عَمٛسْ 5

عٜوْنَاندُ نغَمْ تُوبُ

1عٛنٛنْ إِسْرَاءِيلَعٜنْ، نَنٜ غِمٛلْ بٛيْکِ نغٛلْ نغِمَنْمِ دٛوْ مٛوطٛنْ‏:

2إِسْرَاءِيلَ، ݠَاࢩٛ دٜبّٛ، دٛعَّکٜ، عُمِّتِتَّاکٛ؞

ندَا عٛ بَالِيطٛ حَا لٜسْدِ مَاکٛ؞

غٛطّٛ عُمِّنَنْطٛ مٛ بٛو وٛودَا؞

3نغَمْ اَللَّه جَوْمِرَاوٛ وِعِ‏: «بٜرْنِوٛلْ إِسْرَاءِيلَ نغٛلْ يِمْࢡٜ عُجِنٜىٰرٜ نغُرْتِ عٜ مُوطُمْ نغَمْ کٛنُ، لُتَّنْ تٜىٰمٜرّٜ؞ نغٛلْ تٜىٰمٜرّٜ نغُرْتِ عٜ مُوطُمْ بٛو، لُتَّنْ سَݠّٛ؞»

4ندَا نِي جَوْمِرَاوٛ وِعِ إِسْرَاءِيلَعٜنْ‏: «نغَيْلِتٜ حٜىٰدِ عَمْ، ندٜنْ کَمْ عٛنْ نغٜىٰطَنْ‏! 5عَمَّا تَا نغَيْلِتٜ حَا بَيْتِلَ؞ تَا نجٜحٜ غِلْغَلْ؞ تَا نجٜحٜ بِيرْسَبَ سَمْ؞ نغَمْ ڢَکَتْ غِلْغَلْ دَحٜتٜ، بَيْتِلَ لَاتٛتٛ حُوندٜ مٜىٰرٜ؞» 6نغَيْلِتٜ حٜىٰدِ جَوْمِرَاوٛ، ندٜنْ کَمْ عٛنْ نغٜىٰطَنْ‏! تٛ نَا نٛنْ عٛحَلْکَنْ لٜࢩٛلْ يُوسُڢُ بٜى يِيتٜ، عٛوُلَنْ بَيْتِلَ، وَلَا ࢩِڢَنْطٛ نغٜ‏! 7عٛنْ طٛنْ نغَيْلَ غٛونغَاکُ حَا نغُ لَاتِ بَنَ نجَرَمْ کَاطَّمْ، عٛنْ طٛنْ نغُدِنَ عَدِلَاکُ بَنَ مبُووْرِ حَا لٜسْدِ؞

8عٛوَطِ کٛودٜ طَشُّکِ عٜ دُلٛوجٜ؞

عٛطٛنْ وَيْلَ ࢩِࢡْرٜ ࢩِࢡُّندٜ حَا لَاتٛ ڢَجِرِ،

عٛطٛنْ وَيْلَ ࢩَلَوْمَ حَا لَاتٛ جٜمَّ؞

عٛطٛنْ عُمْرَ ندِيَمْجِ مبٜىٰلَ،

حَا عٛوَانْجَ طِ دٛوْ لٜسْدِ؞

عِنْدٜ مَاکٛ جَوْمِرَاوٛ#أَيُوبَ 9‏:9؛ 38‏:31؞؞

9عٛطٛنْ عُکَّ حَلْکٜرٜ دٛوْ سٜمْبِطْࢡٜ،

نٛنْ بٛو دٛوْ بٜرْنِوٛلْ شٜمْبِطْنغٛلْ؞

10عٛنٛنْ عٛنْ طٛنْ نغَࢩَ ݠٜلَنْطٛ عٛنْ حَا حِيتٛرْدُ، عٛنْ نغِطَا نَنُغٛ بٛلْوَنْطٛ غٛونغَ؞ 11عٛنْ طٛنْ تٛرَّ لَاڢُطٛ، عٛنْ طٛنْ نجٛࢡْنَ مٛ جٛمٛرْغٛلْ عَلْکَمَارِ؞ نغَمْ مَاجُمْ، عٛنْ ࢩِࢡِ شُوطِ بٜى کَاعٜ شٜحَاطٜ، عَمَّا عٛنْ نجٛوطَتَاکٛ ندٜرْ مَاجِ؞ عٛنْ نجُبِ غٜسٜ عِنَبٛوجٜ بٛوطّٜ مَسِنْ، عَمَّا عٛنْ نجَرَتَا عِنَبٛوجَمْ مَاجٜ؞ 12مِعَنْدِ، زُنُوبَاجِ مٛوطٛنْ طُوطِ، حَکّٜىٰجِ مٛوطٛنْ تٜدِّ؞ عٛنْ طٛنْ ࢡِلَّ عَدِلِيجٛ، عٛنْ طٛنْ نغَطَ رُسِيَ نغَمْ سٛتِّنْغٛ غٛونغَ تَلَکَاجٛ حَا حِيتٛرْدُ؞ 13نغَمْ مَاجُمْ کَکِّلْطٛ طٛنْ جٜىٰطٛ سَاعِيرٜ ندٜعٜ، نغَمْ ندٜ حَلِّ؞

14تِينٜ وَطُغٛ کٛ وٛوطِ، نَا کٛ حَلِّ، حَا عٛنْ نغٜىٰطَ، حَا جَوْمِرَاوٛ، اَللَّه حٛنٛوࢡٜ عَسَمَ وٛنْدَ بٜى مٛوطٛنْ، بَنَ مبِعْرٛتٛنْ‏! 15نغَࢩٜ حَلّٜىٰندٜ، نغِطٜ مبٛوطٜىٰنغَ، مبَطٜ کِيتَ نغٛونغْطُکَ حَا حِيتٛرْدُ؞ تٜىٰمَ جَوْمِرَاوٛ، اَللَّه حٛنٛوࢡٜ عَسَمَ حِنّٛتٛ لُتُّࢡٜ يُوسُڢُ؞

16نغَمْ مَاجُمْ اَللَّه جَوْمِرَاوٛ، حٛنٛوࢡٜ عَسَمَ وِعِ‏: «حَا بَبٜ ڢُو يِمْࢡٜ مبٛيَنْ؞ دٛوْ لَابِ ڢُو يِمْࢡٜ مبِعَنْ‏: کَيَّ‏! کَيَّ‏! ࢡٜعٜوْنٛتٛ رٜمٛوࢡٜ حَا ݠٜلّٜلْ سُنٛ، نٛنْ بٛو رٜوْࢡٜ عَنْدُࢡٜ غِمِ بٛيْکِ؞ 17بٛجِّ لَاتٛتٛ کٛو حَا غٜسٜ عِنَبٛوجٜ بٛو نغَمْ مِنْ مِسَالٛتٛ شَکَ مٛوطٛنْ؞» نٛنْ جَوْمِرَاوٛ وِعِ؞

18بٛنٜ لَاتَنْتٛ حٜݠَّنَنْࢡٜ ࢩَلَادٜ جَوْمِرَاوٛ‏! طُمٜ ندٜ نَڢَتَ عٛنْ؟ ندٜ ࢩِࢡْرٜ، نَا جَيْنغٛلْ؞ 19ندٜ لَاتٛتٛ بَنَ تٛ غٛطّٛ دٛغِّ مبَرٛوغَ، ڢٛتِّ بٜى ࢡٛودُ#5‏:19 لَارْ 1 سَمُيِلَ 17‏:34؞؞ تٛ عٛيٛتَّکٜ سَارٜ مَاکٛ، عٛࢡَارِ جُنغٛ مَاکٛ حَا مَحٛلْ، ندٜنْ مبٛودِ سٛݠِّمٛ؞ 20ࢩَلَادٜ جَوْمِرَاوٛ، ڢَکَتْ ندٜ ࢩِࢡْرٜ، نَا جَيْنغٛلْ، ندٜ ࢩِࢡْرٜ ࢡَلٜىٰرٜ، نَا طٜلْکٛ‏!

21جَوْمِرَاوٛ وِعِ‏: «مِطٛنْ وَࢩَ جُولْطٜ مٛوطٛنْ، مِوُدِنِ طٜ؞ مِسٜيٛرْتَاکٛ مٛوࢡٛرْلٜ مٛوطٛنْ؞ 22تٛ عٛنْ لِيعَنَکٜ يَمْ غُلٜتٜىٰطِ عٜ دٛکّٜ ࢩَامْدُ، مِيٜرْدَتَاکٛ طُمْ؞ مِيِطَا يِعُغٛ غَعِ ݠَيْطِ طِ عٛنْ لِيعَنْتٛ يَمْ کِرْسٜتٜىٰطِ نغَمْ کَوْتَلْ مٛوطٛنْ بٜى عَمْ#عٜسَايَ 1‏:11‏-14؞؞ 23عَشّٜ حٛولٛ غِمِ مٛنْ، مِيِطَا مِنَنَ ݠِجِرْلٜ مٛولٛوجِ مٛنْ‏! 24کٛ نغِطْمِ کَمْ، حَا کِيتَ نغٛونغْطُکَ ࢡُلَ بَنَ ندِيَمْ، غٛونغَاکُ بٛو بَنَ مَايٜلْ نغٜلْ جِنَّتَا؞

25«عٛنٛنْ إِسْرَاءِيلَعٜنْ، دُوࢡِ شَݠَّنْطٜ نَيِ ࢡٛويْمَ ندٜرْ لَدّٜ، عٛنْ لِيعَنِ يَمْ کِرْسَاطِ عٜ دٛکّٜ ࢩَامْدُ نَ؟ 26عٛنْ مبَطِ سُورَاجِ طٛوَنْتٜىٰࢡٜ مٛوطٛنْ، سَکُّتْ، لَامِيطٛ مٛوطٛنْ عٜ کَيْوَنْ، حٛرّٜ لَوْرُ مٛوطٛنْ، عٛنْ ندٛونْدِ طِ؞ 27نغَمْ مَاجُمْ ندَحَنْمِ عٛنْ حَا غَطَ دَمَسْ؞» نٛنْ جَوْمِرَاوٛ وِعِ؞ عِنْدٜ مَاکٛ اَللَّه حٛنٛوࢡٜ عَسَمَ#کُوطٜ نٜلَاࢡٜ 7‏:42‏-43؞؞

Currently Selected:

عَمٛسْ 5: داَ

Highlight

Copy