تٛوکْتَاکِ تَوْرٜىٰتَ 4
4
مُوسَى تِطِّنِ يِمْࢡٜ حَا ࢡٜطٛوْتَنٛ تَوْرٜىٰتَ
1مُوسَى وِعِ: «جٛنْتَ، عٛنٛنْ إِسْرَاءِيلَعٜنْ، نَنٜ ڢَرِلَّاجِ عٜ کِيتَاجِ طِ عٜکِّتِنَنْمِ عٛنْ، طٛوْتَنٜ طُمْ؞ ندٜنْ عٛنْ نغٜىٰطَنْ، عٛنْ نَسْتَنْ لٜسْدِ ندِ جَوْمِرَاوٛ، اَللَّه کَاکِرَاࢡٜ مٛوطٛنْ حٛکَّنْ عٛنْ نغَمْ مَرٛنْ طُمْ؞ 2تَا ࢡٜسْدٜ کٛو طُمٜ حَا کٛ عُمْرَنْمِ عٛنْ، تَا عُسْتٜ طُمْ بٛو؞ طٛوْتَنٜ عُمْرٛوجٜ جَوْمِرَاوٛ، اَللَّه مٛوطٛنْ طٜ عُمْرَنْمِ عٛنْ#وَحَيُ يُحَنَّ 22:18-19؞؞ 3عٛنْ نغِعِ بٜى غِتٜ مٛنْ کٛ جَوْمِرَاوٛ وَطِ بَعَلْ#4:3 بَعَلْ طُمْ لَوْرُ کَنَانِعٜنْ مَوْندُ؞-ݠٜعٛرْ؞ جَوْمِرَاوٛ، اَللَّه مٛوطٛنْ حَلْکِ کٛو مٛيْ تٛکِّيطٛ بَعَلْ-ݠٜعٛرْ شَکَ مٛوطٛنْ#لِمْلٜ 25:1-9؞؞ 4عَمَّا عٛنٛنْ طَکّٛتِرْࢡٜ بٜى جَوْمِرَاوٛ، اَللَّه مٛوطٛنْ، عٛنْ ڢُو عٛنْ يٜىٰطْࢡٜ حَنْدٜ؞
5«ندَا، مِعٜکِّتِنِ عٛنْ ڢَرِلَّاجِ عٜ کِيتَاجِ، ڢٛدّٜ کٛ جَوْمِرَاوٛ، اَللَّه عَمْ عُمْرِ يَمْ؞ طٛوْتَنٜ طِ ندٜرْ لٜسْدِ ندِ ࢡَدِيطٛنْ نَسْتُغٛ نغَمْ مَرٛنْ طُمْ؞ 6تٛ عٛنْ کَکِّلَنِ طِ، تٛ عٛنْ طٛوْتَنَکٜ طِ، يِمْࢡٜ عُمَّاتٛوجٜ غٛطّٜ تَمِّيࢡٜ نَنُغٛ ڢَرِلَّاجِ طِعِ ندَارَنْ عٛنْ عٛنْ حِکْمَعٜنْ عٜ مَرْࢡٜ ڢَامُ، ࢡٜمبِعَنْ: ڢَکَتْ، عُمَّاتٛورٜ مَوْندٜ ندٜعٜ مَرِ حِکْمَ عٜ ڢَامُ!
7«عُمَّاتٛورٜ ندٜيٜ، کٛو ندٜ مَوْندٜ، وٛودِ طٛوَنْتٜىٰࢡٜ ࢡَدِيࢡٜ ندٜ بَنَ جَوْمِرَاوٛ، اَللَّه مٜىٰطٜنْ؟ کَنغْکٛ عٛطٛنْ ࢡَدِ عٜنْ کٛو ندٜيْ عٜنْ تٛرٛتٛ مٛ؞ 8عُمَّاتٛورٜ ندٜيٜ، کٛو ندٜ مَوْندٜ، وٛودِ ڢَرِلَّاجِ عٜ کِيتَاجِ غٛونغْطُطِ بَنَ تَوْرٜىٰتَ کَعَ ڢُو کَ عَنْدِنَنْمِ عٛنْ حَنْدٜ؟ 9عَمَّا ندٜىٰنْتٜ! کَکِّلَنٜ کٛعٜ مٛنْ بٛوطُّمْ، تَا نغٜجِّتٜ کٛ نغِعْطٛنْ بٜى غِتٜ مٛنْ، نجٛغٜ طُمْ بَلْطٜ مٛوطٛنْ ڢُو؞ نغٜشّٜ ࢡِکّٛيْ مٛنْ عٜ تَانِرَاࢡٜ مٛنْ 10حَالَ ࢩَلَادٜ ندٜ ندَرِيطٛنْ يٜىٰسٛ جَوْمِرَاوٛ، اَللَّه مٛوطٛنْ حَا حٛرٜبْ، ندٜ جَوْمِرَاوٛ وِعِ يَمْ: مٛوࢡْتُ يِمْࢡٜ عُمَّاتٛورٜ حَا ࢡٜنَنَ کٛ مبٛلْوَنْمِ نغَمْ حَا ࢡٜعٜکِّتٛ حُلُغٛ يَمْ بَلْطٜ مَࢡّٜ ڢُو حَا دُنِيَارُ، ࢡٜعٜکِّتِنَ طُمْ ࢡِکّٛيْ مَࢡّٜ؞
11«ࢩَلَادٜ ندٜعٜ، عٛنْ ࢡَدِتِ، عٛنْ ندَرِ لٜسْ حٛوسٜىٰرٜ سُدِّرَاندٜ دُولٜ تٜکُّطٜ عٜ شُورْطٜ ࢡَلٜىٰجٜ، جَمِّتِيندٜ يِيتٜ حَا يٛتِّ عَسَمَنْجِ غٛ؞ 12نغٜشّٜ کٛيْ نٛ جَوْمِرَاوٛ وٛلْوِرَنِ عٛنْ ندٜرْ يِيتٜ، عٛنْ نَنِ بٛلّٜ مَاکٛ، عَمَّا عٛنْ نغِعَايْ جَاتِ مَاکٛ، سٜيْ سَوْتُ تَنْ؞ 13عٛعَنْدِنِ عٛنْ عَلْکَوَلْ نغَلْ عٛحَࢡِّ بٜى مٛوطٛنْ، عٛعُمْرِ عٛنْ طٛوْتَنَاغٛ عُمْرٛوجٜ مَاکٛ سَݠّٛ طٜ عٛوِنْدِ دٛوْ عَلُّحَاجٜ کَاعٜ طِطِ؞ 14سَاعِ مَنْ جَوْمِرَاوٛ عُمْرِ يَمْ مِعٜکِّتِنَ عٛنْ ڢَرِلَّاجِ عٜ کِيتَاجِ، نغَمْ عٛنْ طٛوْتَنٛ طُمْ ندٜرْ لٜسْدِ ندِ ࢡَدِيطٛنْ نَسْتُغٛ نغَمْ مَرٛنْ طُمْ؞»
کَطْکِ سُجِدَنْغٛ لَبِّ
15«کَکِّلَنٜ کٛعٜ مٛوطٛنْ بٛوطُّمْ نغَمْ عٛنْ نغِعَايْ کٛو طُمٜ ࢩَلَادٜ ندٜ جَوْمِرَاوٛ وٛلْوَنِ عٛنْ حَا حٛوسٜىٰرٜ حٛرٜبْ ندٜرْ يِيتٜ، 16نغَمْ تَا عٛنْ مبَطَ حَکّٜ بٜى وَطَنْغٛ کٛعٜ مٛنْ سُورَ لَوْرُ نَنْدُکَ بٜى جَاتِ کٛو مٛيْ، کٛو غٛرْکٛ کٛو دٜبّٛ#غُرْتَاکِ 20:4؛ ڢَرِلَّاجِ لٜوِعٜنْ 26:1؛ تٛوکْتَاکِ تَوْرٜىٰتَ 5:8؛ 27:15؞ ، 17کٛو سُورَ ندَبَّاوَ کٛو نغَيٜ حَا دُنِيَارُ، کٛو سٛنْدُ کٛو ندُيٜ ڢِيرَنْدُ حَا عَسَمَ، 18کٛو لَدٛووَ کٛو نغَيٜ#رٛمَعٜنْ 1:23؞، کٛو سُورَ لِينغُ کٛو نغُيٜ ندٜرْ ندِيَمْ لٜسْ لٜسْدِ؞ 19تٛ عٛنْ تِجَّکٜ عَسَمَ، عٛنْ نغِعِ نَانغٜ عٜ لٜوْرُ عٜ کٛودٜ، تَا طُمْ عٜسْتَ عٛنْ سُجِدَنْغٛ طِ، نجَغَّنٛ طِ؞ جَوْمِرَاوٛ، اَللَّه مٛوطٛنْ يٜطَنِ طِ عُمَّاتٛوجٜ غٛطّٜ ڢُو، طٜ شُجِدَنَ طِ؞ 20عَمَّا عٛنٛنْ، جَوْمِرَاوٛ حٛوشِ عٛنْ، وُرْتِنِ عٛنْ ندٜرْ ࢡٛلِنِرْدٜ نجَمْندِ ندٜ لٜسْدِ مِصْرَ، نغَمْ عٛنْ لَاتٛ عُمَّاتٛورٜ مَاکٛ عٜ مَرَلْ مَاکٛ، بَنَ نٛ عٛنْ مبَعِ حَنْدٜ#غُرْتَاکِ 19:5؛ تٛوکْتَاکِ تَوْرٜىٰتَ 7:6؛ 14:2؛ 26:18؛ تِتُسْ 2:14؛ 1 ݠِيٜرْ 2:9؞؞ 21جَوْمِرَاوٛ تِکَّنِ يَمْ دَلِيلَ مٛوطٛنْ، عٛحُنَنِ يَمْ مِحٜࢡَتَا عٜىٰرَاغٛ مَايٛ عُرْدُنْ، مِنَسْتَتَا لٜسْدِ مبٛوندِ ندِ جَوْمِرَاوٛ، اَللَّه مٛوطٛنْ حٛکَّتَ عٛنْ عٛنْ مَرَ طُمْ#لِمْلٜ 20:12؞؞ 22نغَمْ مِنْ مِمَايَنْ حَا لٜسْدِ ندِعِ، مِعٜىٰرَتَاکٛ مَايٛ عُرْدُنْ؞ عَمَّا عٛنٛنْ عٛنْ عٜىٰرٛتٛ، عٛنْ مَرَنْ لٜسْدِ مبٛوندِ مَنْ؞ 23ندٜىٰنْتٜ، تَا نغٜجِّتٜ عَلْکَوَلْ نغَلْ جَوْمِرَاوٛ، اَللَّه مٛنْ حَࢡِّ بٜى مٛوطٛنْ! تَا مبَطَنٜ کٛعٜ مٛنْ لَوْرُ ڢٛدّٜ سُورَ کٛو کَيٜ نغَمْ جَوْمِرَاوٛ، اَللَّه مٛوطٛنْ حَطِ طُمْ؞ 24نغَمْ جَوْمِرَاوٛ، اَللَّه مٛوطٛنْ طٛنْ بَنَ يِيتٜ وُلَنْنغٜ، عٛيِطَا عٛنْ تٛکّٛ طٛوَنْتٜىٰطٛ ڢٜىٰرٜ سَمْ#4:24 … عٛيِطَا عٛنْ تٛکّٛ طٛوَنْتٜىٰطٛ ڢٜىٰرٜ سَمْ مَلَّ بٛو عٛ کَاجُطٛ؞#عِبْرَنِنغْکٜعٜنْ 12:29؞؞
25«کٛو تٛ عٛنْ ندُورِ ندٜرْ لٜسْدِ، تٛ عٛنْ کٜࢡِ ࢡِکّٛيْ عٜ تَانِرَاࢡٜ بٛو، تَا مبَطٜ حَکّٜ بٜى وَطَنْغٛ کٛعٜ مٛنْ سُورَاجِ لَبِّ بٜى جَاتِ کٛو طُمٜ؞ طُمْ کَلُّطُمْ حَا جَوْمِرَاوٛ، اَللَّه مٛوطٛنْ، طُمْ تِکِّنَنْ مٛ؞ 26مِطٛنْ عٜوْنٛ حَنْدٜ عَسَمَ عٜ لٜسْدِ، طُمْ لَاتٛ سٜىٰدٛوࢡٜ عَمْ دٛوْ مٛوطٛنْ: تٛ عٛنْ مبَطِ طُمْ، عٛنْ کَلْکَنْ لَوْ دٛوْ لٜسْدِ؞ عٛنْ ندُورَتَا ندٜرْ لٜسْدِ غَطَ عُرْدُنْ ندِ نَسْتٛتٛنْ نغَمْ مَرٛنْ طُمْ؞ عٛنْ ندُورَتَا ندٜرْ مَارِ؞ عٛنْ کَلْکَنْ ڢُو؞ 27جَوْمِرَاوٛ سَنغْکِتَنْ عٛنْ شَکَ عُمَّاتٛوجٜ؞ لُتَّنْࢡٜ مٛنْ حَا لٜسْدِ جَوْمِرَاوٛ، اَللَّه مٛوطٛنْ يَحْرَتَ عٛنْ تٛنْ طُوطَتَا؞ 28تٛنْ عٛنْ نجَغَّنْتٛ طٛوَنْتٜىٰࢡٜ حُووْرَاࢡٜ بٜى لٜطّٜ عٜ کَاعٜ، ࢡٜ يِمْࢡٜ شٜحِ بٜى جُوطٜ مُوطُمْعٜنْ، ࢡٜمبَاوَتَا يِعُغٛ عٜ نَنُغٛ عٜ ࢩَامُغٛ عٜ لُوࢡْنَاغٛ#تٛوکْتَاکِ تَوْرٜىٰتَ 28:36؞؞ 29تٛنْ عٛنْ نغَيْلِتِتّٛ حٜىٰدِ جَوْمِرَاوٛ، اَللَّه مٛوطٛنْ؞ تٛ عٛنْ نغَيْلِتَکٜ حٜىٰدِ مَاکٛ بٜى ࢡٜرْندٜ وٛورٜ، عٛوَنغِنَنَنْ عٛنْ حٛورٜ مَاکٛ#يٜرٜمِيَ 29:13؞؞ 30تٛ عٛنْ نَسْتِ ࢡِلَّارٜ ندٜرْ ࢩَلْطٜ غَرَنْطٜ، تٛ کُوجٜ طٜعٜ ڢُو کٜࢡِ عٛنْ، ندٜنْ کَمْ عٛنْ لٛرْتٛتٛ حَا جَوْمِرَاوٛ، عٛنْ طٛوْتَنْتٛ مٛ؞ 31نغَمْ جَوْمِرَاوٛ، اَللَّه مٛوطٛنْ عٛ مَرْطٛ عٜنْطَمْ؞ عٛعَشَّتَا عٛنْ، عٛحَلْکَتَا عٛنْ، عٛيٜجِّتِتَّا عَلْکَوَلْ نغَلْ عٛحَࢡِّ بٜى کَاکِرَاࢡٜ مٛنْ؞
32«نغَمْ مَنْ ࢨَمٜ کٛ سَالِنٛ ࢡٛويْمَ، سَاعِ عٛنْ ندَࢩَاکَ تَوٛنْ، دِغَ ࢩَلَادٜ اَللَّه تَغِ نٜطّٛ دٛوْ لٜسْدِ؞ مبِطِتٜ دُنِيَارُ ڢُو؞ مَوْطُمْ بَنَ طُعُمْ مٜىٰطِ لَاتَاغٛ نَ؟ غٛطّٛ مٜىٰطِ نَنُغٛ عِرِنْ مَنْ نَ؟ 33عُمَّاتٛورٜ ندٜيٜ لُتِّ بٜى يٛنغْکِ ࢡَاوٛ ندٜ نَنِ طٛوَنْتٜىٰطٛ بٛلْوُطٛ ندٜرْ يِيتٜ، بَنَ عٛنٛنْ عٛنْ نَنِ، عٛنْ لُتِّ بٛو؟ 34مَلَّ طٛوَنْتٜىٰطٛ مٛيٜ ڢٛونْدِ جَࢡْتُغٛ عُمَّاتٛورٜ مُمْ دِغَ جُنغٛ عُمَّاتٛورٜ ڢٜىٰرٜ، بٜى مَسِيبٛوجِ عٜ عَلَامَاجِ عٜ کَايٜىٰڢِيجِ، بٜى کٛنُ عٜ جُنغٛ سٜمْبِطْنغٛ عٜ کُوجٜ مَوْطٜ کُلْنِيطٜ؟ عٛنٛنْ عٛنْ نغِعِ نٛ جَوْمِرَاوٛ، اَللَّه مٛوطٛنْ وَارَنِ عٛنْ طُمْ ڢُو حَا مِصْرَ؞ 35عٛنٛنْ، جَوْمِرَاوٛ حٛلِّ عٛنْ طُمْ ڢُو حَا عٛنْ ݠَامَ کَنغْکٛ تَنْ وٛنِ اَللَّه، وَلَا طٛوَنْتٜىٰطٛ غٛطّٛ#مَرْکُسْ 12:32؞؞ 36دِغَ عَسَمَ عٛوٛلْوَنِ عٛنْ، عٛنْ نَنِ سَوْتُ مَاکٛ نغَمْ عٛعٜلْتَ عٛنْ؞ دٛوْ لٜسْدِ بٛو، عٛوَنغِنَنِ عٛنْ يِيتٜ مَاکٛ مَنغٜ، عٛنْ نَنِ بٛلّٜ مَاکٛ ندٜرْ مَاغٜ بٛو؞ 37نغَمْ عٛيِطِ کَاکِرَاࢡٜ مٛنْ؞ عٛسُࢡِ دَࢩْغٛلْ مَࢡّٜ، کَنغْکٛ بٜى حٛورٜ مَاکٛ وُرْتِنِ عٛنْ مِصْرَ، بٜى بَاوْطٜ مَاکٛ مَوْطٜ؞ 38عُمَّاتٛوجٜ ࢡُرْدُطٜ عٛنْ طُوطٜىٰنغَ عٜ سٜمْبٜ، عٛرِيوِ طٜ يٜىٰسٛ مٛوطٛنْ نغَمْ عٛمَرْنَ عٛنْ لٜسْدِ مَاجٜ بَنَ کٛ لَاتِ حَنْدٜ؞ 39عَنْدِتٜ حَنْدٜ! تَا نغٜجِّتٜ طُعُمْ: جَوْمِرَاوٛ وٛنِ اَللَّه حَا عَسَمَ عٜ دٛوْ لٜسْدِ؞ وَلَا اَللَّه ڢٜىٰرٜ سَمْ؞ 40طٛوْتَنٜ ڢَرِلَّاجِ مَاکٛ عٜ عُمْرٛوجٜ مَاکٛ طُمْ عُمْرَنْمِ عٛنْ حَنْدٜ ڢُو؞ ندٜنْ کَمْ عٛنْ کٜࢡَنْ حَيْرُ، عٛنٛنْ عٜ دَࢩْغٛلْ مٛنْ، بَلْطٜ مٛنْ نجُوتَنْ ندٜرْ لٜسْدِ ندِ جَوْمِرَاوٛ، اَللَّه مٛوطٛنْ حٛکَّتَ عٛنْ حَا ڢٛرٛيْ؞»
غُرٜ کِسْرُطٜ حَا ڢُونَانغٜ عُرْدُنْ
41ندٜنْ مُوسَى سُࢡِ غُرٜ تَتِ حَا ڢُونَانغٜ، غَطَ مَايٛ عُرْدُنْ؞ 42تٛ غٛطّٛ مبَرِ کٜىٰدِّطُّمْ بِلَا عَنِّيَ، تٛ عٛمٜىٰطَايْ وَࢩُغٛ مٛ بٛو، ندٜنْ کَمْ عٛدٛغَّ، عٛحِسَ ندٜرْ وٛوتٛ غُرٜ مَنْ، تَا يِمْࢡٜ مبَرَ مٛ؞ 43طُمْ بٜسٜرْ ندٜرْ لَدّٜ، دٛوْ ࢨٛولْدٜ نغَمْ لٜࢩٛلْ رُبٜنْ عٜ رَمٛتْ ندٜرْ لٜسْدِ غِلٜعَتْ نغَمْ لٜࢩٛلْ غَدَ عٜ غٛلَنْ ندٜرْ لٜسْدِ بَاسَنْ نغَمْ لٜࢩٛلْ مَنَسَّ#يٛسُوَ 20:8-9؞؞
نٛکُّورٜ عٜ سَاعِيرٜ دٛکُّکِ تَوْرٜىٰتَ
44ندَا تَوْرٜىٰتَ اَللَّه کَ مُوسَى حٛکِّ إِسْرَاءِيلَعٜنْ؞ 45عٛحٛکِّ ࢡٜ سٜىٰدَمْکُوجِ عٜ ڢَرِلَّاجِ عٜ کِيتَاجِ طِعِ ڢُو ࢡَاوٛ غُرْتَاکِ مَࢡّٜ لٜسْدِ مِصْرَ، 46ندٜ ࢡٜنجٛتِّ ندٜرْ وَادِوٛلْ حَا غَطَ مَايٛ عُرْدُنْ، حَا تِيتٛتِرْدٜ بٜرْنِوٛلْ بَيْتِ-ݠٜعٛرْ؞ ࢡٜطٛنّٛ ندٜرْ لٜسْدِ سِحٛنْ، لَامِيطٛ عَمٛورِعٜنْ، جٛوطِنٛوطٛ حَا حٜسْبٛنْ؞ مُوسَى عٜ إِسْرَاءِيلَعٜنْ نجَالِنٛ مٛ، سَاعِ ࢡٜنغُرْتِ لٜسْدِ مِصْرَ؞ 47ࢡٜࢩَامِ لٜسْدِ مَاکٛ، نٛنْ بٛو لٜسْدِ عٛوکْ، لَامِيطٛ بَاسَنْ؞ کَمْࢡٜ نغٛنّٛ لَامِيࢡٜ عَمٛورِعٜنْ طِطٛ، جٛوطِنٛوࢡٜ حَا غَطَ عُرْدُنْ؞ 48ࢡٜࢩَامِ لٜسْدِ مَنْ دِغَ بٜرْنِوٛلْ عَرٛعٜرْ حَا سٜرَ وَادِوٛلْ عَرْنٛنْ، حَا يٛتِّ حٛوسٜىٰرٜ سِيٛنَ، وَاتٛ حٜرْمٛونْ، 49نٛنْ بٛو لَدّٜ حَا غَطَ عُرْدُنْ حَا يٛتِّ مَايٛ عَرَبَ لٜسْ دِيرْتٛرْطٜ حٛوسٜىٰرٜ ݠِسِغَ؞
Currently Selected:
تٛوکْتَاکِ تَوْرٜىٰتَ 4: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
تٛوکْتَاکِ تَوْرٜىٰتَ 4
4
مُوسَى تِطِّنِ يِمْࢡٜ حَا ࢡٜطٛوْتَنٛ تَوْرٜىٰتَ
1مُوسَى وِعِ: «جٛنْتَ، عٛنٛنْ إِسْرَاءِيلَعٜنْ، نَنٜ ڢَرِلَّاجِ عٜ کِيتَاجِ طِ عٜکِّتِنَنْمِ عٛنْ، طٛوْتَنٜ طُمْ؞ ندٜنْ عٛنْ نغٜىٰطَنْ، عٛنْ نَسْتَنْ لٜسْدِ ندِ جَوْمِرَاوٛ، اَللَّه کَاکِرَاࢡٜ مٛوطٛنْ حٛکَّنْ عٛنْ نغَمْ مَرٛنْ طُمْ؞ 2تَا ࢡٜسْدٜ کٛو طُمٜ حَا کٛ عُمْرَنْمِ عٛنْ، تَا عُسْتٜ طُمْ بٛو؞ طٛوْتَنٜ عُمْرٛوجٜ جَوْمِرَاوٛ، اَللَّه مٛوطٛنْ طٜ عُمْرَنْمِ عٛنْ#وَحَيُ يُحَنَّ 22:18-19؞؞ 3عٛنْ نغِعِ بٜى غِتٜ مٛنْ کٛ جَوْمِرَاوٛ وَطِ بَعَلْ#4:3 بَعَلْ طُمْ لَوْرُ کَنَانِعٜنْ مَوْندُ؞-ݠٜعٛرْ؞ جَوْمِرَاوٛ، اَللَّه مٛوطٛنْ حَلْکِ کٛو مٛيْ تٛکِّيطٛ بَعَلْ-ݠٜعٛرْ شَکَ مٛوطٛنْ#لِمْلٜ 25:1-9؞؞ 4عَمَّا عٛنٛنْ طَکّٛتِرْࢡٜ بٜى جَوْمِرَاوٛ، اَللَّه مٛوطٛنْ، عٛنْ ڢُو عٛنْ يٜىٰطْࢡٜ حَنْدٜ؞
5«ندَا، مِعٜکِّتِنِ عٛنْ ڢَرِلَّاجِ عٜ کِيتَاجِ، ڢٛدّٜ کٛ جَوْمِرَاوٛ، اَللَّه عَمْ عُمْرِ يَمْ؞ طٛوْتَنٜ طِ ندٜرْ لٜسْدِ ندِ ࢡَدِيطٛنْ نَسْتُغٛ نغَمْ مَرٛنْ طُمْ؞ 6تٛ عٛنْ کَکِّلَنِ طِ، تٛ عٛنْ طٛوْتَنَکٜ طِ، يِمْࢡٜ عُمَّاتٛوجٜ غٛطّٜ تَمِّيࢡٜ نَنُغٛ ڢَرِلَّاجِ طِعِ ندَارَنْ عٛنْ عٛنْ حِکْمَعٜنْ عٜ مَرْࢡٜ ڢَامُ، ࢡٜمبِعَنْ: ڢَکَتْ، عُمَّاتٛورٜ مَوْندٜ ندٜعٜ مَرِ حِکْمَ عٜ ڢَامُ!
7«عُمَّاتٛورٜ ندٜيٜ، کٛو ندٜ مَوْندٜ، وٛودِ طٛوَنْتٜىٰࢡٜ ࢡَدِيࢡٜ ندٜ بَنَ جَوْمِرَاوٛ، اَللَّه مٜىٰطٜنْ؟ کَنغْکٛ عٛطٛنْ ࢡَدِ عٜنْ کٛو ندٜيْ عٜنْ تٛرٛتٛ مٛ؞ 8عُمَّاتٛورٜ ندٜيٜ، کٛو ندٜ مَوْندٜ، وٛودِ ڢَرِلَّاجِ عٜ کِيتَاجِ غٛونغْطُطِ بَنَ تَوْرٜىٰتَ کَعَ ڢُو کَ عَنْدِنَنْمِ عٛنْ حَنْدٜ؟ 9عَمَّا ندٜىٰنْتٜ! کَکِّلَنٜ کٛعٜ مٛنْ بٛوطُّمْ، تَا نغٜجِّتٜ کٛ نغِعْطٛنْ بٜى غِتٜ مٛنْ، نجٛغٜ طُمْ بَلْطٜ مٛوطٛنْ ڢُو؞ نغٜشّٜ ࢡِکّٛيْ مٛنْ عٜ تَانِرَاࢡٜ مٛنْ 10حَالَ ࢩَلَادٜ ندٜ ندَرِيطٛنْ يٜىٰسٛ جَوْمِرَاوٛ، اَللَّه مٛوطٛنْ حَا حٛرٜبْ، ندٜ جَوْمِرَاوٛ وِعِ يَمْ: مٛوࢡْتُ يِمْࢡٜ عُمَّاتٛورٜ حَا ࢡٜنَنَ کٛ مبٛلْوَنْمِ نغَمْ حَا ࢡٜعٜکِّتٛ حُلُغٛ يَمْ بَلْطٜ مَࢡّٜ ڢُو حَا دُنِيَارُ، ࢡٜعٜکِّتِنَ طُمْ ࢡِکّٛيْ مَࢡّٜ؞
11«ࢩَلَادٜ ندٜعٜ، عٛنْ ࢡَدِتِ، عٛنْ ندَرِ لٜسْ حٛوسٜىٰرٜ سُدِّرَاندٜ دُولٜ تٜکُّطٜ عٜ شُورْطٜ ࢡَلٜىٰجٜ، جَمِّتِيندٜ يِيتٜ حَا يٛتِّ عَسَمَنْجِ غٛ؞ 12نغٜشّٜ کٛيْ نٛ جَوْمِرَاوٛ وٛلْوِرَنِ عٛنْ ندٜرْ يِيتٜ، عٛنْ نَنِ بٛلّٜ مَاکٛ، عَمَّا عٛنْ نغِعَايْ جَاتِ مَاکٛ، سٜيْ سَوْتُ تَنْ؞ 13عٛعَنْدِنِ عٛنْ عَلْکَوَلْ نغَلْ عٛحَࢡِّ بٜى مٛوطٛنْ، عٛعُمْرِ عٛنْ طٛوْتَنَاغٛ عُمْرٛوجٜ مَاکٛ سَݠّٛ طٜ عٛوِنْدِ دٛوْ عَلُّحَاجٜ کَاعٜ طِطِ؞ 14سَاعِ مَنْ جَوْمِرَاوٛ عُمْرِ يَمْ مِعٜکِّتِنَ عٛنْ ڢَرِلَّاجِ عٜ کِيتَاجِ، نغَمْ عٛنْ طٛوْتَنٛ طُمْ ندٜرْ لٜسْدِ ندِ ࢡَدِيطٛنْ نَسْتُغٛ نغَمْ مَرٛنْ طُمْ؞»
کَطْکِ سُجِدَنْغٛ لَبِّ
15«کَکِّلَنٜ کٛعٜ مٛوطٛنْ بٛوطُّمْ نغَمْ عٛنْ نغِعَايْ کٛو طُمٜ ࢩَلَادٜ ندٜ جَوْمِرَاوٛ وٛلْوَنِ عٛنْ حَا حٛوسٜىٰرٜ حٛرٜبْ ندٜرْ يِيتٜ، 16نغَمْ تَا عٛنْ مبَطَ حَکّٜ بٜى وَطَنْغٛ کٛعٜ مٛنْ سُورَ لَوْرُ نَنْدُکَ بٜى جَاتِ کٛو مٛيْ، کٛو غٛرْکٛ کٛو دٜبّٛ#غُرْتَاکِ 20:4؛ ڢَرِلَّاجِ لٜوِعٜنْ 26:1؛ تٛوکْتَاکِ تَوْرٜىٰتَ 5:8؛ 27:15؞ ، 17کٛو سُورَ ندَبَّاوَ کٛو نغَيٜ حَا دُنِيَارُ، کٛو سٛنْدُ کٛو ندُيٜ ڢِيرَنْدُ حَا عَسَمَ، 18کٛو لَدٛووَ کٛو نغَيٜ#رٛمَعٜنْ 1:23؞، کٛو سُورَ لِينغُ کٛو نغُيٜ ندٜرْ ندِيَمْ لٜسْ لٜسْدِ؞ 19تٛ عٛنْ تِجَّکٜ عَسَمَ، عٛنْ نغِعِ نَانغٜ عٜ لٜوْرُ عٜ کٛودٜ، تَا طُمْ عٜسْتَ عٛنْ سُجِدَنْغٛ طِ، نجَغَّنٛ طِ؞ جَوْمِرَاوٛ، اَللَّه مٛوطٛنْ يٜطَنِ طِ عُمَّاتٛوجٜ غٛطّٜ ڢُو، طٜ شُجِدَنَ طِ؞ 20عَمَّا عٛنٛنْ، جَوْمِرَاوٛ حٛوشِ عٛنْ، وُرْتِنِ عٛنْ ندٜرْ ࢡٛلِنِرْدٜ نجَمْندِ ندٜ لٜسْدِ مِصْرَ، نغَمْ عٛنْ لَاتٛ عُمَّاتٛورٜ مَاکٛ عٜ مَرَلْ مَاکٛ، بَنَ نٛ عٛنْ مبَعِ حَنْدٜ#غُرْتَاکِ 19:5؛ تٛوکْتَاکِ تَوْرٜىٰتَ 7:6؛ 14:2؛ 26:18؛ تِتُسْ 2:14؛ 1 ݠِيٜرْ 2:9؞؞ 21جَوْمِرَاوٛ تِکَّنِ يَمْ دَلِيلَ مٛوطٛنْ، عٛحُنَنِ يَمْ مِحٜࢡَتَا عٜىٰرَاغٛ مَايٛ عُرْدُنْ، مِنَسْتَتَا لٜسْدِ مبٛوندِ ندِ جَوْمِرَاوٛ، اَللَّه مٛوطٛنْ حٛکَّتَ عٛنْ عٛنْ مَرَ طُمْ#لِمْلٜ 20:12؞؞ 22نغَمْ مِنْ مِمَايَنْ حَا لٜسْدِ ندِعِ، مِعٜىٰرَتَاکٛ مَايٛ عُرْدُنْ؞ عَمَّا عٛنٛنْ عٛنْ عٜىٰرٛتٛ، عٛنْ مَرَنْ لٜسْدِ مبٛوندِ مَنْ؞ 23ندٜىٰنْتٜ، تَا نغٜجِّتٜ عَلْکَوَلْ نغَلْ جَوْمِرَاوٛ، اَللَّه مٛنْ حَࢡِّ بٜى مٛوطٛنْ! تَا مبَطَنٜ کٛعٜ مٛنْ لَوْرُ ڢٛدّٜ سُورَ کٛو کَيٜ نغَمْ جَوْمِرَاوٛ، اَللَّه مٛوطٛنْ حَطِ طُمْ؞ 24نغَمْ جَوْمِرَاوٛ، اَللَّه مٛوطٛنْ طٛنْ بَنَ يِيتٜ وُلَنْنغٜ، عٛيِطَا عٛنْ تٛکّٛ طٛوَنْتٜىٰطٛ ڢٜىٰرٜ سَمْ#4:24 … عٛيِطَا عٛنْ تٛکّٛ طٛوَنْتٜىٰطٛ ڢٜىٰرٜ سَمْ مَلَّ بٛو عٛ کَاجُطٛ؞#عِبْرَنِنغْکٜعٜنْ 12:29؞؞
25«کٛو تٛ عٛنْ ندُورِ ندٜرْ لٜسْدِ، تٛ عٛنْ کٜࢡِ ࢡِکّٛيْ عٜ تَانِرَاࢡٜ بٛو، تَا مبَطٜ حَکّٜ بٜى وَطَنْغٛ کٛعٜ مٛنْ سُورَاجِ لَبِّ بٜى جَاتِ کٛو طُمٜ؞ طُمْ کَلُّطُمْ حَا جَوْمِرَاوٛ، اَللَّه مٛوطٛنْ، طُمْ تِکِّنَنْ مٛ؞ 26مِطٛنْ عٜوْنٛ حَنْدٜ عَسَمَ عٜ لٜسْدِ، طُمْ لَاتٛ سٜىٰدٛوࢡٜ عَمْ دٛوْ مٛوطٛنْ: تٛ عٛنْ مبَطِ طُمْ، عٛنْ کَلْکَنْ لَوْ دٛوْ لٜسْدِ؞ عٛنْ ندُورَتَا ندٜرْ لٜسْدِ غَطَ عُرْدُنْ ندِ نَسْتٛتٛنْ نغَمْ مَرٛنْ طُمْ؞ عٛنْ ندُورَتَا ندٜرْ مَارِ؞ عٛنْ کَلْکَنْ ڢُو؞ 27جَوْمِرَاوٛ سَنغْکِتَنْ عٛنْ شَکَ عُمَّاتٛوجٜ؞ لُتَّنْࢡٜ مٛنْ حَا لٜسْدِ جَوْمِرَاوٛ، اَللَّه مٛوطٛنْ يَحْرَتَ عٛنْ تٛنْ طُوطَتَا؞ 28تٛنْ عٛنْ نجَغَّنْتٛ طٛوَنْتٜىٰࢡٜ حُووْرَاࢡٜ بٜى لٜطّٜ عٜ کَاعٜ، ࢡٜ يِمْࢡٜ شٜحِ بٜى جُوطٜ مُوطُمْعٜنْ، ࢡٜمبَاوَتَا يِعُغٛ عٜ نَنُغٛ عٜ ࢩَامُغٛ عٜ لُوࢡْنَاغٛ#تٛوکْتَاکِ تَوْرٜىٰتَ 28:36؞؞ 29تٛنْ عٛنْ نغَيْلِتِتّٛ حٜىٰدِ جَوْمِرَاوٛ، اَللَّه مٛوطٛنْ؞ تٛ عٛنْ نغَيْلِتَکٜ حٜىٰدِ مَاکٛ بٜى ࢡٜرْندٜ وٛورٜ، عٛوَنغِنَنَنْ عٛنْ حٛورٜ مَاکٛ#يٜرٜمِيَ 29:13؞؞ 30تٛ عٛنْ نَسْتِ ࢡِلَّارٜ ندٜرْ ࢩَلْطٜ غَرَنْطٜ، تٛ کُوجٜ طٜعٜ ڢُو کٜࢡِ عٛنْ، ندٜنْ کَمْ عٛنْ لٛرْتٛتٛ حَا جَوْمِرَاوٛ، عٛنْ طٛوْتَنْتٛ مٛ؞ 31نغَمْ جَوْمِرَاوٛ، اَللَّه مٛوطٛنْ عٛ مَرْطٛ عٜنْطَمْ؞ عٛعَشَّتَا عٛنْ، عٛحَلْکَتَا عٛنْ، عٛيٜجِّتِتَّا عَلْکَوَلْ نغَلْ عٛحَࢡِّ بٜى کَاکِرَاࢡٜ مٛنْ؞
32«نغَمْ مَنْ ࢨَمٜ کٛ سَالِنٛ ࢡٛويْمَ، سَاعِ عٛنْ ندَࢩَاکَ تَوٛنْ، دِغَ ࢩَلَادٜ اَللَّه تَغِ نٜطّٛ دٛوْ لٜسْدِ؞ مبِطِتٜ دُنِيَارُ ڢُو؞ مَوْطُمْ بَنَ طُعُمْ مٜىٰطِ لَاتَاغٛ نَ؟ غٛطّٛ مٜىٰطِ نَنُغٛ عِرِنْ مَنْ نَ؟ 33عُمَّاتٛورٜ ندٜيٜ لُتِّ بٜى يٛنغْکِ ࢡَاوٛ ندٜ نَنِ طٛوَنْتٜىٰطٛ بٛلْوُطٛ ندٜرْ يِيتٜ، بَنَ عٛنٛنْ عٛنْ نَنِ، عٛنْ لُتِّ بٛو؟ 34مَلَّ طٛوَنْتٜىٰطٛ مٛيٜ ڢٛونْدِ جَࢡْتُغٛ عُمَّاتٛورٜ مُمْ دِغَ جُنغٛ عُمَّاتٛورٜ ڢٜىٰرٜ، بٜى مَسِيبٛوجِ عٜ عَلَامَاجِ عٜ کَايٜىٰڢِيجِ، بٜى کٛنُ عٜ جُنغٛ سٜمْبِطْنغٛ عٜ کُوجٜ مَوْطٜ کُلْنِيطٜ؟ عٛنٛنْ عٛنْ نغِعِ نٛ جَوْمِرَاوٛ، اَللَّه مٛوطٛنْ وَارَنِ عٛنْ طُمْ ڢُو حَا مِصْرَ؞ 35عٛنٛنْ، جَوْمِرَاوٛ حٛلِّ عٛنْ طُمْ ڢُو حَا عٛنْ ݠَامَ کَنغْکٛ تَنْ وٛنِ اَللَّه، وَلَا طٛوَنْتٜىٰطٛ غٛطّٛ#مَرْکُسْ 12:32؞؞ 36دِغَ عَسَمَ عٛوٛلْوَنِ عٛنْ، عٛنْ نَنِ سَوْتُ مَاکٛ نغَمْ عٛعٜلْتَ عٛنْ؞ دٛوْ لٜسْدِ بٛو، عٛوَنغِنَنِ عٛنْ يِيتٜ مَاکٛ مَنغٜ، عٛنْ نَنِ بٛلّٜ مَاکٛ ندٜرْ مَاغٜ بٛو؞ 37نغَمْ عٛيِطِ کَاکِرَاࢡٜ مٛنْ؞ عٛسُࢡِ دَࢩْغٛلْ مَࢡّٜ، کَنغْکٛ بٜى حٛورٜ مَاکٛ وُرْتِنِ عٛنْ مِصْرَ، بٜى بَاوْطٜ مَاکٛ مَوْطٜ؞ 38عُمَّاتٛوجٜ ࢡُرْدُطٜ عٛنْ طُوطٜىٰنغَ عٜ سٜمْبٜ، عٛرِيوِ طٜ يٜىٰسٛ مٛوطٛنْ نغَمْ عٛمَرْنَ عٛنْ لٜسْدِ مَاجٜ بَنَ کٛ لَاتِ حَنْدٜ؞ 39عَنْدِتٜ حَنْدٜ! تَا نغٜجِّتٜ طُعُمْ: جَوْمِرَاوٛ وٛنِ اَللَّه حَا عَسَمَ عٜ دٛوْ لٜسْدِ؞ وَلَا اَللَّه ڢٜىٰرٜ سَمْ؞ 40طٛوْتَنٜ ڢَرِلَّاجِ مَاکٛ عٜ عُمْرٛوجٜ مَاکٛ طُمْ عُمْرَنْمِ عٛنْ حَنْدٜ ڢُو؞ ندٜنْ کَمْ عٛنْ کٜࢡَنْ حَيْرُ، عٛنٛنْ عٜ دَࢩْغٛلْ مٛنْ، بَلْطٜ مٛنْ نجُوتَنْ ندٜرْ لٜسْدِ ندِ جَوْمِرَاوٛ، اَللَّه مٛوطٛنْ حٛکَّتَ عٛنْ حَا ڢٛرٛيْ؞»
غُرٜ کِسْرُطٜ حَا ڢُونَانغٜ عُرْدُنْ
41ندٜنْ مُوسَى سُࢡِ غُرٜ تَتِ حَا ڢُونَانغٜ، غَطَ مَايٛ عُرْدُنْ؞ 42تٛ غٛطّٛ مبَرِ کٜىٰدِّطُّمْ بِلَا عَنِّيَ، تٛ عٛمٜىٰطَايْ وَࢩُغٛ مٛ بٛو، ندٜنْ کَمْ عٛدٛغَّ، عٛحِسَ ندٜرْ وٛوتٛ غُرٜ مَنْ، تَا يِمْࢡٜ مبَرَ مٛ؞ 43طُمْ بٜسٜرْ ندٜرْ لَدّٜ، دٛوْ ࢨٛولْدٜ نغَمْ لٜࢩٛلْ رُبٜنْ عٜ رَمٛتْ ندٜرْ لٜسْدِ غِلٜعَتْ نغَمْ لٜࢩٛلْ غَدَ عٜ غٛلَنْ ندٜرْ لٜسْدِ بَاسَنْ نغَمْ لٜࢩٛلْ مَنَسَّ#يٛسُوَ 20:8-9؞؞
نٛکُّورٜ عٜ سَاعِيرٜ دٛکُّکِ تَوْرٜىٰتَ
44ندَا تَوْرٜىٰتَ اَللَّه کَ مُوسَى حٛکِّ إِسْرَاءِيلَعٜنْ؞ 45عٛحٛکِّ ࢡٜ سٜىٰدَمْکُوجِ عٜ ڢَرِلَّاجِ عٜ کِيتَاجِ طِعِ ڢُو ࢡَاوٛ غُرْتَاکِ مَࢡّٜ لٜسْدِ مِصْرَ، 46ندٜ ࢡٜنجٛتِّ ندٜرْ وَادِوٛلْ حَا غَطَ مَايٛ عُرْدُنْ، حَا تِيتٛتِرْدٜ بٜرْنِوٛلْ بَيْتِ-ݠٜعٛرْ؞ ࢡٜطٛنّٛ ندٜرْ لٜسْدِ سِحٛنْ، لَامِيطٛ عَمٛورِعٜنْ، جٛوطِنٛوطٛ حَا حٜسْبٛنْ؞ مُوسَى عٜ إِسْرَاءِيلَعٜنْ نجَالِنٛ مٛ، سَاعِ ࢡٜنغُرْتِ لٜسْدِ مِصْرَ؞ 47ࢡٜࢩَامِ لٜسْدِ مَاکٛ، نٛنْ بٛو لٜسْدِ عٛوکْ، لَامِيطٛ بَاسَنْ؞ کَمْࢡٜ نغٛنّٛ لَامِيࢡٜ عَمٛورِعٜنْ طِطٛ، جٛوطِنٛوࢡٜ حَا غَطَ عُرْدُنْ؞ 48ࢡٜࢩَامِ لٜسْدِ مَنْ دِغَ بٜرْنِوٛلْ عَرٛعٜرْ حَا سٜرَ وَادِوٛلْ عَرْنٛنْ، حَا يٛتِّ حٛوسٜىٰرٜ سِيٛنَ، وَاتٛ حٜرْمٛونْ، 49نٛنْ بٛو لَدّٜ حَا غَطَ عُرْدُنْ حَا يٛتِّ مَايٛ عَرَبَ لٜسْ دِيرْتٛرْطٜ حٛوسٜىٰرٜ ݠِسِغَ؞
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.