JOB Bindu 10
Bindu 10
Udut ni sulam ni si Job:
Digogo muse manarita Debata dohot mangkajongjongkon hadaulatonna 1-17.
Diulahi muse mamburai ari hatutubuna 18-22.
I. 1Nunga biasan rohangku di hangoluan on, antong guru lomo ni rohangku na ma mandatdati andungku, naeng mangandungkon hinaponjot ni rohangku. #Job 7:11, 16, 9:27 2Dohononku ma tu Debata: Unang torui ahu! Sai pabotohon ma tu ahu manang ala ni aha umbahen badaanmu ahu! 3Tung tama ma i di roham Ho mangarupa, dohot mambolongkon jadijadian ni tanganmu, hape manumpak marmulia do Ho ianggo di luhutan ni halak parjahat? 4Tung marmata sian sibuk ma Ho? Tung songon parnida ni jolma parnidam? #1Sam 16:7 5Tung songon ariari ni jolma na gale i ma ariarim? Manang angka taonmu, songon taon ni sada baoa? #Ps 102:28 6Umbahen songon i risihanmu hajahatonku, jala dioranmu dosangku? 7Ala naung * diboto Ho nian na so parjahat ahu, jala na so adong jolma na tuk + paluahon ahu sian tanganmu. #* 1Kor 4:4; + 5Mus 32:30 8Nunga pola loja * tanganmu manjadihon dohot manompa ahu tipak tuk humaliang, hape naeng polgahonmu ahu ia nuaeng? #* Ps 119:73, 139:13-16 9Sai ingot ma naung ginanami ahu songon * tano liat, hape mulak tu orbuk ahu naeng pasuangonmu! #* 1Mus 2:7, 3:19; Job 33:6; Jes 29:16, 45:9; Jer 18:6; Rom 9:20-21 10Nda nunga diusehon Ho ahu songon susu, jala pola ahu dibahen Ho songon susu na nialhotan? #Ps 139:13 11Nunga marpahean hulingkuling dohot sibuk ahu dibahen Ho, jala nunga disirat Ho holiholi dohot hurador tu bagasan ahu. #Hes 37:6 12Nunga dibasabasahon Ho tu ahu hangoluan dohot asi ni roha, jala panatapmu mangaramoti hosangku. #Dan 5:23 13Hape naung ditabunihon Ho angka on di bagasan roham; tangkas do huboto tibu hian songon i sangkap ni roham. 14Molo tung mardosa ahu, nunga dapot Ho ahu tutu, jala ndang tagamon lias ahu paluaonmu sian hajahatonku. #Job 9:28 15Marjea ma ahu tutu molo tung halak parjahat ahu; alai tung sura pe pintor ahu, laos so hum do ahu * padirgak ulungku, ahu on naung gok haurahon jala mahap marnida pardangolanku. #* Job 11:15, 22:26; Luk 21:28 16Tung sura pe hupadirgak, ponsaonmu do ahu songon * singa panoro, jala ulahanmu do mambahen gogo tu ahu. #* Jes 31:4, 38:13; Jer 25:38; And 3:10; Hos 5:14, 13:7; Am 3:12 17Mardapotdapot angka sitindangim dipatindang Ho dompak ahu, jala dipaganda Ho rimasmu dompak ahu; margantiganti tongon angka parangan haporsuhon manahopi ahu. #Job 16:8
II. 18Boasa tung paruaronmu ahu sian bortian? Denggan nian pintor tos hosangku, gabe unang sanga nanggo sada mata marnida ahu. #Job 3:3, 11; Jer 20:14-18 19Jadi hira na so tubu ahu etongan nuaeng, pintor sian butuha ni dainang ahu boanonna tu tanoman. 20Nda otik do angka ariaringku? Dibahen i dipasohot Ibana nian jala dipasombu ahu, asa hupahosa nian nanggo satongkin. #Job 7:19; Ps 39:14 21Tagan so laho dope ahu tu luat na holom marimpotimpot dohot linggoman ni hamatean, na so tarbahen mulak sian i. #Job 7:7-10, 16:22 22Tu tano haholomon marimpotimpot, songon haholomon linggoman ni hamatean, na so maraturan, sobokkon haholomon marimpotimpot do hatiuron disi.
Currently Selected:
JOB Bindu 10: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.
JOB Bindu 10
Bindu 10
Udut ni sulam ni si Job:
Digogo muse manarita Debata dohot mangkajongjongkon hadaulatonna 1-17.
Diulahi muse mamburai ari hatutubuna 18-22.
I. 1Nunga biasan rohangku di hangoluan on, antong guru lomo ni rohangku na ma mandatdati andungku, naeng mangandungkon hinaponjot ni rohangku. #Job 7:11, 16, 9:27 2Dohononku ma tu Debata: Unang torui ahu! Sai pabotohon ma tu ahu manang ala ni aha umbahen badaanmu ahu! 3Tung tama ma i di roham Ho mangarupa, dohot mambolongkon jadijadian ni tanganmu, hape manumpak marmulia do Ho ianggo di luhutan ni halak parjahat? 4Tung marmata sian sibuk ma Ho? Tung songon parnida ni jolma parnidam? #1Sam 16:7 5Tung songon ariari ni jolma na gale i ma ariarim? Manang angka taonmu, songon taon ni sada baoa? #Ps 102:28 6Umbahen songon i risihanmu hajahatonku, jala dioranmu dosangku? 7Ala naung * diboto Ho nian na so parjahat ahu, jala na so adong jolma na tuk + paluahon ahu sian tanganmu. #* 1Kor 4:4; + 5Mus 32:30 8Nunga pola loja * tanganmu manjadihon dohot manompa ahu tipak tuk humaliang, hape naeng polgahonmu ahu ia nuaeng? #* Ps 119:73, 139:13-16 9Sai ingot ma naung ginanami ahu songon * tano liat, hape mulak tu orbuk ahu naeng pasuangonmu! #* 1Mus 2:7, 3:19; Job 33:6; Jes 29:16, 45:9; Jer 18:6; Rom 9:20-21 10Nda nunga diusehon Ho ahu songon susu, jala pola ahu dibahen Ho songon susu na nialhotan? #Ps 139:13 11Nunga marpahean hulingkuling dohot sibuk ahu dibahen Ho, jala nunga disirat Ho holiholi dohot hurador tu bagasan ahu. #Hes 37:6 12Nunga dibasabasahon Ho tu ahu hangoluan dohot asi ni roha, jala panatapmu mangaramoti hosangku. #Dan 5:23 13Hape naung ditabunihon Ho angka on di bagasan roham; tangkas do huboto tibu hian songon i sangkap ni roham. 14Molo tung mardosa ahu, nunga dapot Ho ahu tutu, jala ndang tagamon lias ahu paluaonmu sian hajahatonku. #Job 9:28 15Marjea ma ahu tutu molo tung halak parjahat ahu; alai tung sura pe pintor ahu, laos so hum do ahu * padirgak ulungku, ahu on naung gok haurahon jala mahap marnida pardangolanku. #* Job 11:15, 22:26; Luk 21:28 16Tung sura pe hupadirgak, ponsaonmu do ahu songon * singa panoro, jala ulahanmu do mambahen gogo tu ahu. #* Jes 31:4, 38:13; Jer 25:38; And 3:10; Hos 5:14, 13:7; Am 3:12 17Mardapotdapot angka sitindangim dipatindang Ho dompak ahu, jala dipaganda Ho rimasmu dompak ahu; margantiganti tongon angka parangan haporsuhon manahopi ahu. #Job 16:8
II. 18Boasa tung paruaronmu ahu sian bortian? Denggan nian pintor tos hosangku, gabe unang sanga nanggo sada mata marnida ahu. #Job 3:3, 11; Jer 20:14-18 19Jadi hira na so tubu ahu etongan nuaeng, pintor sian butuha ni dainang ahu boanonna tu tanoman. 20Nda otik do angka ariaringku? Dibahen i dipasohot Ibana nian jala dipasombu ahu, asa hupahosa nian nanggo satongkin. #Job 7:19; Ps 39:14 21Tagan so laho dope ahu tu luat na holom marimpotimpot dohot linggoman ni hamatean, na so tarbahen mulak sian i. #Job 7:7-10, 16:22 22Tu tano haholomon marimpotimpot, songon haholomon linggoman ni hamatean, na so maraturan, sobokkon haholomon marimpotimpot do hatiuron disi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.