عَمٛسْ 7
7
وَحَيُوجِ حَلْکٜرٜ تَتِ
1ندَا کٛ اَللَّه جَوْمِرَاوٛ يِعْنِ يَمْ: عٛوَطِ بَࢡَّتِّ طُوطِّ، سَاعِ حَاکٛ طٛنْ وِلِتَ، نغَمْ ࢡٜعَارْتِ ࢡٜمبَعَنِ کٛ لَامِيطٛ؞ 2ندٜ بَࢡَّتِّ تِمِّنِ ࢩَامُغٛ حَاکٛ لٜسْدِ ڢُو، مِوِعِ: «يَا جَوْمِرَاوٛ، اَللَّه، يَاڢَ! نٛيْ يَعْقُوبُ دَرٛرْتٛ؟ عٛݠَمَرٛ!» 3جَوْمِرَاوٛ ڢَاسِتِ وَطُغٛ سَرُّ؞ عٛوِعِ: «طُمْ لَاتَتَاکٛ!»
4ندَا کٛ جَوْمِرَاوٛ اَللَّه يِعْنِ يَمْ: عٛعٜوْنِ يِيتٜ نغَمْ عٛحِيتٛرٛ بٜى مَاغٜ؞ نغٜ ࢩَامِ عِلَمْجِ غٛنْطِ ندٜرْ لُغّٜىٰنغَ لٜسْدِ؞ نغٜ ࢩَامِ غٜسٜ بٛو؞ 5ندٜنْ مبِعْمِ: «يَا جَوْمِرَاوٛ اَللَّه، عَشُّ! نٛيْ يَعْقُوبُ دَرْتٛرْتٛ؟ عٛݠَمَرٛ!» 6جَوْمِرَاوٛ اَللَّه ڢَاسِتِ وَطُغٛ سَرُّ؞ عٛوِعِ: «کَنْجُمْ بٛو طُمْ لَاتَتَاکٛ!»
7ندَا کٛ جَوْمِرَاوٛ يِعْنِ يَمْ: عٛطٛنْ دَرِ دٛوْ مَحٛلْ دَرْنُنغٛلْ؞ نجَمْندِ ݠٛونْدِرْدِ طٛنْ حَا جُنغٛ مَاکٛ؞ 8عٛࢨَمِ يَمْ: «عَمٛسْ، کٛ نغِعَتَ؟» مِجَابِ: «نجَمْندِ ݠٛونْدِرْدِ؞» جَوْمِرَاوٛ وِعِ: «ندَا، مِڢٛونْدَنْ يِمْࢡٜ عُمَّاتٛورٜ عَمْ بٜى نجَمْندِ مَنْ؞ يٜىٰسٛ طٛ مِحِيتٛتٛ ࢡٜ، مِمٜىٰتَتَا عٜنْطُغٛ ࢡٜ؞ 9نٛکُّوجٜ إِسْحَاقَ تٛوْطٜ کَلْکَنْ، شُوطِ إِسْرَاءِيلَ شٜنَاطِ لَاتٛتٛ بِلّٜ؞ مِعُمَّنْتٛ سَارٜ يٜرٛبٛعَمْ بٜى کَاڢَحِ؞»
نغَابَ عَمٛسْ بٜى عَمَسِيَ
10عَمَسِيَ، لِمَنْجٛ حَا بَيْتِلَ نٜلْدِ حَبَرُ حَا يٜرٛبٛعَمْ، لَامِيطٛ إِسْرَاءِيلَ، وِعُغٛ نِعِ: «عَمٛسْ عُمِّنِ تُورْتٛلْ دٛوْ مَاطَ شَکَ إِسْرَاءِيلَعٜنْ؞ يِمْࢡٜ لٜسْدِ مبَاوَتَا مُࢩَنْغٛ بٛلّٜ مَاکٛ ڢُو؞ 11نغَمْ عَمٛسْ طٛنْ وِعَ: يٜرٛبٛعَمْ مَايْرَنْ بٜى کَاڢَحِ؞ إِسْرَاءِيلَ دَحٜتٜ دَايِيطُمْ بٜى لٜسْدِ مُوطُمْ؞» 12ندٜنْ عَمَسِيَ وِعِ عَمٛسْ: «عَنْ غِعٛووٛ، دٛغُّ! دِلُّ حَا لٜسْدِ يَحُودَ! ࢩَامٛيْ ࢩَامْدُ مَ، وَطْ عَنَّبَاکُ مَ تٛنْ! 13عَمَّا تَا مٜىٰتُ وَطُغٛ عَنَّبَاکُ حَا بَيْتِلَ، نغَمْ سُودُ سٜنِيندُ ندُعُ لَامِيطٛ جٜيِ، طُمْ حَيْکَلِيرُ يِمْࢡٜ لَامُ نغُعُ!» 14عَمٛسْ جَابِ عَمَسِيَ: «نَا مِ اَلنَّبِيجٛ، نَا مِ ݠُکَرَاجٛ اَلنَّبِي بٛو، مِ غَيْنَاکٛ عٜ بٛعِّنٛووٛ عِبّٜ؞ 15عَمَّا جَوْمِرَاوٛ حٛوعِ يَمْ سَاعِ مِ طٛنّٛ دُرَ دَمّٛوجِ، عٛعُمْرِ يَمْ، عٛوِعِ: يَحْ، وَطَنْ عُمَّاتٛورٜ عَمْ إِسْرَاءِيلَ عَنَّبَاکُ؞ 16کَدِ نَنْ وٛلْدٜ جَوْمِرَاوٛ جٛنْتَ: عَوِعِ تَا مِوَطَ عَنَّبَاکُ دٛوْ إِسْرَاءِيلَ، تَا مِوَازِنَ دَࢩْغٛلْ إِسْحَاقَ! 17نغَمْ مَاجُمْ، ندَا نِي جَوْمِرَاوٛ وِعِ: دٜبّٛ مَ لَاتٛتٛ دَاکَارٜىٰجٛ ندٜرْ بٜرْنِوٛلْ، ࢡِࢡّٜ مَ وٛرْࢡٜ عٜ رٜوْࢡٜ مَايْرَنْ بٜى کَاڢَحِ؞ کٛنّٜعٜنْ شٜنْدَنْ غٜسٜ مَ بٜى ࢡٛغّٛلْ ݠٛونْدِرْغٛلْ؞ عَنْ بٜى حٛورٜ مَ عَمَايَنْ حَا لٜسْدِ شٛࢡْندِ؞ ڢَکَتْ، إِسْرَاءِيلَعٜنْ ࢡٜ ندَحٜتٜىٰࢡٜ دَايِيطُمْ بٜى لٜسْدِ مَࢡّٜ؞»
Currently Selected:
عَمٛسْ 7: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
