1 تٜسَّلٛنِکِعٜنْ 5
5
لَاتٜ تَاسْکِيࢡٜ
1عٛنٛنْ دٜىٰرْطِرَاࢡٜ، وَلَا حَاجٜ مِنْ مبِنْدَنَ عٛنْ حَالَ سَاعِيجِ عٜ وَکَّتِيجِ طِ کُوجٜ طٜعٜ ڢُو لَاتٛتٛ؞ 2نغَمْ عٛنٛنْ بٜى کٛعٜ مٛوطٛنْ عٛنْ عَنْدِ بٛوطُّمْ، ࢩَلَادٜ جَوْمِرَاوٛ وَرَنْ بَنَ غُجّٛ غَرَنْطٛ جٜمَّ#مَتَّ 24:43؛ لُکَ 12:39؛ 2 ݠِيٜرْ 3:10؞؞ 3وَکَّتِ يِمْࢡٜ مبِعَتَ: «سَلَامَنْ طٛنْ! حٛولْطِنَارٜ طٛنْ!» ندٜنْ حَلْکٜرٜ عُکَّنْتٛ ࢡٜ بَنَ لُووٜ نغَرَنْتَ ࢡٜسْنَنْطٛ؞ ࢡٜندَطَتَا سَمْ؞ 4عَمَّا عٛنٛنْ، دٜىٰرْطِرَاࢡٜ، عٛنْ نغٛنَايْ ندٜرْ ࢩِࢡْرٜ، حَا ࢩَلَادٜ ندٜعٜ جُحَ عٛنْ بَنَ غُجّٛ؞ 5عٛنٛنْ ڢُو، عٛنْ ࢡِࢡّٜ أَلنّٛورَ، عٛنْ ࢡِࢡّٜ ࢩَلَوْمَ؞ عٜنْ لَاتَاکِ يِمْࢡٜ يٜىٰطَنْࢡٜ ندٜرْ جٜمَّ مَلَّ ࢩِࢡْرٜ؞ 6نغَمْ مَاجُمْ تَا عٜنْ طَانٛ بَنَ وٛطْࢡٜ، عَمَّا عٜنْ عَيْنَ، عٜنْ لَاتٛ حَکِّلْࢡٜ؞ 7طَانٛتٛوࢡٜ کَمْ، جٜمَّ طَانٛتٛ؞ وُيْکٛوࢡٜ بٛو، جٜمَّ نغُيْکَتَ؞ 8عَمَّا عٜنٜنْ ندٜ عٜنْ يِمْࢡٜ ࢩَلَوْمَ، سٜيْ عٜنْ لَاتٛ حَکِّلْࢡٜ؞ عٜنْ ࢡٛرْنٛ نُطِّنْکِ عٜ يِيدٜ بَنَ سُلْکٜ، تَمُّندٜ حٜࢡُغٛ کِسْندَمْ لَاتَنٛ عٜنْ بَنَ حُڢْنٜىٰرٜ نجَمْندِ#عٜسَايَ 59:17؛ عٜڢٜسُعٜنْ 6:13-17؞؞ 9نغَمْ اَللَّه حٛدِّرَنَايْ عٜنْ تِکّٜرٜ مُوطُمْ، عَمَّا نغَمْ حَا عٜنْ کٜࢡْرَ کِسْندَمْ بٜى جَوْمِرَاوٛ مٜىٰطٜنْ عِيسَى اَلْمَسِيحُ؞ 10عٛمَايِ نغَمْ مٜىٰطٜنْ، نغَمْ حَا عٜنْ نغٜىٰطِدَ بٜى مَاکٛ، کٛو تٛ عٜنْ لُتُّࢡٜ بٜى يٛنغْکِ کٛو تٛ عٜنْ مَايْࢡٜ سَاعِ عٛلٛرٛيْتَ؞ 11نغَمْ مَاجُمْ نغَازِندِرٜ، شٜمْبِطِندِرٜ بَنَ نٛ مبَطٛتٛنْ جٛنْتَ؞
وَسُيٜىٰجِ رَغَرٜىٰجِ عٜ کٛوڢْلِ
12عٛنٛنْ دٜىٰرْطِرَاࢡٜ، مِنْ طٛنْ تٛرٛ عٛنْ: تٜدِّنٜ حُووَنْࢡٜ ندٜرْ بٛنٜ شَکَ مٛوطٛنْ، سُکْلَنِيࢡٜ عٛنْ؞ جَوْمِرَاوٛ سُࢡِ ࢡٜ حَا ࢡٜعَرْدٛ عٛنْ، ࢡٜندٜىٰنْتِنَ عٛنْ بٛو؞ 13تٜدِّنٜ ࢡٜ مَسِنْ، نغِطٜ ࢡٜ نغَمْ دَلِيلَ کُوغَلْ مَࢡّٜ؞ نجٛوطٛدٜ حَکُّندٜ مٛوطٛنْ ندٜرْ جَمْ؞
14دٜىٰرْطِرَاࢡٜ، مِنْ طٛنْ تٛرٛ عٛنْ: ندٜىٰنْتِنٜ مبَاتٜىٰندَمْعٜنْ؞ تِطِّنٜ تَمْݠَ-ࢡٜرْطٜعٜنْ، مبَلّٜ تَمْݠُࢡٜ، مُࢩَنٜ يِمْࢡٜ ڢُو؞ 15کَکِّلٜ نغَمْ تَا غٛطّٛ لٛرْنَنَ کٜىٰدِّطُّمْ حَلّٜىٰندٜ دٛوْ حَلّٜىٰندٜ؞ عَمَّا تِينٜ وَطُغٛ مبٛوطٜىٰنغَ ڢٛرٛيْ حَکُّندٜ مٛوطٛنْ، نٛنْ بٛو حَا يِمْࢡٜ ڢُو؞
16شٜيٜ ڢٛرٛيْ؞ 17مبَطٜ دٛعَ وَکَّتِ ڢُو؞ 18نغٜتّٜ اَللَّه کٛو ندٜيٜ؞ کَنْجُمْ وٛنِ مُويٛ اَللَّه نغَمْ مٛوطٛنْ، عٛنٛنْ حَوْتُࢡٜ بٜى عِيسَى اَلْمَسِيحُ؞
19تَا کَطٜ کُوغَلْ رُوحُ اَللَّه؞ 20تَا نجَوٜ عَنَّبَاکُوجِ؞ 21لِࢩٜ کُوجٜ ڢُو، نجٛغِتٜ کٛ وٛوطِ؞ 22ندَايٜ عِرِنْ حَلّٜىٰندٜ کٛو ندٜيٜىٰرٜ؞
23اَللَّه، دٛکّٛووٛ عٜنْ سَلَامَنْ، تِمِّتِنَ سٜنُغٛ عٛنْ بٜى حٛورٜ مُمْ؞ عٛعَيْنَ عٛنْ عٛنْ لَاࢡّٜ بٜى رُوحُ عٜ يٛنغْکِ عٜ ࢡَنْدُ ڢُو، نغَمْ لَاتٛوطٛنْ ࢡٜنغَلَا ڢٜلٛورٜ ࢩَلَادٜ لٛرَاکِ جَوْمِرَاوٛ مٜىٰطٜنْ عِيسَى اَلْمَسِيحُ؞ 24اَللَّه، عٜوْنِيطٛ عٛنْ وَطَنَنْ عٛنْ طُمْ، نغَمْ عٛ کٛولْنِيطٛ؞
25دٜىٰرْطِرَاࢡٜ، تٛرَنٜ مِنْ؞
26کٛوڢْنٜ دٜىٰرْطِرَاࢡٜ ڢُو بٜى حَرْلٛتِرْغٛ بَنَ نٛ طُمْ حَانْدَنِ سٜنَاࢡٜ؞
27مِطٛنْ تٛرٛ عٛنْ بٜى عِنْدٜ جَوْمِرَاوٛ: نجَنغَنٜ دٜىٰرْطِرَاࢡٜ ڢُو بَتَاکٜوٛلْ نغٛعٛلْ؞
28مٛعّٜرٜ جَوْمِرَاوٛ مٜىٰطٜنْ عِيسَى اَلْمَسِيحُ وٛنْدُ بٜى مٛوطٛنْ؞
Currently Selected:
1 تٜسَّلٛنِکِعٜنْ 5: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
