ، تٛ عٛنْ طٛوْتَنَکٜ طِ بٜى غٛونغَ، ندٜنْ کَمْ جَوْمِرَاوٛ، اَللَّه مٛوطٛنْ جٛغِتِتّٛ عَلْکَوَلْ مُمْ عٜ مٛعّٜرٜ مُمْ، بَنَ عٛحُنٛرَنِ کَاکِرَاࢡٜ مٛوطٛنْ؞ 13عٛيِطَنْ عٛنْ، عٛبَرْکِطِنَنْ عٛنْ حَا عٛنْ ࢡٜسْدٛ طُوطُغٛ، عٛنْ کٜࢡَ ࢡِکّٛيْ طُوطْکٛيْ؞ عٛبَرْکِطِنَنْ ࢨَامْلٜ مٛنْ حَا عٛنْ کٜࢡَ عَلْکَمَارِ عٜ عِنَبٛوجَمْ عٜ نٜبَّمْ طُوطَّمْ؞ عٛطُطِّنَنْ نَعِ مٛنْ عٜ دَمّٛوجِ مٛنْ؞ عٛنْ کٜࢡَنْ بَرْکَاجِ طِعِ ڢُو ندٜرْ لٜسْدِ ندِ عٛحُنَنِ کَاکِرَاࢡٜ مٛوطٛنْ عٛحٛکَّنْ عٛنْ ندِ؞ 14عٛنْ بَرْکِطِنْتٜىٰࢡٜ کٛ ࢡُرِ عُمَّاتٛوجٜ دُنِيَارُ ڢُو؞ دِمَرٛ مَلَّ سٛويَ-نغٛرْغَاکُ وٛنَتَا شَکَ مٛوطٛنْ عٜ شَکَ دَبَّاجِ مٛنْ؞ 15جَوْمِرَاوٛ دَايْنَنَنْ عٛنْ ࢩَوُجِ ڢُو؞ ࢩَوُجِ کَلُّطِ طِ عَنْدُطٛنْ حَا مِصْرَ، عٛعُکَّنْتَا عٛنْ کٛو نغٛوتُ مَاجِ؞ عَمَّا عٛعُکَّنْ طِ ڢُو دٛوْ کٛنّٜعٜنْ مٛنْ ڢُو؞ 16نَتِّنٜ عُمَّاتٛوجٜ طٜ جَوْمِرَاوٛ، اَللَّه مٛوطٛنْ حٛکَّتَ عٛنْ ڢُو؞ تَا نجُرْمِنٜ طٜ؞ تَا شُجِدَنٜ لَبِّ مَاجٜ، نغَمْ طُمْ لَاتَنْتٛ عٛنْ تُوڢٛرْغٛلْ#تٛوکْتَاکِ تَوْرٜىٰتَ 11:13-17؞؞
17«تَا نُمٜ: يِمْࢡٜ ࢡٜعٜ ࢡُرِ عٜنْ طُوطُغٛ، عٜنْ مبَاوَتَا رِيوُغٛ ࢡٜ؞ 18تَا کُلٜ ࢡٜ، شِڢْتٛرٜ کٛ جَوْمِرَاوٛ، اَللَّه مٛوطٛنْ وَطِ ڢِرْعَوْنَ عٜ مِصْرَعٜنْ ڢُو؞ 19شِڢْتٛرٜ مَسِيبٛوجِ نَاوْطِ عٜ کَايٜىٰڢِيجِ طِ نغِعْطٛنْ بٜى غِتٜ مٛنْ؞ شِڢْتٛرٜ نٛ جَوْمِرَاوٛ رِمْطِنِرِ عٛنْ بٜى جُنغٛ مُمْ ڢٛرْتَانغٛ، سٜمْبِطْنغٛ؞ عُمَّاتٛوجٜ طٜ کُلٛتٛنْ جٛنْتَ، عٛحَلْکَنْ طٜ بَنَ عٛحَلْکِرِ مِصْرَعٜنْ؞ 20عٛعُکَّنَنْ يِمْࢡٜ مَاجٜ جَبَتِّ سٜيْ تٛ دَطَنْࢡٜ، ࢩُکّٛتٛوࢡٜ يٜىٰسٛ مٛوطٛنْ کَلْکِ؞ 21تَا کُلْتٛرٜ يٜىٰسٛ مَࢡّٜ، نغَمْ جَوْمِرَاوٛ، اَللَّه غٛنْدُطٛ بٜى مٛوطٛنْ، عٛ اَللَّه مَوْطٛ، کُلْنِيطٛ؞ 22جَوْمِرَاوٛ، اَللَّه مٛوطٛنْ رِيوَنْ عُمَّاتٛوجٜ مَنْ سٜطَّ سٜطَّ يٜىٰسٛ مٛوطٛنْ؞ عٛنْ مبَاوَتَا نَتِّنْغٛ طٜ لَوْ، نغَمْ تَا کُوجٜ لَدّٜ طُوطَ دٛوْ مٛوطٛنْ؞ 23جَوْمِرَاوٛ، اَللَّه مٛوطٛنْ حٛکَّنْ عٛنْ عُمَّاتٛوجٜ يٜىٰسٛ مٛنْ طٜعٜ، عٛعُکَّنَنْ طٜ کُلٛلْ عٜ کُلْتٛرٜىٰنغٛلْ مَسِنْ حَا طٜ نَتَّ ڢُو؞ 24عٛحٛکَّنْ عٛنْ لَامِيࢡٜ مَاجٜ بٛو؞ عٛنْ نَتِّنَنْ عِنْطٜ مَࢡّٜ حَا دُنِيَارُ؞ وَلَا کٛو غٛوتٛ دَرْتٛتٛ يٜىٰسٛ مٛوطٛنْ، عٛنْ نَتِّنَنْ ࢡٜ ڢُو؞ 25نغُلٜ سُورَاجِ لَبِّ مَࢡّٜ؞ تَا شُونٜ شَرْدِ عٜ کَنغّٜىٰرِ نغٛنْدِ حَا لَبِّ مَنْ، تَا کٛوشٜ ندِ؞ تٛ نَا نٛنْ، عٛنْ نَسْتَنْ ندٜرْ تُوڢٛرْغٛلْ، نغَمْ طُمْ ࢩِدُّطُمْ حَا جَوْمِرَاوٛ، اَللَّه مٛوطٛنْ؞ 26تَا نَسْتِنٜ لَبِّ ࢩِدُّطِ طِعِ ندٜرْ شُوطِ مٛنْ، نغَمْ تَا نَتّٜرٜ وٛنْدٜ دٛوْ مَاجِ وَرَ دٛوْ مٛوطٛنْ بٛو؞ سٜيْ عٛنْ نغَࢩَ طِ، عٛنْ ندَارَ طِ بَنَ ࢩِدُّطِ، نغَمْ طِ کَرَمْطِ؞»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.