1 تٜسَّلٛنِکِعٜنْ نَسْتُکِ
نَسْتُکِ
تٜسَّلٛنِيکِ وٛنّٛ لَامٛرْدٜ لٜسْدِ مَکٜدٛنِيَ ندٜرْ لَامُ رٛمَعٜنْ؞ ࢡَاوٛ ݠٛلْ وُرْتِ ڢِلِݠِّ ندٜرْ جَحَانغَلْ مُوطُمْ طِطَࢡَلْ، عٛيٜحِ حَا تٜسَّلٛنِيکِ؞ عٛجٛعِّنِ جَمَعَارٜ نُطِّنْࢡٜ ندٜرْ وُرٛ مَنْ؞ عَمَّا عٛدُورَايْ ندٜرْ مَاغٛ سَمْ، نغَمْ تُورْتٛلْ يَحُودُعٜنْ وٛطْࢡٜ؞ طُمْ دٛولِمٛ وُرْتَاغٛ وُرٛ نغٛعٛ؞ عٛيٜحِ بٜرٜيَ (کُوطٜ نٜلَاࢡٜ 17:1-10)؞ ࢡٜ کَاجِ مٛ، نغَمْ يِمْࢡٜ عُمَّاتٛوجٜ نجَࢡِ وَازُ مَاکٛ؞ ࢡَاوٛطٛنْ ندٜ عٛيٛتِّ کٛرِنْتُ، تِمٛتٜ وَدَّنِمٛ حَبَرُ دٛوْ کٛ وَطِ حَا تٜسَّلٛنِيکِ (کُوطٜ نٜلَاࢡٜ 18:5)؞ دِغَ کٛرِنْتُ ݠٛلْ وِنْدِ بَتَاکٜوٛلْ نغٛعٛلْ؞
ݠٛلْ وِنْدِ نغٛلْ نغَمْ حَا عٛسٜمْبِطِنَ نُطِّنْࢡٜ تٜسَّلٛنِيکِعٜنْ، عٛتِطِّنَ ࢡٜ؞ عٛيٜتِّ اَللَّه مَسِنْ نغَمْ حَبَرُ نُطِّنْکِ مَࢡّٜ عٜ يِيدٜ مَࢡّٜ؞ عٛسِڢْتِنٛرِ ࢡٜ نٛ عٛجٛوطٛرِنٛ شَکَ مَࢡّٜ، نٛ عٛحُووْرِ بٛو؞ ندٜنْ عٛجَابِ ࢨَمْطٜ طٜ ࢡٜࢨَمِ شَکَ مَࢡّٜ دٛوْ لٛرَاکِ اَلْمَسِيحُ: تٛ نُطِّنْطٛ مَايِ حِدّٜکٛ جَوْمِرَاوٛ لٛرٛ، عٛحٜࢡَنْ نغٜىٰندَمْ ندُومِيطَمْ طَمْ اَلْمَسِيحُ وَدَّتَ نَ؟ مَلَّ: ندٜيْ اَلْمَسِيحُ لٛرٛيْتٛ؟ حَا رَغَرٜ، ݠٛلْ تِطِّنِ ࢡٜ ࢡٜ تٛکّٛ حُووُغٛ بٜى دٜعّٜرٜ، سَاعِ ࢡٜطٛنْ ندٜىٰنَ لٛرَاکِ اَلْمَسِيحُ بٜى تَمُّندٜ وٛوندٜ؞
تٛکِّنْدِرْکِ حَالَاجِ:
ڢُطّٛودٜ 1:1
يٜتّٛورٜ عٜ مَنغْتٛورٜ 1:2–3:13
ڢٛتَّنْغٛ اَللَّه 4:1-12
عٜکِّتِنٛلْ دٛوْ لٛرَاکِ جَوْمِرَاوٛ 4:13–5:11
وَسُيٜىٰجِ رَغَرٜىٰجِ 5:12-22
کٛوڢْلِ 5:23-28
Currently Selected:
1 تٜسَّلٛنِکِعٜنْ نَسْتُکِ: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.