JOB Bindu 15
Bindu 15
Hata ni si Elipas paduahalihon:
Mangonai hata ibana tu si Job ala teal ni paungkulingna didok 1-13.
Ndang adong jolma na tigor roha nanggo sada 14-19.
Upa ni hajahaton do hinamago dohot pardangolan 20-35.
I. 1Dung i ninna si Elipas sian Teman mangalusi: 2Tung ture ma halak na pistar mangalushon * parbinotoan angin? Manang tung paburnangonna rohana dohot alogo sian purba? #* Job 6:26, 16:3 3Ndang marguna anggo paminsangon marhite sian hata sambing, jala ndang adong labana hatahata sambing marpoda. 4Tongon tahe mansoadahon biar mida Debata do ho, jala diorui ho do tangiang moradophon Debata. 5Ai hajahatonmu sandiri tahe mamodahon tu pamanganmu mandok songon i halak na mangkalushon salana pinangasahonmu. 6Pamanganmi sandiri tutu manguhumi ho, ndada ahu, jala bibirmu manindangi dompak ho. #Job 6:20; Mat 12:37 7Tung ho ma di roham jolma na parjolo tubu? Manang jumolo ho tarjadi sian angka dolok batu? #Ps 90:2; Poda 8:24-25 8Nunga tung dibege ho huroha hahomion ni Debata, jala diduduk roham sandok hapistaran? #Job 11:7; Poda 8:25; Rom 11:33-34 9Tung aha ma na binotom, so dohot hami umbotosa? Tung aha ma na niantusanmu, so dohot hami mangantusi? #Job 12:3, 13:2 10Nang di tongatonganami adong do halak na ubanon, naung sarimatua situtu, angka na tumua tahe sian amanta. #Job 12:12 11Tung na so pola do huroha anggo di roham angka * pangapulon sian Debata dohot hata na lambok na hudok hami tu ho? #* Job 21:2; Ps 94:19 12Boasa tung pangaruntuson roham, jala boasa tung * songe pamerengmu? #* Job 16:9 13Tung hum ho marmurukmuruk dompak Debata dohot paruarhon hata teal sian pamanganmu?
II. 14Tung beha ma pambahen ni jolma na gale gabe na ias ibana? Manang jolma tubu ni parompuan gabe bonar ibana? #Job 4:17-20, 14:4 15Ida ma, gari mida angka na badiana ndang pos rohana, gari angka langit i ndang pita anggo moradophon Ibana. #Job 4:18-19, 5:1, 25:5 16Lam beha ma jolma parroha mago dohot na busuk, jolma na manobur hajahaton songon aek! #Job 34:7; Ps 73:10; Poda 26:6 17Naeng tariashononku tu ho, antong tangihon ma ahu, jala manang aha naung huida naeng pajojoronku tu ho. 18Manang aha naung binaritahon ni halak na pistar so marpamorso sian ompunasida. 19Tu nasida sandiri tahe tano i dipasahat, jala ndang adong na jumonok tusi anggo halak na buro.
III. 20Saleleng mangolu halak * parjahat i sai mangae na porsuk do ibana, jala nunga binuhul hian bilangan ni angka taon di halak siulahon gogo. #* 1Mus 4:14 21Suara hasonggoton marsaringar tongtong di bagasan pinggolna, apala di tingki hadoharonna ro pangago so pangkirimanna. #5Mus 28:65, 67; 1Tes 5:3 22Ndang be dihirim rohana tarbahensa dope malua sian haholomon, ripe panganon ni podang na ma ibana diparbaga rohana. 23Sai madoado do ibana mangalului sipanganon, nunga diboto hian naung jonok pinadiri di ibana ari haholomon. #Ps 59:16, 102:10 24Pusok hosana binahen ni hasusaan dohot hagogotan, angka na manahopi ibana, songon raja na hobas manahopi parporangon. 25Ala pinatoltolna tanganna naeng mangalo Debata, jala ogaoga ibana dompak Nasunhinagogo. 26Tung dipagakgak do rungkungna marlojong manahopi Ibana, marondingonding tu lombulombuna angka na baris. 27Ala naung hinungkupan ni mokmokna bohina, pola marhorothorot haehaena dibahen mokmokna. #5Mus 32:15; Ps 17:10, 73:7, 18-20 28Jadi maringan ibana di bagasan huta, angka naung niulang, di bagasan jabu, angka na so jadi inganan nian, angka naung pinadiri hian bahen timbunan batu. #5Mus 13:13-19; Jos 6:26; 1Raj 16:34 29Ndang tagamon mamora ibana, jala ndang tagamon tongtong sinamotna i, jala ndang tagamon tu gandana artana di tano on. 30Ndang tagamon malua ibana sian haholomon, angka tumburna pe malos do dibahen jilam ni api, jala purpur do ibana binahen ni parngongos ni hosa ni Debata. #Job 4:9 31Unang ma marhaposan ibana tu ugasan na laho salpu, na paotootohon dirina ibana disi, ai hamagoan do upana di ujung. 32Ndang dope gok arina, nunga jumpang ajalna, jala ndang be rata marbulung dangkana. 33Mosu ibana bahenon ni Debata songon parbue ni hau anggur, jala marurus ibana bahenonna songon bunga ni hau jetun. #Ps 92:13-14; Jes 5:2; Hos 14:6-8 34Ai ingkon ripur do pinompar ni parjahat, jala ingkon suda panganon ni api angka undungundung ni halak na olo manjalo sisip. #5Mus 27:25 35Marbortianhon hangaluton nasida, gabe ditubuhon pardangolan, jala butuhanasida mangarade sipaotooto. #Ps 7:15; Jes 33:11, 59:4
Currently Selected:
JOB Bindu 15: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.
JOB Bindu 15
Bindu 15
Hata ni si Elipas paduahalihon:
Mangonai hata ibana tu si Job ala teal ni paungkulingna didok 1-13.
Ndang adong jolma na tigor roha nanggo sada 14-19.
Upa ni hajahaton do hinamago dohot pardangolan 20-35.
I. 1Dung i ninna si Elipas sian Teman mangalusi: 2Tung ture ma halak na pistar mangalushon * parbinotoan angin? Manang tung paburnangonna rohana dohot alogo sian purba? #* Job 6:26, 16:3 3Ndang marguna anggo paminsangon marhite sian hata sambing, jala ndang adong labana hatahata sambing marpoda. 4Tongon tahe mansoadahon biar mida Debata do ho, jala diorui ho do tangiang moradophon Debata. 5Ai hajahatonmu sandiri tahe mamodahon tu pamanganmu mandok songon i halak na mangkalushon salana pinangasahonmu. 6Pamanganmi sandiri tutu manguhumi ho, ndada ahu, jala bibirmu manindangi dompak ho. #Job 6:20; Mat 12:37 7Tung ho ma di roham jolma na parjolo tubu? Manang jumolo ho tarjadi sian angka dolok batu? #Ps 90:2; Poda 8:24-25 8Nunga tung dibege ho huroha hahomion ni Debata, jala diduduk roham sandok hapistaran? #Job 11:7; Poda 8:25; Rom 11:33-34 9Tung aha ma na binotom, so dohot hami umbotosa? Tung aha ma na niantusanmu, so dohot hami mangantusi? #Job 12:3, 13:2 10Nang di tongatonganami adong do halak na ubanon, naung sarimatua situtu, angka na tumua tahe sian amanta. #Job 12:12 11Tung na so pola do huroha anggo di roham angka * pangapulon sian Debata dohot hata na lambok na hudok hami tu ho? #* Job 21:2; Ps 94:19 12Boasa tung pangaruntuson roham, jala boasa tung * songe pamerengmu? #* Job 16:9 13Tung hum ho marmurukmuruk dompak Debata dohot paruarhon hata teal sian pamanganmu?
II. 14Tung beha ma pambahen ni jolma na gale gabe na ias ibana? Manang jolma tubu ni parompuan gabe bonar ibana? #Job 4:17-20, 14:4 15Ida ma, gari mida angka na badiana ndang pos rohana, gari angka langit i ndang pita anggo moradophon Ibana. #Job 4:18-19, 5:1, 25:5 16Lam beha ma jolma parroha mago dohot na busuk, jolma na manobur hajahaton songon aek! #Job 34:7; Ps 73:10; Poda 26:6 17Naeng tariashononku tu ho, antong tangihon ma ahu, jala manang aha naung huida naeng pajojoronku tu ho. 18Manang aha naung binaritahon ni halak na pistar so marpamorso sian ompunasida. 19Tu nasida sandiri tahe tano i dipasahat, jala ndang adong na jumonok tusi anggo halak na buro.
III. 20Saleleng mangolu halak * parjahat i sai mangae na porsuk do ibana, jala nunga binuhul hian bilangan ni angka taon di halak siulahon gogo. #* 1Mus 4:14 21Suara hasonggoton marsaringar tongtong di bagasan pinggolna, apala di tingki hadoharonna ro pangago so pangkirimanna. #5Mus 28:65, 67; 1Tes 5:3 22Ndang be dihirim rohana tarbahensa dope malua sian haholomon, ripe panganon ni podang na ma ibana diparbaga rohana. 23Sai madoado do ibana mangalului sipanganon, nunga diboto hian naung jonok pinadiri di ibana ari haholomon. #Ps 59:16, 102:10 24Pusok hosana binahen ni hasusaan dohot hagogotan, angka na manahopi ibana, songon raja na hobas manahopi parporangon. 25Ala pinatoltolna tanganna naeng mangalo Debata, jala ogaoga ibana dompak Nasunhinagogo. 26Tung dipagakgak do rungkungna marlojong manahopi Ibana, marondingonding tu lombulombuna angka na baris. 27Ala naung hinungkupan ni mokmokna bohina, pola marhorothorot haehaena dibahen mokmokna. #5Mus 32:15; Ps 17:10, 73:7, 18-20 28Jadi maringan ibana di bagasan huta, angka naung niulang, di bagasan jabu, angka na so jadi inganan nian, angka naung pinadiri hian bahen timbunan batu. #5Mus 13:13-19; Jos 6:26; 1Raj 16:34 29Ndang tagamon mamora ibana, jala ndang tagamon tongtong sinamotna i, jala ndang tagamon tu gandana artana di tano on. 30Ndang tagamon malua ibana sian haholomon, angka tumburna pe malos do dibahen jilam ni api, jala purpur do ibana binahen ni parngongos ni hosa ni Debata. #Job 4:9 31Unang ma marhaposan ibana tu ugasan na laho salpu, na paotootohon dirina ibana disi, ai hamagoan do upana di ujung. 32Ndang dope gok arina, nunga jumpang ajalna, jala ndang be rata marbulung dangkana. 33Mosu ibana bahenon ni Debata songon parbue ni hau anggur, jala marurus ibana bahenonna songon bunga ni hau jetun. #Ps 92:13-14; Jes 5:2; Hos 14:6-8 34Ai ingkon ripur do pinompar ni parjahat, jala ingkon suda panganon ni api angka undungundung ni halak na olo manjalo sisip. #5Mus 27:25 35Marbortianhon hangaluton nasida, gabe ditubuhon pardangolan, jala butuhanasida mangarade sipaotooto. #Ps 7:15; Jes 33:11, 59:4
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.