JOSUA Bindu 5
Bindu 5
Hatahuton ni halak Kanaan i. Parsunaton ni Israel 1-9.
Pesta Paska. Hasosohot ni Manna 10-12.
Partogi ni parangan ni Jahowa 13-15.
I. 1Jadi dung dibege sude raja ni halak Amori, angka na di bariba ni Jordan tungkan hasundutan, dohot sude raja ni halak Kanaan i, angka na di topi laut, naung niarsik ni Jahowa aek ni Jordan maradophon halak Israel, paima impi taripar hita, gabe giang ma ateatenasida, jala ndang be di ingananna rohanasida, dibahen biarna maradophon halak Israel. #Jos 2:24, 3:16 2Uju i ma didok Jahowa tu si Josua: Bahen ma di ho raut angka sian batu, jala ulahi sunati halak Israel paduahalihon. #2Mus 4:25 3Jadi dibahen si Josua ma di ibana raut angka sian batu, jala disunati halak Israel di atas buntulbuntul Aralot. 4Jala on do alana umbahen disunati si Josua nasida: Sandok bangso i na ruar sian Misir, i ma angka baoa, sude angka sialo musu, nunga marragean di halongonan, di dalan, dung ruar nasida sian Misir. 5Ai tarsunat do anggo sandok bangso na ruar i, alai sandok bangso, angka na tubu di halongonan, di dalan, dung ruar nasida sian Misir, ndang tarsunat. 6Ai opatpulu taon lelengna maotaot halak Israel di halongonan, paima sun siap sandok baoa sialo musu, angka na ruar sian Misir, ala so ditangihon nasida suara ni Jahowa, umbahen pola marmangmang Jahowa tu nasida, na so tupa idaonnasida tano na niuarihon ni Jahowa tu ompunasida lehononna tu hita, tano habaoran ni susu dohot situak ni loba. #4Mus 14:22-23 7Alai anggo anaknasida tahe, dipatindang ibana singkatnasida, nasida ma na sinunat ni si Josua, ai marsibursibur do nasida, ala so tarsunat nasida di tongan dalan. 8Jadi dung impi sandok bangso i disunat, tading ma nasida di inganannasida di parsaroan i, paima malum dihilala nasida. 9Dung i ninna Jahowa ma tu si Josua: Sadarion Ahu manggulangi haurahon Misir sian hamu, gabe targoar ma inganan i Gilgal rasirasa sadarion.
II. 10Jadi di na marsaro i halak Israel di Gilgal, marulaon Paska ma nasida di ari sampulu opat di bulan i mareak botari di adaran Jeriko. #2Mus 12:6; 3Mus 23:5 11Jadi marsogot ni dung marulaon Paska i, dipangan nasida ma gogo ni tano i, i ma sagusagu angka na so niigaran dohot eme na binoltok di ari na sasada i. 12Jadi mansohot ma Manna i, marsogotna i dung dipangan nasida gogo ni tano i, gabe ndang adong be Manna di halak Israel, jadi dipangan nasida ma gogo ni tano Kanaan di na sataon i. #2Mus 16:35
III. 13Alai mandapothon huta Jeriko si Josua, manaili ma ibana manatap humaliang, gabe diida ma sada halak jongjong di jolona patioptiop podang na niumpat di bagasan tanganna. Jadi didapothon si Josua ma ibana, didok ma tu ibana: Dongan do Ho, manang alo? #4Mus 22:23, 31 14Jadi didok Ibana ma: Ndangana, partogi ni parangan ni Jahowa do Ahu, apala ipe Ahu ro. Jadi manungkap ma si Josua tu tano, jala marsomba, jala didok ma tu Ibana: Aha do dohonon ni Tuhanku tu naposona? #2Mus 14:19 15Jadi didok partogi ni parangan ni Jahowa ma tu si Josua: Tanggali ma sipatum sian patmu, ai na badia do tano hajongjonganmon. Jadi dibahen si Josua ma songon i. #2Mus 3:5
Currently Selected:
JOSUA Bindu 5: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.
JOSUA Bindu 5
Bindu 5
Hatahuton ni halak Kanaan i. Parsunaton ni Israel 1-9.
Pesta Paska. Hasosohot ni Manna 10-12.
Partogi ni parangan ni Jahowa 13-15.
I. 1Jadi dung dibege sude raja ni halak Amori, angka na di bariba ni Jordan tungkan hasundutan, dohot sude raja ni halak Kanaan i, angka na di topi laut, naung niarsik ni Jahowa aek ni Jordan maradophon halak Israel, paima impi taripar hita, gabe giang ma ateatenasida, jala ndang be di ingananna rohanasida, dibahen biarna maradophon halak Israel. #Jos 2:24, 3:16 2Uju i ma didok Jahowa tu si Josua: Bahen ma di ho raut angka sian batu, jala ulahi sunati halak Israel paduahalihon. #2Mus 4:25 3Jadi dibahen si Josua ma di ibana raut angka sian batu, jala disunati halak Israel di atas buntulbuntul Aralot. 4Jala on do alana umbahen disunati si Josua nasida: Sandok bangso i na ruar sian Misir, i ma angka baoa, sude angka sialo musu, nunga marragean di halongonan, di dalan, dung ruar nasida sian Misir. 5Ai tarsunat do anggo sandok bangso na ruar i, alai sandok bangso, angka na tubu di halongonan, di dalan, dung ruar nasida sian Misir, ndang tarsunat. 6Ai opatpulu taon lelengna maotaot halak Israel di halongonan, paima sun siap sandok baoa sialo musu, angka na ruar sian Misir, ala so ditangihon nasida suara ni Jahowa, umbahen pola marmangmang Jahowa tu nasida, na so tupa idaonnasida tano na niuarihon ni Jahowa tu ompunasida lehononna tu hita, tano habaoran ni susu dohot situak ni loba. #4Mus 14:22-23 7Alai anggo anaknasida tahe, dipatindang ibana singkatnasida, nasida ma na sinunat ni si Josua, ai marsibursibur do nasida, ala so tarsunat nasida di tongan dalan. 8Jadi dung impi sandok bangso i disunat, tading ma nasida di inganannasida di parsaroan i, paima malum dihilala nasida. 9Dung i ninna Jahowa ma tu si Josua: Sadarion Ahu manggulangi haurahon Misir sian hamu, gabe targoar ma inganan i Gilgal rasirasa sadarion.
II. 10Jadi di na marsaro i halak Israel di Gilgal, marulaon Paska ma nasida di ari sampulu opat di bulan i mareak botari di adaran Jeriko. #2Mus 12:6; 3Mus 23:5 11Jadi marsogot ni dung marulaon Paska i, dipangan nasida ma gogo ni tano i, i ma sagusagu angka na so niigaran dohot eme na binoltok di ari na sasada i. 12Jadi mansohot ma Manna i, marsogotna i dung dipangan nasida gogo ni tano i, gabe ndang adong be Manna di halak Israel, jadi dipangan nasida ma gogo ni tano Kanaan di na sataon i. #2Mus 16:35
III. 13Alai mandapothon huta Jeriko si Josua, manaili ma ibana manatap humaliang, gabe diida ma sada halak jongjong di jolona patioptiop podang na niumpat di bagasan tanganna. Jadi didapothon si Josua ma ibana, didok ma tu ibana: Dongan do Ho, manang alo? #4Mus 22:23, 31 14Jadi didok Ibana ma: Ndangana, partogi ni parangan ni Jahowa do Ahu, apala ipe Ahu ro. Jadi manungkap ma si Josua tu tano, jala marsomba, jala didok ma tu Ibana: Aha do dohonon ni Tuhanku tu naposona? #2Mus 14:19 15Jadi didok partogi ni parangan ni Jahowa ma tu si Josua: Tanggali ma sipatum sian patmu, ai na badia do tano hajongjonganmon. Jadi dibahen si Josua ma songon i. #2Mus 3:5
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.