کُوطٜ نٜلَابٜٔ 26
26
ݠٛلْ يٜشِّ عَغَرِݠَّ عٛوَلَا عَيْبٜ
1عَغَرِݠَّ وِعِ ݠٛلْ: «مِدُنغَنَکٜ مَ وَنغِنْغٛ حُجَّ مَ جٛنْتَ؞» ݠٛلْ ࢡَنغْتِ جُنغٛ مُمْ، وٛلْوِ حُجَّ مُوطُمْ، وِعِ:
2«يَا لَامِيطٛ عَغَرِݠَّ! مِسٜيَکٜ وَنغِنْغٛ حُجَّ عَمْ حَنْدٜ يٜىٰسٛ مَ، دٛوْ کٛ يَحُودُعٜنْ نغُلّٛرِ يَمْ ڢُو؞ 3کٛ ࢡُرِ طُمْ بٛو، عَعَنْدِ عَلْعَادَاجِ يَحُودُعٜنْ عٜ حُجَّاجِ مَࢡّٜ ڢُو؞ نغَمْ مَاجُمْ مِتٛرِ مَ، حٛوعُ مُࢩَلْ، نَنْ حَالَ عَمْ؞
4«يَحُودُعٜنْ ڢُو عَنْدِ نٛ جٛوندٜ عَمْ وَعِ دِغَ مِ ࢡِنغٜلْ؞ ࢡٜعَنْدِ نٛ مِجٛوطٛرِ دِغَ ڢُطَّمْ شَکَ يِمْࢡٜ عَمْ عٜ حَا عُرُسَلِيمَ بٛو؞ 5مِتٛکِّ لَاوٛلْ ڢَرِسَعٜنْ، لَاوٛلْ دِينَ ࢡُرْنغٛلْ سَاتُغٛ؞ ࢡٜعَنْدِ طُمْ دِغَ ࢡٛويْمَ، ࢡٜشٜىٰدٛتٛ طُمْ بٛو، تٛ ࢡٜنغِطِ#کُوطٜ نٜلَاࢡٜ 23:6؛ ڢِلِݠِّعٜنْ 3:5؞؞ 6جٛنْتَ مِطٛنْ يٜىٰسٛ کِيتَ نغَمْ مِطٛنْ تَمّٛرٛ عِينَوٛلْ نغٛلْ اَللَّه وَطَنِ کَاکِرَاࢡٜ عَمِنْ؞ 7لٜعِ عَمِنْ سَݠّٛ عٜ طِطِ ڢُو طٛنْ ندٜىٰنَ کٜبِّتِنْکِ عِينَوٛلْ نغٛعٛلْ؞ نغَمْ مَاجُمْ ࢡٜطٛنْ نجَغَّنٛ اَللَّه بٜى تِينَارٜ جٜمَّ عٜ نَانغٜ؞ نغَمْ دَلِيلَ تَمُّندٜ ندٜعٜ يَحُودُعٜنْ نغُلِّ يَمْ، بَرْکَامَ! 8عٛنٛنْ يَحُودُعٜنْ، کٛنِ عٛنْ نُطِّنْتَا اَللَّه عُمِّتِنَنْ مَايْࢡٜ؟
9«مِنْ بٛو، مِحَࢡْدِنٛ وٛنُّغٛ عِنْدٜ عِيسَى مٛ نَسَرَتُ بٜى دَبَرٜىٰجِ ڢٜىٰرٜ ڢٜىٰرٜ؞ 10مِوَطِ طُمْ حَا عُرُسَلِيمَ؞ مِمَࢡِّ سٜنَاࢡٜ طُوطْࢡٜ حَا ڢُرْسِنَ#26:10 ڢُرْسِنَ مَلَّ يَنغَدَ؞ دٛوْ دُنغَيٜىٰرٜ مَوْࢡٜ لِمَنْعٜنْ؞ ندٜ ࢡٜکِيتِ ࢡٜ کِيتَ مبَرٜىٰغٛ بٛو، مِيٜرْدِ طُمْ؞ 11مِعُکَّنِ ࢡٜ تٛرَّاجِ طُوطِّ ندٜرْ شُوطِ دٜوَلْ مَࢡّٜ، حَا مِدٛولَ ࢡٜوٛلْوُغٛ کَلُّکَ دٛوْ اَللَّه؞ مِࢡٜرْنَنِ ࢡٜ مَسِنْ حَا مِتَاسْنِ ࢡٜ ندٜرْ غُرٜ جَنَنّٜ، مِتٛوࢩِ ࢡٜ تٛنْ#کُوطٜ نٜلَاࢡٜ 8:3؛ 22:4-5؞؞»
سٜىٰدَمْکُ ݠٛلْ
(کُوطٜ نٜلَاࢡٜ 9:1-19؛ 22:6-16)
12«نغَمْ دَلِيلَ مَنْ مِ طٛنّٛ يَحَ دَمَسْ بٜى دُنغَيٜىٰرٜ عٜ بَاوْطٜ مَوْࢡٜ لِمَنْعٜنْ؞ 13شَکَ ࢩَلَوْمَ، ندٜ مِطٛنْ دٛوْ لَاوٛلْ، مِيِعِ أَلنّٛورَ ࢡُرْکَ أَلنّٛورَ نَانغٜ، عِوِ حَا عَسَمَ؞ کَ يَيْنَنِ يَمْ، مِنْ عٜ يَحْدُࢡٜ بٜى عَمْ ڢُو؞ 14مِنْ ڢُو مِنْ ندٛعِّ حَا لٜسْدِ؞ ندٜنْ مِنَنِ سَوْتُ وٛلْوَنِ يَمْ بٜى عِبْرَنِنغْکٜىٰرٜ: سٛلْ، سٛلْ، کٛنِ تٛوࢩٛتٛطَ مِ؟ عَطٛنْ نَاوْنَ حٛورٜ مَ مٜىٰرٜ بٜى تُورْتَنْغٛ يَمْ؞ 15مِࢨَمِ: عَنْ عَ مٛيْ، جَوْمِرَاوٛ؟ جَوْمِرَاوٛ وِعِ: مِنْ وٛنِ عِيسَى مٛ تٛوࢩٛتٛطَ؞ 16عَمَّا عُمَّ، دَرَ؞ مِوَنغَنِ مَ نغَمْ مِسُࢡِ مَ حَا عَلَاتٛ کُووَنٛووٛ يَمْ عٜ شٜىٰدٛووٛ کٛ مِيِعْنِ مَ عٜ کٛ مِتَمِّ حٛلُّغٛ مَ؞ 17مِحِسْنٜتٜ جُوطٜ إِسْرَاءِيلَعٜنْ عٜ يِمْࢡٜ عُمَّاتٛوجٜ غٛطّٜ، ࢡٜ مِطٛنْ نٜلَ مَ حَا مَࢡّٜ، 18نغَمْ عَمَࢡِّتَ غِتٜ مَࢡّٜ، حَا ࢡٜنغَيْلِتَ ࢡَاوٛ حَا ࢩِࢡْرٜ، ࢡٜنَسْتَ حَا أَلنّٛورَ، ࢡٜنغُرْتٛ دِغَ لٜسْ بَاوْطٜ سَيْطَانُ، ࢡٜنجَحَ حَا اَللَّه، ࢡٜکٜࢡَ يَاڢُيٜ حَکّٜىٰجِ مَࢡّٜ عٜ غٜطَلْ ندٛنْنغُ مَࢡّٜ شَکَ سٜنَاࢡٜ بٜى نُطِّنْغٛ يَمْ؞»
ݠٛلْ وٛلْوِ حَالَ کُوغَلْ مُوطُمْ
19«نغَمْ مَاجُمْ، يَا لَامِيطٛ عَغَرِݠَّ، مِعَشَّايْ طٛوْتَنَاغٛ کٛ اَللَّه حٛلِّ يَمْ دِغَ عَسَمَ؞ 20مِعَارْتِ وَازَاغٛ حَا دَمَسْ، ࢡَاوٛطٛنْ حَا عُرُسَلِيمَ عٜ حَا لٜسْدِ يَحُدِيَ ڢُو عٜ حَا يِمْࢡٜ عُمَّاتٛوجٜ غٛطّٜ بٛو؞ مِوَازِ ࢡٜ ࢡٜ تُوبَ، ࢡٜنُطِّنَ اَللَّه، ࢡٜکُووَ کُوطٜ کٛلَّنْطٜ تُوبُ مَࢡّٜ#کُوطٜ نٜلَاࢡٜ 9:20،28-29؞؞ 21نغَمْ دَلِيلَ کَعَ يَحُودُعٜنْ نَنغِ يَمْ ندٜرْ حَيْکَلِيرُ، ࢡٜنغِطْنٛ مبَرُغٛ يَمْ؞ 22عَمَّا اَللَّه وَلِّ يَمْ، حَا حَنْدٜ ڢُو مِطٛنْ، جٛنْتَ مِطٛنْ دَرِ، مِطٛنْ سٜىٰدٛ مٛ يٜىٰسٛ مَوْࢡٜ عٜ لٜىٰسْࢡٜ؞ مِوِعَايْ کٛو طُمٜ، سٜيْ کٛ مُوسَى عٜ اَلنَّبِعٜنْ عَنْدِنِ: 23اَلْمَسِيحُ يَرَنْ بٛنٜ، عٛعَارْتَنْ عُمِّتَاغٛ دِغَ مَايْدٜ، حَا عٛوَنغِنَنَ يَحُودُعٜنْ عٜ يِمْࢡٜ عُمَّاتٛوجٜ غٛطّٜ ڢُو أَلنّٛورَ#عٜسَايَ 42:6؛ 49:6؛ 1 کٛرِنْتُعٜنْ 15:20؞؞»
ݠٛلْ وِعِ عَغَرِݠَّ عٛنُطِّنَ عِيسَى
24ندٜ ݠٛلْ طٛنْ وٛلْوَ حُجَّ مُوطُمْ بَنَ نِي، ڢٜسْتُسْ حٛولِ، وِعِمٛ: «ݠٛلْ، عَ غِنَّاطٛ، عَنْدَلْ مَ لُغُّنغَلْ عِتِّ مَ حَکِّيلٛ!»
25ݠٛلْ جَابِ: «نَا مِ غِنَّاطٛ، بَرْکَامَ! طُمْ غٛونغَ مبِعَنْمِ، طُمْ ڢَامٛتٛ بٛو؞ 26مِوٛلْوَنِ لَامِيطٛ بٜى دَرْتَارٜ نغَمْ عٛعَنْدِ کُوجٜ طٜعٜ ڢُو؞ مِعَنْدِ ڢَکَتْ وَلَا کٛ عٛدُلِّ ندٜرْ مَاجٜ نغَمْ طٜ لَاتَاکِ ندٜرْ شُوطِيطُمْ؞ 27عَنُطِّنِ اَلنَّبِعٜنْ نَ، بَرْکَامَ؟ مِعَنْدِ عَنُطِّنِ؞» 28عَغَرِݠَّ وِعِ ݠٛلْ: «لُتِّ سٜطَّ عَلَاتِنَمِّ مَسِيحِنغْکٜىٰجٛ!» 29ݠٛلْ جَابِ: «مِطٛنْ تٛرٛ اَللَّه نَا نغَمْ مَاطَ تَنْ عَمَّا نغَمْ نَنَنْࢡٜ يَمْ حَنْدٜ ڢُو، حَا عٛنْ لَاتٛ بَنَ عَمْ، عَمَّا بِلَا شَلَّلُّوجِ طِعِ! طُمْ لَاتٛ ندٜرْ جَاوْطُمْ مَلَّ ندٜرْ ࢩَلْطٜ غَرَنْطٜ؞»
30ندٜنْ لَامِيطٛ عٜ نغٛمْنَاجٛ عٜ بٜرْنِکٜ عٜ وٛنْدُࢡٜ بٜى مَࢡّٜ ڢُو عُمِّ؞ 31ندٜ ࢡٜندِلِّ، ࢡٜمبِعْمبِعْتِرِ: «غٛرْکٛ عٛو وَطَايْ کٛو طُمٜ کٛ حٜعِ مبَرُغٛ مٛ مَلَّ نَسْتِنْغٛ مٛ ڢُرْسِنَ#26:31 ڢُرْسِنَ مَلَّ يَنغَدَ؞؞» 32ندٜنْ عَغَرِݠَّ وِعِ ڢٜسْتُسْ: «عٜنْ نجٛوڢَنّٛ غٛرْکٛ عٛو تٛ عٛࢨَمَايْنٛ حِيتٜىٰغٛ حَا لَامِيطٛ رٛمَ کَمْ؞»
Currently Selected:
کُوطٜ نٜلَابٜٔ 26: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
کُوطٜ نٜلَابٜٔ 26
26
ݠٛلْ يٜشِّ عَغَرِݠَّ عٛوَلَا عَيْبٜ
1عَغَرِݠَّ وِعِ ݠٛلْ: «مِدُنغَنَکٜ مَ وَنغِنْغٛ حُجَّ مَ جٛنْتَ؞» ݠٛلْ ࢡَنغْتِ جُنغٛ مُمْ، وٛلْوِ حُجَّ مُوطُمْ، وِعِ:
2«يَا لَامِيطٛ عَغَرِݠَّ! مِسٜيَکٜ وَنغِنْغٛ حُجَّ عَمْ حَنْدٜ يٜىٰسٛ مَ، دٛوْ کٛ يَحُودُعٜنْ نغُلّٛرِ يَمْ ڢُو؞ 3کٛ ࢡُرِ طُمْ بٛو، عَعَنْدِ عَلْعَادَاجِ يَحُودُعٜنْ عٜ حُجَّاجِ مَࢡّٜ ڢُو؞ نغَمْ مَاجُمْ مِتٛرِ مَ، حٛوعُ مُࢩَلْ، نَنْ حَالَ عَمْ؞
4«يَحُودُعٜنْ ڢُو عَنْدِ نٛ جٛوندٜ عَمْ وَعِ دِغَ مِ ࢡِنغٜلْ؞ ࢡٜعَنْدِ نٛ مِجٛوطٛرِ دِغَ ڢُطَّمْ شَکَ يِمْࢡٜ عَمْ عٜ حَا عُرُسَلِيمَ بٛو؞ 5مِتٛکِّ لَاوٛلْ ڢَرِسَعٜنْ، لَاوٛلْ دِينَ ࢡُرْنغٛلْ سَاتُغٛ؞ ࢡٜعَنْدِ طُمْ دِغَ ࢡٛويْمَ، ࢡٜشٜىٰدٛتٛ طُمْ بٛو، تٛ ࢡٜنغِطِ#کُوطٜ نٜلَاࢡٜ 23:6؛ ڢِلِݠِّعٜنْ 3:5؞؞ 6جٛنْتَ مِطٛنْ يٜىٰسٛ کِيتَ نغَمْ مِطٛنْ تَمّٛرٛ عِينَوٛلْ نغٛلْ اَللَّه وَطَنِ کَاکِرَاࢡٜ عَمِنْ؞ 7لٜعِ عَمِنْ سَݠّٛ عٜ طِطِ ڢُو طٛنْ ندٜىٰنَ کٜبِّتِنْکِ عِينَوٛلْ نغٛعٛلْ؞ نغَمْ مَاجُمْ ࢡٜطٛنْ نجَغَّنٛ اَللَّه بٜى تِينَارٜ جٜمَّ عٜ نَانغٜ؞ نغَمْ دَلِيلَ تَمُّندٜ ندٜعٜ يَحُودُعٜنْ نغُلِّ يَمْ، بَرْکَامَ! 8عٛنٛنْ يَحُودُعٜنْ، کٛنِ عٛنْ نُطِّنْتَا اَللَّه عُمِّتِنَنْ مَايْࢡٜ؟
9«مِنْ بٛو، مِحَࢡْدِنٛ وٛنُّغٛ عِنْدٜ عِيسَى مٛ نَسَرَتُ بٜى دَبَرٜىٰجِ ڢٜىٰرٜ ڢٜىٰرٜ؞ 10مِوَطِ طُمْ حَا عُرُسَلِيمَ؞ مِمَࢡِّ سٜنَاࢡٜ طُوطْࢡٜ حَا ڢُرْسِنَ#26:10 ڢُرْسِنَ مَلَّ يَنغَدَ؞ دٛوْ دُنغَيٜىٰرٜ مَوْࢡٜ لِمَنْعٜنْ؞ ندٜ ࢡٜکِيتِ ࢡٜ کِيتَ مبَرٜىٰغٛ بٛو، مِيٜرْدِ طُمْ؞ 11مِعُکَّنِ ࢡٜ تٛرَّاجِ طُوطِّ ندٜرْ شُوطِ دٜوَلْ مَࢡّٜ، حَا مِدٛولَ ࢡٜوٛلْوُغٛ کَلُّکَ دٛوْ اَللَّه؞ مِࢡٜرْنَنِ ࢡٜ مَسِنْ حَا مِتَاسْنِ ࢡٜ ندٜرْ غُرٜ جَنَنّٜ، مِتٛوࢩِ ࢡٜ تٛنْ#کُوطٜ نٜلَاࢡٜ 8:3؛ 22:4-5؞؞»
سٜىٰدَمْکُ ݠٛلْ
(کُوطٜ نٜلَاࢡٜ 9:1-19؛ 22:6-16)
12«نغَمْ دَلِيلَ مَنْ مِ طٛنّٛ يَحَ دَمَسْ بٜى دُنغَيٜىٰرٜ عٜ بَاوْطٜ مَوْࢡٜ لِمَنْعٜنْ؞ 13شَکَ ࢩَلَوْمَ، ندٜ مِطٛنْ دٛوْ لَاوٛلْ، مِيِعِ أَلنّٛورَ ࢡُرْکَ أَلنّٛورَ نَانغٜ، عِوِ حَا عَسَمَ؞ کَ يَيْنَنِ يَمْ، مِنْ عٜ يَحْدُࢡٜ بٜى عَمْ ڢُو؞ 14مِنْ ڢُو مِنْ ندٛعِّ حَا لٜسْدِ؞ ندٜنْ مِنَنِ سَوْتُ وٛلْوَنِ يَمْ بٜى عِبْرَنِنغْکٜىٰرٜ: سٛلْ، سٛلْ، کٛنِ تٛوࢩٛتٛطَ مِ؟ عَطٛنْ نَاوْنَ حٛورٜ مَ مٜىٰرٜ بٜى تُورْتَنْغٛ يَمْ؞ 15مِࢨَمِ: عَنْ عَ مٛيْ، جَوْمِرَاوٛ؟ جَوْمِرَاوٛ وِعِ: مِنْ وٛنِ عِيسَى مٛ تٛوࢩٛتٛطَ؞ 16عَمَّا عُمَّ، دَرَ؞ مِوَنغَنِ مَ نغَمْ مِسُࢡِ مَ حَا عَلَاتٛ کُووَنٛووٛ يَمْ عٜ شٜىٰدٛووٛ کٛ مِيِعْنِ مَ عٜ کٛ مِتَمِّ حٛلُّغٛ مَ؞ 17مِحِسْنٜتٜ جُوطٜ إِسْرَاءِيلَعٜنْ عٜ يِمْࢡٜ عُمَّاتٛوجٜ غٛطّٜ، ࢡٜ مِطٛنْ نٜلَ مَ حَا مَࢡّٜ، 18نغَمْ عَمَࢡِّتَ غِتٜ مَࢡّٜ، حَا ࢡٜنغَيْلِتَ ࢡَاوٛ حَا ࢩِࢡْرٜ، ࢡٜنَسْتَ حَا أَلنّٛورَ، ࢡٜنغُرْتٛ دِغَ لٜسْ بَاوْطٜ سَيْطَانُ، ࢡٜنجَحَ حَا اَللَّه، ࢡٜکٜࢡَ يَاڢُيٜ حَکّٜىٰجِ مَࢡّٜ عٜ غٜطَلْ ندٛنْنغُ مَࢡّٜ شَکَ سٜنَاࢡٜ بٜى نُطِّنْغٛ يَمْ؞»
ݠٛلْ وٛلْوِ حَالَ کُوغَلْ مُوطُمْ
19«نغَمْ مَاجُمْ، يَا لَامِيطٛ عَغَرِݠَّ، مِعَشَّايْ طٛوْتَنَاغٛ کٛ اَللَّه حٛلِّ يَمْ دِغَ عَسَمَ؞ 20مِعَارْتِ وَازَاغٛ حَا دَمَسْ، ࢡَاوٛطٛنْ حَا عُرُسَلِيمَ عٜ حَا لٜسْدِ يَحُدِيَ ڢُو عٜ حَا يِمْࢡٜ عُمَّاتٛوجٜ غٛطّٜ بٛو؞ مِوَازِ ࢡٜ ࢡٜ تُوبَ، ࢡٜنُطِّنَ اَللَّه، ࢡٜکُووَ کُوطٜ کٛلَّنْطٜ تُوبُ مَࢡّٜ#کُوطٜ نٜلَاࢡٜ 9:20،28-29؞؞ 21نغَمْ دَلِيلَ کَعَ يَحُودُعٜنْ نَنغِ يَمْ ندٜرْ حَيْکَلِيرُ، ࢡٜنغِطْنٛ مبَرُغٛ يَمْ؞ 22عَمَّا اَللَّه وَلِّ يَمْ، حَا حَنْدٜ ڢُو مِطٛنْ، جٛنْتَ مِطٛنْ دَرِ، مِطٛنْ سٜىٰدٛ مٛ يٜىٰسٛ مَوْࢡٜ عٜ لٜىٰسْࢡٜ؞ مِوِعَايْ کٛو طُمٜ، سٜيْ کٛ مُوسَى عٜ اَلنَّبِعٜنْ عَنْدِنِ: 23اَلْمَسِيحُ يَرَنْ بٛنٜ، عٛعَارْتَنْ عُمِّتَاغٛ دِغَ مَايْدٜ، حَا عٛوَنغِنَنَ يَحُودُعٜنْ عٜ يِمْࢡٜ عُمَّاتٛوجٜ غٛطّٜ ڢُو أَلنّٛورَ#عٜسَايَ 42:6؛ 49:6؛ 1 کٛرِنْتُعٜنْ 15:20؞؞»
ݠٛلْ وِعِ عَغَرِݠَّ عٛنُطِّنَ عِيسَى
24ندٜ ݠٛلْ طٛنْ وٛلْوَ حُجَّ مُوطُمْ بَنَ نِي، ڢٜسْتُسْ حٛولِ، وِعِمٛ: «ݠٛلْ، عَ غِنَّاطٛ، عَنْدَلْ مَ لُغُّنغَلْ عِتِّ مَ حَکِّيلٛ!»
25ݠٛلْ جَابِ: «نَا مِ غِنَّاطٛ، بَرْکَامَ! طُمْ غٛونغَ مبِعَنْمِ، طُمْ ڢَامٛتٛ بٛو؞ 26مِوٛلْوَنِ لَامِيطٛ بٜى دَرْتَارٜ نغَمْ عٛعَنْدِ کُوجٜ طٜعٜ ڢُو؞ مِعَنْدِ ڢَکَتْ وَلَا کٛ عٛدُلِّ ندٜرْ مَاجٜ نغَمْ طٜ لَاتَاکِ ندٜرْ شُوطِيطُمْ؞ 27عَنُطِّنِ اَلنَّبِعٜنْ نَ، بَرْکَامَ؟ مِعَنْدِ عَنُطِّنِ؞» 28عَغَرِݠَّ وِعِ ݠٛلْ: «لُتِّ سٜطَّ عَلَاتِنَمِّ مَسِيحِنغْکٜىٰجٛ!» 29ݠٛلْ جَابِ: «مِطٛنْ تٛرٛ اَللَّه نَا نغَمْ مَاطَ تَنْ عَمَّا نغَمْ نَنَنْࢡٜ يَمْ حَنْدٜ ڢُو، حَا عٛنْ لَاتٛ بَنَ عَمْ، عَمَّا بِلَا شَلَّلُّوجِ طِعِ! طُمْ لَاتٛ ندٜرْ جَاوْطُمْ مَلَّ ندٜرْ ࢩَلْطٜ غَرَنْطٜ؞»
30ندٜنْ لَامِيطٛ عٜ نغٛمْنَاجٛ عٜ بٜرْنِکٜ عٜ وٛنْدُࢡٜ بٜى مَࢡّٜ ڢُو عُمِّ؞ 31ندٜ ࢡٜندِلِّ، ࢡٜمبِعْمبِعْتِرِ: «غٛرْکٛ عٛو وَطَايْ کٛو طُمٜ کٛ حٜعِ مبَرُغٛ مٛ مَلَّ نَسْتِنْغٛ مٛ ڢُرْسِنَ#26:31 ڢُرْسِنَ مَلَّ يَنغَدَ؞؞» 32ندٜنْ عَغَرِݠَّ وِعِ ڢٜسْتُسْ: «عٜنْ نجٛوڢَنّٛ غٛرْکٛ عٛو تٛ عٛࢨَمَايْنٛ حِيتٜىٰغٛ حَا لَامِيطٛ رٛمَ کَمْ؞»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.