کُوطٜ نٜلَابٜٔ 24
24
يَحُودُعٜنْ نغُلِّ ݠٛلْ
1ࢡَاوٛ بَلْطٜ جٛوِ، عَنَنِيَسْ، مَوْطٛ لِمَنْعٜنْ، يٛتِّ کَيْسَرِيَ؞ عٛوَرْدِ بٜى ندٛتِّعٜنْ وٛطْࢡٜ عٜ تٜرْتُلُّسْ، عَنْدُطٛ دٛوکَ کِيتَ رٛمَعٜنْ؞ ࢡٜنغُلِّ ݠٛلْ يٜىٰسٛ نغٛمْنَاجٛ؞ 2-3ندٜ ࢡٜعٜوْنِمٛ، تٜرْتُلُّسْ ڢُطِّ حَادَنغٛ مٛ، وِعِ:
«يَا ڢٜلِکُسْ تٜدُّطٛ، نغَمْ بَرْکَ مَ مِنْ نجٛوطِ جَمْ، لٜسْدِ عَمِنْ ڢُو وٛوتِ نغَمْ حِکْمَ مَاطَ؞ کٛو ندٜيٜ عٜ کٛو تٛيْ ڢُو، مِنْ طٛنْ نغٜرْدٛ طُمْ، مِنْ طٛنْ نغٜتّٜ مَسِنْ؞ 4بٛلّٜ عَمْ طُوطَتَا! بَرْکَ عٜنْطَمْ مَ، مِتٛرِ مَ، نَنَنْ مِنْ حَالَ عَمِنْ سٜطَّ؞ 5مِنْ تَوِ غٛرْکٛ عٛو، عٛ کَلُّطٛ مَسِنْ، عٛطٛنْ عُمِّنَ تُورْتٛلْ شَکَ يَحُودُعٜنْ ندٜرْ دُنِيَارُ ڢُو، کَنغْکٛ وٛنِ عَرْدِيطٛ بِطُعَاکُ نَسَرَتُعٜنْ؞ 6ندٜنْ عٛيِطِ سٛࢡْنُغٛ حَيْکَلِيرُ بٛو، عَمَّا مِنْ نَنغِمٛ؞ [مِنْ نغِطْنٛ حِيتَاغٛ مٛ ڢٛدّٜ کِيتَ تَوْرٜىٰتَ عَمِنْ، 7عَمَّا لِسِيَسْ، حٛورٜىٰجٛ سٛوجٜعٜنْ وَرِ، جَࢡْتِمٛ حَا جُوطٜ عَمِنْ بٜى سٜمْبٜ؞ 8ندٜنْ عٛعُمْرِ وُلِّيࢡٜ مٛ ࢡٜنغَرَ يٜىٰسٛ مَاطَ؞] تٛ عَࢨَمْتِمٛ، عَدِلِمٛ، عَعَنْدَنْ کٛ مِنْ نغُلّٛرِمٛ طُمْ غٛونغَ؞» 9يَحُودُعٜنْ ڢُو مبِعِ: «کٛ تٜرْتُلُّسْ وٛلْوِ، طُمْ غٛونغَ؞»
ݠٛلْ وَنغِنِ حُجَّ مُمْ يٜىٰسٛ ڢٜلِکُسْ
10نغٛمْنَاجٛ سَݠِّ ݠٛلْ، عٛوٛلْوَ؞ ندٜنْ ݠٛلْ وِعِ: «مِعَنْدِ، دُوࢡِ طُوطِّ عَنْ وٛنِ کِيتٛووٛ لٜسْدِ ندِعِ، نغَمْ مَاجُمْ مِسٜيِ وَطُغٛ حُجَّ عَمْ يٜىٰسٛ مَاطَ؞ 11ࢡُرَايْ بَلْطٜ سَݠّٛ عٜ طِطِ کٛ نجَحْمِ عُرُسَلِيمَ نغَمْ مِسُجِدَنَ اَللَّه؞ تٛ عَلِࢩِ طُمْ، عَتَوَنْ طُمْ نٛنْ؞ 12وَلَا مٛ مٜىٰطِ تَوُغٛ يَمْ مِطٛنْ وَطَ نغَابَ بٜى غٛطّٛ ندٜرْ حَيْکَلِيرُ مَلَّ مِطٛنْ عُمِّنَ حَالَ کٛو ندٜرْ شُوطِ دٜوَلْ مَࢡّٜ مَلَّ ندٜرْ بٜرْنِوٛلْ؞ 13ࢡٜمبَاوَتَا غٛونغْطِنْغٛ وُلَّاندُ ندُعُ شَکَ مَࢡّٜ؞ 14عَمَّا ندَا کٛ مِوَنغِنَنْتٜ: مِطٛنْ جَغَّنٛ اَللَّه کَاکِرَاࢡٜ عَمِنْ بٜى تٛکَّاغٛ لَاوٛلْ نغٛلْ ࢡٜندَارِ بَنَ بِطُعَاکُ؞ عَمَّا مِنْ بٛو مِطٛنْ نُطِّنِ کٛ وِنْدَ ندٜرْ تَوْرٜىٰتَ مُوسَى عٜ دٜڢْتٜ اَلنَّبِعٜنْ ڢُو؞ 15مِنْ طٛنْ بٜى تَمُّندٜ نٛ اَللَّه عُمِّتِنَنْ عَدِلِعٜنْ عٜ حَلُّࢡٜ ڢُو دِغَ مَايْدٜ بَنَ کَمْࢡٜ بٛو ࢡٜطٛنْ تَمّٛرٛ طُمْ؞ 16نغَمْ مَاجُمْ مِطٛنْ حَࢡْدَ جٛوطَاغٛ ࢡٜرْندٜ لَاࢡْندٜ بِلَا ڢٜلٛورٜ يٜىٰسٛ اَللَّه عٜ يٜىٰسٛ يِمْࢡٜ بٛو؞
17«ࢡَاوٛ يِيلَاغٛ يَاسِ عُرُسَلِيمَ دُوࢡِ سٜطَّ، مِلٛرِ تٛنْ نغَمْ مِيَحْرَنَ عُمَّاتٛورٜ عَمْ سَدَکَ عٜ مِوَطَنَ اَللَّه دٛکّٜ؞ 18وَکَّتِ مَنْ ࢡٜتَوِ يَمْ حَا حَيْکَلِيرُ؞ ࢡٜتَوِ يَمْ ࢡَاوٛ مِتِمِّنِ عَلْعَادَ شٜنْکِ، وٛودَا مٛوࢡْرٜ حَا عَمْ، وٛودَا حٛولٛ؞ 19وٛودِنٛ يَحُودُعٜنْ عِوْࢡٜ حَا لٜسْدِ عَسِيَ؞ ࢡٜݠٛتِنٛ وَرْغٛ يٜىٰسٛ مَ نغَمْ وُلَّاغٛ يَمْ، تٛ وٛودِ کٛ ࢡٜمبِعَتَ دٛوْ عَمْ؞ 20مَلَّ سٜيْ يِمْࢡٜ ࢡٜعٜ نغٜشّٜ حَلّٜىٰندٜ ندٜيٜ مِوَطِ يَاکٜ ࢡٜندَرْنِ يَمْ يٜىٰسٛ دَوْرٛوࢡٜ، 21سٛنَا حَالَ نغٛوتَ مِوٛلْوِ بٜى سَوْتُ يَاکٜ مِدَرِ يٜىٰسٛ مَࢡّٜ، مِوِعِ: عٛنْ کِيتِ يَمْ حَنْدٜ نغَمْ مِنُطِّنِ عُمِّتِنٜىٰکِ مَايْࢡٜ؞»
22ندٜ ڢٜلِکُسْ عَنْدِ حَالَ لَاوٛلْ جَوْمِرَاوٛ، عٛيٜرْࢡِ حَالَ مَنْ يٜىٰسٛ، عٛوِعِ ࢡٜ: «مِتَعَنْ کِيتَ مٛنْ، تٛ لِسِيَسْ، عَرْدِيطٛ دٛوْ سٛوجٜعٜنْ عُجِنٜىٰرٜ وَرِ؞» 23عٛعُمْرِ عَرْدِيطٛ دٛوْ سٛوجٜعٜنْ تٜىٰمٜرّٜ، عٛعَيْنَ مٛ بٛوطُّمْ، عَمَّا عٛعَشَّ مٛ عٛڢٜىٰشٛ سٜطَّ، عٛعَشَّ سٛوبِرَاࢡٜ مَاکٛ مبَلَّ مٛ؞
ݠٛلْ وٛلْوَنِ ڢٜلِکُسْ بٜى دُرُسِلَّ
24ࢡَاوٛ بَلْطٜ سٜطَّ، ڢٜلِکُسْ وَرْدِ بٜى دٜبّٛ مُمْ دُرُسِلَّ، يَحُودُوجٛ؞ عٛعٜوْنِ ݠٛلْ، عٛنَنِ کٛ عٛوٛلْوِ دٛوْ نُطِّنْکِ ندٜرْ عِيسَى اَلْمَسِيحُ؞ 25عَمَّا ندٜ ݠٛلْ وٛلْوِ دٛوْ عَدِلَاکُ عٜ نَنغْتَارٜ عٜ کِيتَ نغَرَنْکَ، ڢٜلِکُسْ حُلْتٛرِ، وِعِ: «حٜعِ جٛنْتَ کَمْ، دِلُّ! تٛ مِحٜࢡِ وَکَّتِ، مِعٜوْنٜتٜ ڢَحِنْ؞» 26عٛتَمِّ ݠٛلْ حٛکَّنْ مٛ شٜىٰدٜ، نغَمْ مَاجُمْ عٛتٛکِّ عٜوْنَاغٛ مٛ تُمْ، حَا ࢡٜنغٜوْتَ؞
27ࢡَاوٛ دُوࢡِ طِطِ، ݠٛرْکِيُسْ ڢٜسْتُسْ لَامِ حَا ݠٜلّٜلْ ڢٜلِکُسْ؞ عَمَّا ڢٜلِکُسْ يٛوڢَايْ ݠٛلْ نغَمْ عٛيِطِ سٜيْنُغٛ يَحُودُعٜنْ؞
Currently Selected:
کُوطٜ نٜلَابٜٔ 24: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
کُوطٜ نٜلَابٜٔ 24
24
يَحُودُعٜنْ نغُلِّ ݠٛلْ
1ࢡَاوٛ بَلْطٜ جٛوِ، عَنَنِيَسْ، مَوْطٛ لِمَنْعٜنْ، يٛتِّ کَيْسَرِيَ؞ عٛوَرْدِ بٜى ندٛتِّعٜنْ وٛطْࢡٜ عٜ تٜرْتُلُّسْ، عَنْدُطٛ دٛوکَ کِيتَ رٛمَعٜنْ؞ ࢡٜنغُلِّ ݠٛلْ يٜىٰسٛ نغٛمْنَاجٛ؞ 2-3ندٜ ࢡٜعٜوْنِمٛ، تٜرْتُلُّسْ ڢُطِّ حَادَنغٛ مٛ، وِعِ:
«يَا ڢٜلِکُسْ تٜدُّطٛ، نغَمْ بَرْکَ مَ مِنْ نجٛوطِ جَمْ، لٜسْدِ عَمِنْ ڢُو وٛوتِ نغَمْ حِکْمَ مَاطَ؞ کٛو ندٜيٜ عٜ کٛو تٛيْ ڢُو، مِنْ طٛنْ نغٜرْدٛ طُمْ، مِنْ طٛنْ نغٜتّٜ مَسِنْ؞ 4بٛلّٜ عَمْ طُوطَتَا! بَرْکَ عٜنْطَمْ مَ، مِتٛرِ مَ، نَنَنْ مِنْ حَالَ عَمِنْ سٜطَّ؞ 5مِنْ تَوِ غٛرْکٛ عٛو، عٛ کَلُّطٛ مَسِنْ، عٛطٛنْ عُمِّنَ تُورْتٛلْ شَکَ يَحُودُعٜنْ ندٜرْ دُنِيَارُ ڢُو، کَنغْکٛ وٛنِ عَرْدِيطٛ بِطُعَاکُ نَسَرَتُعٜنْ؞ 6ندٜنْ عٛيِطِ سٛࢡْنُغٛ حَيْکَلِيرُ بٛو، عَمَّا مِنْ نَنغِمٛ؞ [مِنْ نغِطْنٛ حِيتَاغٛ مٛ ڢٛدّٜ کِيتَ تَوْرٜىٰتَ عَمِنْ، 7عَمَّا لِسِيَسْ، حٛورٜىٰجٛ سٛوجٜعٜنْ وَرِ، جَࢡْتِمٛ حَا جُوطٜ عَمِنْ بٜى سٜمْبٜ؞ 8ندٜنْ عٛعُمْرِ وُلِّيࢡٜ مٛ ࢡٜنغَرَ يٜىٰسٛ مَاطَ؞] تٛ عَࢨَمْتِمٛ، عَدِلِمٛ، عَعَنْدَنْ کٛ مِنْ نغُلّٛرِمٛ طُمْ غٛونغَ؞» 9يَحُودُعٜنْ ڢُو مبِعِ: «کٛ تٜرْتُلُّسْ وٛلْوِ، طُمْ غٛونغَ؞»
ݠٛلْ وَنغِنِ حُجَّ مُمْ يٜىٰسٛ ڢٜلِکُسْ
10نغٛمْنَاجٛ سَݠِّ ݠٛلْ، عٛوٛلْوَ؞ ندٜنْ ݠٛلْ وِعِ: «مِعَنْدِ، دُوࢡِ طُوطِّ عَنْ وٛنِ کِيتٛووٛ لٜسْدِ ندِعِ، نغَمْ مَاجُمْ مِسٜيِ وَطُغٛ حُجَّ عَمْ يٜىٰسٛ مَاطَ؞ 11ࢡُرَايْ بَلْطٜ سَݠّٛ عٜ طِطِ کٛ نجَحْمِ عُرُسَلِيمَ نغَمْ مِسُجِدَنَ اَللَّه؞ تٛ عَلِࢩِ طُمْ، عَتَوَنْ طُمْ نٛنْ؞ 12وَلَا مٛ مٜىٰطِ تَوُغٛ يَمْ مِطٛنْ وَطَ نغَابَ بٜى غٛطّٛ ندٜرْ حَيْکَلِيرُ مَلَّ مِطٛنْ عُمِّنَ حَالَ کٛو ندٜرْ شُوطِ دٜوَلْ مَࢡّٜ مَلَّ ندٜرْ بٜرْنِوٛلْ؞ 13ࢡٜمبَاوَتَا غٛونغْطِنْغٛ وُلَّاندُ ندُعُ شَکَ مَࢡّٜ؞ 14عَمَّا ندَا کٛ مِوَنغِنَنْتٜ: مِطٛنْ جَغَّنٛ اَللَّه کَاکِرَاࢡٜ عَمِنْ بٜى تٛکَّاغٛ لَاوٛلْ نغٛلْ ࢡٜندَارِ بَنَ بِطُعَاکُ؞ عَمَّا مِنْ بٛو مِطٛنْ نُطِّنِ کٛ وِنْدَ ندٜرْ تَوْرٜىٰتَ مُوسَى عٜ دٜڢْتٜ اَلنَّبِعٜنْ ڢُو؞ 15مِنْ طٛنْ بٜى تَمُّندٜ نٛ اَللَّه عُمِّتِنَنْ عَدِلِعٜنْ عٜ حَلُّࢡٜ ڢُو دِغَ مَايْدٜ بَنَ کَمْࢡٜ بٛو ࢡٜطٛنْ تَمّٛرٛ طُمْ؞ 16نغَمْ مَاجُمْ مِطٛنْ حَࢡْدَ جٛوطَاغٛ ࢡٜرْندٜ لَاࢡْندٜ بِلَا ڢٜلٛورٜ يٜىٰسٛ اَللَّه عٜ يٜىٰسٛ يِمْࢡٜ بٛو؞
17«ࢡَاوٛ يِيلَاغٛ يَاسِ عُرُسَلِيمَ دُوࢡِ سٜطَّ، مِلٛرِ تٛنْ نغَمْ مِيَحْرَنَ عُمَّاتٛورٜ عَمْ سَدَکَ عٜ مِوَطَنَ اَللَّه دٛکّٜ؞ 18وَکَّتِ مَنْ ࢡٜتَوِ يَمْ حَا حَيْکَلِيرُ؞ ࢡٜتَوِ يَمْ ࢡَاوٛ مِتِمِّنِ عَلْعَادَ شٜنْکِ، وٛودَا مٛوࢡْرٜ حَا عَمْ، وٛودَا حٛولٛ؞ 19وٛودِنٛ يَحُودُعٜنْ عِوْࢡٜ حَا لٜسْدِ عَسِيَ؞ ࢡٜݠٛتِنٛ وَرْغٛ يٜىٰسٛ مَ نغَمْ وُلَّاغٛ يَمْ، تٛ وٛودِ کٛ ࢡٜمبِعَتَ دٛوْ عَمْ؞ 20مَلَّ سٜيْ يِمْࢡٜ ࢡٜعٜ نغٜشّٜ حَلّٜىٰندٜ ندٜيٜ مِوَطِ يَاکٜ ࢡٜندَرْنِ يَمْ يٜىٰسٛ دَوْرٛوࢡٜ، 21سٛنَا حَالَ نغٛوتَ مِوٛلْوِ بٜى سَوْتُ يَاکٜ مِدَرِ يٜىٰسٛ مَࢡّٜ، مِوِعِ: عٛنْ کِيتِ يَمْ حَنْدٜ نغَمْ مِنُطِّنِ عُمِّتِنٜىٰکِ مَايْࢡٜ؞»
22ندٜ ڢٜلِکُسْ عَنْدِ حَالَ لَاوٛلْ جَوْمِرَاوٛ، عٛيٜرْࢡِ حَالَ مَنْ يٜىٰسٛ، عٛوِعِ ࢡٜ: «مِتَعَنْ کِيتَ مٛنْ، تٛ لِسِيَسْ، عَرْدِيطٛ دٛوْ سٛوجٜعٜنْ عُجِنٜىٰرٜ وَرِ؞» 23عٛعُمْرِ عَرْدِيطٛ دٛوْ سٛوجٜعٜنْ تٜىٰمٜرّٜ، عٛعَيْنَ مٛ بٛوطُّمْ، عَمَّا عٛعَشَّ مٛ عٛڢٜىٰشٛ سٜطَّ، عٛعَشَّ سٛوبِرَاࢡٜ مَاکٛ مبَلَّ مٛ؞
ݠٛلْ وٛلْوَنِ ڢٜلِکُسْ بٜى دُرُسِلَّ
24ࢡَاوٛ بَلْطٜ سٜطَّ، ڢٜلِکُسْ وَرْدِ بٜى دٜبّٛ مُمْ دُرُسِلَّ، يَحُودُوجٛ؞ عٛعٜوْنِ ݠٛلْ، عٛنَنِ کٛ عٛوٛلْوِ دٛوْ نُطِّنْکِ ندٜرْ عِيسَى اَلْمَسِيحُ؞ 25عَمَّا ندٜ ݠٛلْ وٛلْوِ دٛوْ عَدِلَاکُ عٜ نَنغْتَارٜ عٜ کِيتَ نغَرَنْکَ، ڢٜلِکُسْ حُلْتٛرِ، وِعِ: «حٜعِ جٛنْتَ کَمْ، دِلُّ! تٛ مِحٜࢡِ وَکَّتِ، مِعٜوْنٜتٜ ڢَحِنْ؞» 26عٛتَمِّ ݠٛلْ حٛکَّنْ مٛ شٜىٰدٜ، نغَمْ مَاجُمْ عٛتٛکِّ عٜوْنَاغٛ مٛ تُمْ، حَا ࢡٜنغٜوْتَ؞
27ࢡَاوٛ دُوࢡِ طِطِ، ݠٛرْکِيُسْ ڢٜسْتُسْ لَامِ حَا ݠٜلّٜلْ ڢٜلِکُسْ؞ عَمَّا ڢٜلِکُسْ يٛوڢَايْ ݠٛلْ نغَمْ عٛيِطِ سٜيْنُغٛ يَحُودُعٜنْ؞
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.