GALATIA Bindu 5
Bindu 5
Angka naung pinalua do hita 1-12.
Marguru tu Tondi i ma hita marparange! 13-26.
I. 1Asa saut malua hita, umbahen na dipalua Kristus i hita. Hot ma hamu jongjong, antong, jala unang be olo hamu patunduhon ni auga parhatobanon i! #Ul 15:10; Gal 4:5, 31 2Sandok ahu, Paulus, mandok tu hamu: Molo pasunathonsa hamu, ndang marguna be Kristus di hamu! 3Huulaki ma mangkatindangkon tu ganup jolma: Na pasunathon, ingkon diulahon sandok patik i! 4Naung sirang do hamu sian Kristus, anggo naeng pintor hamu, bahenon ni ulaon patik; naung peut do hamu sian parasirohaon! 5Ai marhitehite haporseaon di bagasan tondi hita managam hatigoran sihirimon i. 6Ai ndada margogo di Kristus Jesus i, nang hajahudion, nang na so hajahudion; sandok haporseaon siula haholongon i do! #1Kor 7:19; Gal 6:15 7Na denggan do parlojongmuna najolo; ise mangambat hamu, so mangoloi hasintongan i be? 8Ndada sian na manjou hamu ro pangelaelaon sisongon i. #Gal 1:6 9Diasomi saotik na asom i do sandok itak na niudi. #1Kor 5:6 10Pos do rohangku di hamu marhitehite Tuhan: Ndada na mimbar rohamuna. Alai manang ise pe na manggaori hamu, porsanon ni i do uhuman na tu ibana! #2Kor 11:15; Gal 1:7 11Alai aut hujamitahon hajahudion, ale angka dongan, marhua ma ahu lelean? Ai naung mansohot ma antong gasip ni silang i. #1Kor 1:23 12Aut gotap ma nian angka na manggunturi hamu! #Ps 12:4
II. 13Tu haluaon i hamu dijou, angka dongan; asal unang haluaon i gabe parbonsiran di sibuk; sandok marhitehite haholongon i ma hamu masioloan! #1Ptr 2:16 14Ai hagogok ni saluhut patik do hata na sandok on: Haholongi donganmi songon dirim! #3Mus 19:18 15Alai molo masiharatan jala masiallangan hamu, jaga ma hamu, so tung suda hamu na masilengsean! 16Alai on do hudok: Marguru tu Tondi i ma hamu marparange; unang pasaut hamu hisaphisap ni daging! #Gal 5:25 17Ai na maralohon tondi do sangkapsangkap ni daging, jala maralohon daging i do sinangkap ni tondi: Na masialoan do i, asa unang dipasaut hamu pinangido ni rohamuna. #Rom 7:15, 23 18Alai molo ditogihon Tondi i hamu, ndang ginomgoman ni patik hamu. #Rom 8:14 19Alai tandap do parulaon ni daging, i ma parmainanon, hahodaron, pargadombuson, #1Kor 6:9 20hasipelebeguon, hadatuon, parmusumusuon, parbadabadaon, pangiburuon, rimasrimas, pargutugutuon, parsalisian, partahitahion, 21bunubunu, parmabuhon, haormuson jala angka na suman tusi. Naung hupaboa najolo tu hamu, songon i do nang nuaeng: Ndang teanon ni angka na mangulahon sisongon i harajaon ni Debata. #Eps 5:5; Pgk 22:15 22Alai angka on do parbue ni Tondi: Holong dohot las ni roha, dame dohot lambas ni roha, habasaron, habasaon, haporseaon, halambohon dohot hatomanon. #Eps 5:9 23Ndang maralo patik dompak angka sisongon i. #1Tim 1:9 24Alai angka na ginomgoman ni Kristus Jesus, diparsilangkon do dagingna rap dohot angka hisaphisap dohot sangkapsangkap. #Rom 6:6; Kol 3:5; 1Ptr 2:11 25Ia dung dipangolu Tondi i hita, taparangehon ma Tondi i! #Rom 8:4; Gal 5:16 26Unang ma taeahi hasangapon na rumar; unang masiasapan manang masilatean! #Plp 2:3
Currently Selected:
GALATIA Bindu 5: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.
GALATIA Bindu 5
Bindu 5
Angka naung pinalua do hita 1-12.
Marguru tu Tondi i ma hita marparange! 13-26.
I. 1Asa saut malua hita, umbahen na dipalua Kristus i hita. Hot ma hamu jongjong, antong, jala unang be olo hamu patunduhon ni auga parhatobanon i! #Ul 15:10; Gal 4:5, 31 2Sandok ahu, Paulus, mandok tu hamu: Molo pasunathonsa hamu, ndang marguna be Kristus di hamu! 3Huulaki ma mangkatindangkon tu ganup jolma: Na pasunathon, ingkon diulahon sandok patik i! 4Naung sirang do hamu sian Kristus, anggo naeng pintor hamu, bahenon ni ulaon patik; naung peut do hamu sian parasirohaon! 5Ai marhitehite haporseaon di bagasan tondi hita managam hatigoran sihirimon i. 6Ai ndada margogo di Kristus Jesus i, nang hajahudion, nang na so hajahudion; sandok haporseaon siula haholongon i do! #1Kor 7:19; Gal 6:15 7Na denggan do parlojongmuna najolo; ise mangambat hamu, so mangoloi hasintongan i be? 8Ndada sian na manjou hamu ro pangelaelaon sisongon i. #Gal 1:6 9Diasomi saotik na asom i do sandok itak na niudi. #1Kor 5:6 10Pos do rohangku di hamu marhitehite Tuhan: Ndada na mimbar rohamuna. Alai manang ise pe na manggaori hamu, porsanon ni i do uhuman na tu ibana! #2Kor 11:15; Gal 1:7 11Alai aut hujamitahon hajahudion, ale angka dongan, marhua ma ahu lelean? Ai naung mansohot ma antong gasip ni silang i. #1Kor 1:23 12Aut gotap ma nian angka na manggunturi hamu! #Ps 12:4
II. 13Tu haluaon i hamu dijou, angka dongan; asal unang haluaon i gabe parbonsiran di sibuk; sandok marhitehite haholongon i ma hamu masioloan! #1Ptr 2:16 14Ai hagogok ni saluhut patik do hata na sandok on: Haholongi donganmi songon dirim! #3Mus 19:18 15Alai molo masiharatan jala masiallangan hamu, jaga ma hamu, so tung suda hamu na masilengsean! 16Alai on do hudok: Marguru tu Tondi i ma hamu marparange; unang pasaut hamu hisaphisap ni daging! #Gal 5:25 17Ai na maralohon tondi do sangkapsangkap ni daging, jala maralohon daging i do sinangkap ni tondi: Na masialoan do i, asa unang dipasaut hamu pinangido ni rohamuna. #Rom 7:15, 23 18Alai molo ditogihon Tondi i hamu, ndang ginomgoman ni patik hamu. #Rom 8:14 19Alai tandap do parulaon ni daging, i ma parmainanon, hahodaron, pargadombuson, #1Kor 6:9 20hasipelebeguon, hadatuon, parmusumusuon, parbadabadaon, pangiburuon, rimasrimas, pargutugutuon, parsalisian, partahitahion, 21bunubunu, parmabuhon, haormuson jala angka na suman tusi. Naung hupaboa najolo tu hamu, songon i do nang nuaeng: Ndang teanon ni angka na mangulahon sisongon i harajaon ni Debata. #Eps 5:5; Pgk 22:15 22Alai angka on do parbue ni Tondi: Holong dohot las ni roha, dame dohot lambas ni roha, habasaron, habasaon, haporseaon, halambohon dohot hatomanon. #Eps 5:9 23Ndang maralo patik dompak angka sisongon i. #1Tim 1:9 24Alai angka na ginomgoman ni Kristus Jesus, diparsilangkon do dagingna rap dohot angka hisaphisap dohot sangkapsangkap. #Rom 6:6; Kol 3:5; 1Ptr 2:11 25Ia dung dipangolu Tondi i hita, taparangehon ma Tondi i! #Rom 8:4; Gal 5:16 26Unang ma taeahi hasangapon na rumar; unang masiasapan manang masilatean! #Plp 2:3
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.