کُوطٜ نٜلَابٜٔ 21
21
ݠٛلْ يٜحِ عُرُسَلِيمَ
1ندٜ مِنْ نجَࢡِّتِ ࢡٜ، مِنْ نَسْتِ کٛومْبٛوَلْ، مِنْ نجٜحِ شِرْ حَا کٛسْ؞ جَنغٛ مَنْ مِنْ نجٛتِّ رٛدٛسْ؞ دِغَ تٛنْ مِنْ نجٜحِ ݠَتَرَ؞ 2تٛنْ مِنْ تَوِ کٛومْبٛوَلْ يَحُغٛ ڢِنِکِيَ؞ مِنْ نَسْتِ، مِنْ ندِلِّ؞ 3مِنْ مبَکِّ کِݠْرُسْ، مِنْ طٛنْ نغِعَ طُمْ، عَمَّا مِنْ شَالٛرِ ڢٛمْبِنَ مَنْ، مِنْ نجٜحِ سِرِيَ؞ مِنْ نجِݠِّ حَا تِرُسْ، نغَمْ حَا ࢡٜنجِݠِّنَ کُوجٜ؞ 4مِنْ تَوِ نُطِّنْࢡٜ تٛنْ، مِنْ نجٛوطِ بٜى مَࢡّٜ عَسَوٜىٰرٜ وٛورٜ؞ بٜى بَاوْطٜ رُوحُ شٜنِيطٛ ࢡٜنغٜشِّ ݠٛلْ تَا عٛيَحَ عُرُسَلِيمَ؞ 5عَمَّا ندٜ عَسَوٜىٰرٜ مَنْ تِمِّ، مِنْ عُمِّ، مِنْ ندِلِّ؞ کَمْࢡٜ عٜ رٜوْࢡٜ مَࢡّٜ عٜ ࢡِکّٛيْ ڢُو، ࢡٜطٛڢْتِ مِنْ حَا يَاسِ بٜرْنِوٛلْ؞ مِنْ تُغِّ کٛݠِّ حَا ڢٛمٛوندٜ مبٜىٰلَ، مِنْ مبَطِ دٛعَ؞ 6ندٜنْ مِنْ نجَࢡّٛتِرِ، مِنْ نَسْتِ کٛومْبٛوَلْ، کَمْࢡٜ بٛو ࢡٜکٛوتِ؞
7ندٜ مِنْ عُمِّ تِرُسْ، مِنْ نجٜحِ ݠٛتٛلٜمَيِسْ؞ مِنْ کٛوڢْنِ دٜىٰرْطِرَاࢡٜ وٛنْࢡٜ تٛنْ، ندٜنْ مِنْ ࢩَلِّدِ بٜى مَࢡّٜ؞ 8جَنغٛ مَنْ مِنْ ندِلِّ، مِنْ نجٛتِّ کَيْسَرِيَ؞ تٛنْ مِنْ نجٜحِ سَارٜ ڢِلِݠْ غَازٛووٛ، مِنْ نجِݠِّ حَا مَاکٛ؞ عٛ غٛوتٛ ندٜرْ سُࢡَاࢡٜ نجٛوٜىٰطِطٛ حَا عُرُسَلِيمَ#کُوطٜ نٜلَاࢡٜ 6:5؛ 8:5؞؞ 9عٛوٛودِ ࢡِࢡّٜ رٜوْࢡٜ نَيٛ ࢡٜتٜعَاکَ، ࢡٜطٛنْ مبَطَ عَنَّبَاکُ؞ 10ندٜ مِنْ ݠَࢡِّ حَا تٛنْ بَلْطٜ سٜطَّ، اَلنَّبِيجٛ بِعٜتٜىٰطٛ عَغَبُسْ عِوِ يَحُدِيَ#کُوطٜ نٜلَاࢡٜ 11:28؞، 11وَرِ حَا عَمِنْ؞ عٛحٛوعِ تَادٛرْغٛلْ ݠٛلْ، عٛحَࢡِّ کٛسْطٜ مَاکٛ عٜ جُوطٜ مَاکٛ بٜى مَاغٛلْ، عٛوِعِ: «ندَا کٛ رُوحُ شٜنِيطٛ وِعِ: يَحُودُعٜنْ حَا عُرُسَلِيمَ کَࢡَّنْ مَرْطٛ تَادٛرْغٛلْ نغٛعٛلْ بَنَ نِي، ࢡٜندٛکَّنْ مٛ حَا جُوطٜ يِمْࢡٜ عُمَّاتٛوجٜ غٛطّٜ؞» 12ندٜ مِنْ نَنِ طُمْ، مِنِنْ بٜى يِمْࢡٜ تٛنْ ڢُو، مِنْ تٛرِ ݠٛلْ، تَا عٛيَحَ عُرُسَلِيمَ؞ 13عَمَّا ݠٛلْ جَابِ: «کٛنِ عٛنْ مبٛيَتَ؟ عٛنْ نغِطِ سُنُغٛ يَمْ نَ؟ مِنْ کَمْ، نَا حَࢡّٜىٰغٛ حَا عُرُسَلِيمَ تَنْ، عَمَّا مِطٛنْ تَاسْکَنِ مَايُغٛ مَا، نغَمْ دَلِيلَ جَوْمِرَاوٛ عِيسَى؞» 14مِنْ مبَاوَايْ ڢَاسِتِنغٛ عَنِّيَ مَاکٛ؞ ندٜنْ مِنْ عَشِّمٛ، مِنْ مبِعِ: «مُويٛ جَوْمِرَاوٛ لَاتٛ؞»
15ࢡَاوٛ مَنْ، مِنْ تَاسْکِ، مِنْ ندِلِّ عُرُسَلِيمَ؞ 16نُطِّنْࢡٜ کَيْسَرِيَ وٛطْࢡٜ نجَحْدِ بٜى عَمِنْ؞ ࢡٜنجَحْرِ مِنْ حَا مِنْ مبٜىٰرَتَ حَا سَارٜ مَنَسٛنْ عِوْطٛ کِݠْرُسْ، نُطِّنْطٛ دِغَ ࢡٛويْمَ؞
ݠٛلْ يٜحِ لَارُغٛ يَاکُبَ
17ندٜ مِنْ نجٛتِّ عُرُسَلِيمَ، دٜىٰرْطِرَاࢡٜ نجَࢡِّ مِنْ بٜى سٜيٛ؞ 18جَنغٛ مَنْ ݠٛلْ يَحْدِ بٜى عَمِنْ حَا يَاکُبَ؞ ندٛتِّعٜنْ جَمَعَارٜ نُطِّنْࢡٜ ڢُو بٛو نغَرِ تٛنْ؞ 19ݠٛلْ حٛوڢْنِ ࢡٜ، يٜشِّ ࢡٜ کٛو طُمٜ کٛ اَللَّه وَطِ بٜى کُوغَلْ مَاکٛ شَکَ عُمَّاتٛوجٜ غٛطّٜ؞ 20ندٜ ࢡٜنَنِ طُمْ، ࢡٜمَنغْتِ اَللَّه؞ ندٜنْ ࢡٜمبِعِ ݠٛلْ: «دٜىٰرْطِرَاوٛ، عَيِعِ نٛ يَحُودُعٜنْ عُجِنٜ طُوطّٜ نُطِّنِ، عَمَّا ࢡٜ ڢُو ࢡٜطٛنْ تِينِ تٛکَّاغٛ تَوْرٜىٰتَ؞ 21ࢡٜنَنِ عَطٛنْ عٜکِّتِنَ يَحُودُعٜنْ جٛوطِيࢡٜ لٜسْطٜ عُمَّاتٛوجٜ غٛطّٜ ڢُو ࢡٜعَشَّ تَوْرٜىٰتَ مُوسَى، ࢡٜعَشَّ بٛو جُولْنُغٛ#21:21 جُولْنُغٛ مَلَّ رٜمْنُغٛ؞ ࢡِکّٛيْ مَࢡّٜ عٜ تٛکَّاغٛ عَلْعَادَ يَحُودُعٜنْ؞ 22نٛيْ مبَطٜتٜنْ؟ نغَمْ ڢَکَتْ ࢡٜنَنَنْ عَوَرِ؞ 23نغَمْ مَاجُمْ وَطْ کٛ مِنْ مبِعٜتٜ؞ وٛودِ يِمْࢡٜ نَيٛ حَا طٛ، وَطْࢡٜ تٛغَيٜىٰرٜ؞ 24يَحْدُ بٜى مَࢡّٜ، سٜنْ حٛورٜ مَ بٜى مَࢡّٜ ڢٛدّٜ عَلْعَادَ شٜنْکِ؞ يٛࢡْ شٜىٰدٜ حَا ࢡٜلَࢡَ کٛعٜ مَࢡّٜ؞ تٛ عَوَطِ طُمْ، يِمْࢡٜ ڢُو ݠَامَنْ کٛ ࢡٜنَنِ دٛوْ مَ ڢُو، نَا طُمْ غٛونغَ، عَمَّا عَنْ بٜى حٛورٜ مَ عَطٛنْ تٛکّٛ تَوْرٜىٰتَ مُوسَى#لِمْلٜ 6:6-14؞؞ 25عَمَّا مِنْ نٜلْدِ بَتَاکٜوٛلْ حَا يِمْࢡٜ عُمَّاتٛوجٜ لَاتِيࢡٜ نُطِّنْࢡٜ، مِنْ ندَوْرِ، مِنْ مبِعِ ࢡٜ ࢡٜ ندٜىٰنْتَ عٜ کُسٜلْ کِرْسَنَانغٜلْ لَبِّ عٜ ࢨِيࢨَمْ عٜ کٛ حِرْسَاکَ عٜ دَاکَارٜىٰکُ#کُوطٜ نٜلَاࢡٜ 15:29؞#21:25 لَارْ مَتَّ 19:9؛ ڢَرِلَّاجِ لٜوِعٜنْ 18:6-18؞؞» 26نغَمْ مَاجُمْ ݠٛلْ يَحْدِ بٜى يِمْࢡٜ نَيٛ غٛ؞ جَنغٛ مَنْ عٛحَوْتِ بٜى مَࢡّٜ وَطُغٛ عَلْعَادَ شٜنْکِ؞ ندٜنْ عٛنَسْتِ حَيْکَلِيرُ، عٛعَنْدِنِ ࢩَنْدٜ ندٜ شٜنْکِ مَنْ تِمَّتَ، وَاتٛ ࢩَنْدٜ ندٜ ࢡٜلِيعٛتٛ کِرْسٜتٜىٰطِ نغَمْ کٛو مٛيْ مَࢡّٜ بَطّٛ تٛغَيٜىٰرٜ غٛ؞
ࢡٜنَنغِ ݠٛلْ ندٜرْ حَيْکَلِيرُ
27ندٜ بَلْطٜ جٛوٜىٰطِطِ ࢡَدَکٜ تِمُّغٛ، يَحُودُعٜنْ وَرْࢡٜ دِغَ لٜسْدِ عَسِيَ نغِعِ ݠٛلْ حَا حَيْکَلِيرُ؞ ࢡٜعُمِّنِ ࢡٜرْطٜ مٛوࢡْرٜ ڢُو، ࢡٜنَنغِمٛ؞ 28ࢡٜکٛولِ، ࢡٜمبِعِ: «إِسْرَاءِيلَعٜنْ، مبَلّٜ مِنْ! ندَا غٛرْکٛ عٛو، عٛطٛنْ حَلِّنَ جَمَعَارٜ إِسْرَاءِيلَ عٜ تَوْرٜىٰتَ مُوسَى عٜ حَيْکَلِيرُ ڢُو، عٛطٛنْ عَنْدِنَ طُمْ کٛو مٛيْ عٜ کٛو تٛيْ؞ ڢَحِنْ بٛو عٛنَسْتِنِ حٜىٰڢٜىٰرْࢡٜ وٛطْࢡٜ ندٜرْ حَيْکَلِيرُ، عٛسٛࢡْنِ نٛکُّورٜ سٜنِيندٜ ندٜعٜ!» 29ࢡٜمبِعِ طُمْ نغَمْ ࢡٜنغِعِ تٛرٛڢِمُسْ مٛ عٜڢٜسُسْ، بٜى ݠٛلْ ندٜرْ بٜرْنِوٛلْ، ࢡٜتَمِّنٛ ݠٛلْ نَسْتِنِمٛ ندٜرْ حَيْکَلِيرُ#کُوطٜ نٜلَاࢡٜ 20:4؞؞
30حَالَ کَعَ سَنغْکِتِ ندٜرْ بٜرْنِوٛلْ ڢُو حَا يِمْࢡٜ مَاغٛلْ ڢُو مٛوࢡْتِ؞ ࢡٜنَنغِ ݠٛلْ، ࢡٜندَسِمٛ يَاسِ حَيْکَلِيرُ؞ ندٜنْ لَوْ ࢡٜمَࢡِّ دَمُّطٜ مَارُ؞ 31مٛوࢡْرٜ يِطِ مبَرُغٛ ݠٛلْ، عَمَّا حَبَرُ مَنْ يٛتِّ عَرْدِيطٛ دٛوْ سٛوجٜعٜنْ رٛمَ عُجِنٜىٰرٜ، ࢡٜمبِعِمٛ: «بٜرْنِوٛلْ عُرُسَلِيمَ ڢُو طٛنْ ندٜرْ ڢِتِنَ؞» 32لَوْ عٛحٛوعِ سٛوجٜعٜنْ بٜى عَرْدِيࢡٜ دٛوْ سٛوجٜعٜنْ تٜىٰمٜرّٜ، ࢡٜندٛغِّ، ࢡٜنجٜحِ حَا مٛوࢡْرٜ؞ ندٜ يِمْࢡٜ نغِعِ عَرْدِيطٛ دٛوْ سٛوجٜعٜنْ عُجِنٜىٰرٜ عٜ سٛوجٜعٜنْ نغَرِ، ࢡٜعَشِّ ڢِيُغٛ ݠٛلْ؞ 33ندٜنْ عَرْدِيطٛ دٛوْ سٛوجٜعٜنْ عُجِنٜىٰرٜ غٛ ࢡَدِتِ ݠٛلْ، نَنغِمٛ، عُمْرِ ࢡٜکَࢡَّ مٛ بٜى شَلَّلُّوجِ طِطِ؞ ندٜنْ عٛࢨَمِ: «طُمْ مٛيٜ؟ طُمٜ عٛوَطِ؟» 34کٛو مٛيْ طٛنْ وٛلْوَ کٛ عٛيِطِ بٜى سَوْتُ؞ دَلِيلَ حَرَکَ، عَرْدِيطٛ عٛو حٜࢡَايْ جَاوَابُ لَاࢡْنغُ، ندٜنْ عٛعُمْرِ ࢡٜنجَحْرَ ݠٛلْ حَا سَنغٜىٰرٜ سٛوجٜعٜنْ؞ 35ندٜ ࢡٜنجٛتِّ حَا بَعّٛرْطٜ، سٛوجٜعٜنْ عٜڢْتِمٛ نغَمْ ڢِتِنَ مٛوࢡْرٜ سَاتِ مَسِنْ، 36نغَمْ يِمْࢡٜ ڢُو طٛنْ تٛکِّمٛ، ࢡٜطٛنْ کٛولَ: «مبَرٜ مٛ! مبَرٜ مٛ!»
ݠٛلْ حٛکِّ حُجَّ مُوطُمْ
37ندٜ سٛوجٜعٜنْ ࢡَدِ نَسْتِنْغٛ مٛ ندٜرْ سَنغٜىٰرٜ مُوطُمْعٜنْ، ݠٛلْ وِعِ عَرْدِيطٛ دٛوْ سٛوجٜعٜنْ عُجِنٜىٰرٜ: «مِڢٛتِ وٛلْوَنْغٛ مَ نَ؟» عَرْدِيطٛ مَنْ ࢨَمِ: «عَعَنْدِ يُنَنِنغْکٜىٰرٜ#21:37 يُنَنِنغْکٜىٰرٜ مَلَّ غِرٜکْرٜ؞ نَ؟ 38عَسٜى! نَا عَنْ وٛنِ مِصْرَاجٛ تُورْتُطٛ، جَحْرُطٛ تُورْتٛوࢡٜ عُجِنٜ نَيٛ، مبَرٛوࢡٜ کٛعٜ حَا لَدّٜ ࢩَلْطٜ طٜعٜ نَ؟» 39ݠٛلْ جَابِ: «مِنْ مِ يَحُودُوجٛ، دَࢩَاطٛ حَا تَرْسُسْ ندٜرْ سِلِکِيَ، مِ ࢡِي بٜرْنِوٛلْ مَنغٛلْ؞ مِتٛرِ مَ، دُنغَنَمْ وٛلْوَنْغٛ مٛوࢡْرٜ؞» 40عٛدُنغَنِمٛ؞ ندٜنْ ݠٛلْ وَعِّ بَعّٛرْطٜ، ࢡَنغْتِ جُوطٜ مُمْ نغَمْ حَا يِمْࢡٜ نجٜىٰطٛ؞ ندٜ ࢡٜنجٜىٰطِ سِرِوْ، عٛوٛلْوَنِ ࢡٜ بٜى عِبْرَنِنغْکٜىٰرٜ، عٛوِعِ:
Currently Selected:
کُوطٜ نٜلَابٜٔ 21: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
کُوطٜ نٜلَابٜٔ 21
21
ݠٛلْ يٜحِ عُرُسَلِيمَ
1ندٜ مِنْ نجَࢡِّتِ ࢡٜ، مِنْ نَسْتِ کٛومْبٛوَلْ، مِنْ نجٜحِ شِرْ حَا کٛسْ؞ جَنغٛ مَنْ مِنْ نجٛتِّ رٛدٛسْ؞ دِغَ تٛنْ مِنْ نجٜحِ ݠَتَرَ؞ 2تٛنْ مِنْ تَوِ کٛومْبٛوَلْ يَحُغٛ ڢِنِکِيَ؞ مِنْ نَسْتِ، مِنْ ندِلِّ؞ 3مِنْ مبَکِّ کِݠْرُسْ، مِنْ طٛنْ نغِعَ طُمْ، عَمَّا مِنْ شَالٛرِ ڢٛمْبِنَ مَنْ، مِنْ نجٜحِ سِرِيَ؞ مِنْ نجِݠِّ حَا تِرُسْ، نغَمْ حَا ࢡٜنجِݠِّنَ کُوجٜ؞ 4مِنْ تَوِ نُطِّنْࢡٜ تٛنْ، مِنْ نجٛوطِ بٜى مَࢡّٜ عَسَوٜىٰرٜ وٛورٜ؞ بٜى بَاوْطٜ رُوحُ شٜنِيطٛ ࢡٜنغٜشِّ ݠٛلْ تَا عٛيَحَ عُرُسَلِيمَ؞ 5عَمَّا ندٜ عَسَوٜىٰرٜ مَنْ تِمِّ، مِنْ عُمِّ، مِنْ ندِلِّ؞ کَمْࢡٜ عٜ رٜوْࢡٜ مَࢡّٜ عٜ ࢡِکّٛيْ ڢُو، ࢡٜطٛڢْتِ مِنْ حَا يَاسِ بٜرْنِوٛلْ؞ مِنْ تُغِّ کٛݠِّ حَا ڢٛمٛوندٜ مبٜىٰلَ، مِنْ مبَطِ دٛعَ؞ 6ندٜنْ مِنْ نجَࢡّٛتِرِ، مِنْ نَسْتِ کٛومْبٛوَلْ، کَمْࢡٜ بٛو ࢡٜکٛوتِ؞
7ندٜ مِنْ عُمِّ تِرُسْ، مِنْ نجٜحِ ݠٛتٛلٜمَيِسْ؞ مِنْ کٛوڢْنِ دٜىٰرْطِرَاࢡٜ وٛنْࢡٜ تٛنْ، ندٜنْ مِنْ ࢩَلِّدِ بٜى مَࢡّٜ؞ 8جَنغٛ مَنْ مِنْ ندِلِّ، مِنْ نجٛتِّ کَيْسَرِيَ؞ تٛنْ مِنْ نجٜحِ سَارٜ ڢِلِݠْ غَازٛووٛ، مِنْ نجِݠِّ حَا مَاکٛ؞ عٛ غٛوتٛ ندٜرْ سُࢡَاࢡٜ نجٛوٜىٰطِطٛ حَا عُرُسَلِيمَ#کُوطٜ نٜلَاࢡٜ 6:5؛ 8:5؞؞ 9عٛوٛودِ ࢡِࢡّٜ رٜوْࢡٜ نَيٛ ࢡٜتٜعَاکَ، ࢡٜطٛنْ مبَطَ عَنَّبَاکُ؞ 10ندٜ مِنْ ݠَࢡِّ حَا تٛنْ بَلْطٜ سٜطَّ، اَلنَّبِيجٛ بِعٜتٜىٰطٛ عَغَبُسْ عِوِ يَحُدِيَ#کُوطٜ نٜلَاࢡٜ 11:28؞، 11وَرِ حَا عَمِنْ؞ عٛحٛوعِ تَادٛرْغٛلْ ݠٛلْ، عٛحَࢡِّ کٛسْطٜ مَاکٛ عٜ جُوطٜ مَاکٛ بٜى مَاغٛلْ، عٛوِعِ: «ندَا کٛ رُوحُ شٜنِيطٛ وِعِ: يَحُودُعٜنْ حَا عُرُسَلِيمَ کَࢡَّنْ مَرْطٛ تَادٛرْغٛلْ نغٛعٛلْ بَنَ نِي، ࢡٜندٛکَّنْ مٛ حَا جُوطٜ يِمْࢡٜ عُمَّاتٛوجٜ غٛطّٜ؞» 12ندٜ مِنْ نَنِ طُمْ، مِنِنْ بٜى يِمْࢡٜ تٛنْ ڢُو، مِنْ تٛرِ ݠٛلْ، تَا عٛيَحَ عُرُسَلِيمَ؞ 13عَمَّا ݠٛلْ جَابِ: «کٛنِ عٛنْ مبٛيَتَ؟ عٛنْ نغِطِ سُنُغٛ يَمْ نَ؟ مِنْ کَمْ، نَا حَࢡّٜىٰغٛ حَا عُرُسَلِيمَ تَنْ، عَمَّا مِطٛنْ تَاسْکَنِ مَايُغٛ مَا، نغَمْ دَلِيلَ جَوْمِرَاوٛ عِيسَى؞» 14مِنْ مبَاوَايْ ڢَاسِتِنغٛ عَنِّيَ مَاکٛ؞ ندٜنْ مِنْ عَشِّمٛ، مِنْ مبِعِ: «مُويٛ جَوْمِرَاوٛ لَاتٛ؞»
15ࢡَاوٛ مَنْ، مِنْ تَاسْکِ، مِنْ ندِلِّ عُرُسَلِيمَ؞ 16نُطِّنْࢡٜ کَيْسَرِيَ وٛطْࢡٜ نجَحْدِ بٜى عَمِنْ؞ ࢡٜنجَحْرِ مِنْ حَا مِنْ مبٜىٰرَتَ حَا سَارٜ مَنَسٛنْ عِوْطٛ کِݠْرُسْ، نُطِّنْطٛ دِغَ ࢡٛويْمَ؞
ݠٛلْ يٜحِ لَارُغٛ يَاکُبَ
17ندٜ مِنْ نجٛتِّ عُرُسَلِيمَ، دٜىٰرْطِرَاࢡٜ نجَࢡِّ مِنْ بٜى سٜيٛ؞ 18جَنغٛ مَنْ ݠٛلْ يَحْدِ بٜى عَمِنْ حَا يَاکُبَ؞ ندٛتِّعٜنْ جَمَعَارٜ نُطِّنْࢡٜ ڢُو بٛو نغَرِ تٛنْ؞ 19ݠٛلْ حٛوڢْنِ ࢡٜ، يٜشِّ ࢡٜ کٛو طُمٜ کٛ اَللَّه وَطِ بٜى کُوغَلْ مَاکٛ شَکَ عُمَّاتٛوجٜ غٛطّٜ؞ 20ندٜ ࢡٜنَنِ طُمْ، ࢡٜمَنغْتِ اَللَّه؞ ندٜنْ ࢡٜمبِعِ ݠٛلْ: «دٜىٰرْطِرَاوٛ، عَيِعِ نٛ يَحُودُعٜنْ عُجِنٜ طُوطّٜ نُطِّنِ، عَمَّا ࢡٜ ڢُو ࢡٜطٛنْ تِينِ تٛکَّاغٛ تَوْرٜىٰتَ؞ 21ࢡٜنَنِ عَطٛنْ عٜکِّتِنَ يَحُودُعٜنْ جٛوطِيࢡٜ لٜسْطٜ عُمَّاتٛوجٜ غٛطّٜ ڢُو ࢡٜعَشَّ تَوْرٜىٰتَ مُوسَى، ࢡٜعَشَّ بٛو جُولْنُغٛ#21:21 جُولْنُغٛ مَلَّ رٜمْنُغٛ؞ ࢡِکّٛيْ مَࢡّٜ عٜ تٛکَّاغٛ عَلْعَادَ يَحُودُعٜنْ؞ 22نٛيْ مبَطٜتٜنْ؟ نغَمْ ڢَکَتْ ࢡٜنَنَنْ عَوَرِ؞ 23نغَمْ مَاجُمْ وَطْ کٛ مِنْ مبِعٜتٜ؞ وٛودِ يِمْࢡٜ نَيٛ حَا طٛ، وَطْࢡٜ تٛغَيٜىٰرٜ؞ 24يَحْدُ بٜى مَࢡّٜ، سٜنْ حٛورٜ مَ بٜى مَࢡّٜ ڢٛدّٜ عَلْعَادَ شٜنْکِ؞ يٛࢡْ شٜىٰدٜ حَا ࢡٜلَࢡَ کٛعٜ مَࢡّٜ؞ تٛ عَوَطِ طُمْ، يِمْࢡٜ ڢُو ݠَامَنْ کٛ ࢡٜنَنِ دٛوْ مَ ڢُو، نَا طُمْ غٛونغَ، عَمَّا عَنْ بٜى حٛورٜ مَ عَطٛنْ تٛکّٛ تَوْرٜىٰتَ مُوسَى#لِمْلٜ 6:6-14؞؞ 25عَمَّا مِنْ نٜلْدِ بَتَاکٜوٛلْ حَا يِمْࢡٜ عُمَّاتٛوجٜ لَاتِيࢡٜ نُطِّنْࢡٜ، مِنْ ندَوْرِ، مِنْ مبِعِ ࢡٜ ࢡٜ ندٜىٰنْتَ عٜ کُسٜلْ کِرْسَنَانغٜلْ لَبِّ عٜ ࢨِيࢨَمْ عٜ کٛ حِرْسَاکَ عٜ دَاکَارٜىٰکُ#کُوطٜ نٜلَاࢡٜ 15:29؞#21:25 لَارْ مَتَّ 19:9؛ ڢَرِلَّاجِ لٜوِعٜنْ 18:6-18؞؞» 26نغَمْ مَاجُمْ ݠٛلْ يَحْدِ بٜى يِمْࢡٜ نَيٛ غٛ؞ جَنغٛ مَنْ عٛحَوْتِ بٜى مَࢡّٜ وَطُغٛ عَلْعَادَ شٜنْکِ؞ ندٜنْ عٛنَسْتِ حَيْکَلِيرُ، عٛعَنْدِنِ ࢩَنْدٜ ندٜ شٜنْکِ مَنْ تِمَّتَ، وَاتٛ ࢩَنْدٜ ندٜ ࢡٜلِيعٛتٛ کِرْسٜتٜىٰطِ نغَمْ کٛو مٛيْ مَࢡّٜ بَطّٛ تٛغَيٜىٰرٜ غٛ؞
ࢡٜنَنغِ ݠٛلْ ندٜرْ حَيْکَلِيرُ
27ندٜ بَلْطٜ جٛوٜىٰطِطِ ࢡَدَکٜ تِمُّغٛ، يَحُودُعٜنْ وَرْࢡٜ دِغَ لٜسْدِ عَسِيَ نغِعِ ݠٛلْ حَا حَيْکَلِيرُ؞ ࢡٜعُمِّنِ ࢡٜرْطٜ مٛوࢡْرٜ ڢُو، ࢡٜنَنغِمٛ؞ 28ࢡٜکٛولِ، ࢡٜمبِعِ: «إِسْرَاءِيلَعٜنْ، مبَلّٜ مِنْ! ندَا غٛرْکٛ عٛو، عٛطٛنْ حَلِّنَ جَمَعَارٜ إِسْرَاءِيلَ عٜ تَوْرٜىٰتَ مُوسَى عٜ حَيْکَلِيرُ ڢُو، عٛطٛنْ عَنْدِنَ طُمْ کٛو مٛيْ عٜ کٛو تٛيْ؞ ڢَحِنْ بٛو عٛنَسْتِنِ حٜىٰڢٜىٰرْࢡٜ وٛطْࢡٜ ندٜرْ حَيْکَلِيرُ، عٛسٛࢡْنِ نٛکُّورٜ سٜنِيندٜ ندٜعٜ!» 29ࢡٜمبِعِ طُمْ نغَمْ ࢡٜنغِعِ تٛرٛڢِمُسْ مٛ عٜڢٜسُسْ، بٜى ݠٛلْ ندٜرْ بٜرْنِوٛلْ، ࢡٜتَمِّنٛ ݠٛلْ نَسْتِنِمٛ ندٜرْ حَيْکَلِيرُ#کُوطٜ نٜلَاࢡٜ 20:4؞؞
30حَالَ کَعَ سَنغْکِتِ ندٜرْ بٜرْنِوٛلْ ڢُو حَا يِمْࢡٜ مَاغٛلْ ڢُو مٛوࢡْتِ؞ ࢡٜنَنغِ ݠٛلْ، ࢡٜندَسِمٛ يَاسِ حَيْکَلِيرُ؞ ندٜنْ لَوْ ࢡٜمَࢡِّ دَمُّطٜ مَارُ؞ 31مٛوࢡْرٜ يِطِ مبَرُغٛ ݠٛلْ، عَمَّا حَبَرُ مَنْ يٛتِّ عَرْدِيطٛ دٛوْ سٛوجٜعٜنْ رٛمَ عُجِنٜىٰرٜ، ࢡٜمبِعِمٛ: «بٜرْنِوٛلْ عُرُسَلِيمَ ڢُو طٛنْ ندٜرْ ڢِتِنَ؞» 32لَوْ عٛحٛوعِ سٛوجٜعٜنْ بٜى عَرْدِيࢡٜ دٛوْ سٛوجٜعٜنْ تٜىٰمٜرّٜ، ࢡٜندٛغِّ، ࢡٜنجٜحِ حَا مٛوࢡْرٜ؞ ندٜ يِمْࢡٜ نغِعِ عَرْدِيطٛ دٛوْ سٛوجٜعٜنْ عُجِنٜىٰرٜ عٜ سٛوجٜعٜنْ نغَرِ، ࢡٜعَشِّ ڢِيُغٛ ݠٛلْ؞ 33ندٜنْ عَرْدِيطٛ دٛوْ سٛوجٜعٜنْ عُجِنٜىٰرٜ غٛ ࢡَدِتِ ݠٛلْ، نَنغِمٛ، عُمْرِ ࢡٜکَࢡَّ مٛ بٜى شَلَّلُّوجِ طِطِ؞ ندٜنْ عٛࢨَمِ: «طُمْ مٛيٜ؟ طُمٜ عٛوَطِ؟» 34کٛو مٛيْ طٛنْ وٛلْوَ کٛ عٛيِطِ بٜى سَوْتُ؞ دَلِيلَ حَرَکَ، عَرْدِيطٛ عٛو حٜࢡَايْ جَاوَابُ لَاࢡْنغُ، ندٜنْ عٛعُمْرِ ࢡٜنجَحْرَ ݠٛلْ حَا سَنغٜىٰرٜ سٛوجٜعٜنْ؞ 35ندٜ ࢡٜنجٛتِّ حَا بَعّٛرْطٜ، سٛوجٜعٜنْ عٜڢْتِمٛ نغَمْ ڢِتِنَ مٛوࢡْرٜ سَاتِ مَسِنْ، 36نغَمْ يِمْࢡٜ ڢُو طٛنْ تٛکِّمٛ، ࢡٜطٛنْ کٛولَ: «مبَرٜ مٛ! مبَرٜ مٛ!»
ݠٛلْ حٛکِّ حُجَّ مُوطُمْ
37ندٜ سٛوجٜعٜنْ ࢡَدِ نَسْتِنْغٛ مٛ ندٜرْ سَنغٜىٰرٜ مُوطُمْعٜنْ، ݠٛلْ وِعِ عَرْدِيطٛ دٛوْ سٛوجٜعٜنْ عُجِنٜىٰرٜ: «مِڢٛتِ وٛلْوَنْغٛ مَ نَ؟» عَرْدِيطٛ مَنْ ࢨَمِ: «عَعَنْدِ يُنَنِنغْکٜىٰرٜ#21:37 يُنَنِنغْکٜىٰرٜ مَلَّ غِرٜکْرٜ؞ نَ؟ 38عَسٜى! نَا عَنْ وٛنِ مِصْرَاجٛ تُورْتُطٛ، جَحْرُطٛ تُورْتٛوࢡٜ عُجِنٜ نَيٛ، مبَرٛوࢡٜ کٛعٜ حَا لَدّٜ ࢩَلْطٜ طٜعٜ نَ؟» 39ݠٛلْ جَابِ: «مِنْ مِ يَحُودُوجٛ، دَࢩَاطٛ حَا تَرْسُسْ ندٜرْ سِلِکِيَ، مِ ࢡِي بٜرْنِوٛلْ مَنغٛلْ؞ مِتٛرِ مَ، دُنغَنَمْ وٛلْوَنْغٛ مٛوࢡْرٜ؞» 40عٛدُنغَنِمٛ؞ ندٜنْ ݠٛلْ وَعِّ بَعّٛرْطٜ، ࢡَنغْتِ جُوطٜ مُمْ نغَمْ حَا يِمْࢡٜ نجٜىٰطٛ؞ ندٜ ࢡٜنجٜىٰطِ سِرِوْ، عٛوٛلْوَنِ ࢡٜ بٜى عِبْرَنِنغْکٜىٰرٜ، عٛوِعِ:
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.