JOB Bindu 13
Bindu 13
Udut ni sulam ni si Job:
Di sarita ibana do angka alealena ala mangamini nasida di Debata 1-13.
Si Job manariashon alualuna jala naeng manjujur dompak Debata 14-28.
I. 1Ida ma, luhutna i nunga diida matangku, nunga dibege pinggolhon jala diantusi. 2Suang songon botomuna do botongku huhut, ndang talu ahu martimbangkon hamu. #Job 12:3, 15:9 3Alai atik pe songon i, naeng ahu mandok suara tu Nasunhinagogo i, jala dipangido rohangku naeng masialusan dohot Debata. 4Ai siulasulas gabus do anggo hamu, jala pandaoni angka na so marguna do hamu sude. #Job 16:2 5Tagonan mangiman boti nian hamu, i ma tanda ni habisuhon di hamu dohonon ni halak. #Poda 17:28 6Antong tangihon hamu ma poralusonku, jala parateatehon hamu panariason ni bibirhon. 7Tung hageduhon naeng hatahononmuna mangampini Debata? Naeng dohononmuna sipaotooto mangamini Ibana? 8Tung hamu naeng mandingkani Ibana? Manang tung hamu gabe pangondian ni Debata? 9Tung tagamon ma sonang hamu, tung sura Ibana manulingkit hamu? Manang tung dirimpu hamu dapot ansionmu Ibana, songon jolma na gale na dapot ansion? 10Tongon tahe, Ibana sandiri manggogo maminsang hamu, molo marroha di bagasan hamu mangampini Ibana. 11Tung so hamuliaonna manonggoti hamu, jala hatahuton mida Ibana maninggangi hamu? 12Angka sipaingotmuna gabe nonang sian sirabun na so marimpola, jala panariasonmuna gabe partanobatoan sian tano liat. 13Antong sip ma anggo hamu, jala loas hamu ahu mandok suara, rohana do manang aha pamasaonna tu ahu.
II. 14Tung ahai sai usungonku sibukku di holangkolang ni ngingingku, manang tondingku di bagasan tanganku? #Pangh 12:3; 1Sam 19:5 15Ida ma, sai na bunuonna na ma ahu, ndang adong be sihirimonku, alai anggo angka dalanku, sai naeng tariashononku di jolona. 16Nang on tarbahen do i gabe hatuaonku, na so niloasna masuk tu jolona anggo halak parjahat. 17Dibahen i, tangkas ma tangihon hamu panopotionku, jala dijangkon pinggolmuna panariasonku. #Job 13:6 18Ida ma, nunga huaturhon pangaluan, jala huboto hian ingkon * pintoranna ahu. #* Job 11:2 19Tung ise ibana na tuk mangaluhon ahu, asa sip ahu nian nuaeng jala tos hosangku antong. #Job 4:7; Jes 50:9; Rom 8:34 20Asal unang na dua on dibahen Ho tu ahu, jadi ndang tabunihononku diringku maradophon bohim. 21Sai paholang ma sian ahu torutorum, jala unang hinasongkalmu manonggoti ahu. #Job 9:34, 33:7 22Dung i joujou ma ho, sai na alusanku do, manang ahu tahe jumolo mandok asa balosonmu. 23Tung sadia godang do huroha hajahatonku dohot dosangku? Sai pabotohon ma tu ahu panundalionku dohot dosangku. 24Ala ni aha umbahen tabunihononmu bohim, jala etongonmu ahu hira musum? #Job 19:11, 33:10 25Tung sada bulung na mapirapir huroha naeng songgotanmu, jala gala ni eme sada naung masak naeng leleanmu? 26Umbahen songon i godang uhum na posi surathononmu tu ahu, jala manginona tu ahu bahenonmu angka * hajahaton ni haposoonku. #* Ps 25:7; Jer 31:19 27Jala bahenonmu pathu tu bagasan * beangan jala ** ranapanmu dalanku sudena, gari bogas ni pathu + dihampungi Ho do. #* Job 33:11; Ps 105:18; ** Job 14:16; + Job 18:7 28Atik pe ruhap on iba songon hau na tandetandeon, jala songon * ulos na pinangan ni ngitngit. #* Job 4:19
Currently Selected:
JOB Bindu 13: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.
JOB Bindu 13
Bindu 13
Udut ni sulam ni si Job:
Di sarita ibana do angka alealena ala mangamini nasida di Debata 1-13.
Si Job manariashon alualuna jala naeng manjujur dompak Debata 14-28.
I. 1Ida ma, luhutna i nunga diida matangku, nunga dibege pinggolhon jala diantusi. 2Suang songon botomuna do botongku huhut, ndang talu ahu martimbangkon hamu. #Job 12:3, 15:9 3Alai atik pe songon i, naeng ahu mandok suara tu Nasunhinagogo i, jala dipangido rohangku naeng masialusan dohot Debata. 4Ai siulasulas gabus do anggo hamu, jala pandaoni angka na so marguna do hamu sude. #Job 16:2 5Tagonan mangiman boti nian hamu, i ma tanda ni habisuhon di hamu dohonon ni halak. #Poda 17:28 6Antong tangihon hamu ma poralusonku, jala parateatehon hamu panariason ni bibirhon. 7Tung hageduhon naeng hatahononmuna mangampini Debata? Naeng dohononmuna sipaotooto mangamini Ibana? 8Tung hamu naeng mandingkani Ibana? Manang tung hamu gabe pangondian ni Debata? 9Tung tagamon ma sonang hamu, tung sura Ibana manulingkit hamu? Manang tung dirimpu hamu dapot ansionmu Ibana, songon jolma na gale na dapot ansion? 10Tongon tahe, Ibana sandiri manggogo maminsang hamu, molo marroha di bagasan hamu mangampini Ibana. 11Tung so hamuliaonna manonggoti hamu, jala hatahuton mida Ibana maninggangi hamu? 12Angka sipaingotmuna gabe nonang sian sirabun na so marimpola, jala panariasonmuna gabe partanobatoan sian tano liat. 13Antong sip ma anggo hamu, jala loas hamu ahu mandok suara, rohana do manang aha pamasaonna tu ahu.
II. 14Tung ahai sai usungonku sibukku di holangkolang ni ngingingku, manang tondingku di bagasan tanganku? #Pangh 12:3; 1Sam 19:5 15Ida ma, sai na bunuonna na ma ahu, ndang adong be sihirimonku, alai anggo angka dalanku, sai naeng tariashononku di jolona. 16Nang on tarbahen do i gabe hatuaonku, na so niloasna masuk tu jolona anggo halak parjahat. 17Dibahen i, tangkas ma tangihon hamu panopotionku, jala dijangkon pinggolmuna panariasonku. #Job 13:6 18Ida ma, nunga huaturhon pangaluan, jala huboto hian ingkon * pintoranna ahu. #* Job 11:2 19Tung ise ibana na tuk mangaluhon ahu, asa sip ahu nian nuaeng jala tos hosangku antong. #Job 4:7; Jes 50:9; Rom 8:34 20Asal unang na dua on dibahen Ho tu ahu, jadi ndang tabunihononku diringku maradophon bohim. 21Sai paholang ma sian ahu torutorum, jala unang hinasongkalmu manonggoti ahu. #Job 9:34, 33:7 22Dung i joujou ma ho, sai na alusanku do, manang ahu tahe jumolo mandok asa balosonmu. 23Tung sadia godang do huroha hajahatonku dohot dosangku? Sai pabotohon ma tu ahu panundalionku dohot dosangku. 24Ala ni aha umbahen tabunihononmu bohim, jala etongonmu ahu hira musum? #Job 19:11, 33:10 25Tung sada bulung na mapirapir huroha naeng songgotanmu, jala gala ni eme sada naung masak naeng leleanmu? 26Umbahen songon i godang uhum na posi surathononmu tu ahu, jala manginona tu ahu bahenonmu angka * hajahaton ni haposoonku. #* Ps 25:7; Jer 31:19 27Jala bahenonmu pathu tu bagasan * beangan jala ** ranapanmu dalanku sudena, gari bogas ni pathu + dihampungi Ho do. #* Job 33:11; Ps 105:18; ** Job 14:16; + Job 18:7 28Atik pe ruhap on iba songon hau na tandetandeon, jala songon * ulos na pinangan ni ngitngit. #* Job 4:19
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.