کٛلٛسِّعٜنْ 3

1نغَمْ مَاجُمْ، ندٜ نِي عٛنْ عُمِّتَکٜ بٜى اَلْمَسِيحُ، نغٜلٜ کُوجٜ غٛنْطٜ حَا عَسَمَ، حَا اَلْمَسِيحُ جٛوطِ حَا ࢩَامٛ اَللَّه#جَبُورَ 110‏:1؞؞ 2تٛکّٜ نُمْتُغٛ کُوجٜ غٛنْطٜ تٛنْ، نَا کُوجٜ دُنِيَارُ؞ 3نغَمْ عٛنْ مَايِ، نغٜىٰندَمْ مٛوطٛنْ طٛنْ سُوطِ بٜى اَلْمَسِيحُ حَا اَللَّه؞ 4اَلْمَسِيحُ وٛنِ نغٜىٰندَمْ مٛوطٛنْ؞ تٛ عٛوَنغِ، عٛنٛنْ بٛو عٛنْ مبَنغَنْ بٜى مَاکٛ ندٜرْ تٜدُّنغَلْ؞

نغٜىٰندَمْ نَانٜ عٜ نغٜىٰندَمْ کٜسَمْ

5سٜيْ عٛنْ مبَرَ کُوجٜ دُنِيَارُ غٛنْطٜ ندٜرْ تٜرْطٜ مٛوطٛنْ، بَنَ دَاکَارٜىٰکُ عٜ شٛࢡْکِ عٜ يِيدٜ کُوجٜ شٜمْتِنِيطٜ عٜ کَلُّطٜ عٜ سُونٛ، سُونٛ طُمْ رٜوُغٛ لَوْرُ؞ 6نغَمْ دَلِيلَ سُونٛوجِ طِعِ، ࢡٜرْنُکِ اَللَّه طٛنْ وَرَ دٛوْ تُورْتَنْࢡٜ دٛوْ مَاکٛ؞ 7نَانٜ عٛنٛنْ بٛو عٛنْ تٛکِّنٛ عِرِنْ سُونٛوجِ طِعِ، عٛنْ طٛنّٛ نغٜىٰطَ ندٜرْ مَاجِ؞

8عَمَّا جٛنْتَ، عٛنٛنْ بٛو نغُدِنٜ کُوجٜ طٜعٜ ڢُو‏: ࢡٜرْنُکِ عٜ تِکّٜرٜ عٜ نغَࢩَاندِ عٜ تُڢْلٜ عٜ بٛلّٜ لَاکِيجٜ، تَا طُمْ وُرْتٛ کُنْدُطٜ مٛوطٛنْ؞ 9تَا ݠٜوْݠٜوْتِرٜ، نغَمْ عٛنْ ࢡٛرْتِ نٜطّٛ مٛنْ ࢡٛويْمَاجٛ بٜى کُوطٜ مُمْ#عٜڢٜسُعٜنْ 4‏:22؞، 10عٛنْ ࢡٛرْنِ نٜطّٛ کٜسٛ مٛ طٛنْ حٜسْطِتٛ ڢٛدّٜ جَاتِ تَغٛووٛ مٛ، حَا عٛيٛتّٛ عَنْدَلْ تِمُّنغَلْ#لَاتَانٛوجِ 1‏:26؛ عٜڢٜسُعٜنْ 4‏:24؞؞ 11نغَمْ مَنْ، وَلَا يَحُودُعٜنْ مَلَّ يِمْࢡٜ عُمَّاتٛوجٜ غٛطّٜ، جُولْنِيࢡٜ مَلَّ ࢡٜنجُولْنَاکِ، بِلْکِعٜنْ عٜ تُلِّدِطْࢡٜ عٜ مَشُّࢡٜ عٜ رِمْࢡٜ، سٜيْ اَلْمَسِيحُ ڢٜىٰرٜ مُوطُمْ، عٛطٛنْ ندٜرْ مَࢡّٜ ڢُو؞

12عٛنٛنْ لَاتِيࢡٜ سُࢡَاࢡٜ اَللَّه، سٜنَاࢡٜ عٜ يِطَاࢡٜ، مَرٜ عٜنْطَمْ، مبَطٜ مبٛوطٜىٰنغَ، لَاتٜ يَنغْکِنِيࢡٜ، طٜلْمَ-غِکُّعٜنْ عٜ مُࢩْࢡٜ؞ 13مُࢩِندِرٜ، تٛ غٛطّٛ مٛنْ وٛودِ دَلِيلَ وُلَّاغٛ دٜىٰرْطُمْ، سٜيْ ࢡٜنجَاڢٛتِرَ؞ نجَاڢٛتِرٜ بَنَ نٛ جَوْمِرَاوٛ يَاڢٛرِ عٛنْ#عٜڢٜسُعٜنْ 4‏:2‏،32؞؞ 14دٛوْ طُمْ ڢُو، ࢡٜسْدٜ يِيدٜ، نغَمْ کَيْرٜ تَبِتِنْتَ کَوْتَلْ تِمُّنغَلْ؞ 15اَلْمَسِيحُ عٜوْنِ عٛنْ ندٜرْ سَلَامَنْ حَا عٛنْ لَاتٛ ࢡَنْدُ وٛورُ؞ سَلَامَ کَ لَامٛ ندٜرْ ࢡٜرْطٜ مٛوطٛنْ؞ نغٜتّٜ مٛ تُمْ؞ 16عَشّٜ وٛلْدٜ اَلْمَسِيحُ جٛوطٛ ندٜرْ ࢡٜرْطٜ مٛوطٛنْ بٜى رِسْکُ مَارٜ ڢُو؞ نغَاجِنْدِرٜ بٜى حِکْمَ ڢُو، ندٜىٰنْتِندِرٜ؞ نغِمَنٜ اَللَّه بٜى يٜتّٛورٜ ندٜرْ ࢡٜرْطٜ مٛنْ؞ نغِمَنٜ مٛ مَنغْتٛوجٜ عٜ غِمٜ طٜ رُوحُ مَاکٛ حٛکَّتَ؞ 17کٛ مبَطٛتٛنْ ڢُو عٜ کٛ مبٛلْوٛتٛنْ ڢُو لَاتٛ بٜى عِنْدٜ جَوْمِرَاوٛ عِيسَى؞ نغَمْ دَلِيلَ مَاکٛ، نغٜىٰندَمْ مٛوطٛنْ ڢُو لَاتٛ يٜتّٛورٜ حَا اَللَّه بَابِرَاوٛ#عٜڢٜسُعٜنْ 5‏:19‏-20؞؞

عُمْرٛوجٜ دٛوْ کَوْتَلْ مَسِيحِنغْکٜعٜنْ

18عٛنٛنْ رٜوْࢡٜ، لٜىٰسْتَنٜ وٛرْࢡٜ مٛنْ، بَنَ نٛ طُمْ حَانْدَنِ نُطِّنْࢡٜ جَوْمِرَاوٛ#عٜڢٜسُعٜنْ 5‏:22؛ 1 ݠِيٜرْ 3‏:1؞؞

19عٛنٛنْ وٛرْࢡٜ، نغِطٜ رٜوْࢡٜ مٛنْ، تَا شَاتَنٜ ࢡٜ#عٜڢٜسُعٜنْ 5‏:25؛ 1 ݠِيٜرْ 3‏:7؞؞

20عٛنٛنْ ࢡِکّٛيْ، طٛوْتَنٜ سَارٛعٜنْ مٛنْ ندٜرْ کٛو طُمٜ ڢُو، نغَمْ طُمْ ݠٛتُّطُمْ يٜىٰسٛ جَوْمِرَاوٛ#عٜڢٜسُعٜنْ 6‏:1؞؞

21عٛنٛنْ بَابِرَاࢡٜ، تَا تِکِّنٜ ࢡِکّٛيْ مٛنْ، نغَمْ تَا ࢡٜرْطٜ مَࢡّٜ شَکْلٛ#عٜڢٜسُعٜنْ 6‏:4؞؞

22عٛنٛنْ جٜيَاࢡٜ، طٛوْتَنٜ جَاغٛرْࢡٜ مٛنْ حَا دُنِيَارُ ندٜرْ کٛو طُمٜ ڢُو؞ تَا کُووَنٜ ࢡٜ دٛوْ غِتٜ مَࢡّٜ تَنْ، نغَمْ يٜرْدِنْغٛ ࢡٜ، عَمَّا طٛوْتَنٜ ࢡٜ بٜى ࢡٜرْندٜ لَاࢡْندٜ نغَمْ عٛنْ حُلْࢡٜ جَوْمِرَاوٛ؞ 23کٛ کُووٛتٛنْ ڢُو کُووٜ طُمْ بٜى نغِطَ مٛنْ، بَنَ جَوْمِرَاوٛ کُووَنْتٛنْ، نَا يِمْࢡٜ؞ 24عٛنْ عَنْدِ ڢَکَتْ عٛنْ کٜࢡَنْ ندٛنْنغُ نغُ جَوْمِرَاوٛ وَرْجٛرْتٛ عٛنْ؞ نغَمْ طُمْ اَلْمَسِيحُ، جَوْمِرَاوٛ کُووَنْتٛنْ؞ 25بَطّٛ حَلّٜىٰندٜ حٜࢡَنْ نغٜىٰنَارِ حَلّٜىٰندٜ مُوطُمْ بٛو، نغَمْ اَللَّه کَمْ سٜنْدِندِرْتَا يِمْࢡٜ#عٜڢٜسُعٜنْ 6‏:5‏-9؛ تٛوکْتَاکِ تَوْرٜىٰتَ 10‏:17؞؞

Currently Selected:

کٛلٛسِّعٜنْ 3: داَ

Highlight

Copy